Само неколку часа по ремито со Нов Зеланд, иранската репрезентација била принудена веднаш да се врати во својата база во Тихуана, наместо да преноќи во САД и мирно да се подготвува за следниот натпревар.

Иранците тврдат дека станува збор за третман каков што нема ниту една друга репрезентација на Светското првенство и јавно прашуваат зошто токму тие се соочуваат со вакви ограничувања.

– Американците нè принудуваат веднаш по натпреварот да се вратиме во нашата база во Тихуана. Поминавме многу време во авионот, сакавме да се опоравиме и да заминеме следниот ден. Но дојдоа по натпреварот и ни кажаа дека мора веднаш да заминеме – изјави селекторот на Иран, Амир Галени.

„Џани сака да помогне, но…“

Пред натпреварот со Нов Зеланд, иранската репрезентација ја посети претседателот на ФИФА, Џани Инфантино.

Сепак, капитенот Мехди Тареми порача дека тоа не ги решава проблемите.

– Џани сака да помогне, но не зависи од него. Сите знаете каде сме. Ќе видиме што ќе се случи во наредните денови. Засега сме во катастрофална позиција – изјави Тареми.

Гол, бод и контроверзна прослава

Дополнително внимание предизвика и стрелецот на вториот гол за Иран, Мохамед Мохеби.

По погодокот за конечни 2-2, тој прослави со гест што наликуваше на пукање со пиштол кон трибините.

Сцената веднаш предизвика реакции на социјалните мрежи, особено поради чувствителниот политички контекст што ја следи иранската репрезентација на овој турнир.

Од Мексико на Светско првенство

Политичките тензии меѓу Вашингтон и Техеран силно влијаеја врз подготовките на Иран.

Дел од стручниот штаб не доби американски визи, па репрезентацијата главниот дел од подготовките го одработи во Тихуана, наместо во Аризона каде првично беше планиран кампот.

Само неколку дена пред почетокот на Светското првенство беше постигнат договор за прекин на непријателствата меѓу САД и Иран, со што беа отстранети последните дилеми околу настапот на иранската селекција.

The post ЏАНИ САКА ДА МУ ПОМОГНЕ НА ИРАН, НО… „Персиските лавови“ мораа веднаш да се вратат во Мексико appeared first on plusinfo.mk.

Само неколку дена откако беше објавен договорот за прекин на непријателствата и повторното отворање на Ормускиот Теснец, Иран истрча на теренот во Лос Анџелес и испрати порака дека не дошол на Светското првенство само да учествува.

Во еден од највозбудливите натпревари од првото коло, Иран двапати се враќаше од негатива и освои бод против незгодниот Нов Зеланд, кој двапати беше на чекор до голема победа.

Конечните 2-2 донесоа спектакл за гледачите, но и дополнителна драма во веќе израмнетата Група Г.

Доаѓаа од Мексико, а не од Аризона

Политиката долго време беше главна тема околу иранската репрезентација.

Додека официјалните лица уверуваа дека нема да има пречки за настапот на Светското првенство во САД, дел од стручниот штаб не доби американски визи.

Поради тоа, Иран главните подготовки ги одработи во Мексико, наместо во планираниот камп во Аризона.

Но со првиот судиски свиреж сите проблеми останаа зад аут-линијата.

Нов Зеланд удри прв

Океанската селекција отвори фуриозно. Крис Вуд одлично ја задржа топката и му асистираше на Елијах Џаст, кој со силен удар ја затресе мрежата за 1-0.

Нов Зеланд продолжи да притиска, но првата пауза за хидратација како да го смени текот на натпреварот.

Иран почна да создава шанси, а Мехди Тареми прво ја погоди стативата со вистински проектил од далечина.

Неколку минути подоцна стигна и израмнувањето. Рамин Резаеиан одлично се снајде пред голот и погоди за 1-1.

WATCH THIS MOVIE

IRAN 2-2New Zealand

WHAT A GAME pic.twitter.com/En3d5eyxMH

— lemarraw (@Lemaere) June 16, 2026

Џаст блескаше, Иран не се предаваше

Вториот дел донесе речиси иста приказна. Повторно Џаст беше човекот што го крена Нов Зеланд на нозе. По нова комбинација со Вуд, напаѓачот на Мадервел ладнокрвно го лобуваше Алиреза Беиранванд за 2-1.

Но Иран повторно најде одговор.

Резаеиан овојпат се најде во улога на асистент, а Мохамад Мохеби со прецизен удар со глава го постави конечниот резултат.

До крајот двата тима имаа шанси во натпревар што личеше на отворена војна пред двата гола.

Група во која сите почнуваат од нула

Ремито дополнително ја закомплицира ситуацијата во Групата Г.

Претходно и Белгија и Египет одиграа без победник, 1-1, што значи дека по првото коло сите четири репрезентации имаат по еден бод и идентична гол-разлика.

– Еден гол на Светско првенство е неверојатно чувство, но два се нешто што не сум можел ни да го замислам. Овој тим е навистина специјален, но знаеме колку тешки противници нè чекаат – изјави двојниот стрелец Елијах Џаст

The post 📽️ ИРАН ИЗВОЈУВА БОД ВО СЕНКА НА ВОЈНАТА Ремито со Нов Зеланд донесе спектакл за гледачите appeared first on plusinfo.mk.