Наместо 10 козметички примероци вредни 80 долари, царинските службеници во поштенска пратка откриле 199 вијали ботокс вредни 615 илјади денари. Поради сомнежи за шверц и царинска измама, кривична пријава е поднесена против доктор и медицинска сестра вработени во Клиничкиот центар „Мајка Тереза“.

Од Царинската управа соопштија дека до Основното јавно обвинителство Скопје е поднесена кривична пријава за кривични дела шверцување и царинска измама.

Случајот бил откриен при детална контрола на поштенска пратка пријавена за увозно царинење. Според приложената документација, во неа требало да има 10 козметички примероци.

Откриените 199 вијали ботокс кои не биле наведени во фактурата.

Пратката стигнала од Јужна Кореја

Случајот веднаш бил предаден на Одделението за истраги, кое по наредба на јавен обвинител спровело предистражни дејства и претреси на три локации.

Според наводите на Царинската управа, првоосомничениот, доктор вработен во Клиничкиот центар „Мајка Тереза“, нарачал 199 вијали ботокс од компанија од Република Кореја во вредност од 615 илјади денари.

Медицинската сестра била наведена како примач

Според истрагата, докторот побарал од второосомничената, медицинска сестра вработена во истиот клинички центар, да биде наведена како примач на пратката.

Таа се согласила пратката да пристигне на нејзино име и адреса, а фактурата ја платила преку својата трансакциска сметка.

Од Царинската управа наведуваат дека на тој начин му помогнала во извршувањето на кривичните дела.

The post ДОКТОРОТ НАРАЧАЛ, СЕСТРАТА ПЛАТИЛА ЗА СИВА ПРАТКА Од Јужна Кореја стигнал ботокс вреден 10.000 евра appeared first on plusinfo.mk.

Оттуѓениот татко на Меган Маркл, сопругата на британскиот принц Хари, повторно ја пронајде љубовта.

Томас Маркл (81) е во врска со медицинската сестра Рио Канедо (46), која ја запознал додека се опоравувал од операција која, како што вели тој, му го спасила животот.

Минатата година се преселил на Филипините и завршил на операционата маса во декември поради тромб во стапалото. Состојбата била толку сериозна што лекарите морале да му ја ампутираат ногата. По четири дена поминати на интензивна нега, тој бил подложен на долго закрепнување во болница и центар за рехабилитација, каде што ја запознал Канедо, неговата партнерка 35 години помлада од него, објавува Дејли Меил.

Во 2022 година, тој доживеал тежок мозочен удар, после кој поминувал низ рехабилитација, а претходно претрпел два срцеви удари.
И покрај сè, денес тој тврди дека повторно ја пронашол среќата и ги игнорира негативните коментари на социјалните мрежи со порака дека „мразачите секогаш ќе мразат“. Во интервју за Дејли Меил, тој нагласил дека Рио му донела мир и задоволство по долг период во кој се чувствувал осамено и запоставено.

– Знам дека некои луѓе ќе кажат нешто навредливо, но не ми е гајле. Сакам да зборувам за ова затоа што никогаш не помислив дека некогаш повторно ќе бидам среќен. Сакам луѓето да знаат дека никогаш не сте престари за да најдете мир и љубов. Има многу негативни работи што се случуваат во светот и ако мојата приказна може да ѝ даде малку надеж на една личност, тогаш јас сум среќен. Мразачите ќе мразат, но, искрено, не ми е гајле. Животот е за живеење. Нема ништо поважно во животот од љубовта – рекол тој.

The post ТАТКОТО НА МЕГАН МАРКЛ НАШОЛ ЉУБОВ СО 35 ГОДИНИ ПОМЛАДА ФИЛИПИНКА „Нема ништо поважно во животот од љубовта“ appeared first on plusinfo.mk.

Австралискиот возач на тркачки автомобили, Џои Мосон (29)  е обвинет за силување на медицинска сестра во семејниот дом на легендата на Формула 1, Михаел Шумахер, во швајцарскиот град Гланд. Инцидентот, според швајцарските медиуми, се случил кон крајот на 2019 година, во спалната соба на горниот кат од вилата на семејството Шумахер, каде што обвинетиот престојувал како близок пријател на синот на Шумахер, Мик.

Жртвата, медицинска сестра на возраст од околу триесет години, била дел од тимот кој со години се грижи за сериозно повредениот Михаел Шумахер. Германскиот шампион во Формула 1 беше тешко повреден при пад на скијање во Мерибел, Франција, во 2013 година и оттогаш се наоѓа под постојана медицинска грижа во својот дом.

Иако инцидентот се случил во семејниот имот, семејството Шумахер нема никаква поврзаност со случајот, ниту пак било присутно во моментот на наводниот напад, соопштија швајцарските обвинители.

Според обвинението, по завршување на долга работна смена, жртвата заедно со колегите и обвинетиот Мосон играла билијард и присуствувала на мала коктел-забава во куќата. Вечерта завршила со нејзино онесвестување поради прекумерна консумација на алкохол, по што колегите и Мосон ја пренеле во собата за персонал и ја легнале во кревет.

Истата ноќ, според обвинителството, осомничениот се вратил во просторијата и ја нападнал заспаната жена двапати, додека таа била во несвест. Следниот ден, медицинската сестра не се сеќавала на настанот, но физичките докази предизвикале сомнежи.

Во пораките што подоцна ги размениле, жртвата го замолила Мосон никогаш повеќе да не ѝ се обраќа. Таа во прво време не го пријавила случајот, стравувајќи дека ќе ја изгуби работата и дека ќе го вознемири семејството Шумахер. Сепак, две години подоцна, во јануари 2022 година, по нејзиното отпуштање и враќањето на обвинетиот на имотот, таа решава да поднесе кривична пријава.

Судењето е закажано за среда, но може да биде одложено, наведуваат локалните медиуми. Обвинетиот, кој некогаш се обидувал да гради кариера во Формула 1, тврди дека односот бил доброволен, што жртвата категорично го негира.

Обвинетиот моментално е суспендиран од спортот поради прекршување на антидопинг правилата и е практично непознат за пошироката јавност.

The post СИЛУВАЊЕ ВО ДОМОТ НА МИХАЕЛ ШУМАХЕР Медицинска сестра пријавила двојна злоупотреба од австралиски возач appeared first on plusinfo.mk.

Смртта е природен дел од животот, а телото често испраќа суптилни, но препознатливи сигнали дека крајот е близу. Овие знаци можат да бидат физички, емоционални или промени во однесувањето, а оние кои работат со пациенти во последните фази од животот редовно ги препознаваат.

Еден од најзабележителните индикатори, според британската хуманитарна организација Marie Curie, се промените на рацете. Рацете, стапалата, надлактиците и нозете стануваат ладни на допир бидејќи циркулацијата се забавува и телото ја пренасочува енергијата кон виталните органи. И не е само тоа.

Намалениот проток на крв може да доведе до шарен изглед на кожата, со сини или црвени дамки што се појавуваат на посветлите тонови на кожата, а виолетови и кафеави на потемните тонови на кожата.

Знаци и преку дишењето

Овие знаци се појавуваат во последните фази од животот, понекогаш само неколку часа или денови пред смртта.

Повеќе за ова прочитајте на порталот „Мајка и дете“.

The post ОВОЈ СИМПТОМ ПОКАЖУВА ДЕКА НЕКОЈ Е НА ПРАГОТ НА СМРТТА Медицинска сестра ги открива знаците на крајот appeared first on plusinfo.mk.

„Полицијата од СВР Битола веднаш постапила по пријавата и поднела кривична пријава против Р.Т. за сторено кривично дело „загрозување на сигурноста. Нападот врз медицинскиот персонал е сериозен инцидент кој ја нарушува безбедноста во здравствените установи“, изјавија од полицијата.

The post ЈА УДРИЛ ДОДЕКА ТАА МУ ПРУЖАЛА ПОМОШ Прилепчанец нападнал медицинска сестра appeared first on plusinfo.mk.

Полицијата на Нов Јужен Велс соопшти дека обвинила 26-годишна жена за три кривични дела, вклучително и закана со насилство кон група и користење на средства за комуникација поради закана за убиство.

Полициската комесарка на Нов Јужен Велс, Карен Веб рече дека на жената, идентификувана од локалните медиуми како Сара Абу Лебдех, ѝ е забрането да ја напушти Австралија или да ги користи социјалните мрежи како дел од „многу, многу строгите“ услови за кауција.

Обвинението дојде откако видеото на двајца работници во болницата во Сиднеј кои се фалат дека им наштетиле на израелски пациенти стана вирално на социјалните мрежи на почетокот на овој месец, што предизвика широка осуда.

Во онлајн видео разговор, споделен од израелскиот креатор на содржина Макс Вејфер, Абу Лебдех наводно му кажала на инфлуенсерот дека нема да ги лекува Израелците кои побарале лекарска помош и дека ќе ги „убие“.

Се чини дека видеото покажува и машки член на болничкиот персонал кој вели дека испратил многу израелски пациенти во „Јаханам“, арапскиот збор за пеколот.

Човекот, идентификуван во локалните извештаи како Ахмад Рашад Надир, не е обвинет за инцидентот.

Здравствените власти им забранија на двајца членови на болничкиот персонал да работат во здравството „во кој било контекст“ поради инцидентот, кој австралискиот премиер Ентони Албанезе го опиша како „одвратен, болен и срамен“.

Здравствените власти рекоа дека не нашле докази дека кој било пациент претрпел негативен третман.

The post МЕДИЦИНСКА СЕСТРА ОД АВСТРАЛИЈА СЕ ИЗЖИВУВАЛА ВРЗ ПАЦИЕНТИТЕ ИЗРАЕЛЦИ Снимила видео преку кое упатила смртни закани appeared first on plusinfo.mk.

Медицинска сестра го уценувала семејството на легендарниот возач на Формула 1, Михаил Шумахер. Според „Индепендент“ медицинската сестра барала 15 милиони евра од семејството на Шумахер заканувајќи се дека ќе објави приватни слики од неговото лекување.

Шумахер со години е во болнички кревет. Тој е во кома од 29 декември 2013 година откако доживеа несреќа на скијање.

Ниту една слика од Шумахер не е објавена во изминатите 11 години по трагедијата.

Маркус Ф, поранешен телохранител ангажиран од семејството Шумахер, украл 1.500 фотографии и 200 видеа од Михаел, а заедно со Џилмаз Т. и Даниел Л. подготвиле план да му се заканат на семејството на возачот, како што објави германски „Билд“.

Шумахер ја доживеа несреќата во францускиот ски центар Мерибел скијајќи со синот Мика. Тие скијале на необележан и небезбеден дел од патеката кога Михаел изгубил рамнотежа, паднал и со главата удрил во карпа.

Како што беше соопштено подоцна, животот му го спасило тоа што носел кацига, но се здобил со сериозна повреда на главата поради што во бессознание во неговиот стан бил префрлен во болницата во Гренобл.

Поради повреда на мозокот, тој е ставен во индуцирана кома, а му биле извршени неколку операции.

The post МЕДИЦИНСКА СЕСТРА БАРАЛА 15 МИЛИОНИ ЕВРА ОД СЕМЕЈСТВОТО ШУМАХЕР Се заканувала дека ќе објави фотографиии од неговото лекување appeared first on plusinfo.mk.

Непријатното недоразбирање меѓу родителите на едно тримесечно бебе и една медицинска сестра од Клиниката – кое некои неодговорни поединци сакаа да го прикажат како сериозен меѓуетнички инцидент – директорот Мемеди го реши на најдобриот можен начин. Со дијалог, со утврдување на фактите и на крајот со подадена рака на помирување меѓу засегнатите страни.

Едно големо браво и за родителите на бебето, кои покажале доблест кога било најпотребно. Не е лесно да се совладаат емоциите кога е дете во прашање.

Браво и за медицинската сестра, која неколку дена беше изложена на столбот на срамот и под закана од дисциплинска одговорност и кривичен прогон. Нападната без можност да се брани, осомничена за една измислена монструозна постапка.

Да се потсетиме на тоа дека медиумската приказна за овој случај тргна со неверојатно тврдење дека медицинската сестра од Детската клиника во Скопје намерно го повредила тримесечното бебе, како одмазда поради тоа што неговите родители Албанци не го знаеле македонскиот јазик.

И додека да се утврди вистината, или, како што ќе рече во една прилика Марк Твен, додека вистината да ги облече чевлите, лагата веќе прошета половина свет…

Во случајов, беше фабрикувана сочна медиумска приказна. Опасна и злобна манипулација.

Приказна објавена без да се слушнат двете страни, што е основното новинарско правило.

Втората страна – медицинската сестра во улогата на “монструм” – беше однесена на стрелиште. Без прашање. Да биде мета на која ќе вежбаат сите што пукаат за да го кутнат меѓуетничкото спокојство во Македонија.

Приказната беше раширена на социјалните мрежи без никакво фактчекирање. Изгледа дека фактчекерите си имаат своја политичка агенда. Па ваквите лаги ги преспиваат.

Немаше ни реакција од новинарските здруженија, кои земаат огромни пари од разни проекти, за да бдеат над професионализмот и над етичките стандарди во оваа чувствителна професија. И на нив изгледа им е нешто „незгодно” да се разбудат од летаргијата.

За среќа, неколку луѓе се издигнаа над тој здружен неморал и ги совладаа своите емоции, не дозволувајќи сепак да се произведе меѓуетнички инцидент.

Откако се чинеше дека со својата посета на засегнатото семејство и со најавата на дисциплински постапки, министерот за здравство веќе влегол во „улогата“ што му е доделена во тој лош „филм“, кај Арбен Таравари во последен момент како да проработи оној толку важниот „рефлекс“ на медицински работник, кој знае дека е речиси незамисливо лекар или медицинска сестра намерно да повредат пациент, па згора и како одмазда за еден банален претходен инцидент, та и врз едно тримесечно бебе.

Кај директорот д-р Реџеп Мемеди очигледно преработило чувството дека вистински менаџер и раководител на еден тим може да ја стекне довербата од луѓето со кои раководи само ако и тој им поклони верба. Не на слепо, се разбира, само со утврдување на ноторните факти, но без подлегнување на безразложните обвинувања со кои се фрла сенка врз стручноста и врз кредибилитетот на целиот медицински персонал.

Да, при земање крв на бебето му биле нанесени повреди и биле предизвикани хематоми, но не поради “етничка нетрпеливост”, како што некој сакаше да ја излаже јавноста, туку поради фактот дека бебето имало наод за тромбоцитопенија, медицинска состојба од која се јавуваат модрици на кожата и склоност кон крвавење. Дали можело двете сестри што му зеле крв не бебето од раката да бидат повнимателни? Тешко е да се каже тоа, поважно е да се утврди дали при интервенцијата постапиле според протоколите и дали дале сè од себе.

Директорот Мемеди е категоричен: „Вакви случаи имало и порано, сега се направи малку повеќе врева, ама секако дека продолжуваме да бидеме на ниво на задачата“.

Важно беше ова да се каже и да се слушне, бидејќи овде станува збор за водечката педијатриска установа во јавното здравство, едно од местата каде што бараме стручна медицинска помош и грижа кога таа им е потребна на нашите најмили, на децата. Без разлика дали сме Македонци, Албанци или други, без разлика дали го знаеме овој или оној јазик, без разлика што некогаш среќата е, а некогаш баш и не е наш сојузник.

И пак морам да прашам јавно: како воопшто било можно некој да измисли приказна дека во таа врвна установа една “лоша медицинска сестра” – како сестра Рачед, на пример, од “Летот над кукавичкото гнездо” – смислено повредила тримесечно бебе, за да им се одмазди на неговите родители, веројатно надевајќи се дека тоа ќе наиде на одобрување од другите сестри и од целиот медицински персонал?!

Како воопшто може да се продаваат вакви „филмчиња“?

Сепак, да се фокусираме овој пат на позитивниот исход на оваа драмолетка и на најважната поука што треба да ја извлечеме сите.

Очигледно, доаѓа време кога некои неодговорни и злобни поединци ќе се обидуваат да ги злоупотребат сите човечки драми и трагедии, во кои актери се луѓе од различни етнички групи, за да предизвикаат меѓуетничка нетрпеливост и инциденти. Таквите поединци пласираа безочни лаги и пред изборите, а не забораваме дека ни “ветија” и меѓуетнички тензии во случај да дојде до промена на власта. Тие луѓе нема лесно да се помират со тоа што се случи и опасно ќе го предизвикуваат меѓуетничкиот мир во земјата.

Со тоа да сме на чисто.

Во случајов, драмата имаше среќен крај меѓу другото и затоа што последиците не беа трагични – бебето ќе закрепне, родителите ќе се смират и ќе ја повратат довербата во Детската клиника, медицинската сестра и целиот персонал во оваа установа ќе заборават на оваа непријатност. Сè е добро кога добро ќе се заврши.

Но, да бидеме спремни на тоа што го носи животот. Не завршува добро секогаш сè. Некои животни драми завршуваат трагично. Некогаш и луѓето не се на висината на задачата. Некогаш ќе бидеме и сведоци на вистински меѓуетнички инциденти, а не на фабрикувани, како овој.

Сето тоа општеството ќе мора да го совлада и да го преживее, за да ги сочува спокојството и мирот во земјата. А тоа нема да биде лесно. Никогаш не било.

Ете затоа е важно неодговорноста и авантуризмот на некои поединци јавно да се осудат токму при ваквите случаи, кога исходите се поволни и кога учењето на сопствените грешки сè уште е евтино.

А уште поважно е доблесните и храбри постапки на одговорните поединци јавно да се истакнат и да се поддржат.

Затоа, од мене уште еднаш браво за сите што придонесоа една злобна медиумска фабрикација да не прерасне во меѓуетнички инцидент!

The post Денот кога одговорноста и доблеста го победија злото appeared first on plusinfo.mk.

Мажот на 29 февруари физички нападнал медицинска сестра на Одделот за хирургија при ЈЗУ Општа болница Струга која побарала од него да ја изгаси цигарата. Агресивно се однесувал кон неа и ја навредувал, а потоа со нога ја удрил во стомакот по што избегал.

Бил пронајден и лишен од слобода следниот ден. Со оглед на тоа што ваквото однесување на осомничениот ја потврдува опасноста тој да се даде повторно во бегство за да го избегне кривичниот прогон, а и поради опасноста тој да го повтори делото и да ја нападне медицинската сестра, јавниот обвинител до судијата на претходна постапка достави предлог за определување мерка притвор.

The post ЈА УДРИЛ СО НОГА ВО СТОМАК Стружанец нападнал медицинска сестра оти му рекла да ја изгаси цигарата appeared first on plusinfo.mk.

Портпаролот Стефан Димоски информира дека А.Н. од струшкото село Велешта физички ја нападнал вработената 23-годишната медицинска сестра од истото село.

– Вчера во 17 часот и 50 минути во ОВР Струга е пријавено дека во објект во состав на Општата болница во Струга, А.Н. од струшкото село Велешта физички ја нападнал вработената Р.Н.(23) од Велешта. Против напаѓачот, ќе биде поднесена соодветна пријава – изјави Димоски.

ОВР Струга поднело кривична пријава и против 38-годишен стружанец поради спречување службено лице во вршење на службено дејствие. И овој инцидент се случил во Општата болница во Струга.

– ОВР Струга поднесе кривична пријава против Б.С.(38) од Струга поради постоење основи на сомнение за сторено кривично дело „спречување службено лице во вршење на службено дејствие“. На 16 овој месец пријавениот оштетил дел од инвентарот во хируршкото одделение при Општата болница во Струга и агресивно се однесувал кон еден вработен, информира Димоски.

The post НАПАДНАТА МЕДИЦИНСКА СЕСТРА ВО СТРУШКАТА БОЛНИЦА Стружанец дивеел во хируршкото одделение appeared first on plusinfo.mk.