Русија веројатно ќе мора да го пополнува својот „фонд за размена“ со Европејци и Американци за да може да ги ослободува своите граѓани приведени во Европа – изјави денеска заменик-претседателот на Советот за безбедност на Русија, Дмитриј Медведев, по апсењето на познатиот руски воен блогер Михаил Звинчук во Црна Гора.

Звинчук, раководител на рускиот канал на апликацијата Телеграм „Рибар“ и поранешен вработен во руското Министерство за одбрана, беше уапсен утрово во градот Рисан во акција на црногорските безбедносни служби, објави црногорскиот весник „Вијести“.

– Сега, сосема е можно дека ќе мора да го пополнуваме фондот за размена со Европејци и Американци за да ги извлекуваме нашите – напиша Медведев, поранешен претседател и премиер на Русија, на својот канал на апликацијата Телеграм.

– Нема друг начин: кога живееш со волци, урлаш како волк – додаде тој.

Медведев оцени дека Русите грешат кога патуваат во европските земји, дури и кога имаат добри намери и важни цели.

– Потенцијално, на сите Руси, и нагласувам – на сите, им е објавен лов. Не ги спасуваат ниту визите, ниту поканите, ниту какви било гаранции. Може да биде уапсен секој, особено ако ја кажува вистината за западните земји и Европската Унија – истакна Медведев.

Руските дипломати ќе ги утврдат причините за приведувањето на Звинчук во Црна Гора, соопшти портпаролот на Кремљ, Дмитриј Песков, во изјава за телевизискиот канал „Ѕвезда“.

– Нашите дипломати ќе ги разјаснат причините за приведувањето и, како и во случаите со сите руски државјани, ќе се зафатат со заштита на неговите права – изјави Песков.

ШЕФОВИТЕ НА РУСКАТА ХИБРИДНА МРЕЖА „РИБАР“ УАПСЕНИ ВО ЦРНА ГОРА Михаил и Валерија Звинчук наводно снимале документарно видео

The post „РУСИЈА ТРЕБА ДА ПОЧНЕ ДА АПСИ АМЕРИКАНЦИ И ЕВРОПЕЈЦИ“ По апсењето на рускиот блогер Медведев бара „пополнуваење на фондот за размени“ appeared first on plusinfo.mk.

Заменик-претседателот на Советот за безбедност на Русија Дмитриј Медведев во интервју за рускиот весник „Ведомости“ изјави дека руската нуклеарната доктрина не е само навестување, туку Москва има целосно право да одговори на критичните закани за нејзиниот суверенитет.

– Ова не е тактика на заплашување, туку реалност. Нуклеарната доктрина на Русија, според која земјата го задржува правото да користи такво оружје доколку нејзината безбедност е загрозена, тешко може да се опише како обично навестување – посочи Медведев.

Според поранешниот руски претседател и премиер, Русија има документ во кој се наведени условите и воените закани под кои Москва би употребила нуклеарно оружје.

Тој потсети дека агресијата од која било ненуклеарна држава против Русија или Белорусија, со учество или поддршка на нуклеарна сила, се смета за напад врз двете земји. Русија и Белорусија формално се федерална држава од 1999 година.

– Имаме целосно право да одговориме на критична закана за нашиот суверенитет. Конечната одлука ќе ја донесе шефот на државата – истакна Медведев.

Тој го обвини Западот дека се обидува да го доведе светот до работ на нуклеарна апокалипса. Нападите врз руските градови ги нарече „агресивни дејства што еден ден би можеле да предизвикаат трета светска војна“.

Медведев посочи дека Русија поседува воените капацитети за напади врз Киев и клучните цели на НАТО.

– Сепак, тоа би била точка од која нема враќање за целата планета, а не само за завојуваните страни. Свесни сме за нашата одговорност за судбината на човештвото и правиме сè што можеме за да спречиме глобална катастрофа – наведе Медведев.

Тој додаде дека трпението на Русија не е бесконечно, а употребата на нуклеарно оружје би било „последна опција, последно средство што ќе се користи само кога сите други мерки ќе пропаднат“.

Денес, ние сме само на неколку чекори, само на неколку секунди на часовникот на судниот ден, потенцира Медведев.

The post РУСКАТА НУКЛЕАРНА ДОКТРИНА НЕ Е ПРАЗНА ЗАКАНА! Медведев со морничава порака до Европа и Западот appeared first on plusinfo.mk.

Позициите каде што Германија ги распоредува своите системи со долг дострел ќе станат легитимни воени цели ако ова оружје биде насочено против Русија, изјави функционер во руската амбасада во Берлин, пренесува ТАСС.

– Критичарите на неконтролираната германска милитаризација со право истакнуваат дека местата каде што е распоредено такво оружје неизбежно ќе станат легитимни воени цели за Русија – рече функционерот.

Затегнувањето на односите меѓу Берлин и Москва беше дополнително ескалирано со неодамнешните инциденти со беспилотниte летала на аеродромот во Лајпциг и острите политички препирки меѓу германскиот канцелар Фридрих Мерц и заменик-претседателот на Советот за безбедност на Руската Федерација, Дмитриј Медведев.

Инцидентот во Лајпциг се случи кога дрон опремен со експлозив беше забележан на тамошниот аеродром во близина на товарен авион на украинската компанија Антонов, кој се користел за транспорт на воена опрема. Иако експлозивната направа не експлодирала, германската и сојузничката разузнавачка служба заклучиja дека станува збор за обид за саботажа.

Германската влада официјално ја обвини Русија за водење хибридна војна и напад врз критична инфраструктура. Канцеларот Фридрих Мерц го осуди чинот, а како одговор, германската страна одлучи да го затвори рускиот генерален конзулат и да го откаже договорот за закуп за Руската куќа во Берлин.

Од руска страна, Дмитриј Медведев остро ги отфрли обвинувањата поврзани со Лајпциг, прогласувајќи ги за инсценирана провокација од страна на западните разузнавачки служби. Во своите карактеристично запалливи забелешки, Медведев ги обвини Мерц и германското раководство за водење опасна милитаристичка политика.

– Ако Германија продолжи да ја обвинува Москва и да ѝ дава воена помош на Украина, ќе стане директен учесник во конфликтот. Во исто време, германските воени објекти, инфраструктура и локации каде што е распоредено западно оружје со долг дострел претставуваат целосно легитимни воени цели за руски напади – рече Медведев.

The post ГЕРМАНСКИТЕ РАКЕТНИ СИСТЕМИ ЌЕ СТАНАТ ЛЕГИТИМНИ ВОЕНИ ЦЕЛИ ЗА РУСИЈА Москва со заканувачки пораки до Берлин appeared first on plusinfo.mk.

Заменик-претседателот на Рускиот совет за безбедност и поранешен претседател на Русија Дмитриј Медведев изјави дека никакви правила не треба да важат за Киев, обвинувајќи ја Украина за сè поинтензивни напади врз руските градови.

„Со оглед на масовните напади на непријателот врз нашите градови, чиј интензитет се зголемува и очигледно ќе продолжи да се зголемува, време е отворено да се каже дека повеќе нема правила за неонацистички Киев и дека не може да има“, напиша Медведев на својот канал на социјалната мрежа Maкс.

Тој додаде дека за Русија постои само една линија што не смее да се премине, а тоа е намерното уништување на цивили.

– Нагласувам: намерно, односно свесно и насочено. Сè друго е сосема дозволено, без оглед на тоа како Зеленски и неговата подла европска поддршка се обидуваат да го прикажат тоа – вели Медведев.

Тој, исто така, ја доведе во прашање релевантноста на меѓународните правила на војување.

„Патем, Хашките конвенции за законите и обичаите на војувањето исто така треба да завршат во таа категорија. Тие повеќе не се потребни. Војните премногу се променија во последните сто години“, напиша Медведев.

Според него, некогаш не било вообичаено да се киднапираат или убиваат водачите дури и на непријателски земји, ракетите и беспилотните летала ги заменија поранешните методи на војување.

„Тогаш, бомбите се фрлаа од балони, а денес тоа го прават ракетите и беспилотните летала. Затоа повикувањето на клаузулата rebus sic stantibus е сосема соодветно“, заклучи Медведев.

Клаузулата „rebus sic stantibus“ во меѓународното право го означува принципот според кој обврските можат да престанат да важат ако околностите врз кои се засновале значително се променат.

The post „НЕМА ВЕЌЕ ПРАВИЛА ВО ВОЈНАТА ПРОТИВ НЕОНАЦИСТИЧКИОТ КИЕВ“ Медведев рече дека правилата се сменети по интензивните напади врз руските градови appeared first on plusinfo.mk.

Поранешниот светски рекет број еден и моментално осми на АТП листата, Данил Медведев, доживеа рана елиминација на вториот гренд-слем турнир сезонава, откако загуби уште во првото коло на Ролан Гарос.

Рускиот тенисер беше поразен во драматичен меч од пет сета од Австралиецот Адам Волтон (АТП 97), кој настапува со вајлд-карта, со 6-2, 1-6, 6-1, 1-6, 6-4.

Медведев двапати се враќаше во мечот и го израмнуваше резултатот, но во решавачкиот петти сет не успеа да го задржи ритамот и доживеа седма рана елиминација на гренд-слем турнирот во Париз.

За Русинот ова беше десетти настап на Ролан Гарос, турнир на кој првпат триумфираше во 2021 година кога стигна до четвртфинале. Сепак, земјената подлога и понатаму останува неговата најслаба површина, на која често има проблеми со конзистентноста.

Дополнително, Медведев неодамна доживеа еден од најтешките порази во кариерата, кога на Мастерс турнирот во Монте Карло загуби од Матео Беретини со убедливи 6-0, 6-0.

The post РАНА ЕЛИМИНАЦИЈА ЗА МЕДВЕДЕВ Поранешниот број 1 испадна уште на стартот во Париз appeared first on plusinfo.mk.

Заменик-претседателот на Советот за безбедност на Русија, Дмитриј Медведев, оцени дека евентуалното приближување на Германија до поседување нуклеарно оружје би претставувало „несомнен casus belli“ (повод за војна) и причина за преземање најшироки мерки на руски одговор во рамките на доктрината за нуклеарно одвраќање.

Во текст објавен за РТ, Медведев наведе дека таквиот развој на настаните би предизвикал сериозна загриженост не само во Москва, туку и во Соединетите Американски Држави, особено во контекст на можни нови преговори за договорот СТАРТ-4 и евентуално вклучување на Кина во нуклеарните аранжмани.

Тој предупреди на, како што рече, сценарио на „нуклеарна Европа под водство на милитаристичка Германија“, тврдејќи дека дел од потенцијалниот арсенал би можел да биде надвор од контрола на НАТО, што според него би имало глобални безбедносни последици.

Медведев го обвини Западот за подготвеност да ги игнорира или прекршува меѓународните договори, вклучително и поранешните ветувања дека НАТО нема да се шири кон исток, наведувајќи дека политичките договори често се напуштаат поради „политичка целисходност“.

– Брзината и дрскоста со кои западните сили денес ги напуштаат фундаменталните меѓународни документи и принципи во корист на озлогласената политичка целисходност се вџашувачки – изјави Медведев.

Во делот посветен на Германија, тој оцени дека официјален Берлин води политика која, според него, подразбира стремеж кон стратешки пораз на Русија и поддршка за Украина, која ја опиша како посредно вклучена во поширок конфликт.

– Германците се подготвени да ги користат украинските вазали како евтина монтажна работилница за своето производство – наведе Медведев.

Тој додаде дека германското политичко раководство ја прогласило Русија за „главна закана за безбедноста и мирот“ и дека во Берлин официјално е објавена целта за нанесување „стратешки пораз“ на Москва.

Според Медведев, Германија, како и Европската Унија во целина, немале ниту повод ниту објективни причини толку силно да застанат во одбрана на Украина и да ја прогласат Русија за свој „вечен непријател“.

Тој предупреди дека Русија мора да одржува високо ниво на борбена готовност на западниот правец, повикувајќи се на историски паралели со Втората светска војна и нагласувајќи дека не смее да се повтори „трагедијата од 1941 година“.

На крајот Медведев повтори дека приближувањето на Германија кон нуклеарен капацитет или промена на европската безбедносна архитектура без, како што тврди, соодветна контрола, би можеле да предизвикаат руски одговор во согласност со руските стратешки нуклеарни доктрини.

The post ДОКОЛКУ СЕ ПРИБЛИЖИ ДО ПОСЕДУВАЊЕ НУКЛЕАРНО ОРУЖЈЕ – ТОА БИ БИЛО ПОВОД ЗА ВОЈНА Медведев упати закани до Германија appeared first on plusinfo.mk.

Однапред е планиран украинскиот напад со дронови врз цивилната област во Херсонскат област, тврди Москва, по синоќешниот удар со дронови врз кафуле полно со млади што ја славеле Новата година, во кој загинаа најмалку 24 луѓе.

„Нема сомнение дека нападот врз кафулето и хотелот во градот Хорли во Херсонската област бил планиран однапред“, објави Министерството за надворешни работи на Русија на Телеграм.

Министерството истакнува дека дроновите намерно го нападнале местото каде што се собирале цивили за време на прославата на Нова година.

„Во првиот час од Новата 2026 година, киевскиот режим изврши уште еден терористички чин против цивилното население на руските региони“, објави министерството.

Во нападот загинаа 24 лица, а повеќе 50 се ранети и хоспитализирани. Меѓу повредените има 6 малолетници, а едно дете е убиено, се додава во соопштението на руското МНР.

По нападатот заменик-претседателот на Советот за безбедност на Русија, Дмитриј Медведев изјави  дека руската војска ќе одговори немилосрдно.

– Немилосрдна одмазда за нападите врз цивилите во Херсонската област во новогодишната ноќ е неизбежна. Следува офанзива на руските вооружени сили – соопшти Медведев.

Гувернерот на Херсонската област, Владимир Салдо, соопшти дека 2 и 3 јануари се прогласени за денови на жалост во таа област. Рускиот Истражен комитет соопшти дека е покрената кривична истрага за терористички напад.

Русија ја анектира украинската Херсонска област, која се наоѓа во долниот тек на Дњепар, во септември 2022 година, по референдумот што Киев не го признава. Руската војска контролира околу 75 отсто од регионот, додека украинската војска го држи десниот брег на Дњепар, вклучувајќи го и градот Херсон.

The post СМРТОНОСЕН НАПАД СО ДРОН ВРЗ КАФУЛЕ ВО ХЕРСОН, 24 МРТВИ Русија тврди дека Украина намерно гаѓала цивили appeared first on plusinfo.mk.

Заменик-шефот на рускиот Совет за безбедност, Дмитриј Медведев, изјави дека САД го „предале“ украинскиот претседател Владимир Зеленски, тврдејќи дека сегашната американска администрација „повеќе не му верува“.

„Кој го предаде лошиот музичар? Не Европа, не НАТО. Само Вашингтон е способен да ги погуби и помилува своите кучкини синови. Студениот ветер дуваше оттаму“, напиша Медведев на Телеграм.

Тој оцени дека Зеленски секојдневно губи потези „на шаховската табла“.

Во меѓувреме, весникот Спектатор објави дека корупциски скандал поврзан со бизнисменот Тимур Миндич, ко-сопственик на „Квартал 95“ и близок соработник на Зеленски, може да доведе до негова оставка. Украинските обвинители го водат случајот под кодното име „Мидас“.

The post МЕДВЕДЕВ ЗНАЕ КОЈ ГО ПРЕДАДЕ ЗЕЛЕНСКИ ЗА „МИДАС“? Само тие можат да го погубат, па пак да го помилуваат appeared first on plusinfo.mk.

Во најтешките денови од февруари 2022 година, украинскиот претседател Володимир Зеленски го повикал тогашниот генерален секретар на НАТО Јенс Столтенберг од бункер во Киев и го молел да воспостави зона на забранет лет над Украина. Столтенберг сведочел дека барањето било одбиено, јави британскиот „Тајмс“.

– Зеленски ме повика од бункер, на само неколку километри од руските тенкови. Рече: Прифаќам дека нема да пратите копнени сили, иако не се согласувам, но ве молам затворете го небото над Украина – изјавил Столтенберг.

Тој потсетил дека Зеленски се повикал на примерот на Босна и Херцеговина, кога НАТО воспостави воздушна контрола за време на конфликтот во поранешна Југославија.

Меѓутоа, Столтенберг објаснил дека таков потег би значел директен судир меѓу алијансата и Русија.

– Разбирам зошто го барате тоа. Но ако НАТО затвори украинско небо, ќе мораме да ги уништиме руските противвоздушни системи во Белорусија и Русија. Тоа значи директна војна меѓу НАТО и Москва, а ние не сакаме тоа да се случи – рекол поранешниот генерален секретар.

Од друга страна, Москва уште во септември предупреди дека секоја зона на забранети летови би значела отворен воен судир со Западот. Заменикот на рускиот Совет за безбедност Дмитриј Медведев ја нарекол идејата „провокација“, а амбасадорот во Брисел Денис Гончар изјавил дека таквите барања претставуваат „директно поттикнување на војна меѓу НАТО и Русија“.

Во јули 2024 година, портпаролот на Стејт департментот Ведант Пател изјавил дека САД не се подготвени да разговараат за воспоставување зона на забранети летови над Украина.

The post ЗЕЛЕНСКИ МОЛЕЛ ЗА ЗАТВОРЕНО НЕБО, СЕ ПОВИКАЛ НА ВОЈНАТА ВО БиХ? Еве што му одговорила Алијансата во 2022 година appeared first on plusinfo.mk.

Поранешниот руски претседател Дмитриј Медведев предупреди дека евентуалното снабдување на Украина со американски Томахавк-ракети може да има сериозни последици за сите, „особено за американскиот претседател Доналд Трамп“.

Во објава на Телеграм, Медведев – познат по своите остри и воинствени изјави – истакна дека по лансирањето е невозможно да се разликува дали ракетите носат нуклеарни или конвенционални боеви глави, што, како што нагласи, ја прави ситуацијата исклучително ризична.

– Како треба Русија да одговори? Точно така! – напиша Медведев, алудирајќи на можен нуклеарен одговор од Москва.

Изјавата уследи откако Трамп повторно изјави дека може да ѝ понуди на Украина Томахавк-ракети со голем дострел доколку рускиот претседател Владимир Путин не го запре војувањето.

– Можеби ќе го направиме тоа… дали сакаат Томахавки да одат во нивна насока? Не мислам така – рече Трамп.

Медведев потсети и на августовската изјава на Трамп дека наредил две нуклеарни подморници да се приближат кон Русија поради, како што рече, „провокативни коментари“ од рускиот политичар. Претседателот Путин претходно предупреди дека евентуалното снабдување на Украина со Томахавк-ракети – со дострел од 2.500 километри, доволен да стигнат до Москва – би ги уништило односите меѓу САД и Русија.

Украинскиот претседател Володимир Зеленски, пак, нагласи дека Киев би ги користел ракетите само за воени цели и дека нема намера да напаѓа цивили во Русија.

The post ТОМАХАВК ОД УКРАИНА БИ ПОВЛЕКОЛ НУКЛЕАРЕН ОДГОВОР ОД РУСИЈА Медведев вели дека тоа ќе биде лошо за сите, особено за Трамп appeared first on plusinfo.mk.