Од партијата тврдат дека новиот менаџмент на фабриката одлучил на работниците да им понуди нови договори со минимални плати, со закана доколку не прифатат ќе бидат заменети со работници од други држави.

-Девастирањето и експлоатацијата на трудот на работникот не е ништо ново кога станува збор за странски инвеститори  на кои единствена цел им е да направат профит и истиот да го изнесат надвор од државата! Не ретко се случува „странските инвеститори” да се домашни државјани кои со нелегални пари преку оф шор компании наводно инвестираат во Македонија – велат од Левица.

Оттаму потсетуват дека гигантот ФЕНИ во 70- тите години од минатиот век е изграден од работниците, со народни пари и бил во сопственост на државата, но поради неспособноста и алчноста на политичарите, оваа државна компанија неколку пати е доведена во стечај по што „го спасуваа” приватни компании.

– Сегашната судбина на ФЕНИ е оставена во рацете на Турски конзорциум „Јилдерим“ кој преку друга Холандска компанија го купува од Комерицијална банка за само 40 милиони евра- велат од партијата.

Став на Левица, како што се наведува во реакцијата кој е соопштен и пред официјалната продажба на ФЕНИ е Владата да издвои средства и да го купи овој симбол на солидарноста со цел да остане во државна сопственост од каде државата ќе има лично профит.

– Но, наместо државна интервенција, Владата ги остави сите 740 вработени во потчинета положба на странските капиталисти кои по принципот „земи или остави” ги принудува вработените да работат за минималец, а доколку одбијат ќе бидат заменети со други странски работници- велат од Левица.

Партијата смета дека државата не смее да дозволи ваков однос на инвеститорите со нашите граѓани.

– Поданичкиот менталитет на досегашните влади секогаш во привилегирана положба ги поставува странските инвеститори (пред македонските работници), кои всушност не инвестираат ништо во Македонија туку остваруваат енормни профити на грбот на работниците потпомогнати со субвенциите од државата. Левица дава недвосмислена поддршка на работниците во ФЕНИ и со оглед дека се залудни апелите до Владата, како партија ќе поднесеме иницијативи до сите релевантни институции со цел да се прекине изживувањето врз работниците – велат од партијата.

The post „НЕ СМЕЕМЕ ДА ДОЗВОЛИМЕ ИЗЖИВУВАЊЕ ВРЗ РАБОТНИЦИТЕ“ Левица е револтирана од односот на новите газди на „Еуроникел“ кон работниците appeared first on plusinfo.mk.

– Ако зборувате за хаваријата со цевката од парно таа е санирана уште вчера од страна на Заеднички служби. А пропо вашата изјава дали е потпишан договор или не, тоа се интерни договори на клиниките со кои не располагам. Морам да ги проверам, па после да ви кажам дали е така или не – изјави денеска Демири.

На новинарско прашање за болничарот кој требаше да биде суспендиран, Демири рече дека на Токсикологија е направена голема неправда, затоа што не е обезбедена согласност од страна на менаџментот за обезбедување на договорите за работа за 18 вработени кои четири месеци работат во Клиниката, а не добиваат економски надомест.

– Јас кажав тоа што имам забележано и за што имам факти и тоа е изјава дадена во јавноста, меѓутоа ние сме во предизборие, во тек е изборна кампања, не сакам да се прекрши ниедна законска процедура. Чекам да дојде извештајот на инспекцискиот надзор кој ги има обврзано менаџментот на институцијава во рок од пет дена да најде решение за 18 луѓе кои се вработени таму, кои работат, а не добиваат економски надомест – изјави Демири.

Министерот истакна дека не се точни наводите дека економската директорка Бесија Иљази доаѓала на работа само по 4 часа.

– Според моите сознанија, економската директорка оди на работа и не се паркира на влезот на Клиниката. Проверено е – рече Демири.

The post АКО ТОКСИКОЛОГИЈА НЕ БИЛА ОСИГУРАНА, ОДГОВОРНОСТА Е НА МЕНАЏМЕНТОТ Министерот Демири вели дека треба да ги провери податоците appeared first on plusinfo.mk.

Конкурсот за доделување на стипендиите за студии од втор циклус за академската 2023/2024 година е отворен, а заинтересираните до 1 септември ќе можат да аплицираат на една од шесте достапни специјализации – МБА по Општ менаџмент, МБА во Маркетинг, МБА во Финансии, МБА во Логистика и менаџмент, МБА во Управување во здравство и МБА во Управување со човечки ресурси.

Со стекнување на стипендија, кандидатите ќе студираат според Пан-европската извршна МБА програма која претставува меѓународна програма со неограничени можности за вмрежување, специјално дизајнирана за сите кои сакаат да ги подобрат своите вештини и знаења за професионален, кариерен и личен развој и истата е понудена во 8 различни градови низ регионот.

Оваа програма е една од 300 програми акредитирани од Здружението на МБА програми (AMBA) и од Институтот за менаџмент, од Велика Британија (CMI), а вредноста на оваа извршна МБА програма во академскиот свет ја потврдува и заедницата од приближно 4000 учесници и дипломци досега.

Таа меѓу другото нуди и вистинско меѓународно искуство преку три студиски патувања – во Јорк (Велика Британија), во Стразбур (Франција) и во Солун (Грција). Програмата ја предаваат истакнати професори и меѓународни академици од Европскиот кампус на Универзитетот Јорк, СИТИ Колеџ, од Универзитетот Јорк, од Универзитетот во Стразбур, како и други добро признати универзитети ширум светот, и експерти од индустријата со значително професионално искуство.

Покрај врвното образование, стипендистите ќе имаат можност да се стекнат и со двојна диплома, од Универзитетот Јорк и од Факултетот за економија и менаџмент на Универзитетот во Стразбур. И двете образовни институции што ја доделуваат двојната диплома се високо истакнати и рангирани во научниот свет, Универзитетот Јорк е врвен британски универзитет рангиран и Универзитетот во Стразбур претставува престижен француски универзитет од каде имаат произлезено 18 научници наградени со Нобелова награда.

СИТИ Колеџ, Европскиот кампус на Универзитетот Јорк инаку е дел од заедницата на Универзитетот Јорк, водечка британска академска институција, член на престижната Russel група, светски признат по својата истражувачка работа и рангиран на 139. место во светот според Times Higher Education 2023. Европскиот кампус преку СИТИ Колеџ е лоциран во Солун, Грција, а неговата академска мрежа е воспоставена и распространета во уште 8 земји низ целиот регион со што претставува уникатна меѓународна институција која ги поврзува академските, истражувачките, националните и корпоративните мрежи низ целиот регион.

Заитересираните кандидати за стекнување стипендија „Борис Трајковски“ можат да конкурираат преку следниот линк.

The post ЗАПОЧНА ПРИЈАВУВАЊЕТО ЗА СТИПЕНДИИТЕ „БОРИС ТРАЈКОВСКИ“ Достапни се шест специјализации во Јорк, Солун и Стразбур appeared first on plusinfo.mk.

БРАКО бележи пораст на приходите од 15,65% во периодот јануари-септември во 2022 година во споредба со истиот период лани.

Главен носител на овој пораст е значителното зголемување на извозот од дури 46%. Зголемениот извоз и производство повлекоа и зголемување на бројот на вработувањата во компанијата.

БРАКО произведува електрични и водородни возила за одржување на хигиена во урбани услови, жичани производи, опрема за здравствени установи и метални делови и компоненти кои се користат во автомобилската, градежната, енергетската и другите индустрии.

Производите на БРАКО се продаваат во над 40 земји од светот, а успешното работење и во 2022 година е резултат на храбрите одлуки на менаџментот да се инвестира во модернизирање и изградба на производствените хали, набавка на нови модерни технологии, внесување на иновации во производството и изградба на сопствени енергетски капацитети.

The post БРАКО СО ВИСОК ПОРАСТ И УШТЕ ПОВИСОК ИЗВОЗ Менаџментот храбро се впушта во инвестиции и во иновации appeared first on plusinfo.mk.

Претседателот на ССКЛ Александар Тасевски во изјава за МИА најави дека ќе бараат одговорност од менаџментот за случувањата околу Огласот за изборот на кандидати за обука за контролори на летање.

– Сега се прават некакви интервјуа со кандидатите како аргумент за текот што го зеде целата ситуација по реакциите, што е неиздржано затоа што селектираните кандидати веќе ги поминаа сите фази. Нема да отстапиме и ќе бараме одговорност од раководството за целата ситуација и непотребните нервози со што се наруши кредибилитетот на нашата професија – изјави Тасевски.

Синдикатот во изминатите два дена преку медиумите реагираше на одвивањето на постапката околу огласот за избор на кандидати за обука на контролори на летање и побара да стартува обуката на селектираните кандидати, а од иста причина условни оставки доставија раководни лица од пониско ниво во М-НАВ- помошници директори, раководители на сектори, главни инструктори, експерти,…

Како што појасни претходно Тасевски, во целиот избор се вклучивме како набљудувачи за да бидат избрани квалитетни кандидати, како што биле од претходната класа. Изборот се одвиваше со примена на алатка (FEAST), со која се прави правилна селекција. Но, се сомневаме дека не се избрани кандидати блиски на менаџментот и на високи политички функционери и сега компанијата се обидува да го поништи целиот процес, да постави нови критериуми за избор за тие да влезат. Со тоа ќе пропаднат парите дадени за целиот процес, кој се одвиваше во просториите на Факултетот за електротехника и информациски технологии (ФЕИТ), а можно е да треба да плаќаме пенали, изјави претходно Тасевски.

Случувањата во М-НАВ вчера ги коментираа и од Владата, од каде порачаа дека М-НАВ е институција со сопствени тела за менаџирање, програма за работа, начин на одлучување и буџет, но дека согласно со меѓународните стандарди е обврзана во своето работење да ги следи строгите правила на Евроконтрол и на Меѓународниот систем за управување со воздушен сообраќај на којшто е членка.

Откако М-НАВ АД Скопје вчера ги демантираше тврдењата на Синдикатот и најави дека процесот за кандидатите ќе биде завршен наскоро во предвидениот рок, денеска соопшти дека е донесена одлука за упатување на кандидатите на обука. Од М-НАВ во соопштението истакнаа дека „во ниеден момент немало ниту размислување, а уште помалку преземање дејствија за прекинување или поништување на Огласот, како што било наведено во некои изјави и медиумски натписи, а единствено било точно дека како раководство на оваа институција доследно се придржуваат кон нормативните акти”.

The post СЕ БАРА ОДГОВОРНОСТ ОД МЕНАЏМЕНТОТ НА М-НАВ Контролорите за летање бараат отчет за случувањата околу огласот appeared first on plusinfo.mk.

Направена во форма на ковчег, оваа дрвена столица неодамна стана вирална на интернетот. На 7 септември, корисник на Твитер ја сподели веста за столчето, а сите кои што работата им е „преку врвот“, сѐ пронајдоа во оваа објава.

Дизајнерот на столот некое време беше целосна мистерија, но потоа беше откриена неговата трага. Тоа е „Chairbox Design“, со седиште во Лондон.

„Кога вработен ќе умре на работа, менаџментот треба само да го заатвори капакот и да го преврти во корпоративните гробишта. Едноставно, но ефективно“, вака дизајнерите го опишуваат необичниот, можеме да кажеме бизарен стол.

Столот е изработен од резбано дрво и многу наликува на традиционален ковчег, но и внатрешноста е направена од дрво. Значи, не постои такво нешто како удобна перница, затоа удобно се чувствувате, а ова парче мебел несомнено е алузија на состојбата во светот на бизнисот во 21 век.

Конкретно забележува дека „сето тоа дрво обезбедува одлична лумбална поддршка“. Столот може да се купи во различни нијанси на кафена боја, од светла до темна.

Исто така, имаше многу шпекулации за потеклото и влијанието на ковчегот-стол. Се чини дека е инспирирана од сликата на Рене Магрит насловена „Балкон“ (1950). Сликата имплицира четири ковчези на балконот, а еден од нив е стол-ковчег.

Оваа слика, пак, е базирана на истоименото дело на Едуар Мане од 1869 година. На сликата на Мане три лица позираат на балкон, а жена седи на стол.

Идејното столче за ковчег одлично ги претставува сите ужасни емоции кои вработените ги чувствуваат во текот на целиот работен ден.

– Тоа го одразува чувството на пропаст што некој го доживува, затоа што мора да седи на уште еден бесмислен состанок што може да биде е-пошта – се додава во текстот.

 

View this post on Instagram

 

A post shared by Chairbox (@chairboxdesign)

The post „КОГА РАБОТНИК УМИРА НА РАБОТА“ Ова уште не сте го виделе, навистина бизарно! (ВИДЕО) appeared first on plusinfo.mk.

– Во моментов главна моја цел и на Управниот одбор, е финансиско стабилизирање на компанијата. Елиминирање на непотребни трошоци, наоѓање нови клиенти, повеќе инвестиции во рамки на решенија кои можат да ја подобрат финансиската состојбата, пред сè тоа е процесот на дигитализацијата, вложувања во животна средина, и на тој начин финансиското стабилизирање, но и враќање на репутацијата која порано ја имаше АД Пошта, се два приоритета на менаџментот. Средствата кои Владата ги дава за исплата на плати, ќе бидат насочени само за намената за која се дадени – подвлече Макрадули.

Вкупниот долг на АД Пошти е околу 10 милиони евра. Освен од тековното работење, има долг кој се влече и од минатото и не зависел од нејзиниот менаџментот, туку и од одлуки на Владата.

– Дел од тој долг, околу 2,5 милиони евра биле влог во акции во Поштенската банка, кои не стигнале до АД Пошта. Простувањето на долгови во два наврата од претходната Влада, на компании кои должеле на АД Пошта, се практично околу 7 милиони евра, кои не ги добила АД Пошта. Во јануари и февруари оваа година финансиското работење било стабилно, но со пандемијата, се јавува недостаток на средства во тековното работење. Околу 67 проценти од трошоците одат за плата. Ние ќе се обидеме тоа да го рационализираме, со прераспределба на вработените, за да можеме да генерираме нови приходи. По доаѓањето на новата банка очекувам финансиско стабилизирање – вели Макрадули.

Тој потенцира дека јавноста не е информирана за многу услуги на Пошта кои ги нудат приватни оператори.

– Ние сме и поефикасни и поевтини, но, не сме го изрекламирале тоа. Многу граѓани ќе испратат пакети, писма, поради ковидот. Ние им стоиме на граѓаните на располагање тоа да го направиме на најефикасен начин и најевтин – нагласи Макрадули, кој најави и вработување на доставувачи.

The post Долгот на „Пошта“ е околу 10 милиони евра, вели Макрадули appeared first on plusinfo.mk.