Екипите на јавното претпријатие денеска ја расчистуваат локацијата на поранешниот ресторан „Мекдоналдс“, која се наоѓа на приватно земјиште со запишан објект, соопшти Општина Аеродром.

„Иако сопствениците добија налог да ја исчистат оваа со години запуштена локација, тоа не беше направено. Поради тоа, на терен излегоа комуналните екипи на Општината.

По уредувањето, Јавното претпријатие ќе достави фактура до сопствениците со износот за извршените работи. Општина Аеродром останува посветена на чиста, безбедна и уредна средина и ќе продолжи решително да реагира секаде каде што сопствениците не постапуваат согласно со законските обврски“ – се вели во соопштението.

The post СЕ РАСЧИСТУВА ОБЈЕКТОТ НА ПОРАНЕШЕН „МЕКДОНАЛДС“ На местото имало приватна парцела со запишан објект appeared first on plusinfo.mk.

Американскиот синџир за брза храна „Мекдоналдс“ регистрираше 7 трговски марки во Русија кои ги опфаќаат неговите добро познати производи и услуги, според податоците од организацијата „Роспатент“.

Регистрирани се брендовите „Биг Мек“, „Биг Тасти“, „Ројал Чизбургер“, „Квартер Паундер“, „МекФреш“, „МекФлури“ и „МекДеливери“ .

Барањата за регистрирање на овие трговски марки, како што објави руската агенција ТАСС се поднесени од САД во декември 2024 година, а одлуката за регистрација беше донесена во текот на оваа година. Регистрациите истекуваат во 2034 година.

„Мекдоналдс“ го напушти рускиот пазар во пролетта 2022 година, по почетокот на конфликтот во Украина и воведувањето на западните санкции против Москва.

Потоа сите ресторани беа затворени, а во мај истата година, компанијата објави дека целосно ја напушта Русија.

Руските средства на „Мекдоналдс“ ги купи бизнисменот Александар Говор, кој во јуни 2022 година отвори ресторани за брза храна под новиот бренд „Вкусно и точка“.

The post „МЕКДОНАЛДС“ СЕ ВРАЌА ВО РУСИЈА Регистрира седум трговски марки на неговите познати производи appeared first on plusinfo.mk.

Една од најпознатите модни дизајнерки во светот, Вера Ванг (76) изгледа како да го открила еликсирот на младоста и внимателно го чува за себе. Њујорчанката со кинеско потекло се појави на доделувањето на наградите CFDA во Њујорк, каде што привлече многу погледи со својот младешки изглед.

Позираше во долго бело здолниште и црн топ со истакнати ракави. Оваа комбинација ја истакна нејзината витка фигура и младешки изглед.

 

View this post on Instagram

 

A post shared by Vera Wang (@verawangjapan)

Вера го прослави својот 76-ти роденден во јуни оваа година, а многумина се убедени дека познатата дизајнерка воопшто не старее. Таа претходно изјави дека стареењето го смета за „старомодно“ и дека во животот „секогаш мора да се обидувате да растете на секој начин“.

Во интервју за BBC 100 Women во 2022 година, Вера Ванг откри дека нејзиниот „магичен еликсир на младоста“ е напорната работа.

Вера е во модната индустрија од 18 години, а на 23 години влезе во историјата како најмладиот моден уредник на „Вог“. Но, дури 20 години подоцна ја лансираше својата истоимена модна етикета.

Таа ја лансираше својата компанија на 40 години и откри дека се чувствува „многу среќна“ што изградила своја империја.

Денес, сè уште работи како главен креативен директор на нејзината модна империја. Но, можеби уште помоќен од нејзината работа е нејзиниот пристап кон убавината – а тоа е што не ја сфаќа премногу сериозно.

Еднаш откри дека нејзината исхрана е одговорна за нејзиниот младешки изглед – тврди дека тајната е во вотката, Мекдоналдс и крофните.

– Нарачувам Мекдоналдс секој ден две недели по ред, а потоа ја менувам исхраната. Исто така ги сакам Dunkin’ Donuts, полнети со ванила крем и наросени со шеќер. Навечер се почастувам со коктел од вотка, а освен тоа пијам само вода. Се откажав од диеталната Кола и тоа беше најтешкото нешто од кое морав да се откажам – призна таа еднаш.

The post ВОТКА, КРОФНИ И МЕКДОНАЛДС Која е тајната на младешкиот изглед на 76-годишната дизајнерка? appeared first on plusinfo.mk.

Прометот на  синџирот ресторани за брза храна „Мекдоналдс“ во САД е намалена во првиот квартал од годинава, што е втор квартал по ред со пад.

САД се најголем пазар за овој тип на ресторани, а намалувањето а прометот за  3,6 % во првиот квартал се смета за поголем дури и од од пандемиската  2020 година кога беше применет „локдаун“.

Нето-приходот на компанијата во првиот квартал од 2025 година изнесуваше 1,87 милијарди долари, додека во истиот период минатата година изнесуваше 1,93 милијарди долари.

Од „Мекдоналдс“ тврдат дека 2024 година била престапна како еден ден повеќе за заработката, што придонело за разликата во продажбата.

Извршниот директор на синџирот за брза храна, Крис Кемпчински, рече дека потрошувачите се борат со неизвесност, но останува оптимист во врска со способноста на компанијата да работи во најтешките пазарни услови. Тој изјави и дека геополитичките тензии предизвикаа економска неизвесност која го намалила расположението на потрошувачите повеќе отколку што очекувале.

Во првиот квартал, според компанијата, бројот на потрошувачи со ниски приходи се намалил за двоцифрен процент, во споредба со истиот период минатата година. Покрај тоа, бројот на потрошувачи со просечен приход се намалил за двоцифрен процент, во споредба со периодот од пред неколку месеци.

Американскиот пазар е еден од нивните големи пазари каде што продажбата е намалена. Глобално забележан е пад на прометот од 1%.

The post АМЕРИКАНЦИТЕ ГИ ПРОРЕТЧИЈА ПОСЕТИТЕ НА „МЕКДОНАЛДС“ Компанијата бележи пад на прометот од 3,5% appeared first on plusinfo.mk.

Трговската војна на Доналд Трамп може да ја зголеми цената на американските хамбургери, предупреди австралискиот министер за трговија, поради шпекулациите дека царините би можеле да се прошират на говедско месо и други земјоделски производи.

Австралискиот министер за трговија Дон Фарел рече дека поголемиот дел од австралиското говедско месо што се извезува во САД завршува во Мекдоналдс.

-Значењето за САД во однос на нашиот извоз на говедско месо е тоа што најголемиот дел оди во хамбургерите на Мекдоналдс. Ако ја зголемите цената на тој извоз на говедско месо за 25% или 10% или каков и да е бројот, тогаш само ќе ја зголемите цената на хамбургерите во САД. Нема смисла – рече Фарел.

Тој најави дека ќе продолжи да притиска Австралија да биде ослободена од царините.

– Би сакал да можам да ви кажам што точно ќе направи американската влада на крајот. Да бидам искрен со вас, мислам дека тие дури и не знаат – изјави Фарел за Sky News.

Фарел тврди дека Австралија нема да размисли за одмазднички тарифи за Америка.

– Дел од мојата работа е да продолжам да им кажувам на Американците дека усвоиле погрешни политики. Всушност, ние треба да го правиме спротивното. Треба да создадеме повеќе слободна трговија, повеќе фер трговија, а не помалку трговија – истакна тој.

Австралиските фармери нестрпливо чекаат да слушнат дали извозот на месо ќе биде погоден од следната рунда царини.

САД се пазар број еден за австралиското говедско, јагнешко и козјо месо. Австралиските производители продадоа месо во САД во вредност од 6,2 милијарди долари минатата година.

The post АВСТРАЛИЈА ГО ПРЕДУПРЕДИ ТРАМП Хамбургерите во Мекдоналдс ќе поскапат, ако ни воведете царини на месото appeared first on plusinfo.mk.

Како прво, Доналд Трамп не пребира многу кога е храната во прашање. За разлика од многу претседателски кандидати, кои секојдневно имаат лични готвачи и посебни менија, Трамп ужива во брзата храна, исто како и секој Американец. Сепак, тоа не го брише фактот дека многумина се изненадени од неговата исхрана. Еве што јаде за еден ден.

Го прескокнува појадокот

Доналд Трамп во 2016 година му кажа на Џеси Волтерс од Фокс њуз дека го прескокнува појадокот секогаш кога може. Во повеќето случаи, ручекот му е прв оброк, а омилен оброк во денот му е вечерата. Сепак, понекогаш се решава да појадува, а тогаш најчесто избира јајца и сланина, житарки или Мекмафин од Мекдоналдс. Трамп никогаш не пие чај или кафе.

Месото му е омилено јадење

Прехранбените навики на Доналд Трамп беа откриени во книгата „Let Trump Be Trump“, напишана од поранешниот менаџер на кампањата Кори Левандовски. Тој тврди дека претседателот често може да помине 14 до 16 часа без да јаде. Тој е голем љубител на месото, а тоа е познато од 2005 година, кога тој и Меланија се појавија како гости на Марта Стјуарт. Таму подготвија оброк, за кој Трамп рече дека му е омилен.

 

View this post on Instagram

 

A post shared by President Donald J. Trump (@realdonaldtrump)

Ништо без брза храна

Доналд Трамп јаде брза храна речиси секој ден, вклучувајќи ги Мекдоналдс, Бургер Кинг и КФЦ. За вечера најчесто избира Мекдоналдс, а тогаш нарачува два Биг Мек, два Филе-О-Фиш и мал чоколаден шејк. И пицата е дел од неговата исхрана, но никогаш не ја јаде кората. Обожава хамбургери, кои бара да бидат добро зготвени, а како прилог зема кечап.

Не пие кафе или чај, но затоа сака да пие диетална кока-кола наутро. Наводно, за време на неговиот прв мандат во Белата куќа, тој имал инсталирано копче за диетална кока-кола, која му ја носеле и до 12 пати на ден. Со неа, тој сака да јаде грицки, особено чипс. Инаку, Трамп наводно секој пат отвора ново пакување грицки, дури и ако има уште малку во претходната кесичка. Тоа го прави затоа што има голем страв од бактерии.

The post 📷 ЕВЕ ШТО КРКА ТРАМП! Да беше Балканец ќе тежеше уште 100 кила appeared first on plusinfo.mk.

Облечен во престилка, републиканскиот претседателски кандидат го подигна помфритот од врелото масло, го протресе, посоли и го стави во садови за сервирање. Тој ги пофали вработените и компанијата, а потоа ја извади главата низ прозорецот и мавташе кон толпата што се собра преку улицата. Почна да им дели хартиени ќесиња со помфрит на луѓето во автомобилите кои чекаа на ред, пишува Вашингтон пост.

Вака изгледаше сцената во Мекдоналдс, Пенсилванија, каде што републиканскиот кандидат за претседател ги покажа неговите вештини за подготвување помфрит, како и неговата скромност, послужувајќи ги гладните гости.

Демократката Камала Харис, пак, посети црква во Џорџија на нејзиниот 60-ти роденден во неделата, во обид да добие што е можно повеќе гласови предвреме.

Харис и Трамп, изедначени во трката за претседател во најконкурентните држави, ги засилија своите напади еден врз друг во последните денови, додека се обидуваат да добијат поддршка преку предвремено гласање по пошта или лично гласање на само 16 дена до изборите на 5 ноември.

Харис присуствуваше на служба и одржа говор во баптистичката црква „Њу брт“ (New Birth) во Стоункрест, Џорџија. Осврнувајќи се на искуствата од детството, Харис повлече остар контраст со грубата и раздорна реторика на актуелната политичка клима, иако таа не го спомна Трамп по име.

Трамп, по ескалацијата на личните напади врз Харис во саботата, изјави дека ќе работи во недела во ресторан на Мекдоналдс во Пенсилванија, „само за забава“, за да ја исмева Харис. Советникот на Трамп, Џејсон Милер, уште тогаш најави дека Трамп ќе работи во делот за помфрит во ресторанот.

Харис вели дека работела во Мекдоналдс кога била млада, а Трамп вели дека не ѝ верува.

The post 📽 ТРАМП ПРЖЕШЕ ПОМФРИТ ВО МЕКДОНАЛДС Направи шоу за да ја исмее Камала appeared first on plusinfo.mk.

Новиот производ прво ќе биде претставен на одредени пазари за да се тестира неговата привлечност на глобално ниво.

Во декември, McDonald’s ги претстави плановите да го поттикне растот со фокусирање на основните ставки од менито.

Ова е прв пат во 84-годишната историја на компанијата да ги смени класичните хамбургери, наведува американската агенција.

Синџирот забележа пад на продажбата на пазарите со мнозинско муслиманско население поради обвинувањата дека го поддржува Израел во конфликтот на Блискиот Исток.

„Мекдоналдс“ негираше дека зазел каква било позиција за конфликтот во Појасот Газа и рече дека не е одговорен за постапките на франшизите.

The post „МЕКДОНАЛДС“ ЈА МЕНУВА ДЕЛОВНАТА ПОЛИТИКА Ќе продава поголеми хамбургери appeared first on plusinfo.mk.

Примателите на франшизата се соочуваат со проценети казни од 200.000 американски долари.

Одделот за плати и часови на одделот утврди дека три одделни франшизи кои работат на 62 локации на „Мекдоналдс“ низ Индијана, Кентаки, Мериленд и Охајо ги прекршиле федералните закони за работни односи со тоа што вработиле 305 деца да работат повеќе од законски дозволените часови, како и да вршат нелегални задачи за млади работници. Според податоците на одделот, од 62 ресторани, 45 биле во Кентаки.

Веста доаѓа кога републиканските пратеници ги таргетираа законите за детскиот труд на национално ниво. Оваа недела, државните пратеници на Републиканската партија во Висконсин циркулираа предлог-закон кој ќе им овозможи на 14-годишните работници да служат алкохол во барови и ресторани. Во државите како Арканзас, Ајова и Охајо беа изгласани предлог-закони предводени од републиканците, кои ќе им олеснат на тинејџерите да работат подолго време и повеќе работни места.

Истражителите на Одделот за труд откриле две 10-годишни деца кои работеле неплатено дури до 2 часот по полноќ на локација на Мекдоналдс во Луисвил, Кентаки, управувана од Бауер Фуд ДОО од Луисвил, се вели во соопштението од вторникот.

Според NBC News, Bauer Food LLC рече дека 10-годишните деца биле деца на ноќен менаџер кој го посетувал нивниот родител на работа и затоа не биле одобрени од раководството да бидат во тој дел од ресторанот. Корисникот на франшизата презеде чекори за да им ги разјасни на вработените сите политики во врска со децата кои посетуваат родител или старател на работа.

Исто така, беше откриено дека тој примател на франшиза вработува 24 деца под 16 години за да работат повеќе од законски дозволените часови, според истражителите, во износ од 39.711 американски долари во граѓански парични казни. Овие часови се ограничени со закон од 7 до 19 часот, освен помеѓу 1 јуни и Денот на трудот кога се продолжуваат до 21 часот.

– Премногу често, работодавците не ги следат законите за детскиот труд што ги штитат младите работници. Во никој случај не треба да има 10-годишно дете кое работи во кујна за брза храна околу топли скари, печки и фритези – рече Карен Гарнет-Сивилс, окружна директорка на Одделот за плати и часови на Одделот за труд во Луисвил.

Откриено е дека Archways Richwood LLC, со седиште во Волтон, Кентаки, им дозволила на 242 деца на возраст од 14 и 15 години да работат повеќе од дозволените часови. Одделот за труд соопшти дека децата работат повеќе од три часа во училишните денови и порано или подоцна во текот на денот отколку што дозволува законот, што се проценува на 143.566 американски долари казни.

Минатата година, одделот за труд открил дека 688 малолетници биле незаконски вработени на опасни позиции во фискалната 2022 година, што е највисока годишна бројка од фискалната 2011 година. Одделението соопшти дека 15-годишно дете било повредено во јуни 2022 година во Тенеси додека користел „длабоко пржење“.

The post ДЕЦА РАБОТЕЛЕ БЕСПАРИ „Мекдоналдс“ во САД експлоатира десетгодишници appeared first on plusinfo.mk.

Група тинејџери биле снимени како дивеат низ ресторан на Мекдоналдс во Нотингем. Тие влегле во продавницата на Мекдоналдс на улицата Кламбер, го прескокнале пултот и почнале да крадат хамбургери, помфрит и пијалаци.

Тие викале додека скокале преку пултот и грабале сѐ што можеле. Другите тинејџери ги извадиле телефоните за да го снимаат лудилото, додека загрозените вработени не можеле да направат ништо друго освен да стојат настрана додека толпата тинејџери ги грабале оброците во неделата навечер.

Полицијата соопштила дека околу 20 млади останале откако го ограбиле ресторанот и вербално им се заканиле на вработените.

Полицајците рекле дека групата исто така се подготвувала да изврши напад и во друг Мекдоналдс на улицата Милтон, но се разбегале кога пристигнале на местото на настанот.

Повеќе за ова на порталот „Мајка и дете“.

The post ГЛАДНА ГОДИНА ЗА БРИТАНСКИ ТИНЕЈЏЕРИ Група од 50 млади нападнале Мекдоналдс и краделе хамбургери и помфрит appeared first on plusinfo.mk.