Владимир Путин се чини станува опседнат со идеите на клубот Валдај, елитен тинк-тенк близок на Кремљ, такашто дури редовно им оди на годишните конференции, пишува хрватскиот портал Јутарњи лист во својата анализа на руската надворешна политика и промените во светската геополитичка и идеолошка сцена, од перото на Сњежана Павиќ, реномирана и искусна хрватска новинарка, публицистка и аналитичарка:

Визијата на Владимир Путин за мултиполарен свет е темел на руската надворешна политика уште од неговиот говор во Минхен во 2007 година. Суштината на таа идеја е дека по завршувањето на Студената војна американската доминација постепено слабее, а Русија се обидува да го врати својот изгубен глобален влијателен статус.

Надворешнополитичките потези на Путин во изминатите години, според проруски аналитичари, подобро се објаснуваат преку теоријата на хаосот, отколку преку класичните геополитички модели. Таков став изнесува аналитичарот Антон Барбашин (Anton Barbašin) во анализа објавена за порталот Ридл Русија (Riddle Russia).

Според оваа теорија, „стариот свет“ е неповратно исчезнат. На сцена е неконтролиран хаос, секоја држава функционира како изолиран систем, а војната станува новата нормалност. Барбашин забележува дека ова размислување станало особено популарно меѓу прокремљовските аналитичари по анексијата на Крим и почетокот на војната во источна Украина, пред околу 15 години.

Овие аналитичари се собрани околу клубот Валдаи (Valdai Club) – влијателен тинк-тенк чии годишни конференции редовно ги посетува и самиот Путин. Тие сметаат дека светот повеќе не може да се објасни со концептот на „мека биполарност“, во која Соединетите Американски Држави и Кина се два доминантни пола, а останатите држави се приклонуваат кон едниот или другиот.

Според нивната анализа, во глобалните случувања нема јасен образец или предвидлив ред. Како што пренесува рускиот опозициски портал Медуза (Meduza), новата парадигма најчесто служи како интелектуално оправдување за постојната надворешна политика на Путинова Русија.

Повикување на историјата

Барбашин оценува дека мултиполарноста е идеал, слично како што комунизмот бил идеал за Советскиот Сојуз. Во тој контекст, тој ја толкува и војната во Украина – како обид на Русија да создаде сопствена зона на влијание во свет во кој исчезнале правилата и рамнотежата од времето на Студената војна.

Аналитичарите од клубот Валдаи руската агресија ја прикажуваат како прилагодување кон новиот глобален хаос, за кој веруваат дека не може да се контролира. Дел од ова размислување е и убедувањето дека старите правила веќе не важат и дека единствената гаранција за опстанок и стабилност е воената моќ.

Оттука, според таа логика, станува „разбирливо“ зошто Русија ги прекршува меѓународните договори и меѓународното право и извршува инвазија врз Украина – борејќи се за својот интерес во свет каде, како што сметаат, повеќе не владеат правила, туку сурова сила.

– Нема смисла да се воздржувате од употреба на „било каква неопходна сила“, бидејќи со тоа всушност создавате нови правила и покажувате дали сте способни да бидете голема сила – ја објаснува Барбашин оваа логика. Според неа, само силата ги поставува правилата, а останатите мора да се прилагодат.

Барбашин не гледа противречност меѓу теоријата на хаосот и честото повикување на Путин на руската историја и таканаречените „историски права“ врз туѓи територии. Селективното користење на царската и советската историја, вели тој, создава чувство на континуитет и визија за обнова на некогашната моќ.

Од перспектива на Москва, гледано од 1991 година наваму, токму Западот е тој што ги прекршил старите правила, а не Русија. Според ова толкување, Русија само реагира.

Пораки од Путин

Путин лично ги повтори овие ставови на својата годишна прес-конференција минатиот петок.

– Не се сметаме одговорни за смртта на луѓето во Украина, бидејќи ние не ја започнавме оваа војна – нагласи тој.

Тој додаде дека Русија нема да започнува нови „специјални воени операции“ сè додека Западот, како што рече, „се однесува со почит“ кон Москва.

Путин позитивно се изјасни и за иницијативата на Доналд Трамп за запирање на војната во Украина, истакнувајќи дека Русија е решена да продолжи со разговорите со Соединетите Американски Држави. На прес-конференцијата, тој ги оцени напорите на Трамп како „целосно искрени“ и рече дека „практично се согласил“ со неговите предлози за време на самитот на Алјаска минатото лето.

Европската Унија како пречка

Говорејќи на самит во Киргистан, кон крајот на ноември, Путин предупреди дека Русија е подготвена и понатаму да освојува територии со сила доколку Киев ги одбива условите за прекин на огнот. Овој став го повтори и на состанок со високи воени претставници на 17 декември.

– Целите на специјалната воена операција несомнено ќе бидат постигнати – рече Путин, заканувајќи се дека Русија ќе ги „ослободи своите историски територии“ со воени средства доколку спротивната страна и нејзините странски поддржувачи одбиваат сериозни разговори.

Имајќи предвид дека администрацијата на Трамп сака да „склучи договор“ за Украина и да ги обнови економските врски со Русија, Путин јасно стави до знаење дека Европската Унија сега ја гледа како главна пречка. Сепак, според анализата на Барбашин, Путин верува дека е само прашање на време кога и европската политика ќе се сврти во негова корист. Тој минатата недела изјави дека сегашните европски лидери на крајот ќе ја изгубат власта, по што дијалогот со Русија ќе стане „неизбежен“.

Теоријата на хаосот и внатрешната политика

Кога теоријата на хаосот се применува и на состојбите внатре во Русија, руските аналитичари заклучуваат дека универзални вредности повеќе не постојат и дека моралот нема место во надворешната политика. Според нив, Кремљ е слободен да преземе какви било мерки што ги смета за неопходни за да обезбеди внатрешна стабилност и да спречи глобалните противници да ја искористат наводната слабост на Русија.

Со други зборови, тие ја оправдуваат автократската политика на Путин и го толкуваат светот на начин што најмногу му одговара на рускиот лидер.

The post ЗОШТО ПУТИН Е ОПСЕДНАТ СО ИДЕИТЕ НА КЛУБОТ ВАЛДАЈ? Што носи визијата на Свет во кој силата е единствено правило appeared first on plusinfo.mk.

Македонските туристи кои годинава ќе летуваат на грчките плажи треба да бидат крајно внимателни – во водите на неколку популарни дестинации е регистрирано зголемено присуство на виолетовата медуза, предупредуваат од Грчката опсерваторија за биодиверзитет.

Се работи за видот „Pelagia noctiluca“, кој според експертите е „импресивен, но и опасен“ поради неговиот силен убод. Присуството на овој вид е потврдено во морските области кај градот Волос, во северниот и централниот дел на островот Евија, како и кај островите Скијатос и Скопелос – дестинации кои секое лето се меѓу најпосетените од македонските граѓани.

– Доколку пливате или посетувате плажи во овие делови, бидете особено внимателни. Убодот од „Pelagia noctiluca“ е многу болен и може да предизвика силна реакција, особено кај деца или лица со чувствителна кожа – предупредуваат од опсерваторијата.

Посебно е загрижувачка ситуацијата во близина на градот Халкида, каде водите од заливот Пагаситикос се отвораат кон отворено море, овозможувајќи ширење на медузите.

Од организацијата наведуваат дека слична ситуација со масовна појава на виолетовата медуза се забележува и во други медитерански земји – Гибралтар, Шпанија, Франција, Италија и Јадранскиот брег, слично како и во периодот 2020–2023 година.

Во случај на убод, експертите советуваат:

– Остатоците од медузата да се отстранат со пластичен предмет (на пр. кредитна картичка), никогаш со раце;

– Местото да се измие само со морска вода (не со обична вода или оцет);

– Да се нанесат ладни облоги или мраз за намалување на болката;

– Да се употреби крем со кортизон за намалување на воспалението.

Иако не претставува животозагрозувачка опасност за здрави луѓе, виолетовата медуза сепак може да предизвика сериозна непријатност, па затоа се препорачува внимателност, особено кај деца и постари лица.

The post ОПАСНАТА ВИОЛЕТОВА МЕДУЗА СЕ ПОЈАВИ ВО ГРЦИЈА Македонците предупредени да бидат внимателни на грчките плажи appeared first on plusinfo.mk.

Месојадно морско животно кое наликува на безопасен цвет касна 4-годишно девојче на плажата Агиос Георгиос во Грција. Таа ќе мора шест месеци да се држи подалеку од сонце поради големината на отокот на нејзиното тело кој треба целосно да исчезне, пишува Ламја.гр.

–  Нашето девојче врескаше од болка и веднаш притрчавме кон неа без да можеме да разбереме што се случило. Уште четири лица кои биле убодени од анемона, некои во поголема, други во помала мера, ни објаснија што се случило со девојчето. Ги извадивме остатоците од пипалата и веднаш ѝ дадовме кортизон – вели мајката која во консултација со педијатарот и дала антихистамин и сега користат и кортизонска маст.

Убодите од морската анемона предизвикуваат силна болка и чешање. Исто така, предизвикува карактеристичен осип на кожата, сличен на изгореница, поради отровот што го носи за да ги дрогира своите жртви.

Симптомите на убодот се третираат со кортизон и антихистаминици доколку се присутни алергиски симптоми. Особено за луѓето кои имаат историја на алергии, треба да се внимава многу повеќе и можеби ќе треба да побараат помош во болница.

Неопходно е да се отстранат пипалата од телото со нешто тврдо (на пример со картичка) без да ги допирате со голи раце. Раната се плакне со морска, а не со свежа вода.

Анемоните се животни кои се држат за карпите. Тие не се растенија! Затоа е подобро на карпести и диви плажи во вода да се влегува со влечки.

За жал, во последниве години, климатските услови го фаворизираа зголемувањето на присуството на морски анемони, како и медузи, во Грција.

За разлика од медузите кои можат да бидат видливи како пливаат во водата, анемоните се скриени во карпите.

The post ПАНИКА ВО ГРЦИЈА, ВО МОРЕТО СЕ ПОЈАВИ МЕСОЈАДНО ЖИВОТНО! Анемоната гризна 4-годишно девојче на плажа appeared first on plusinfo.mk.

Еден од неколкуте типови медуза за кои порталот тврди дека се најбезопасни е кафеавата медуза Cotylorhiza tuberculata која Грците ја викаат салуфа. Таа е многу честа појава низ грчките мориња. Според порталот, „нејзиниот убод може да биде досаден и непријатен некое време, но толку е“.

Туристи дури и често се сликаат како ја држат оваа медуза. Но, не е препорачано!

Некои луѓе се алергични и можат да почувствуваат повеќе од локален убод и чешање од каснување од медуза. Тогаш мора да се побара лекарска помош.

Но, во најголемиот број случаи постојат четири нешта кои можете да ги направите за да го ублажите дејството:

1. Исплакнете ја погодената област со морска вода. Избегнувајте свежа вода, оцет, алкохол или урина, како што некои постари луѓе погрешно сугерираат.

2. Ако некои пипала сѐ уште се прикачени на кожата, отстранете ги со ракавица, стап или со крпа.

3. Не го тријте погодениот дел од телото бидејќи тоа може да резултира со дополнително ослободување на отровот.

4. Ако убодот е силен, ставете суво ладно пакување (мраз во пластична кеса завиткана во крпа или маица) на погодениот дел од телото.

Најчестата медуза во грчките мориња е Pelagia noctiluca, која живее на отворено море и докажано е дека нејзиниот пораст на населението нема никаква врска со загадувањето.

Годишно 150 милиони луѓе бидуваат каснати од медуза. Медузите немаат мозок, коски или срце, туку само нерви, а нивното „желе“ е многу старо. Тие се меѓу најстарите животни. Биле тука пред диносаорусите, односно пред животните или дрвјата. Преживеале пет масовни истребувања. Некои од нив се буквално бесмртни, тајна која уште ги изненадува научниците!

Медузите исто така немаат свој природен противник во морето.

Во еден експеримент медузи се размножувале дури и во вселената, иако по враќањето на примероците тие не можеле да функционираат како треба во водата бидејќи им било нарушено чувството за гравитација.

Во март оваа година, 17-годишна австралиска тинејџерка беше смртно искасана од австралиска медуза, вид што се смета за најотровен во светот. Смртоносните сорти на медузи се наоѓаат главно во тропските води во северна Австралија, а постои дури 51 ваква сорта.

The post ЧЕТИРИ НЕШТА КОИ ТРЕБА ДА ГИ НАПРАВИТЕ АКО ВЕ КАСНЕ МЕДУЗА Видовите кои ги има во Егејското Море не се отровни, но не ги допирајте! appeared first on plusinfo.mk.

Во заливот Велика Колумбарица на хрватскиот полуостров Камењак, забележана е морска медуза од типот Pelagia noctiluca, која во контакт со луѓе остава повреди слични на изгореници, пренесува српскиот портал Новости.

Изгорениците тешко се лекуваат и се болни. На местото на повредата останува депигментација на кожата или дури и лузна.

Здружението „Еко море Медулин“ објави дека станува збор за релативно мала медуза, со полукружна капа и розови точки. Таа расте до 20 сантиметри во должина, а живее на длабочина до 10 метри под површината на водата, каде што лебди и повремено плива.

Изгледот на оваа медуза, велат од здружението, не е причина да не пливате во морето. Сепак, тие дале цела листа на совети како да постапите во случај да наидете на „месечината“.

The post Опасна медуза во Јадранското Море: Повредите тешко се лекуваат и се крајно болни! appeared first on plusinfo.mk.