Локален рибар кај брегот на Крит уловил една од најопасните инвазивни риби што во последните години сè побрзо се шири низ Медитеранот. Станува збор за рибата напухач (Lagocephalus sceleratus), позната и како сребренообразна риба жаба, чиј отров е толку силен што може да предизвика тешко труење, парализа, па дури и смрт.

Рибарот Никос Куракис уловил примерок долг околу 50 сантиметри во морето кај Ираклион, на островот Крит, една од најпопуларните туристички дестинации во Грција.

Фотографиите и видеата од уловот за кратко време се проширија на социјалните мрежи.

Ένας ερασιτέχνης ψαράς έπιασε έναν λαγοκέφαλο «τέρας» σε παραλία με δεκάδες λουόμενους, καθώς το ψάρι ξεπερνούσε τα 50 εκατοστά σε μήκος.

Σύμφωνα με το https://t.co/8Q5roJknFW, η παρουσία του τόσο κοντά στην ακτή προκαλεί προβληματισμό, καθώς ο λαγοκέφαλος έχει εξαπλωθεί τα… pic.twitter.com/6Pg3SvZkbK

— in.gr/news (@in_gr) July 27, 2026

Иако оваа риба во Медитеранот во просек достигнува должина од околу 40 сантиметри, научниците предупредуваат дека нејзината големина не е најголемиот проблем. Многу посериозна закана се нејзината висока токсичност и брзото ширење, со кое ги потиснува автохтоните морски видови.

Рибата напухач потекнува од Црвеното Море, а во Средоземното Море навлегла преку Суецкиот Канал. Во грчките води првпат е регистрирана пред речиси две децении, а денес сè почесто се среќава околу Крит, Додеканезите и во други делови на Егејското Море.

Според експертите, во Медитеранот речиси и да нема природни предатори што можат да го контролираат нејзиното размножување, поради што таа претставува сериозна закана за морскиот екосистем.

Најголемата опасност е тоа што оваа риба содржи тетродотоксин – еден од најсилните познати невротоксини. Најголеми концентрации од отровот има во црниот дроб, јајниците и кожата.

Доколку се консумира, може да предизвика тешко труење, парализа и смрт. Поради тоа, продажбата и консумирањето на овој вид се забранети во Грција и во сите земји членки на Европската Унија.

Освен што претставува ризик за здравјето на луѓето, рибата напухач им создава сериозни проблеми и на рибарите. Благодарение на исклучително силните вилици, лесно ги оштетува рибарските мрежи и алати, а истовремено се храни со економски значајни видови риби и главоножци, предизвикувајќи големи штети.

Морските биолози внимателно го следат ширењето на овој инвазивен вид и предупредуваат дека, со порастот на температурата на морето поради климатските промени, условите за негово понатамошно ширење ќе стануваат сè поповолни. Според нив, рибата напухач во иднина би можела да се прошири и кон западниот дел на Медитеранот.

The post 📽️ СМРТОНОСНА РИБА ГО ВКЛУЧИ АЛАРМОТ ВО ГРЦИЈА Уловен опасен примерок долг половина метар appeared first on plusinfo.mk.

Опасната риба-зајак, што се појави во водите на Средоземното Море, има толку силни заби што може да пробијат лимена конзерва, или да одгризат прсте на човек, демонстрираат млади грчки рибари во видео објавено на мрежата „Икс“.

Освен тоа, телото на го содржи силниот отров тетродотоксин, кој може да предизвика парализа или застој на органите за дишење.

Се смета дека овој опасен вид риба мигрирал во Медитеранот од тропските мориња, најверојатно преку Црвеното Море, и сега се забележува во водите на Италија, Шпанија и на Грција.

Во Грција и на Кипар воведена е награда од 5,3 евра за секој уловен килограм од оваа риба.

Highly dangerous fish have appeared in the Mediterranean Sea — they can bite through a tin can and even sever a finger

In addition to powerful jaws, the bodies of silver-cheeked pufferfish contain the deadly toxin tetrodotoxin, which can cause paralysis and respiratory failure.… pic.twitter.com/PCGNuxxdtw

— NEXTA (@nexta_tv) July 2, 2026

ЗАЈАЧКАTA РИБА КАСНА ЖЕНА НА ХАЛКИДИКИ Не ја пуштала додека жената очајно ја тресела ногата

The post 🎥 РИБАТА-ЗАЈАК ЛЕСНО МОЖЕ ДА ОТКИНЕ ПРСТ НА ЧОВЕК Погледнете што ѝ прави на лименката! appeared first on plusinfo.mk.

Грција ќе исплаќа по 5,33 евра за секој килограм уловена риба Lagocephalus sceleratus, позната како зајачка риба, соопшти тамошниот министер за земјоделство и храна.

Според министерот Маргаритис Схинас, исплатата од 5,33 евра е чист надомест за рибарите. Дополнителните трошоци за ладење, транспорт и уништување на уловените риби ќе ги покриваат локалните власти.

Мерката е воведена по примерот на Кипар, каде што рибарите веќе добиваат 4,73 евра за килограм уловена зајачка риба.

Зајачката риба со години создава проблеми во Егејското Море и во водите околу Крит.

Експертите предупредуваат дека со затоплувањето на морето рибата сè побрзо се шири, а дополнителен проблем е што речиси нема природни непријатели во Медитеранот, па е закана за морскиот биодиверзитет.

Најголем удар трпат рибарите. Поради исклучително силните заби, зајачката риба ги оштетува мрежите, јадиците и другата рибарска опрема.

Написите за зголемено присуство на оваа риба летово ги кренаа алармите кај јужниот сосед.

Пилот-програмата за улов првично ќе се спроведува во јужниот дел на Егејското Море и околу Крит, каде што проблемот е најизразен. Опасниот вид првпат бил регистриран во грчките води во 2005 година кај Родос и Крит. Во Медитеранот пристигнал преку Суецкиот Канал од Црвеното Море.

The post ПОЗНАТО КОЛКУ ЌЕ ЗАРАБОТУВААТ РИБАРИТЕ ОД ЗАЈАЧКАТА РИБА Грција ја засилува битката против опасниот морски натрапник appeared first on plusinfo.mk.

Нејзините заби личат на клешти, може да прегризе рибарска мрежа за неколку секунди, а во ретки случаи предизвикала и тешки повреди кај луѓе. Токму затоа „зајачката риба“ повторно стана тема во грчките медиуми пред почетокот на туристичката сезона.

Станува збор за рибата Lagocephalus sceleratus, позната и како сребрест надувувач. Нејзиниот необичен изглед често ги наведува луѓето да мислат дека фотографиите се создадени со вештачка интелигенција, но рибата е сосема реална и одамна е присутна во Медитеранот.

Не е нов гостин во Грција

Иако последниве денови повторно се најде во центарот на вниманието, оваа риба не е нова појава во грчките води.

Во Егејското Море е регистрирана пред повеќе од 15 години, а денес е распространета околу Крит, Родос, Додеканезите и голем дел од јужна и источна Грција.

Во последните години се бележи нејзино ширење и кон северните делови на Медитеранот, па е регистрирана и во Јадранското Море.

Навистина има случаи на тешки каснувања

Дел од алармантните наслови не се појавиле без причина. Во научната литература се документирани случаи на сериозни каснувања, вклучително и делумна ампутација на прст кај дете во Турција.

Истражувањата за Источниот Медитеран бележат и други тешки повреди поврзани со оваа риба.

Но бројките покажуваат и нешто друго.

Во периодот од 2004 до 2023 година биле регистрирани 28 случаи на физички напади или каснувања во целиот Источен Медитеран.

Не напаѓа како ајкула, но…

Грчките морски експерти предупредуваат дека најголем дел од медиумските приказни го губат контекстот.

Според нив, рибата не претставува голема закана за капачите и не напаѓа луѓе како предатор.

Ризикот најчесто постои кога некој се обидува да ја фати, да ја допре или кога случајно ќе дојде во многу близок контакт со неа.

Токму нејзината исклучително силна вилица е причината поради која рибарите ја избегнуваат.

Што треба да знаат туристите?

За туристите кои летуваат на Халкидики, Тасос, Олимписка Ривиера или во Кавала нема причина за паника.

Нема докази за серија напади врз капачи, ниту за зголемен ризик по туристите.

Сепак, доколку ја забележите во морето или доколку рибар ја извади во мрежа, најдобро е да не ја допирате.

Проблемот не е само каснувањето. Оваа риба содржи и силен токсин поради кој е опасна за консумирање.

The post НЕ Е ШЕГА, ОВАА РИБА ЗНАЕ ДА ГРИЗНЕ, А ЈА ИМА НА ПЛАЖИТЕ ВО ГРЦИЈА Ќе ја препознаете по нејзините зајачки усни appeared first on plusinfo.mk.

Единици на украинската војска го нападнаа и го оштетија рускиот танкер „Вест Хоризонт“ (West Horizon) во Црното Море, соопшти Генералштабот на армијата на Украина.

Како што се прецизира во военото соопштение, погодено е пловило кое и припаѓа на руската „флота во сенка“ и кое се користело за транспорт на нафта и нафтени деривати со цел да се заобиколат меѓународните санкции. Според тврдењата на украинската војска, потврдено е сериозно оштетување на пропелерно-кормиларниот систем на рускиот брод.

Во соопштението објавено на официјалната страница на Фејсбук, Генералштабот на Вооружените сили на Украина додава дека во текот на изминатата ноќ украинските сили погодиле и низа други важни објекти од воено-индустрискиот и енергетскиот комплекс на Руската Федерација.

Освен ударот врз рускиот танкер, украинската војска тврди дека успешно била погодена и фабриката за производство на навигациски системи за ракети и беспилотни летала „ВНИИР-Прогрес“ во градот Чебоксари, како и рафинеријата за нафта „Кујбишевски“ лоцирана во градот Самара.

Русија веднаш реагираше на инцидентот. Портпаролката на руското Министерство за надворешни работи Марија Захарова рече дека Русија е подготвена да ги искористи „сите расположливи средства“ за да ја заштити поморската безбедност и легитимните интереси на сопствениците на бродови и бродарите во Средоземното Море.

На редовна прес-конференција, Захарова нагласи дека целата одговорност за евентуалните инциденти целосно ќе падне на високата претставничка на Европската Унија за надворешна политика и безбедност, Каја Калас, која ја означи како директен иницијатор на ескалацијата.

– Одговорноста за сите потенцијални инциденти и ескалација на тензиите во Средоземното Море во целост ќе падне на иницијаторите на ескалацијата, кои ги претставува Каја Калас и целата нејзина банда сплеткари – изјави Захарова, коментирајќи ја најновата одлука на ЕУ со која им се дозволува на воените бродови да ги пресретнуваат и задржуваат танкерите во Средоземното Море, за кои Брисел ќе процени дека ѝ припаѓаат на таканаречената руска „флота во сенка“.

Захарова потенцираше дека ангажирањето на бродовите на Европската Унија во рамките на нејзината поморска мисија „Ирини“ во Медитеранот, со цел проверка или заплена на нафтени танкери, би претставувало грубо кршење на меѓународното право. Таа додаде дека Брисел, преку проширувањето на санкциите против Русија, нема да успее да влијае врз суверената политика на Москва.

– Русија најостро ги осудува сите нелегитимни еднострани принудни мерки. Сè поголем број земји го делат и го поддржуваат ваквиот пристап. Секако, ќе преземеме ефикасни и остри чекори како одговор на најновиот пакет санкции на ЕУ – порача портпаролката.

Претходно, високата претставничка Каја Калас изјави дека ЕУ ги засилува мерките против руската „флота во сенка“, поради што европските бродови во рамките на мисијата „Ирини“ отсега ќе можат не само да ги контролираат танкерите, туку и законски да ги запленуваат.

The post ДАЛИ УКРАИНСКАТА ВОЈНА ЌЕ СЕ ПРОШИРИ И НА МЕДИТЕРАНОТ? Украинците погодија руски танкер во Средоземното Море, Русија најавува жесток одговор appeared first on plusinfo.mk.

Во градот Ничеми (Niscemi) на Сицилија, дел од земјиштето со должина од околу 4 километри се срушил поради силните врнежи од дожд предизвикани од циклонот „Хари“, што довело до евакуација на повеќе од 1.000 до околу 1.500 жители од нивните домови, бидејќи неколку куќи се најдоа на самиот раб на опасната лизга на земјиште.

Локалните власти прогласија „црвена зона“ околу погодените подрачја и уште продолжуваат да ги прошируваат заштитните перифери, бидејќи земјиштето сè уште се движи и постои ризик од понатамошни обрувања. Засега нема пријавени смртни случаи или повредени, но состојбата е оценета како драматична и критична.

Поради опасност од нови свлечишта, евакуирани се повеќе од 1.000 жители, а дел од нивните домови се најдоа буквално на раб на бездна. Локалните власти прогласија црвена зона и целосно го забранија пристапот до најпогодените делови, додека екипите на цивилната заштита и пожарникарите и понатаму ја следат состојбата на теренот, предупредувајќи дека земјиштето сè уште е нестабилно. Засега нема информации за жртви, но состојбата се оценува како исклучително сериозна.

Италијанската влада донесе одлука за прогласување државна вонредна состојба за Сицилија, како и за делови од Калабрија и Сардинија, кои исто така беа погодени од силни дождови, бурни ветрови и поплави. Вонредната состојба е прогласена за период од најмалку 12 месеци, со можност за продолжување.

Регионалните власти во Сицилија соопштија дека вкупната штета надминува 1,5 милијарди евра, при што најпогодени се патната инфраструктура, станбените објекти, земјоделските површини и туристичките капацитети. Голем број локални патишта се оштетени или целосно затворени, а во некои подрачја се регистрирани и прекини во снабдувањето со електрична енергија и вода.

Невремето беше предизвикано од силен циклон што се движеше над централниот Медитеран, носејќи обилни врнежи, силни налети на ветер и високи бранови, што дополнително ја влоши состојбата по должината на крајбрежјето. Според метеоролозите, токму комбинацијата од долготрајни дождови и веќе заситено земјиште довела до активирање на свлечиштето во Ничеми, едно од најголемите регистрирани во последните години на островот.

Италијанската цивилна заштита предупреди дека опасноста сè уште не е целосно отстранета и дека во наредните денови ќе продолжи внимателното следење на состојбата, со можност за дополнителни евакуации доколку временските услови повторно се влошат. Надлежните институции најавуваат дека обновата ќе трае долго и ќе бара значителни финансиски средства, а приоритет ќе биде безбедноста на населението и стабилизацијата на загрозените подрачја.

SAVOIE : Un incendie est en cours dans un hôtel de #Courchevel. Des dizaines de pompiers sont mobilisés et une centaine de personnes évacuée. (Radio Courchevel) pic.twitter.com/tnE6181w6Y

— Infos Françaises (@InfosFrancaises) January 27, 2026

The post УЖАСНА ГЛЕТКА, ОДРОН ДОЛГ 4 КИЛОМЕТРИ „ПРЕПОЛОВИ“ ГРАД Евакуирани околу 1.500 жители appeared first on plusinfo.mk.

На околу 30 километри југоисточно од малиот грчки остров Гавдос ноќеска бил откриен рибарски брод со 545 мигранти. Сите лица биле спасени во координирана акција и безбедно пренесени на пристаниште на островот Крит, јави дописничката на МИА од Атина.

Станува збор за една од најбројните групи мигранти што пристигнале во Грција во последните неколку месеци.

Од грчката крајбрежна служба информираа дека спасувачката операција, која се одвивала во текот на ноќта, била спроведена со учество на три патролни брода на крајбрежната стража, три пловни објекти на Фронтекс, како и уште три брода што се наоѓале во близина на местото на настанот.

Сите 545 спасени мигранти се во добра здравствена состојба. Поради ограничените можности за сместување на малиот остров Гавдос, тие биле пренесени на Крит.

Грција беше на првата линија на мигрантската криза во 2015 и 2016 година, кога повеќе од еден милион луѓе од Блискиот Исток и Африка пристигнаа на нејзините брегови, продолжувајќи потоа кон други европски земји, главно Германија.

Иако миграциските текови оттогаш се намалени, Крит и Гавдос – двата медитерански острови најблиски до африканскиот брег – во изминатата година бележат нагло зголемување на пристигнувањето мигрантски бродови, најчесто од Либија. Несреќите со смртоносни последици на таа рута и натаму се честа појава.

Грција, заедно со Кипар, Шпанија и Италија, ќе има право на поддршка за справување со миграцискиот притисок преку нов механизам на Европската Унија, откако Пактот за миграција и азил ќе стапи во сила кон средината на 2026 година.

Централно-десничарската влада на премиерот Киријакос Мицотакис најави дека приоритет ќе ѝ биде депортација на барателите на азил чии барања ќе бидат одбиени.

The post ОД РИБАРСКИ БРОД СПАСЕНИ 545 МИГРАНТИ ТРГНАТИ КОН ГРЦИЈА Најголема спасувачка операција во Медитеранот последниве месеци appeared first on plusinfo.mk.

Под влијание на циклонска активност со центар над Медитеранот и на серија на влажни воздушни бранови до сабота во Македонија времето ќе биде облачно со повремени врнежи од дожд кои особено во западните  и во јужните предели повремено ќе бидат обилни и локално во овие предели ќе наврнат над 30 литри дожд, а локално и нови над 50 литри дожд.

На планините над 1600/1700 метри надморска височина повремено врнежите од дожд ќе преминуваат во врнежи од снег и токму на овие планини ќе се формира снежна покривка.

Повеќе за прогнозата на метеопрогнозерот Славчо Попоски на следниот ЛИНК.

The post ВИКЕНДОВ НА ПЛАНИНИТЕ ЌЕ СЕ ФОРМИРА СНЕЖНА ПОКРИВКА Дождливо ќе биде низ цела Македонија appeared first on plusinfo.mk.

Под влијание на серија на влажни воздушни бранови од Медитеранот, од утре  попладне  и навечер па во деновите потоа во Македонија ќе дојде до поголема промена на временската состојба. Ќе имаме зголемена облачно на повеќе места со повремени врнежи од дожд кои повремено и локално ќе бидат пообилни а ќе дува  и слаб до умерен ветер претежно од северен и од североисточен правец.

Повеќе за прогнозата на Славчо Попоски на следниот ЛИНК.

The post ДОАЃААТ ВЛАЖНИ МЕДИТЕРАНСКИ БРАНОВИ Ни носат дожд и пониски дневни температури appeared first on plusinfo.mk.

Силен топлотен бран ја зафати јужна Европа денеска, поттикнувајќи ги властите да издадат предупредувања за здравје и за шумски пожари бидејќи се очекува температурите повторно да се зголемат.

Франција, Италија, Португалија и Шпанија со денови се борат со жешка топлина, при што температурите достигнуваат 44 степени Целзиусови на некои места.

Црвени тревоги и мобилизација на итните служби

– Ова е без преседан – рече министерка за животна средина и транзиција на Франција, Агнер Пание-Рунашер, додека рекордни 84 од 96 континентални департмани во земјата беа ставени на второ највисоко ниво на тревога за топлина.

Само мал дел од земјата на северозапад беше поштеден од топлина, според метеоролошката служба Метео Франс, која рече дека топлотниот бран ќе го достигне врвот в вторник и в среда.

Првиот голем топлотен бран во летото ги поттикна властите во земјите долж северниот медитерански брег да издадат предупредувања за топлина до своите граѓани.

Болниците под притисок – топлотниот удар удира најмногу по ранливите

Амбулантите беа во приправност во близина на туристичките дестинации бидејќи експертите предупредија дека ваквите топлотни бранови, влошени од климатските промени, ќе станат почести.

Пожарникарите беа во состојба на готовност откако пожарите избувнаа во Франција и во Турција вчера, поттикнати од топлината и силните ветрови.

Минатата недела, грчките пожарникари мораа да се борат со шумски пожар на брегот јужно од Атина.

Шпанската метеоролошка служба AEMET објави дека температурите во Екстремадура и во Андалузија достигнаа 44 степени Целзиусови вчера.

Во Италија, 21 град низ целата земја беа во состојба на висока готовност поради екстремната топлина, вклучувајќи ги Милано, Неапол, Венеција, Фиренца, Рим и Катанија.

Службите за итни случаи во болниците низ Италија пријавија зголемување од 10% на случаите предизвикани од топлотен удар, според потпретседателот на Италијанското друштво за итна медицина, Марио Гуарино.

– Тие се претежно постари лица, лица со рак или бездомници кои се јавуваат со дехидрација, топлотен удар и со замор – рече тој.

Неколку области во јужната половина на Португалија, вклучувајќи го и Лисабон, беа под црвена тревога до понеделник вечерта, соопшти Португалскиот институт за море и атмосфера (ИПМА).

Две третини од Португалија исто така беа во состојба на висока готовност вчера поради екстремна топлина и поради шумски пожари, како и италијанскиот остров Сицилија каде што пожарникарите се бореа со 15 пожари во саботата.

Климатските промени го зголемуваат ризикот

Научниците велат дека климатските промени поттикнуваат сè пожешки и поинтензивни топлотни бранови, особено во градовите каде што таканаречениот ефект на „урбан топлотен остров“ го зголемува интензитетот на температурите меѓу густо населените згради.

– Топлинските бранови во медитеранскиот регион станаа почести и поинтензивни во последните години. Во иднина се очекува понатамошно зголемување на температурите и екстремна топлина, па затоа ќе мора да се навикнеме на температури со врвови дури и повисоки од оние што ги доживуваме во моментов – рече истражувачот во Италијанскиот институт за заштита и истражување на животната средина (ИСПРА), Емануела Пјервитали.

The post ЕВРОПА Е ЗАФАТЕНА ОД СИЛЕН ТОПЛОТЕН БРАН, ЗДРАВЈЕТО НА РАНЛИВИТЕ Е ВО ОПАСНОСТ Научниците предупредуваат дека ова не е врвот – иднината носи уште поекстремни жештини appeared first on plusinfo.mk.