Преговорите помеѓу Русија, Украина и САД за завршување на војната во Украина ќе продолжат во Женева следната недела, а руската делегација ќе ја предводи Владимир Медински, изјави денеска портпаролот на Кремљ, Дмитриј Песков, без да прецизира точен датум.

Во меѓувреме, советникот на украинскиот претседател за комуникации, Дмитро Литвин, изјави дека следниот круг преговори со Русија и САД ќе се одржат на 17 и 18 февруари во Женева.

Преговорите во Женева ќе бидат продолжение на двете рунди разговори во Абу Даби, на кои не беше постигнат голем напредок, освен што беше договорена размена на 314 воени заробеници. Тоа е прва размена од октомври минатата година.

The post ПРЕГОВОРИТЕ ЗА УКРАИНА ПРОДОЛЖУВААТ ВО ЖЕНЕВА Делегациите се среќаваат на 17 и 18 февруари appeared first on plusinfo.mk.

САД не поднеле нацрт-договор за мир во Украина, туку само „список од 28 можни точки“ за преговори, изјави рускиот претседател Владимир Путин. Тој порача дека главниот руски услов за мир е повлекување на украинската армија од сите територии кои Русија ги смета за свои.

– Украинската армија ќе ги напушти териториите што ги окупира, тогаш ќе престанат и борбените операции. Ако не си заминат, ќе го постигнеме тоа со вооружени средства – изјави рускиот претседател на прес-конференција на самитот на Организацијата за колективна безбедност (ОДБК) во Киргистан.

Притоа, рускиот лидер нагласи дека руските сили имаат „позитивна динамика во сите правци“, дека градовите Красноармејск и Димитров се „целосно опколени“, а борбите околу Северск и Волчанск се интензивираат.

Путин тврди и дека украинските сили изгубиле 47.500 војници во октомври, додавајќи дека мобилизацијата во Украина е „насилна“ и дека има „многу високо дезертерство“.

Понатаму, рускиот лидер откри дека Москва го примила „списокот на американски точки“ по разговорите во Женева, пред неговата посета на САД и планираното патување во Алјаска. Тој најави дека следната недела американска делегација ќе пристигне во Москва, а одлуката кој ќе ја предводи ќе ја донесе Доналд Трамп. Русија, пак, ќе ја претставува министерот за надворешни работи и Владимир Медински.

Путин потврди и дека средбата меѓу руските и украинските служби во Абу Даби се одржала на иницијатива на Киев и дека таму „неочекувано се појавил американски специјален претставник“.

Тој порача дека е „бесмислено“ да се потпишуваат договори со актуелното украинско раководство, бидејќи, според украинскиот закон, само Врховната рада може да ги продолжи претседателските овластувања за време на воена состојба.

За односите со Г7, Путин оцени дека нема простор за соработка во сегашните услови и додаде дека Русија „никогаш не барала“ да стане членка на групата.

– Тие нè поканија, а сега нема покана – нагласи тој.

Путин исто така изјави дека е „изненаден“ од санкциите на Соединетите Американски Држави против руските нафтени компании.

Во врска со ОДКБ, Организација на Договорот за колективна безбедност, Путин рече дека Русија ја цени соработката со сојузниците и е подготвена да им обезбеди на земјите оружје и опрема.

– Не се закануваме никому, но мора да бидеме подготвени да одговориме на секоја агресија – истакна тој.

За ставот на Ерменија, која привремено се воздржува од учество во работата на ОДКБ, Путин беше воздржан:

– Тоа е нивен избор. Ако така сметаат дека треба, ќе останеме во контакт.

ОДКБ е воено-политички сојуз предводен од Русија, кој обединува неколку држави од поранешниот Советски Сојуз. Основан е во 1992 година, а официјално како меѓународна организација започнала да функционира во 2002 година.

The post СТУДЕН ТУШ ОД ПУТИН, ПРОГОВОРИ ЗА НАЦРТОТ ЗА МИР Ако Украинците не заминат, Русија планира да ги истера appeared first on plusinfo.mk.

Историската судбина на Русија и Украина е една, еден народ живее во овие две земји, затоа Руското военоисториско друштво не создава посебна содржина за украинските деца, рече Владимир Медински, помошник на претседателот на Руската Федерација и раководител на Руското военоисториско друштво (РВИСТД).

– Кога создаваме историска содржина, не ги одделуваме украинските од руските деца и не создаваме нешто специфично за Украина. Ние ја почитуваме, ја знаеме и ја сакаме историјата на талентираните и вредни луѓе на древните руски земји од двете страни на Днепар, Новорусија и Крим. Ние сме еден народ, имаме една историска татковина – рече Медински во интервју што го пренесоа руските медиуми.

Тој изрази надеж дека украинските ученици, како и возрасните, наскоро ќе можат слободно да пристапуваат до рускиот интернет.

– Навистина сакам да верувам дека во блиска иднина и учениците и возрасните во Украина ќе можат да ја користат целата разновидност на рускиот интернет простор и нема да им треба никаква посебна содржина – рече Медински.

The post „РУСИТЕ И УКРАИНЦИТЕ СЕ ЕДЕН ИСТ НАРОД“ Помошникот на Путин тврди дека и едните и другите потекнуваат од иста историска татковина appeared first on plusinfo.mk.

Составот на руската делегација на втората рунда преговори во Истанбул ќе биде ист, изјави претставничката на руското Министерство за надворешни работи Марија Захарова во емисија на телевизискиот канал „Русија 24“, пренесува ТВ Звезда.ру.

Делегацијата ќе ја предводи Владимир Медински.

Министерството за надворешни работи додаде дека ставот на Украина за продолжување на преговорите со Русија е нејасен. Киев не даде јасен одговор на прашањето дали украинската делегација има намера да учествува во втората рунда. Претходно, шефот на украинската дипломатија, министерот Сергеј Лавров изјави дека втората рунда ќе се одржи на 2 јуни во Истанбул.

За време на првата рунда, руската делегација ја предводеше помошникот на претседателот Путин, Владимир Медински. Тој рече дека го информирал шефот на украинскиот преговарачки тим, Рустем Умеров, за датумот и местото на преговорите еден ден претходно.

Првата рунда се одржа на 16 мај и заврши со договор за размена на затвореници од 1.000 за 1.000 и разговори за изгледите за прекин на огнот.

The post РУСИЈА САКА ДА ГИ ПРАТИ ИСТИТЕ ДЕЛЕГАТИ НА ВТОРА РУНДА ВО ИСТАНБУЛ Од Украина уште нема одговор за можните преговори на 2 јуни appeared first on plusinfo.mk.

Москва е генерално задоволна од резултатите од состанокот со Украина и контактите ќе продолжат, изјавил шефот на руската делегација Владимир Медински по завршувањето на денешниот состанок во Истанбул, јави Анадолија.

– Русија и Украина се согласија да презентираат детални предлози за прекин на огнот – додал Медински.

ISTANBUL NEGOTIATIONS RESULTS:

-POW exchange between Russia & Ukraine, 1000 for 1000

-Ukraine requested direct talks between the Heads of State

-Each side will present their own detailed plan for a ceasefire

Given Zelensky’s current temperament, a direct meeting between… pic.twitter.com/o5xsosxoyQ

— Going Underground (@GUnderground_TV) May 16, 2025

Според агенцијата, Русија и Украина на состанокот договориле размена на по илјада воени заробеници, што е најголема размена од почетокот на војната, изјавил украинскиот министер за одбрана Рустем Умеров.

– Разговаравме за прашањето за прекин на огнот. И за прашањето за размена на затвореници. Резултатот е размена на 1.000 лица за 1.000. Тоа е резултатот од нашата средба – изјавил Умеров, пренесува Би-Би-Си.

Тој додал дека датумот на размена е утврден, но нема да биде објавен јавно.

Умеров исто така рекол дека е разговарано за потенцијална средба меѓу Володимир Зеленски и Владимир Путин и оти наскоро ќе биде објавено соопштение за можна нова рунда разговори.

Разговарани се и „сите модалитети“ за прекин на огнот, додал Умеров.

The post МОСКВА Е ЗАДОВОЛНА ПО СОСТАНОКОТ ВО ИСТАНБУЛ Договорена е најголемата размена на заробеници од почетокот на војната appeared first on plusinfo.mk.

– Ние од наша страна подготвени сме за продолжување на дијалогот. Но, би сакал да нагласам дека топката, кога станува збор за натамошните мировни преговори, е во дворот на Украина – истакна тој за белоруската телевизија ОНТ, јави Тасс.

Медински повтори дека до замрзнување на разговорите дошло „целосно“ на иницијатива на Украина.

The post ТОПКАТА Е ВО ДВОРОТ НА УКРАИНА Русија е подготвена да ги продолжи мировните преговори appeared first on plusinfo.mk.

Медински, кој го предводеше рускиот тим во неколку рунди преговори со Украина, истакна дека страните ги намалиле разликите по прашањето за откажување на Украина од членството во НАТО и прифаќање на неутрален статус.

– Прашањето за неутралниот статус на Украина и нејзиното неприклучување во НАТО е едно од клучните прашања во преговорите, а тоа е прашањето каде страните ги приближија своите позиции што е можно повеќе – потенцира Медински.

Според него Москва и Киев сега се на „половина пат“ по прашањето за демилитаризација на Украина. Тој додаде дека Киев инсистира на реинтеграција на сепаратистичките региони во Источна Украина, поддржани од Русија и дека Москва смета дека на жителите на тие области мора да им се дозволи сами да си ја одредат судбината.

Медински посочи и дека е можна средбата меѓу претседателите на Русија и Украина, Владимир Путин и Владимир Зеленски, но откако преговарачите ќе го финализираат нацрт-договорот за прекин на воените дејствија и кога ќе биде одобрен од владите на двете земји.

The post ИМА НАПРЕДОК ВО ПРЕГОВОРИТЕ Двете земји се приближиле до договор за неутралност на Украина appeared first on plusinfo.mk.