Lionsgate го објави првиот поглед на долгоочекуваното продолжение на библиската драма на Гибсон „Пасија“, филмот кој во 2004 година предизвика огромен интерес кај публиката и стана еден од најголемите хитови таа година. Новиот проект е насловен „Воскресението Христово“, а студиото потврди и дека снимањето е завршено.

Филмот се снимаше 134 дена на неколку локации во Италија, вклучувајќи ги Рим, Бари, Џиноза, Крако, Бриндизи, Торе Гвачето и Матера.

 

View this post on Instagram

 

A post shared by The Resurrection of The Christ (@theresurrectionofthechrist)

Мел Гибсон не криеше колку многу му значи овој проект.

– Неизмерно сум благодарен на мојата исклучително талентирана екипа и глумци што го вложија своето срце во оваа продукција. Заедно создадовме нешто моќно – рече Гибсон додавајќи: Овој филм претставува голем дел од моето животно дело и бараше сè од мене како режисер и како уметник. За мене, тоа е многу повеќе од филм. Гибсон истакна дека ова е приказна што ја носи повеќе од 20 години.

– Тоа е мисија што ја носам повеќе од 20 години – да раскажам она што го сметам за најважната приказна во човечката историја – рече 70-годишниот режисер.

Тој особено ја нагласи обновената соработка со дел од тимот што работеше на „Пасија“.

– Повторното обединување со многу од моите оригинални соработници од „Пасија“ – вистински мајстори на својот занает – ни овозможи да ја донесеме оваа приказна на екранот точно онака како што ја замислував, со огромна поддршка од моите долгогодишни партнери Адам Фогелсон и тимот на Лајонсгејт – рече Гибсон.

 

View this post on Instagram

 

A post shared by Mel Gibson (@official.mel_gibson)

Лајонсгејт потврди дека „Воскресението Христово“ ќе биде објавено во два дела. Првиот дел, кој првично требаше да се појави во кината во март 2026 година, сега има нов датум на премиера – 6 мај 2027 година. Вториот дел беше најавен за 25 мај 2028 година.

И двата филма се закажани да бидат објавени на Денот на Вознесението, христијанскиот празник што го одбележува вознесувањето на Исус на небото.

Во филмот глумат Јако Охтонен, Мариела Гарига, Пјер Луиџи Пасино, Касија Смутнијак, Рикардо Скамарчио и Руперт Еверет. Во првиот објавен кадар, Јако Охтонен е прикажан во улогата на Исус.

За потсетување, оригиналниот „Пасија“ од 2004 година, во кој главните улоги ги играа Џим Кавизел како Исус Христос и Моника Белучи како Марија Магдалена, беше исклучителен комерцијален успех. Според Lionsgate, филмот заработи 83 милиони долари во првиот викенд, вкупно 370 милиони долари во северноамериканските кина и повеќе од 610 милиони долари глобално.

На 77-то доделување на наградите „Оскар“ во 2005 година, „Пасија“ беше номиниран во категориите за најдобра фотографија, најдобра оригинална музика и најдобра шминка, но не ја освои наградата. Филмот, кој ги прикажува последните 12 часа од животот на Исус Христос, останува еден од филмовите со највисока заработка со рејтинг R во Северна Америка, зад „Дедпул и Вулверин“ од 2024 година.

Гибсон претходно објави дека продолжението нема да биде класична линеарна приказна само за воскресение. Во разговор со Рејмонд Аројо за EWTN 2022, тој рече дека тоа е голема тема што влијае на различни временски и духовни нивоа.

– Тоа е голема тема и не е линеарна нарација. Мора да го споредите централниот настан што се обидувам да го раскажам со сè што го опкружува – во иднината, во минатото и во други сфери – и малку навлегува во сферата на научната фантастика – рече Гибсон во тоа време.

The post МЕЛ ГИБСОН ГО ЗАВРШИ СНИМАЊЕТО НА ПРОДОЛЖЕНИЕТО НА ФИЛМОТ ПАСИЈА „Овој филм бараше сè од мене“ appeared first on plusinfo.mk.

Во долгоочекуваното продолжение на филмот на Мел Гибсон „The Passion of the Christ“, кој кај нас беше преведен како „Пасија“ (Страдањата Христови), Исус и другите ликови во филмот ќе ги играат сосема нови актери.

– Станува збор за второто доаѓање на „Христос“ – но оригиналната екипа нема да биде воскресната. Снимањето ќе започне во Рим, но со сосема нова екипа – пишува Page Six.

Според нивниот извор, Џим Кавизел нема да се врати како Исус, а Моника Белучи нема да се врати како Марија Магдалена во „Воскресението на Христос“.

– Тие моментално се среќаваат со актери во Рим – вели извор запознаен со проектот.

Друг извор вели дека тие ќе бидат сменети затоа што „ќе мораат да работат многу со оригиналните актери… дигитални работи, плус распоредот“.

– Имаше многу преписки – велат тие, додавајќи дека филмот е во предпродукција „веќе неколку месеци“.
Долгоочекуваното продолжение на Гибсон по огромниот инди-хит од 2004 година беше попречено од неколку скандали на актерот во следните години.

Контроверзиите, вклучувајќи возење под дејство на алкохол и појавување на антисемитски и хомофобни изјави, го доведоа некогашниот актер од А-листата да биде отфрлен од Холивуд, а мејнстрим студијата го избегнуваа.

Во 2010 година, моќната агенција за таленти WME го отфрли како клиент откако протече аудио-снимка од него како ја критикува поранешната девојка Оксана Григориева со мизогинистички и расистички забелешки. Сега трезната ѕвезда од „Храбро срце“ го почувствува својот поранешен холивудски сјај во 2016 година кога доби номинација за Оскар за режирање на воениот филм „Hacksaw Ridge“.

Неговото враќање со „Христос“ може да го врати на листата на номинирани.

Variety објави во август дека долго одложуваниот филм ќе биде поделен на два дела. И двата треба да излезат во 2027 година. Оригиналот беше снимен во Израел, а сите дијалози се одвиваат на латински и на арамејски јазик. Наспроти големите критики, филмот оствари огромен комерцијален успех, остварувајќи заработка од преку 600 милиони долари. Филмот беше номиниран за три награди „Оскар“. Во него се раскажува за последните 12 часа од животот на Исус Христос, а приказната се темели врз евангелијата од Новиот завет, како и визиите на германската калуѓерка Ен Кетрин Емерих. Поради сцените на насилство, филмот предизвика големи критики.

The post ЏИМ КАВИЗЕЛ НЕМА ДА СЕ ВРАТИ КАКО ИСУС, А МОНИКА БЕЛУЧИ КАКО МАРИЈА МАГДАЛЕНА Во продолжението на филмот на Мел Гибсон, нема да воскресне оригиналната актерска екипа appeared first on plusinfo.mk.

Холивудскиот актер, режисер и продуцент Мел Гибсон го посети манастирот Хиландар на Света Гора во пресрет на православниот празник Видовден. Тој пристигна на 27 јуни и ќе остане неколку дена, барајќи духовна инспирација пред почетокот на снимањето на својот нов филм „Воскресение“, закажано за септември.

За време на престојот, Гибсон учествуваше во целоноќното бдение, присуствуваше на манастирската трпеза и се сретна со игуменот отец Методиј и со браќата монаси.

На социјалните мрежи се појави фотографија што предизвика големо внимание, на која Гибсон позира покрај српски православен монах, а во позадина е забележлива слика од генерал Дража Михаиловиќ.

Инаку, Гибсон е традиционалистички католик, кој по период на отуѓеност се вратил кон старите верски практики.

CHECK THIS OUT: Mel Gibson at Mount Athos posing with a Serbian Orthodox monk.

On the right you can see a portrait of a legendary Serbian anti-fascist and anti-communist General Draža Mihailović. pic.twitter.com/grd1pRocVF

— Global Dissident (@GlobalDiss) June 28, 2025

The post 📷 НЕВЕРОЈАТНА СЦЕНА ОД СВЕТА ГОРА Мел Гибсон покрај слика од Дража Михаиловиќ appeared first on plusinfo.mk.

Сценариото го напиша Џаред Розенберг, а главните улоги ги толкуваат Марк Волберг, Мишел Докери и Тофер Грејс.

Дејствието ја следи агентката на ФБИ (Докери), која треба да обезбеди клучен сведок во судењето на опасен мафијашки бос. За време на летот, тие откриваат дека нивниот пилот (Волберг) не е како што изгледа – тој е всушност изнајмен убиец чија мисија е да го елиминира сведокот. Ситуацијата станува уште покомплицирана кога ќе сфатат дека не се единствените кои ги сакаат мртви.

Филмот е создаден во соработка со продукциските компании „Lionsgate“, „Icon Productions“ и „Davis Entertainment Company“. На веб-страницата Rotten Tomatoes, „Flight Risk“ моментално има само 2о отсто позитивни критики од критичарите, додека оценката на публиката е нешто подобра, со 61 отсто позитивни коментари. Сепак, многумина сметаат дека ова е еден од најголемите промашувања во кариерата на Гибсон.

Под трејлерот може да се најдат мноштво коментари за филмот, а многумина се согласуваат дека „ќелавиот“ Волберг е дефинитивно промашување и дека во самиот трејлер може да се види речиси целиот заплет на филмот, што е апсурдно.

Критичарите беа остри. Џек Мартин за порталот „Film Feeder“ изјавил дека филмот најверојатно би останал незабележан доколку не бил режиран од добро познато име, додека Рајан Скот од порталот „Slash Film“ го нарекол „првиот ужасен филм“ во режисерската кариера на Гибсон. Џозеф Томастик од Loud and Clear Reviews бил подеднакво негативни, додавајќи дека едвај чекал да заврши филмот и дека дејствието ќе било понапнато доколку авионот се урнел.

The post 📽️ ЛУЃЕТО БИЛЕ БЕСНИ ДУРИ И ДОДЕКА ГО ГЛЕДАЛЕ ТРЕЈЛЕРОТ Новиот филм на Мел Гибсон е убедливо најлошиот во неговата кариера appeared first on plusinfo.mk.

Во тоа време, тој бил во Тексас и го снимал поткастот на Џо Роган. Тој рече дека неговиот имот во Малибу е целосно изгорен и го критикуваше гувернерот на Калифорнија, Гевин Њусом, за ситуацијата, објави Си-Ен-Ен.

– Се разбира, емотивно. Моите работи беа таму, сега се во пепел – изјави тој за News Nation.

Актерот вели дека му било многу непријатно за време на снимањето на целото интервју со Роган бидејќи му било лошо што бил таму додека му гори маалото.

– Се прашував дали мојата куќа е сѐ уште таму. Кога се вратив, се разбира, мојата куќа ја немаше – додаде тој.

Тој вели дека интензитетот на уништувањето целосно го шокирал.

– Целосно изгорено, стопено. Никогаш не сум видел такво нешто – вели тој.

Гибсон живеел таму 15 години. Тој открил дека изгореле и куќите на неговите соседи, вклучувајќи ја и онаа на актерот Ед Харис.

На фотографијата е квартот во Малибу, каде Мел Гибсон, Шер, Ед Харис, Мира Сорвино имаат домови… Фотографијата е направена пред пожарот.

Да потсетиме, шумски пожари го опколија Лос Анџелес. Официјални лица потврдија најмалку 10 смртни случаи, но се стравува дека бројот на загинати ќе се зголеми откако иследниците ќе можат безбедно да пристапат до населбите. Десетици илјади луѓе беа евакуирани, околу 10.000 објекти се уништени, а штетата се проценува на десетици милијарди долари.

Вилата на актерот Адам Броди вредна 6,5 милиони долари целосно изгоре, пожарот ги зафати сите соби, а од имотот излегува чад.

Без дом остана и Парис Хилтон.

The post 🎥 ПОЖАРОТ ВО ЛОС АНЏЕЛЕС ЈА ГОЛТНА КУЌАТА НА МЕЛ ГИБСОН Актерот за тоа време гостувал на поткаст кај Џо Роган appeared first on plusinfo.mk.

Гибсон го поддржува Доналд Трамп на претстојните американски избори и истакнува дека не е тајна дека ќе гласа за него. Тој вели дека знае оти нема да биде добро доколку Харис стане лидер на САД.

Во видеото објавено од американскиот портал ТМЗ, репортерот кој го „улови“ Гибсон додека се шеташе низ аеродромот го праша: „Изборите се за неколку дена, што мислите?“.

„О, човеку, тоа е големо прашање. Мислам дека никој нема да се изненади од тоа за кого ќе гласам“, му одговворил Гибсон.

„Да погодам тоа ќе биде Трамп“, му рекол новинарот на Гибсон, додавајќи: „Дали е тоа лоша претпоставка?“, на што Гибсон одговорил: „Мислам дека тоа е мошне добра претпоставка“.

На прашањето како го гледа светот доколку Трамп го добие вториот мандат, Гибсон додал дека знае како ќе изгледа доколку победи Харис, потенцирајќи дека тоа не би било добро.

„Таа има коефициент на интелигенција како ограда“, рекол тој, додавајќи дека за нејзините предлози и политика не вреди да се зборува.

The post 📽️ МЕЛ ГИБСОН ЈА НАВРЕДИ КАМАЛА ХАРИС „Таа има коефициент на интелигенција како ограда“ appeared first on plusinfo.mk.

Донал Гибсон (65) е помладиот и помалку познат брат на Мел Гибсон (67). Двајцата претходно биле неразделни. Мел му доделил улога на Донал во „Храбро срце“ и го охрабрил да ги оствари своите холивудски соништа, но со текот на времето нивниот однос се влошил.

„Мел и јас бевме толку блиски што е неверојатно дека сега не разговараме, дека не сме во контакт. Кога бевме деца, делевме спална соба, сè правевме заедно. Кога дојде во Лос Анџелес, го следев. Кога стана познат, немаше љубомора. Бев среќен поради него, горд што успеа“, рекол Донал во интервју за „Дејли мејл“.

„Славата го промени. Го понесе публицитетот. Мел што го знаев го нема. Холивуд го изеде и го исплука. Според мене, славата и парите отидоа во неговата глава и создадоа чудовиште. Го мразам тоа што го стана.“ беше остар со зборовите помладиот Гибсон.

Донал не е толку познат актер како Мел и тврди дека неговата кариера престанала да напредува затоа што луѓето го ставиле на црна листа поради „гревовите“ што ги направил неговиот брат. Вели и дека повеќе пати барал од Мела да му помогне финансиски.

„Твоите проблеми се твои проблеми“, тврди Донал дека Мел му рекол тогаш.

Секогаш кога ќе барал пари од брат му, тој се лутел. „Тој ми викаше, ми велеше да го сменам презимето Гибсон ако ми пречи. Викаше: ‘Не можеш да ме обвиниш за ова!’”, вели Донал.

Меѓутоа, Мел еднаш му помогнал финансиски и му понудил мал семеен стан во кој би можел да живее, но, тој смета дека брат му требало да му надомести за, како што вели, болката и страдањето што ги преживеал тој и неговата сопруга Шанас.

„Заглавени сме во речиси 20 години пекол“, вели Донал.

Сепак, тој самиот не е сигурен дали би успеал да стане познат актер како неговиот брат.

„Верувам дека постапките на Мел придонесоа да немам работа. Презимето Гибсон беше отровно. Мојот агент даде отказ, телефонот престана да ѕвони. Луѓето го поврзуваа името Гибсон со фанатизам, расизам, суровост, омраза и гнев. Работев со одлични студија, како „Ворнер брадерс“ и „Дизни“. Преку ноќ тоа престана“, рекол тој.

The post „СТАНА ЧУДОВИШТЕ, СЛАВАТА И ПАРИТЕ МУ ГО ИСПРАА МОЗОКОТ“ Братот на Мел Гибсон му порача дека го мрази appeared first on plusinfo.mk.

– Вие ова можеби го разбирате подобро од другите, со оглед на тоа каков вид е вашата кариера. Што ќе се случеше ако вие станевте и го удревте Рок, дали ситуацијата ќе беше иста? Дали некогаш сте размислувале за тоа? – прашал Вотерс.

Актерот и режисер незгодно се насмеал на поставеното прашање и дал знак дека не сака да одговори на прашањето, по што се вклучила и неговата ПР-менаџерка која порачала дека времето предвидено за интервјуто истекло.

Во интервјуто, Гибсон зборувал за неговиот нов филм „Father Stu“ кој треба да се појави на 13 април. На почетокот новинарот рекол дека го гледал филмот и дека го расплакал. Разговарале за филмот, а во текот на интервјуто и заедно се насмеале.

Инаку, Мел е познат по проблематичното однесување пред и зад камерата. Актерот беше уапсен во 2006 година под сомнение дека возел во алкохолизирана состојба во Малибу и давал антисемитски коментари на полицајки. Тој подоцна се извини за тоа и рече дека овие коментари се дадени во момент на лудило.

Да додадеме дека Гибсон беше номиниран за најдобар режисер за „Hacksaw Ridge“ во 2017 година со Ендрју Гарфилд во главната улога, а неколку години пред тоа беше на црната листа на Холивуд.

The post МЕЛ ГИБСОН ВЕДНАШ ГО ПРЕКИНА ИНТЕРВЈУТО По непријатното прашање за шамарот на Вил Смит (ВИДЕО) appeared first on plusinfo.mk.

Тие беа само дел од познатите личности на УФЦ-264 натпреварот во боречки вештини меѓу Дастин Поарие и Конор Мекгрегор.

На мечот се забележани и поп-пејачот Џастин Бибер, глумицата Меган Фокс и сценскиот комичар Дејв Чапел.

Пристигнувањето на Трамп на арената беше пречекано и од навивања и од крици на негодувања, додека минуваше низ толпата. Инаку, Поарие победи на крајот од првата рунда, откако Мекгрегор си ја повреди ногата.

Yup it’s Mel Gibson pic.twitter.com/0ELAtdiSbq

— Jack Posobiec (@JackPosobiec) July 12, 2021

ФОТО: Твитер

The post Мел Гибсон драматично му салутираше на Трамп (ВИДЕО) appeared first on plusinfo.mk.

Нејзиниот производ го носи името Миел Гибсон („миел“ е шпански збор за мед), а на теглата е фотографијата од славниот актер од улогата во филмот „Храбро срце“.

„Сè одеше според планот додека не пристигна заканата од адвокатите на Мел“, откри Чилеанката на Твитер.

Адвокатите на Гибсон ја известија за повлекувањето на производот од пазарот заради неовластена употреба на името и ликот на актерот.

Во писмото испратено до неа, тие и се заканиле дека ако не го повлече нејзиниот производ веднаш од пазарот, ќе биде принудена да го реши проблемот на суд. Агурто започнала со продажба на медот Мил Гибсон, откако ја загубила работата поради пандемија на коронавирус.

„За да користите име и фотографија со ликот на Мел Гибсон од Брејвхарт, мора да добиете дозвола за употреба. Фотографијата е во сопственост на студиото кое го објави филмот“, објасни адвокатот Ли Брехеин, додавајќи дека мора да има посебно одобрение за таков вид маркетинг.

„Во никој случај не сакаме да спречиме некој што се обидува да започне бизнис и да генерира приходи од него, но треба да се знае дека постојат пропишани начини за водење бизнис, контакти и одобренија што треба да ги исполните претходно“, објасни Брехеин.

Но, се чини дека новопечената претприемачка не е подготвена толку лесно да се откаже од својата нова работа, па нејзината компанија преку Твитер го повика Гибсон да ѝ дозволи да ја користи неговата фотографија со пораката:

„Нашиот мед е само за храбри срца “.

ФОТО: Твитер

The post Мел Гибсон тужи Чилеанка поради нејзиниот мед ФОТО appeared first on plusinfo.mk.