Заокруживме уште една значајна посета што отвора нови можности за продлабочување на политичката, економската и трговската соработка со Обединетите Арапски Емирати, продолжуваме со силно темпо и со јасен фокус на резултати, чиј бенефит ќе го почувствуваат граѓаните, напиша на својот фејсбук профил министерот за надворешни работи и надворешна трговија, Тимчо Муцунски.

Во видео изјава, Муцунски истакна дека е потпишан Меморандум за разбирање со ОАЕ.

– Денеска заокруживме уште една важна и успешна посета. Остваривме важна средба со претседателот и владател на ОАЕ, шеикот Мохамед, а со вицепремиерот и министер за надворешни работи, шеикот Абдула, потпишавме Меморандум за разбирање, за развој, модернизација и дигитализација на владата и на државната администрација. Заедно со претседателката Гордана Сиљановска Давкова се сретнавме и со претседателите на Естонија и на Швајцарија, со претставници на меѓународни организации, како и со македонската дијспора во ОАЕ. Оваа посета потврди дека постои потенцијал за засилување на соработката меѓу двете земји во повеќе области – наведе Муцунски.

The post ОТВОРЕНИ МОЖНОСТИ ЗА СОРАБОТКА СО ОБЕДИНЕТИТЕ АРАПСКИ ЕМИРАТИ Бенефитот ќе го почувствуваат граѓаните appeared first on plusinfo.mk.

Во просториите на деканатот на Економскиот факултет- Скопје при Универзитетот „Св. Кирил и Методиј” во Скопје, претседателот на Управниот одбор на НЛБ Банка, Тони Стојановски, и деканот на Факултетот, проф. д-р Предраг Трпески потпишаа Меморандум за соработка, со кој се согласија да развиваат заеднички активности насочени кон унапредување на едукативните, истражувачките и апликативните процеси.

Преку оваа соработка, НЛБ Банка и Економскиот факултет ќе ја зајакнат врската помеѓу теоретското знаење и практичната примена, создавајќи можности за директна соработка помеѓу студентите и експертите од индустријата.

– Соработката со Економскиот факултет-Скопје е важен чекор за НЛБ Банка во насока на нашата посветеност на развојот на младите таленти и нивното вклучување на пазарот на труд. Благодарение на партнерството, студентите ќе се запознаат со реалните предизвици со кои се соочува индустријата, а ние како Банка ќе бидеме во можност да вложиме во нивниот развој и да ги подготвиме за идните професионални патишта. Со оваа соработка очекуваме да направиме значителен придонес во образованието и општеството – изјави Стојановски, претседател на УО на НЛБ Банка.

Во контекст на партнерството деканот на Економискиот факултет проф. д-р Предраг Трпески додаде:

– Оваа соработка ја нагласува нашата посветеност да го поврземе академското знаење со финансиските практики од реалниот свет, создавајќи можности за нашите студенти, факултет и пошироката заедница да напредуваат. Преку овој меморандум, имаме за цел да промовираме заеднички раст и да го поддржиме континуираниот развој на секторот за финансиски услуги, истовремено обезбедувајќи им на нашите студенти уникатни можности за учење, истражување и професионален развој.

Соработката помеѓу НЛБ Банка и Економскиот факултет има долга традиција и е важна за двете страни – за Банката, тоа е шанса за привлекување млади таленти и развој на идни стручњаци, а за факултетот, партнерството овозможува подобрување на наставната програма и поврзување со индустријата.

The post „НОВИ МОЖНОСТИ ЗА СТУДЕНТИТЕ И РАЗВОЈ НА МЛАДИ ТАЛЕНТИ“ НЛБ Банка и Економскиот факултет-Скопје потпишаа меморандум за соработка appeared first on plusinfo.mk.

Како што соопштија двете асоцијации, посебен акцент во идната соработка ќе биде ставен на активностите кои треба да овозможат правилна имплементација на меѓународните стандарди за финансиско известување. Притоа ќе се формира и работна група која ќе работат на навремено  ажурирање и примена на идните новини кај меѓународните стандарди.

– Правилната примена на најновите меѓународни стандарди за финансиско известување има големо значење за економијата, затоа што со тоа се подобрува ефикасноста и конкурентноста на деловните субјекти, а истовремено креира придобивки и за државата, затоа што овозможува подобра контрола на сите финансиски текови и намалување на даночната евазија. Домашните банки веќе ги преминуваат овие стандарди, а сега преку оваа соработка и партнерство со ИСОС, добиваат можност да ги споделат своите добри практики и искуства во оваа област и со сметководителите и финансовите менаџери во останатите деловни субјекти во земјава – изјави Стевкова Штериева.

Прентоска, пак, смета дека ова партнесрство  претставува значајна поддршка на тековните процеси за развој на сметководствената професија во нашата земја.

– Со него ИСОС, а преку тоа и неговите членови, а тоа се сите лиценцирани професионални сметководители во нашата земја, добиваат дополнителни можности и пристап до висококвалитетно знаење и практичните искуства на банките при примената на меѓународните стандарди за финансиско известување. На ваков начин дополнително се истакнува и јакне улогата на сметководителите во целосното, точно и објективно евидентирање на деловните настани во книгите на економските агенти, што во крајна линија придонесува оваа професија да го заземе местото во општеството кое го заслужува – рече Прентоска.

Соработката треба да се реализира преку организирање на семинари, панел дискусии и стручни работилници на кои ќе се разгледуваат практични примери и предизвиците при примената на меѓународните сметководствени стандарди.

The post СОРАБОТКА ЗА ДА НЕМА ЗАСТОИ Банкарите ќе ги учат сметководителите како да ги применат новите меѓународни стандарди appeared first on plusinfo.mk.

Согласно Меморандумот, страните се согласија да соработуваат заедно на развој и имплементација на проекти од заеднички интерес, кои вклучуваат реализација на курсеви за македонски јазик за странци и деца на нашите иселеници, маркетинг активности за промоција на македонскиот јазик, поттикнување на младите за изучување на македонскиот јазик, како и активности за поттикнување на љубовта кон читањето кај младите.

– Идејата за соработка меѓу Филолошкиот факултет „Блаже Конески” и Фондацијата „Ѓорѓи Марјановиќ” се темели на споделениот интерес за негување и промоција на македонскиот јазик, како и долгорочната цел за подигнување на нивото на читателската култура кај децата и младите, како поттик за развој на нивните интелектуални и творечки потенцијали. Се надеваме дека во нашата соработка ќе се придружат и други партнери кои ја споделуваат грижата за овие области од витално значење за општеството – изјави д-р Владимир Мартиновски, декан на Филолошкиот факултет „Блаже Конески” во Скопје.

-Македонскиот јазик е дел од нашиот идентитет и наше најголемо богатство. Верувајќи дека заедно сме посилни, ги здружуваме силите за да го зачуваме јазикот, помагајќи им на децата на нашите иселеници родени во дијаспората да го научат македонскиот јазик. Освен тоа, се согласивме дека децата имаат сериозни потешкотии со читањето и се согласивме да преземеме сериозни чекори во решавањето на овој проблем. – изјави Александар Марјановиќ, извршен директор на Фондацијата „Ѓорѓи Марјановиќ“.

Фондацијата Ѓорѓи Марјановиќ е непрофитна организација посветена на поттикнување на образованието, лидерството и социјалниот развој во Македонија. Со фокус на зајакнување на младите и култивирање на идни лидери, Фондацијата работи неуморно да инспирира позитивни промени и да придонесе за растот и просперитетот на земјата.

The post ЗАЕДНИЧКИ ПРОЕКТИ ЗА ПРОМОЦИЈА НА МАКЕДОНСКИОТ ЈАЗИК Филолошкиот факултет „Блаже Конески“ и Фондацијата „Ѓорѓе Марјановиќ“ потпишаа меморандум за соработка appeared first on plusinfo.mk.

The post НАЦИОНАЛНА СТРАТЕГИЈА ЗА БЕЗБЕДНОСТ СО АМЕРИКАНСКА ПОМОШ Потпишан меморандум за разбирање и експертска поддршка од САД appeared first on plusinfo.mk.

Гоу Грин е младинска организација за одржлив развој и заштита на животната средина која работи на полето на младинскиот еко-активизам, образование за климатски промени и одржлив развој како и социјална инклузија за зелена економија

Водени од заедничкиот интерес за заштита на животната средина, младинскиот активизам и водењето политики кои промовираат одржливо користење на природните ресурси, потписниците на овој Меморандум ќе се залагаат за реализација на проекти за доброто на заедницата, врз основа на принципите за транспарентност и отчетост.

The post ВЕСКОВСКИ СЕ ОБВРЗА НА ЗАШТИТА НА ЖИВОТНАТА ОКОЛИНА Гоу Грин ќе биде негов партнер appeared first on plusinfo.mk.