Данил Медведев повторно беше во центарот на вниманието поради својот темперамент, но овојпат не поради расправија со судијата или противникот, туку поради необична „пресметка“ со рекламите покрај теренот.

Рускиот тенисер доживеа елиминација од турнирот во Синсинати, откако во мечот од кој беше исфрлен од турнирот загуби со 1:2 од Брендон Накашима.

Сепак, еден момент од натпреварот стана вирален на социјалните мрежи.

Во еден момент топчето отскокна и заврши во рекламниот панел покрај теренот. Оттаму се одби назад и директно го погоди Медведев во главата.

In Medvedev’s defense, that advertisement did hit him in the head pic.twitter.com/Nf0aNPmV9z

— Barstool Tennis (@StoolTennis) August 18, 2026

Русинот веднаш реагираше бурно.

Очигледно изнервиран од ситуацијата, Медведев го фрли рекетот кон рекламниот панел, па изгледаше како да започнал необична „тепачка“ со рекламите.

Така, во оваа кратка „пресметка“, рекламите прво го погодија Медведев со топче, а тенисерот возврати со рекет.

Снимката брзо се прошири на социјалните мрежи, каде што корисниците се пошегуваа на сметка на реакцијата на рускиот тенисер.

Медведев и претходно во кариерата имал голем број моменти во кои неговиот темперамент доаѓал до израз. Тој е познат по бурните реакции, расправиите и конфликтите на теренот, но и по тоа што често станува главен актер во најнеобичните моменти на тениските натпревари.

Овојпат, сепак, противникот не беше Накашима, туку – рекламниот панел.

The post 📽️ МЕДВЕДЕВ СЕ СТЕПА СО РЕКЛАМИТЕ ВО СИНСИНАТИ Топчето го погоди во глава, а тој замавна со рекетот appeared first on plusinfo.mk.