„На 21/22.03.2025 во Скопје, во угостителски објекти на подрачјето на Центар, полициски службеници од СВР Скопје ги лишиле од слобода Ф.А.(26) од скопско и В.В.(22) од Скопје поради постоење основи на сомнение за сторено кривично дело по член 387 од Кривичниот законик. Во текот на вчерашниот ден во угостителски објекти каде тие се одговорни лица била пуштена музика односно не била почитувана одлуката на Владата за седумдневна жалост. Веднаш е постапено од страна на полициските службеници на СВР Скопје и одговорните лица се лишени од слобода, а по документирање на случаите ќе бидат поднесени соодветни пријави во врска со чл. 387 од КЗ“, се вели во соопштението од МВР.

Претходно, полицијата приведе и двајца 18-годишници кои правеа огномет на роденденска забава во ресторан во градскиот парк ов Скопје.

Владата прогласи седумдневна жалост поради трагедијата во Кочани.Во овој период, угостителските објектие треба да работат без музка, медимите треба да ја прилагодат програмата, а откажани се сите култирни и спортски манифестации.

The post ПРАВЕЛЕ ЖУРКИ ДОДЕКА МАКЕДОНИЈА ТАГУВА Приведени двајца менаџери за непочитување на деновите на жалост appeared first on plusinfo.mk.

Како што пренесува „Јаху“, според наодите, најлошиот престапник е „Тесла“. Имено, компанијата на Илон Маск во овие пет години заработила 4,4 милијарди долари, а на своите директори им донела 2,5 милијарди долари. И покрај сѐ тоа, фирмата не само што не плаќала федерален данок, туку добила милион долари поврат од властите. Анализата е на Институтот за политички студии во САД и здружението „Американци за даночна правичност“.

Самиот Маск е вториот најбогат човек во светот. Според „Форбс“, тој има нето-богатство од 207,9 милијарди долари на почетокот на март оваа година.

„Тесла“ е една од 35-те компании. Севкупно гледано, директорите заработиле 9,5 милијарди долари во текот на наведените пет години. Вкупно, истите тие компании (сите освен една) добиле 1,8 милијарди долари поврат од американската Влада.

Точно 18 од овие бизниси пријавиле нето-добивка во текот на петте години, но не платиле ниту цент од федералниот данок на доход.

Наводите говорат и за други значајни компании, како „Ти-мобајл“, „Нетфликс“, „Форд мотор“, „Меч груп“. Така, на пр., „Ти-мобајл“ заработил 17,9 милијарди долари, а директорите зеле 675 милиони долари и 80 милиони долари поврат на средства. Мобилниот провајдер потрошил доста пари и на лобирање во Конгресот за даночни олеснувања – девет милиони долари само во 2022 година.

„Нетфликс“ платил дел од даноците, се наведува, но 236 милиони долари се само 1,6 отсто од заработката од 15,1 милијарда долари за тие пет години – и нешто повеќе од третина од она што го добил тамошниот одбор директори. Инаку, законската стапка за федералниот данок на доход е 21 отсто.

The post СО 4,4 МИЛИЈАРДИ ПРОФИТ, „ТЕСЛА“ НЕ ПЛАТИЛА НИ ДОЛАР ФЕДЕРАЛНИ ДАНОЦИ!? Тајната е во огромните плати на менаџерите appeared first on plusinfo.mk.

Медицинските сестри на Детската клиника и Здравствен дом Скопје се соочуваат со притисоци и низа неправилности, како и невреднување на нивниот труд, тврди Комисијата за здравство на ВМРО-ДПМНЕ до која стигнале конкретни поплаки.

„Менаџерите на сите овие установи и надлежното Министерство за здравство со мал прст не мрднаа да решат барем мал дел од проблемите, но наместо конкретни чекори за унапредување на нивниот статус вршат притисоци и мобинг врз овој кадар кој долги години инвестирал во својата надградба.

Неисплата по соодветен коефициент, непризнавање на високото образование, принудени се да работат и како болничари, и како администратори се само помал дел од легитимните барања на медицинските сестри“ – велат од Комисијата за здравство на ВМРО-ДПМНЕ.

Тие нагласуваат дека внимателно ги следат сите информации за системските нерегуларности кои пристигнуваат до нив, со посебен фокус на проблемите на медицинските сестри, но и на сите здравствени работници за притисоци и неправилности од повеќе Клиники.

The post СЕ ВРШИ НЕВИДЕН МОБИНГ НА ДЕТСКА КЛИНИКА И ВО ЗДРАВСТВЕН ДОМ СКОПЈЕ! Комисијата за здравство на ВМРО-ДПМНЕ примила поплаки од медицинскиот кадар appeared first on plusinfo.mk.

Канцелариите на компанијата „Мерцедес-Бенц“ во Синделфинген, во близина на Штутгарт, денеска беа претресени, како дел од истрагата против двајца менаџери на компании кои се соочуваат со обвиненија за корупција.

„Акцијата се спроведува поради сомневање за корупција во текот на деловните процеси“, соопшти денеска државното правобранителство во Штутгарт.

Германските медиуми пишуваат дека се работи за истрага против двајца менаџери на „Мерцедес-Бенц“ кои примиле мито „во милионски износ“, во замена за обезбедување договори за добавувачи.

На осомничените им се става на товар дека успеале да влијаат на изборот на одредени добавувачи, пренесуваат медиумите.

При претресот, што бил извршен кон крајот на минатата недела, во одделенијата за набавки се одземени еден мобилен телефон и еден компјутер.

Компанијата соопшти дека претресот е извршен на иницијатива на самата компанија „Мерцедес-Бенц“.

„Мерцедес-Бенц е жртва во овој случај и пријавата ја поднесовме самите“, соопштија од автомобилскиот концерн.

Според некои германски медиуми, раководството одбило да каже колкава е сумата и да потврди дека станува збор за најголемиот корупциски случај во историјата на компанијата.

The post НАЈГОЛЕМ КОРУПЦИСКИ СКАНДАЛ ВО ИСТОРИЈАТА НА „МЕРЦЕДЕС-БЕНЦ“? Истрагата против двајца менаџери ја покренала самата компанија appeared first on plusinfo.mk.

Светското првенство во Катар влегува во завршна фаза, а се наѕира катастрофа од незамисливи размери. Се почесто се слушаат гласини кои претходно можеа да се слушнат во врска со одредени репрезентации од овие простори, а пак се почесто кога се во прашање африканските селекции.

Така е и сега, со селекциите кои Мундијалот го завршија во групната фаза, селекциите на Камерун и Гана.

И пред почетокот на Мундијалот се стана сомнително кога селекторот на Камерун, Ригоберт Сонг во моментот кога го соопштуваше списокот изгледаше како да не е баш најдобро запознаен со имињата на фудбалерите кои ги чита.

Cameroon manager Rigobert Song had a Joe Biden moment as he struggled to remember the names of the players he had chosen for the World Cup.pic.twitter.com/dp5WTtSJf7

— Sam Street (@samstreetwrites) November 10, 2022

На неговиот список се најдоа Џером Нгом Мбекели и Суаиба Мара кои претходно одиграа само три натпревари во дресот на Камерун.

– Одредени репрезентативци на Камерун и Гана плаќале за да играат на Светското првенство. Некои од нив плаќаа и за само да се најдат на списокот на селекторот – открива познатиот новинар Ромен Молин.

Неговите тврдења направија вистински хаос и веќе се објавуваат имиња на играчите за кои се смета дека платиле. Навивачите на Гана веруваат дека Баба Рахман платил за да биде на големата сцена, а на сметка на тоа испаднал Џефри Шлуп од Кристал Палас.

The post СКАНДАЛ ОД СВЕТСКИ РАЗМЕРИ Играчи плаќале за да играат на Мундијалот во Катар (ВИДЕО) appeared first on plusinfo.mk.

Во рамките на овој еминентен бизнис-настан во организација на Српската асоцијација на менаџери „САМ“, регионалните бизнис-лидери имаа свои излагања на теми од областа на економијата, енергетиката и прехранбената индустрија, трендовите во делот на менаџментот со човечките ресурси и работна сила, финансиските текови и претстојните предизвици на економски и бизнис-план од аспект на моменталните кризни текови.

Во своето обраќање, врзано со темата за економските движења низ призмата на геополитичките настани, енергетската криза и регионот, Мукаетов истакна дека на светот му претстои исклучително тежок период, особено откако глобалната здравствена криза доби и предзнак воена, а потоа и енергетска.

– Поскапувањето на енергенсите, транспортот, недостигот од суровини и амбалажа, неизвесноста во пласманот и достапноста на основните производи неминовно ќе се одразат на работењето на компаниите насекаде во регионот – истакна Мукаетов.

На освртот околу вложувањата во услови на криза, кога компаниите вообичаено штедат на маркетинг и кратат инвестиции, Мукаетов изјави:

– Во својата долга историја „Алкалоид“ надминал бројни кризи. Но, една од фактичките константи во сите 86 години од работењето на компанијата се инвестициите. Во последните 20-тина години нашите инвестиции интензивно ги насочивме кон следење на најновите трендови и достигнувања во фармацевтската индустрија, инвестирајќи над 200 милиони евра во нови капацитети, истражување и развој, опрема, лаборатории, технологија, софтвер и персонал. Историски гледано, во изминатите 2 децении, кои јасно беа обележани со разни кризни предзнаци, продажбите на „Алкалоид“ пораснаа од 53 милиони евра во 2005 година на 207,6 милиони евра во 2021 година. Инвестициите ги гледаме како пат кон нашиот раст и развој и планираме да останеме на тој пат.

Околу актуелните состојби во регионот поврзани со т.н. одлив на мозоци, Мукаетов го потенцираше значењето на инвестирањето во човечкиот капитал.

– Како столбови на економиите на нашите земји, треба да најдеме начини квалитетните луѓе да ги задржиме тука. Човечките ресурси отсекогаш биле во центарот на вниманието на „Алкалоид“ и наш императив е да изградиме компанија каде луѓето ќе бидат задоволни и каде својот потенцијал ќе го вложат кон заеднички успех, бидејќи имиџот на секоја компанија, нејзините вредности и кредибилитет се одраз на организациската култура и луѓето пред сѐ – изјави Мукаетов.

На овогодишниот „САМ – Форум на менаџери“ со свои видувања за економските текови во регионот имаа бројни истакнати менаџери на српски компании и еминентни економски аналитичари, а видеообраќања, покрај Мукаетов, имаа и Емил Тедески, генералниот извршен директор на „Атлантик груп“, и Дејан Турк, генерален директор на „А1“ за Србија и за за Словенија.

Од овој тематски форум произлегоа бројни пораки, но и препораки во делот на неминовното дополнително приспособување на бизнисот кон специфичните потреби на пазарот, земајќи ги предвид и неговите ограничувања поттикнати од моменталните кризни текови. Енергетската ефикасност и одржливоста беа посочени како главен предуслов за одржување на конкурентноста на компаниите и за справување со предизвиците кои произлегуваат од глобалните опаѓачки трендови во економијата. Изнесувајќи ги тезите во рамките на своето говорење, Мукаетов поентираше дека тешките времиња бараат и тешки одлуки, охрабрувајќи дека, сепак, зад секој предизвик стојат можности.

The post НЀ ОЧЕКУВА ТЕЖОК ПЕРИОД Мукаетов предупреди дека кризата ќе се одрази врз работата на компаниите (ВИДЕО) appeared first on plusinfo.mk.

Извршниот директор на „Тесла“, Илон Маск, наводно ги замолил менаџерите кои не ги исполнуваат неговите наредби или не објаснат зошто тој не е во право, да дадат оставка веднаш.

До овие податоци дошол „Си-Ен-Би-Си“, по пат на „протечените“ мејлови од компанијата на Маск.

Маск испратил два мејлови до сите вработени во „Тесла“ во првата недела од октомври.

Во тој период, Tesla испорача рекордни 241.300 возила во текот на третиот квартал од годинава и „Full Self Driving Beta“ програмата, а подоцна беше ставен на чекање поради загриженоста за безбедноста.

Компанијата исто така го изгуби спорот поради тужби кои ги поднеле поранешни вработени, а кои изјавиле дека биле вознемирувани на работна основа додека работеле како агенциски службеници.

Тој напишал дека не му пречело вработените да слушаат музика преку слушалки се додека едното уво е слободно за да можат да слушаат безбедносни предупредувања во фабриката.

Маск додал дека се согласува да пушта музика на звучници доколку вработените успеат да се договорат што ќе се пушта. Тој на крајот ги поканил вработените да го контактираат со нивните предлози за тоа што би можело да им го поправи денот на работа бидејќи „се грижел да се радуваат што ќе дојдат на работа секој ден“.

Вториот мејл е напишан со поостар тон и им овозможува на вработените да знаат што се очекува од неговите менаџери кога ќе им испрати е-пошта со инструкции. Тој навел три опции.

Првата опција е да му објасните што точно греши, бидејќи како што вели понекогаш и тој едноставно греши. Друга опција е да побараат појаснување ако не им е јасно што бара од нив. Третата е да постапат точно како што им рекол.

„Доколку не направи ништо од горенаведеното, менаџерот ќе мора веднаш да поднесе оставка“, заклучил Маск.

The post ПРОТЕКОА МЕЈЛОВИТЕ Илон Маск до вработените: Ако не го направите ова, оставка! appeared first on plusinfo.mk.

„Во врска со привремениот прекин на тргување со акциите на „Реплек“ известуваме дека издавачот изврши објава на одлуките од собранието на акционери преку СЕИ-НЕТ, по што продолжи тргувањето со обичните акции издадени од „Реплек“, стои во известувањето од Берзата.

„Реплек“ претходно ги објави одлуките донесени на вчерашното собрание на акционери со назнака дека дополнително ќе се расправа за работата на менаџерскиот тим. и избор на нови членови.

„Се продолжува седницата на Собранието одржана на ден 08.04.2021 година во врска со точка 1
(Разгледување на годишниот извештај за работењето на Друштвото за период јануари декември
2020 година, усвојување на извештајот и одобрување на работата на Управниот одбор ) и точка 6
(Извештај за работењето на Надзорниот одбор на Друштвото за 2020 година, усвојување на
извештајот и одобрување на работата на членовите на Надзорниот одбор ) од дневниот ред за
отповикување и избор на нови членови“, соопштија од „Реплек“

Продолжението на седницата е закажано за 22 април.

The post Продолжи тргувањето со акциите на „Реплек“, акционерите одложено ќе расправаат за работата на менаџерскиот тим appeared first on plusinfo.mk.

Фудбалскиот сојуз на Италија објави денеска точниот износ на потрошени пари за провизии на менаџерите изнесува 138.015.594.09 евра и тоа е помалку споредено со претходните години.

Италијанските прволигаши за менаџерски провизии во 2019 година издвоиле 187.7 милиони, а една година претходно 171.5 милиони евра.

Највисоки провизии лани исплатил актуелниот италијански првак Јувентус, 20.8 милиони евра, а следат Рома (19.2), Милан (14.3), Наполи (12) и Интер со девет милиони евра.

The post Над 138 милиони евра потрошени за провизии во Серија А appeared first on plusinfo.mk.

Кандидати се Карло Анчелоти (Евертон, 9 бода од 3 натпревари), Јирген Клоп (Ливерпул, 9 бода од 3 натпревари), Брендан Роџерс (Лестер Сити, 9 бода од 3 натпревари) и Дин Смит ( Астон Вила 6 бода од 2 натпревара).

Гласањето ќе трае до 5 октомври. Во него ќе учествуваат навивачи и фудбалски експерти.

The post Анчелоти, Клоп, Роџерс и Смит се номинирани за најдобар менаџер во Премиер лигата во септември appeared first on plusinfo.mk.