Европската Унија започна со евакуација на пациенти со тешки изгореници по разорниот пожар во ноќен клуб во Кочани, Македонија, во кој загинаа 59 лица, а над 155 се повредени, соопшти денеска Директоратот за цивилна заштита и хуманитарна помош на Европската комисија (ECHO).

Во првите часови по несреќата, Центарот за координација на итен одговор на ЕУ стапи во контакт со властите за цивилна заштита во Македонија, изразувајќи солидарност и поддршка, се наведува во соопштението.

Македонија официјално го активираше Механизмот за цивилна заштита на ЕУ, барајќи итна евакуација на 15 пациенти со тешки изгореници. Како одговор, девет европски земји – Хрватска, Грција, Романија, Словенија, Шведска, Литванија, Унгарија, Луксембург и Норвешка – веднаш понудија помош преку овој механизам.

Неколкумина повредени веќе се пренесени во Унгарија со поддршка на Луксембург, додека Романија ги транспортира пациентите до Литванија. Европската Унија продолжува со координација за транспорт на останатите пациенти во државите кои понудија медицински третман.

Европската комесарка за подготвеност, управување со кризи и еднаквост, Хаџа Лахбиб, изрази сочувство и ја нагласи европската солидарност:

– Ги изразуваме нашите најдлабоки сочувства до семејствата на жртвите и сите погодени. ЕУ стои рамо до рамо со народот на Македонија во овие тешки моменти. Им благодарам на европските земји што веднаш понудија лекување и поддршка преку нашиот Механизам за цивилна заштита – рече комесарката Лахбиб.

ЕУ останува во близок контакт со властите во Македонија и е подготвена да мобилизира дополнителна помош доколку има потреба, стои во соопштението на ECHO.

The post ЕУ СЕ МОБИЛИЗИРАШЕ ПО ПОЖАРОТ ВО КОЧАНИ Девет земји веднаш понудија медицинска помош за жртвите appeared first on plusinfo.mk.

Суштински и децениски се проблемите во здравството, но се преземаат бројни мерки за да се решаваат проблемите, изјави денеска претседателот на Владата, Христијан Мицкоски, одговарајќи на новинарски прашања за здравство, при посетата на Општина Велес.

Мицкоски изјави дека ќе се ангажираат околу 300 специјализанти, ќе се вработуваат околу илјада лица низ здравствените установи, не само лекари, туку и среден медицински персонал, болничари, техничари, ќе се работи на структурни промени и регионализација по теркот на европското здравство. Претседателот на Владата најави и зголемување на платите на вработените од здравствениот сектор, последователно наредните четири години.

– Големи се и би рекол суштински се проблемите во здравството што се таложеле, не би рекол со години, би рекол со децении. И навистина, за овие шест месеци еве седми месец, правиме многу работи коишто во минатото под тепих биле ставани или би рекол системски како проблеми се случувале и системски не се решавале и сега мора во еден момент сето тоа системски да се реши – изјави премиерот.

Тој потсети дека се решава статусот на околу 300 специјализанти, мандатот, потенцираше го почнал во Штип и еден од приоритетите е продолжување на изградбата на клиничката болница, нагласувајќи дека е постигнат историски договор со синдикатите.

– И веќе во ноември беше зголемена паричната маса за десет проценти за исплата на платите на здравствените работници тие внатре ги нивелираа, повеќе за средномедицинскиот кадар, техничкиот персонал, помалку за лекарите. Сега веќе од март, пет проценти и тој договор ако се биде како што треба за следниве четири години треба за педесетина проценти да ја зголеми паричната маса за исплата на платите на лекарите и медицинскиот персонал – изјави Мицкоски.

Во изјавата за медиумите, претседателот на Владата истакна дека Фондот за здравство заедно со Министерството воведе нови лекови на позитивната листа, Фондот раздолжил преку пет милијарди денари стари долгови или 80 милиони евра. Во моментов додаде тој, дека трае административната процедура има административна согласност за вработување на повеќе од илјада лица во здравствените институции во државата, која претходно ја упатиле здравствените институции, здравствените домови, болниците до Фондот кој ја доставува до Министерството за здравство, па до Министерството за финансии на одобрување.

– И таму ќе има многу лекари од примарната здравствена заштита, но ќе има и такви коишто ќе бидат среден персонал, болничари и техничари, сестри итн. но ќе има и такви коишто ќе бидат од секундарното здравствено што ќе нудат специјалистички услови така што систематски чекор по чекор ги решаваме сите овие активности. Апсолутно сум запознаен, мојата мајка беше матичен лекар во поликлиника Ѓорче точно знам со какви се предизвици со кои се соочуваат таа сега е пензионер се разбира и од тогашните осум матични лекари на територија на поликлиника Ѓорче Петров денеска имаме три. И тоа е проблем којшто треба да го решаваме и го решаваме и не го ставаме под тепих туку го решаваме. Мене ме радува фактот што голем дел од лекарите коишто изминатиов период заминаа дел од нив се враќаат. Само во месец декември имав можност со пет луѓе да разговарам којшто од Германија се враќаат повторно во Македонија и сакаат повторно да се вклучат во здравствениот систем – изјави премиерот.

Одговарајќи на новинарски прашања рече дека распределбата ќе биде насекаде во државата. Тој повтори дека повеќе од илјада ќе се вработат во здравствените институции, не само лекари, туку среден медицински кадар, сестри, техничари, болничари, лекари во примарната здравствена заштита, во секундарната кои ќе понудат специјалистички услуги, но дека треба да се запази процедурата која очекува да приврши во јануари и да се распишат огласите.

– Ова е процес којшто е динамичен и којшто цело време бара нови решенија итн. но ние сè додека не се вклучиме реално да направиме структурни измени во здравствениот систем во смисла на регионализација, ќе имаме проблеми ќе имаме недостатоци. Ние сериозно мора да влеземе во регионализацијата и дел од здравствените институции да го намалат степенот на би рекол, услуги коишто се нудат болници да бидат поликлиники итн. итн. ако сакаме, ако сето ова да биде во рамките на европските стандарди, ако сакаме да имаме клинички центар во Скопје, клиничка болница во Штип, Битола и Тетово, ние мораме да видиме кои здравствени институции ќе прераснат во поликлиники или здравствени домови ако сакаме да имаме здравство по теркот на европското – додаде премиерот.

Тој рече дека имало здравствени установи каде што имало по само 17 лежечки пациенти годишно, а се трошеле, како што нагласи, милиони денари за пералните кои пак биле давани на приватни оператори, а струјата ја користеле од здравствените установи и ја плаќале граѓаните. Премиерот најави расчистување на случаите и рече дека ќе има одговорност. Појаснувајќи го концептот на регионализацијата претседателот на Владата, истакна дека клиничките болници ќе покриваат поголема територија и ќе бидат на повисоко ниво од болниците, што е дел од европскиот концепт на здравствен систем, додавајќи дека структурните реформите се неопходни за процесот.

The post ДЕЦЕНИСКИ ПРОБЛЕМИ ВО ЗДРАВСТВОТО Мицкоски најавува системски решенија со преземање конкретни мерки appeared first on plusinfo.mk.

Европската комисија (ЕК) денеска ја одобри вакцината Имванекс против вирусот на мајмунски сипаници во Европската Унија (ЕУ), и употребата ја прошири и во Норвешка, Исланд, Лихтенштајн, јави ДПА.

Портпарол на ЕК ја потврди одлуката откако фармацевтската компанија, Баваријан Нордик, информираше за одобрувањето на вакцината.

Потегот следува откако Европската медицинска агенција (ЕМА) во петокот препорача Имванекс да се употребува и против мајмунски сипаници. Всушност, извршната власт на ЕУ го следи советот на ЕМА.

Претходно, вакцината беше одобрена на ниво на ЕУ за заштита на возрасни лица од морбили.

ЕК неодамна соопшти за два договора за купување вкупно 163.620 дози од вакцината на Баваријан Нордик. ЕУ купи 110.000 во јуни, со тоа што 25.000 се веќе дистрибуирани во шест земји членки.

Унијата ги засилува плановите за јавното здравје за справување со вирусот, како што Светската здравствена организација (СЗО) го прогласи избивањето на мајмунски сипаници во над 50 земји, за „вонредна состојба од меѓународна загриженост“.

Прогласувањето вонредна состојба е највисокиот аларм на СЗО за здравствени закани, но, нема непосредни последици. Целта е да се алармираат властите за да преземат дејствија со што ќе го заштитат своето население.

Медицински лица тврдат дека се чини оти појавувањето на сипаниците е најмногу кај машките лица кои имале хомосексуален однос, но, секој може да се зарази.

Болеста што се лечи, е карактеристична по осипот што наликува на мозолчиња или плускавци. Вообичаено лезиите прво се појавуваат на лицето, за потоа да се формираат и на други делови од телото.

The post ЕК ЈА ОДОБРИ ВАКЦИНАТА ПРОТИВ МАЈМУНСКИ СИПАНИЦИ Данската Имванекс веќе е во оптек во некои земји од ЕУ appeared first on plusinfo.mk.

Системот, како што појасни директорот на претпријатието Јане Мицевски, е опремен со шредер кој го дроби отпадот на мали тенки парчиња и го намалува за 80 посто волуменот на медицинскиот отпад. Машината, додаде тој, е дизајнирана за дробење и стерилизација на отпад како што се игли, шприцеви, завои, гази, сечила, стакло, катетри и друг отпад од работењето на клиниките, болничките центри, болници, ветеринарни болници и лаборатории.

– Со новопристигнатиот стерилизатор, односно автоклав за медицински отпад кој е иновативен систем, целосно автоматизиран со висока технологија и квалитет, од познатата италијанска марка ЦИСА, Дрисла станува современа депонија. Сувата вакуум пумпа, придонесува за заштеда на потрошувачка на вода за дури 98 проценти, а системот за заштеда на енергија обезбедува еколошка безбедност и не дозволува инфективниот воздух да ја загадува околината – рече Мицевски.

Машината, додаде, користи еколошка технологија, која ги намалува трошоците за отстранување на медицински отпад, притоа минимизирајќи го ризикот од вкрстена контаминација бидејќи целиот процес се врши во еден сад. Старата печка, пак, рече дека е планирано да се реновира оваа година и да служи како резервна варијанта.

Градоначалничката на Град Скопје Данела Арсовска, истакна дека овој тип на обработка на медицинскиот отпад е по најсовремените стандарди со кои се штитат животната средина и здравјето на граѓаните.

– Конечно Дрисла почнува со процесот на модернизација односно со осовременување на третирањето на медицинскиот отпад. Повеќе нема да има несоодветно, односно несовесно согорување на медицински отпад којшто досега беше третиран практично како обичен отпад. Ќе се потрудиме целосно да ги модернизираме сите процеси во рамки на ЈП Дрисла. Со оваа инвестиција, исполнети се сите стандарди кои се неопходни за третирање на медицински отпад и Дрисла се трансформира официјално во една модерна депонија која ќе продолжи да применува современи технологии за управување со отпадот, а целиот свој капацитет и потенцијал ќе биде ставен исклучиво во служба на граѓаните – нагласи градоначалничката Арсовска.

The post ДРИСЛА СТАНУВА СОВРЕМЕН ОТПАД Поставен автоклав за медицински отпад кој е иновативен систем appeared first on plusinfo.mk.

„Историска испорака“ на 2.125 килогарми (2,1 тони) увезена од Јоханесбург, главниот град на Јужноафриканската Република ја направи Македонија светски рекордер во увозот на оваа билка за медицински цели, пишува во соопштение на американско-канадската фирма „Инстадосе фарма корп“, фирмата преку која сме ја набавиле стоката.

Сепак, марихуаната била наменета за Западна Европа. Пратката стигнала шест дена пред Новата Година, а основачот на фирмата Грент Сандерс е многу возбуден за пратката.

„Ова е историска испорака и претставува само почеток на потенцијалот на Инстадосе Фарма. Испорачувањето ги потврдува и нашиот бизнис модел и компанијата како светски лидер во индустријата. Мојата визија отсекогаш беше ваква и многу сум возбуден за значењето на пратката и за она што допрва следува“, истакнал тој во соопштението.

Од фирмата соопштиле и дека оваа марихуана е наменета за Западна Европа каде веќе е доставена, а е извезена во Македонија согласно дозволата издадена во ноември. Наведено е дека компанијата има соработка со лиценцирана фирма во Македонија, а дека има свои филијали и во ДР Конго, Португалија, Индија, Канада, Колумбија и Мексико.

The post ПРВИ СМЕ ВО СВЕТОТ ПО УВОЗ НА МАРИХУАНА Сме донеле 2,1 тони, но наменети се за Европа? appeared first on plusinfo.mk.

Со недели, Џефри не можел да го прифати фактот дека неговиот брат и сопруга, како медицински работници, секој ден им вбризгуваат на луѓето вакцини против коронавирусот, односно ги советуваат зошто ова е единствениот начин да се зачува нивното здравје во ова време.

Откако многупати ги навредуваше и пцуеше, Џефри на 30 септември „му паднал мрак пред очи“ и, како што засега покажува истрагата, пристигнал до нивниот праг, убивајќи ги и двајцата на лице место.

Претходно, Џефри и рекол на својата мајка Евелин дека се подготвува за крвава пир бидејќи неговиот брат и неговата сопруга „не можат да ги отворат очите“ и разбираат што им прават на луѓето околу нив, давајќи им „отровни вакцини“.

Откако ги убил, избегал во непознат правец. Во следните часови, Евелин Барнам се покажа како клучна личност во ова злосторство затоа што се јавила во полиција и рекла дека нејзиниот постар син не се јавува на телефон, и дека помладиот отишол кај него за да се пресмета со него.

Полицијата дошла до вратата на Брајан и Кели Сју, ги пронашла нивните тела на подот, по што била објавена потера по Џефри.

Кога бил уапсен, не сакал ништо да признае, додека не слушнал дека мајка му го пријавила и рекла дека погрешил за вакцините, што неговиот брат и неговата сопруга го платиле со живот. Потоа се покајал и одлучил да признае сѐ.

Откако беше откриено дека ноќта пред двојното убиство, Барнам ја убил 83-годишната Ребека Рејнолдс, најдобрата пријателка на Евелин, која исто така се залагала за итна вакцинација на сите во САД, Барнам се распаднал пред полицијата и за тоа злосторство.

Тој признал дека со нож и го пресекол вратот на несреќната старица, како и дека го убил својот брат бидејќи не можел да го свари фактот дека „ги труе луѓето околу себе“ со вакцини.

The post ГИ УБИЛ БРАТОТ И СНААТА ЗАТОА ШТО ГИ ТРУЕЛЕ ЛУЃЕТО СО ВАКЦИНИ Му паднал мрак пред очи и ги масакрирал appeared first on plusinfo.mk.

На социјалните мрежи беа споделени фотографии од медицински отпад кој е фрлен до обични контејнери за ѓубре во скопската општина Аеродром.

Според очевидците кои го забележале отпадот тој е фрлен од страна на здравствена институција на локација каде што гравитираат голем број деца.

Инаку во земјава со години има специјални протоколи за уништување на медицински отпад, но очигледно сега некој решил дека ова е најлесниот начин за негово отстранување.

Медицински отпад е отпад кој што се создава во медицинските и во здравствените институции (стационари, болници, поликлиники и амбуланти, стоматолошки ординации, ординации кои даваат одредени здравствени услуги, истражувачки лаборатории – институти, ветеринарни друштва и слично) кој настанува како производ на употребени средства и материјали при дијагностицирањето, лекувањето, третманот и превенција на болести кај луѓето и животните.

Нема информации дали во отпадот има искористена опрема за заштита од ковид-19, шприцеви или друг опасен материјал.

Поликлиниката “Јане Сандаски си фрла медицински отпад лабаво до комерцијални контејнери
Тука има: детска градинка, детски игралишта, црква “Св. Илија” и станбена зграда..врие од луѓе..
Да ве прашам…НОРМАЛНИ ЛИ СТЕ БЕ @miteskid pic.twitter.com/8c3yb1vQzO

— Шефот (@The_Chief86) June 29, 2021

The post Во близина кај што гравитираа многу деца, фрлен опасен отпад (ФОТО) appeared first on plusinfo.mk.

Италијанските државни институции започнаа постапка против медицинскиот персонал кој одбива да се вакцинира против ковид-19, како што налага законот.

Станува збор за 45.753 медицински сестри, техничари, лекари и други медицински асистенти кои одбиваат да се вакцинираат, пренесуваат медиумите во Италија.

Од вкупниот број лекари, само 0,2 проценти се оние кои одбиваат вакцинација.

Синдикатот на лекарите има јасен став за имунизација на медицинскиот персонал и подвлекува во официјалното соопштение дека е „неприфатливо лекарите да не се вакцинираат“.

Законот предвидува, како прва мерка, овие анти-ваксери да бидат префрлени на друго работно место, така што тие немаат директен контакт со пациентите, следната мерка е присилен одмор, а третата казнена мерка е суспензија и намалување на месечната плата.

Законот е на сила до крајот на оваа година и не предвидува отпуштање на оние кои одбиваат да се вакцинираат против ковид-19.

Регионите со најголем број на медицински персонал против вакцините се Емилија-Ромања, Сицилија, Пуља и Фриули-Венеција Џулија.

The post Медицинскиот персонал во Италија кој не сака да се вакцинира ќе биде строго казнет! appeared first on plusinfo.mk.

Од Министерството за здравство информираа дека вакцина против ковид-19 заклучно со денеска примиле 3.028 здравствени работници.

– Имунизацијата се одвива во модуларната болница при Инфективната клиника во Скопје, а се врши со вакцини од производителот „Фајзер“ кои државава го доби како донација од Србија – велат од МЗ.

За вакцинација преку веб-страницата „vakcinacija.mk“ досега се пријавиле 72.800 граѓани, а 47.569 преку матичен лекар, посочија од Министерството за здравство.

The post Вкупно 3.028 медицински лица се вакцинирани, пријавени 120.000 граѓани appeared first on plusinfo.mk.

До 10:00 часот денеска вакцини за ковид-19 примиле 1.510 лица, медицински персонал, соопшти на прес-конференција портпаролот на Владата Муамед Хоџа.

Министерот за здравство Венко Филипче денеска, на граничниот премин Табановце ќе ја пречека делегацијата предводена од неговиот српски колега Златибор Лончар, кој ќе ја предаде втората пратка од осумте илјади вакцини од компанијата „Фајзер“.

Првата пратка од Србија пристигна на 14 февруари, а на примопредавањето на донацијата од 4.680 вакцини присуствуваа премиерот Зоран Заев и српскиот претседателот Александар Вучиќ.

The post Продолжува имунизацијата на медицинскиот персонал, до претпладне вакцина примиле 1.510 лица appeared first on plusinfo.mk.