Заборавете на стереотипот за безживотни туби и дехидрирани закуски – вселенската гастрономија отиде чекор понатаму. Новата мисија „Артемис II“ носи мени кое повеќе личи на ресторанско мени отколку на исхрана на астронаутите што ја замислуваме.

За четири членови на екипажот на мисијата „Артемис II“, Рид Вајсман, Виктор Гловер, Кристина Кох и Џереми Хансен, се осмислени вкупно 189 различни јадења во кој ќе уживаат во текот на нивното 10-дневно патување на Месечината.

НАСА не остави ништо на случајноста – секој оброк мора да обезбеди оптимална енергија, нутритивна рамнотежа и максимална функционалност во бестежинска состојба.

Tортиљи, тестенини и – дури 5 видови лути сосови

Една од ѕвездите на вселенското мени се тортиљите – практични, не се распаѓаат и се совршени за консумирање во микрогравитација. Покрај тоа, астронаутите ќе уживаат во појадоци како што се колбаси, киш со зеленчук и мусли од боровинки, додека главните јадења се резервирани за класични јадења како што се макарони со сирење, брокула и зачинети мешунки.

Менито вклучува и овошни салати, тропско овошје, тиква и карфиол, а пијалаците – вклучувајќи го и неизбежното кафе – дополнително ќе ја зголемат енергијата во текот на денот. Во текот на мисијата ќе се испијат вкупно 43 чаши. За целосно искуство, има и десерти – од пудинзи до колачиња и чоколадо, како и јаткасти плодови. Секое јадење може дополнително да се збогати со разни додатоци: од јаворов сируп и мед до путер од кикиритки, па дури и 5 видови лути сосови.

Вселенско мени како во ресторан

За разлика од постарите мисии како што се мисиите Аполо или секојдневниот живот на Меѓународната вселенска станица, Артемида II носи многу пософистициран пристап кон исхраната. Разновидноста и квалитетот на менијата денес се на ниво што им овозможува на астронаутите да имаат речиси ресторанско искуство – и тоа додека орбитираат околу Месечината.

The post 🎥 ЕВЕ ШТО ЈАДАТ АСТРОНАУТИТЕ НА ЕКСПЕДИЦИЈА ОКОЛУ МЕСЕЧИНАТА Од тортилји, киш и зеленчук, до пудинзи, мафини и овошје appeared first on plusinfo.mk.

За повеќето од вас, новогодишната ноќ значи едно нешто – маса полна со деликатеси, многу мали и вкусни залаци и тоа познато чувство дека јадете и уживате во нешто цела вечер, но никогаш навистина да се наситите.

Француска салата, чипс, кифлички, канапеи… сè е вкусно, но често тешко, мрсно и премногу.

Ако сакате нешто различно оваа година, деликатес што е подобар избор од повеќето вообичаени, а воедно и полесен, похранлив и попаметен избор, овие полнети шампињони се совршено решение.

Мали се, практични, изгледаат прекрасно на масата и најважно – сите ги сакаат. Со две комбинации за полнење, секој ќе го најде својот омилен.

Идеални се за новогодишната ноќ, но и за оние денови помеѓу празниците кога ви се јаде нешто вкусно, но не сакате да претерувате.

Рецептот за полнетите печурки ќе го најдете ТУКА.

The post БРЗ И ЕДНОСТАВЕН ОБРОК ЗА НОВОГОДИШНАТА НОЌ Полнетите шампињони се совршени со чаша шампањ или вино appeared first on plusinfo.mk.

Познато е менито на свечената вечера која требала да се одржи на средбата меѓу американскиот и рускиот претседател на Алјаска, но сепак, на крајот била откажана, пишува американски Ен-Пи-Ер. Медиумот тврди дека 8 страници од документи биле по грешка оставени и најдени во петокот, 15 август.

Меѓу нив е и менито за откажаниот настан.

Според фотографијата објавена на социјалните мрежа, вечерата требало да започне со зелена салата со дресинг од шампањ и леб од квасец со рузмарин и путер од лимон. За главно јадење биле понудени два избора: филе мињон со сос од коњак и црн пипер или халибут Олимпија, јадење од бела риба подготвено во класичен американски стил.

Јадењето Олимпија од бела риба е класикa на алјаската кујна. Тоа е омилено јадење кое се појавува во бројни варијации низ целиот регион.

Pages of notes, phone numbers, schedules+protocols for #AlaskaSummit were found today in a printer at Hotel Captain Cook in Anchorage. Yes Captain Cook. Some US staffers stayed there. More Incredible incompetence. I love that it was NPR who broke the storyhttps://t.co/EtHMIGN8mm pic.twitter.com/LkM3hnV4Y2

— Rod Francis (@InRodWeTrustMTL) August 16, 2025

Името доаѓа од градот Олимпија во државата Вашингтон и најчесто се подготвува со павлака, мајонез, кромид и презла. Постојат неколку варијации на рецептот, но основниот концепт е обично ист: рибата се пече со сос од павлака и мајонез, потоа се прелива со презла и уште се пече додека не добие златно-кафеава боја.

Заедно со главното јадење, како прилози биле планирани кремасти пире од компири со путер и печени аспарагуси.

Конечно, како десерт, американскиот претседател Доналд Трамп и неговиот руски колега Владимир Путин, заедно со преговарачите од двете делегации требало да добијат крем бурле со сладолед.

Ова мени е дел од документација која, според Дејли Бист и Ен-Пи-Ар, била оставена на јавен печатач во хотелот „Hotel Captain Cook“ во Енкориџ и содржела детали како црвен тепих, логистика, распоред и мени достапно за објавување, иако самиот настан бил откажан

The post 📷 ТРАМП И ПУТИН ТРЕБАЛО ДА ЈАДАТ РИБА СО ПАВЛАКА И СЛАДОЛЕД? Планираната вечера била откажана на самитот appeared first on plusinfo.mk.

„Кога двајцата лидери ќе седнат на преговори, Американците и Русите… а вие не сте поканети таму, тогаш не брзајте кон телефонот, не трчајте наоколу, не викајте однадвор“.

Вака унгарскиот премиер Виктор Орбан  за ЈуТјуб каналот „Патриот“ ја коментираше претстојната средба на американскиот и рускиот претседател која треба да се одржи во петок, 15 август, на Алјаска.

– Русија ја доби војната со Украина –  изјави Орбан.

Унгарскиот премиер, кој одржува блиски врски со рускиот претседател Владимир Путин и покрај руската агресија врз Украина, е единствениот лидер на ЕУ кој не ја поддржа заедничката изјава во понеделникот во која се нагласува дека Украина мора да има право сама да одлучува за својата иднина.

– Сега зборуваме како да е ова неизвесна воена ситуација, но не е. Украинците ја загубија војната. Русија победи – рече Орбан.

Тој додаде и дека „единственото прашање е кога и под кои околности Западот, кој стои зад Украинците, ќе признае дека ова се случило и какви ќе бидат последиците“.

Унгарија, земја која поголемиот дел од својата енергија ја добива од Русија, одби да ѝ помогне на Украина со оружје, а Орбан остро се спротивставува на патот на Украина кон ЕУ.

Унгарскиот премиер тврди дека Европската Унија ја пропуштила можноста да преговара со Путин за време на мандатот на демократскиот претседател на САД, Џо Бајден, а сега е загрозена дека други ќе ја обликуваат нејзината иднина.

– Ако не сте на преговарачката маса, тогаш сте на менито – рече Орбан, додавајќи дека Будимпешта се спротивставува на заедничката изјава затоа што Европа во неа изгледа „смешна и мизерна“.

The post АКО НЕ СТЕ НА ПРЕГОВАРАЧКАТА МАСА, ТОГАШ СТЕ НА МЕНИТО Според Орбан, Украинците веќе ја загубиле војната appeared first on plusinfo.mk.

Додека руската воена машинерија продефилира низ Црвениот плоштад, на паралелен подиум – оној гастрономскиот – се сервираше врвна елитна кујна за високите гости на парадата.

Рускиот претседател Владимир Путин и неговиот домаќински тим приредија мени што секако не личеше на просечен оброк во воени услови, туку повеќе на царска трпеза.

Меѓу највпечатливите јадења се издвојуваат кнедлите полнети со есетра и кавијарот од штука – симбол на луксуз во руската кујна.

За стартер беше понудена салата со краба и свежи јагоди – неочекувана, но рафинирана комбинација. Главните јадења нудеа избор: филе од палтус со зеленчук, медалјони од елен со шумски печурки или карамелизирана патка со аспарагус. За љубителите на традицијата, тука беа и боршот со телешко и рибината чорба.

Десертот, пак, ја заокружи оваа гастрономска симфонија: сорбе од морошка – ретко сибирско овошје, и класичен јаболков тарт со ванила сладолед.

The post ЦАРСКА ТРПЕЗА ЗА ГОСТИТЕ НА ПУТИН Од кнедли со есетра, па сѐ до карамелизирана патка – погледнете што се нуди во главното мени appeared first on plusinfo.mk.

Македонската радио-телевизија (МРТВ) организира високобуџетна вечера за гостите од Европската радиодифузна Унија (ЕБУ).

Менаџментот планира да потроши стотици евра само за сирење, додека вкупниот буџет за вечерата сè уште не е познат.

Едно од луксузните сирења на менито е Big Woods Blue, скапо сино сирење чија цена може да достигне и 100 евра за килограм.

Како што официјално е наведено во техничката спецификација, вечерата ќе вклучува тропски ракчиња, димена патка, шафранова паеља, специјално маринирани зеленчуци, печен анасон и лубеница, жолт домат мариниран со босилек, ананас и папаја, школки, арборио ориз со шафран, црвен дабов лист…

Настанот треба да се одржи на 5 мај годинава и ќе трае неколку дена, што значи дека вкупните трошоци можат да достигнат илјадници евра.

The post ТРОПСКИ РАКЧИЊА СО ГРАВ, ДИМЕНА ПАТКА, ЦРВЕН ДАБОВ ЛИСТ И ПРЕЛИВ ОД ПАПАЈА Што сѐ мора да купи народот за гостите на МРТВ и што мора тие да изедат appeared first on plusinfo.mk.

На видеото се гледа дека автомобилите биле складирани во гаража во близина на претседателската палата во Дамаск, јавува Си-Ен-Ен, наведувајќи дека во колекцијата на Асад има повеќе од 40 луксузни возила.

90% of Syrians are under poverty line. Meanwhile, this is a small section of Assad’s garage. pic.twitter.com/4HROOfxjTN

— Hassan Akkad حسان عقاد (@hassan_akkad) December 8, 2024

Меѓу автомобилите е црвено „ферари“ Ф50, кое вреди повеќе од три милиони долари, потоа „ламборџини“, „ролс ројс“ и „бентли“, а најмалку едно од возилата е со таблички од Дамаск.

MEET THE NEW SYRIAN MILLIONAIRES!

Syria’s Central Bank is being looted in Damascus and people carry out huge bags of money and valuables.

The smart people did not go to Assad’s palace for chandeliers, but to the bank for cash and gold! pic.twitter.com/hmPFagIEuh

— Lord Bebo (@MyLordBebo) December 8, 2024

На социјалните мрежи беа објавени и снимки од рацијата во кујната на Асад, каде што бунтовниците пронајдоа рецепти со кои готвачите подготвуваат оброци за семејството.

– Храна за госпоѓата: Не сака спанаќ – нема повеќе да го готвиме. Утре ќе готвиме лосос или риба – гласела една белешка во тетратката – пренесува Си-Ен-Ен. Исто така, беа објавени видеа на кои се гледа како бунтовниците и граѓаните земаат вреќи полни со пари од Централната банка.

Watch: Inside the private residence of Syrian President Bashar al Assad hours after he fled the country.

Live updates: https://t.co/OTbVB2OuQS

Sky 501, Virgin 602, Freeview 233 and YouTube pic.twitter.com/1IP93whGU2

— Sky News (@SkyNews) December 8, 2024

На снимката со која располага Ројтерс се гледаат луѓе како влегуваат во претседателската палата, додека децата трчаат по огромните соби, а мажите туркаат голем ковчег преку луксузниот паркет.

Може да се видат неколку мажи од палатата како носат елегантни столчиња на рамениците. Ограбени се шкафовите во магацинот, а бројни предмети се расфрлани на подот.

A Louis Vuitton trunk was just found in one of Assad’s homes. It costs $46,500 pic.twitter.com/LPcqH10tjp

— Ola Salem (@Ola_Salem) December 8, 2024

Се појавија и видеа на кои се гледа како бунтовниците и граѓаните упаднале во гардеробата на Башар ал Асад и неговата сопруга Асма, позната по својот луксузен начин на живот и одземаат скапа облека.

По подот се расфрлани чаршафи и ќебиња, а маж ги изнесува познатите портокалови кутии „Луј Витон“.

The post 📽️ ФЕРАРИ ОД 3 МИЛИОНИ, ЛУЈ ВИТОН ОБЛЕКА, СПЕЦИЈАЛНО МЕНИ ЗА ГОСПОЃАТА Бунтовниците од вилата на Асад изнесуваат вреќи пари appeared first on plusinfo.mk.

Додека народот се турка за корка леб, Ковачевски, Груби, Бујар, Спасовски, Стани Цаци, си сркаат пилешка чорба за 60 денари, вртат на вилушка омлет со свинско за 65 денари. Може и сланина на скара за 110 или вешалица од свинско каре за 135 денари – пишува портпаролот на ВМРО-ДПМНЕ Наум Стоилковски, објавувајќи го менито со цени во владиниот ресторан.

„Смрзнати цени во владините бифеа, наместо во продавниците. Убаво си ги пишува цените за дневното мени. Пред да се затрчаат со тврење за „лажни вести” нека го видат датумот, 12 октомври, извор СОЗР“ – пишува Стоилковски, додавајќи дека никаде не се јаде по вакви цени, ниту во болница ниту во студентски дом.

The post ТАВЧЕ ГРАВЧЕ 35 ДЕНАРИ, ПИЛЕШКА ЧОРБА 60, ОМЛЕТ СО СЛАНИНА 65… Погледнете колку „длабоко“ се замрзнати цените во владиниот ресторан appeared first on plusinfo.mk.

Откако сите албански политичари во неделата потврдија дека ќе присуствуваат на свечената вечера кај албанскиот премиер Еди Рама, закажана за во вторник, аналитичарите во Скопје мака мачат да откријат за што ќе се разговара и што е целта на овој втор голем сеалбански собир.

Медиумите потсетија дека првата ваква средба, којашто се одржа на 7 јануари 2017 година, го промени текот на македонската политичка историја. Тогашниот и сегашен премиер на Албанија ги собра лидерите на овдешните Албанци, за да ги договорат условите под кои партиите од албанскиот блок ќе влезат во идната влада. На штотуку завршените парламентарни избори победи ВМРО-ДПМНЕ, но лидерите на Албанците како услов за влез во Владата го поставија исполнувањето на точките во платформата која беше наречена Тиранска. Лидерот на ВМРО-ДПМНЕ Никола Груевски ги одби условите и потоа мораше да замине прво во историјата, а потоа и во Будимпешта.

Никој не смее на Ахмети да му плукне во чорбата

Самитот кај Рама доаѓа во време на големи внатрешни конфликти во албанскиот политички блок во Македонија, а од неодамна и во ДУИ. Високо на политичката агенда во Скопје се и идејата за предвремени во Македонија, како и најавените уставни измени за внесување на Бугарите во Уставот.

Албанските партии во Македонија поставуваат свои услови за прифаќање на уставните измени. Лидерот на Алијанса на Албанците, Арбен Таравари, преговара за влез во Владата. Билал Касами, првиот човек на Беса, заговара предвремени избори, во надеж дека ќе ја победи ДУИ на Али Ахмети.

Портпаролот на Беса изјави дека партијата не сака да седне на иста маса со Али Ахмети.

– Ние позитивно одговараме на поканата на премиерот Еди Рама, но немаме потреба и не сметаме дека е разумно да седиме на маса со ДУИ на Али Ахмети секогаш кога тој треба да се спаси – изјави Фарук Авзиу, портпарол на Беса.

Во Мала Речица во текот на денот владееше молк. Добро упатен извор му кажа на Плусинфо дека Али Ахмети ќе го потврди своето присуство на средбата дури откако ќе добие гаранции од домаќинот дека никој нема среде вечера да му плукне во чорбата. Доцна попладнето ДУИ потврди дека ќе присуствува на средбата.

– Се работи за празничен вечерен прием, коктел, а не за работен состанок со утврдена агенда. Да, поканети сме и ќе учествуваме – одговориле од ДУИ на прашање на телевизија Телма.

Што ќе биде изненадување на вечерата?

Некои аналитичари веруваат дека Рама лесно ќе ги совлада меѓусебните тензии меѓу албанските политичари од Македонија и уште пред да биде сервирано главното јадење од сите ќе добие уверување за безусловна поддршка на евроатланскиот процес во Македонија и глас за промена на Уставот без непотребни уценувања од албанска страна.

Но, ќе има ли изненадување на вечерата?

Малкумина веруваат дека на вечерата ќе се разговара само за теми какви што се ЕУ и ситуацијата на Косово и дека нема да се разговара за крупните недоразбирања во албанскиот политички блок. Џевдет Хајредини, поранешен министер за финансии, на пример, вели дека Али Ахмети оди во Тирана за да добие поддршка од Еди Рама.

– Од средбата со Рама, додава Хајредини, корист и разбирање од него очекува само „лидерот“ кој, како никаде во светот, за самиот да се спаси од одговорност, со закон го забранил објавувањето на кривични дела за криминал и корупција, кои произлегуваат од тајните прислушувања. Нема сомневање дека и Рама оваа средба ја свикал за оваа цел – коментира Хајредини.

На Ковачевски не му е познато менито

Во страв од нова Тиранска платформа, некои медиуми се обиделе да дознаат зошто на вечерата не е повикан македонскиот премиер Димитар Ковачевски.

– Можеби затоа што се храни во студенстки мензи, како што можевме за забележиме на социјалните мрежи и во медиумите – се шегува еден аналитичар Албанец.

Малку посериозно е прашањето дали коалицискиот партнер Али Ахмети го информирал Ковачевски за агендата за средбата во Тирана. Но, како што е познато, на Балканот вистината секогаш е преценета. Што точно ќе се случува на вечерата кај Еди Рама и кому таа ќе му преседне, ќе видиме по враќањето на албанските асови дома, во Македонија.

The post КОМУ ЌЕ МУ ПРЕСЕДНЕ ВЕЧЕРАТА КАЈ РАМА Таче не е поканет зашто се храни по студентски мензи?! appeared first on plusinfo.mk.

Некои од луѓето веќе почнаа да ги планираат новогодишните празници, па затоа веќе се и достапни бројни понуди во рестораните и други места за испраќање на 2022 година.

Свое мени објавил и британскиот готвач Гордон Ремзи којшто повторно изненадил со вртоглавата сума на пари која луѓето треба да ја издвојат доколку сакаат да се послужат со неговиот луксуз.

Во еден од неговите ресторани во Лондон којшто воедно има и три Мишелинови ѕвезди, новогодишната ноќ чини вртоглави 400 фунти по лице.

Во вечерата не се вклучени пијалаци поради што доколку одлучите на својот оброк да му додадете вино, тоа ќе ве чини дополнителни 275 фунти.

Значи, кога сето тоа ќе се собере, цената на новогодишниот оброк во ресторан на славниот Британец изнесува 675 фунти по лице.

Судејќи по менито во ресторанот, на посетителите Ремзи меѓу другото ќе ги послужи и со специјалитетот наречен „Duck tea“, но и јастог, печено печиво со телешко месо.

Интересно е тоа што Ремзи минатата година во својот отмен ресторан наплаќал 320 фунти по лице без пијалак поради што веќе добил критики за превисоките цени. Сепак тоа не го спречило и оваа година дополнително цените да ги зголеми.

The post ГОРДОН РЕМЗИ ГО ОБЈАВИ МЕНИТО ЗА НОВОГОДИШНАТА НОЌ Вечера за еден чини 47.000 денари appeared first on plusinfo.mk.