Еден курир за достава од Кина направил несекојдневен „чекор плус“ за да ја исполни нарачката на клиент. Тој се качил во авион и отпатувал до Сингапур за да земе шест парчиња традиционални сингапурски кари паф.

Нарачката била направена од клиент од Кина, а курирот требало да ги подигне специјалитетите од познатиот „Hong Lim Curry Puff“ во Сингапур.

Необичната сцена се случила на 31 август, околу 16:30 часот, во просторот за храна на четвртиот кат од трговскиот центар „PLQ Mall“.

Таму била и жена по име Клои, која со својата мајка и осуммесечното бебе јадела во ресторанскиот дел. Таа забележала курир во жолта униформа како разговара со вработен на штандот за кари паф.

Бидејќи разговорот траел подолго, Клои првично помислила дека станува збор за јазична бариера и сакала да им помогне.

Но, кога погледнала подобро, забележала дека курирот носи униформа на кинеската технолошка компанија „Meituan“, која во континентална Кина меѓу другото управува со платформи за достава на храна.

– Се прашував кога „Meituan“ се проширила во Сингапур – раскажала Клои за „Mothership“.

Иако во тој момент го доела своето бебе, веднаш го спуштила и почнала да ја снима необичната сцена со телефонот.

Билетот чинел повеќе од храната

Кога разговарала со курирот, дознала дека неговиот клиент е од Кина и дека нарачал шест кари пафови – три со компир и кари и три со сардина.

Тогаш следувало уште поголемото изненадување.

Курирот ѝ кажал дека авионскиот билет го чинел околу 2.400 кинески јуани, односно околу 455 сингапурски долари.

Самата нарачка, пак, чинела само 13,50 сингапурски долари.

Тоа значи дека за патувањето од Кина до Сингапур потрошил повеќе од 33 пати поголема сума од вредноста на храната што требало да ја подигне.

Курирот не открил колкав бакшиш би добил за необичната достава.

Нарачката ја израдувала и сопственичката

Основачката на брендот „Hong Lim Curry Puff“, Викторија Ло, за „Mothership“ изјавила дека во мај 2026 година патувала во Хаинан на промотивен настан.

Токму од Хаинан, според неа, можно е да потекнува клиентот кој ја направил нарачката.

Ло раскажала дека во текот на престојот во Хаинан била изненадена од тоа колку локалците уживале во кари пафовите.

Затоа, необичната нарачка од Кина за неа била и своеобразна потврда дека двегодишниот труд вложен во бизнисот се исплател.

– Многу сме среќни што можеме да го споделиме вкусот на Сингапур – изјавила Ло.

 

View this post on Instagram

 

A post shared by Mothership (@mothershipsg)

The post 📽️ КУРИР ЛЕТАЛ ОД КИНА ДО СИНГАПУР ПО ХРАНА Авионскиот билет чинел 455 долари, а нарачката само 13,50 appeared first on plusinfo.mk.