Со „Медал за заслуги“ се одликувани великаните на македонската кошарка Лазар Лечиќ (84) и постхумно Благоја Георгиевски Буштур, кој загина во сообраќајна несреќа во 2020 на 69 годишна возраст, како и одбојкарската легенда Владимир Богоевски (69), долгогодишниот селектор на македонската репрезентација во борење слободен стил Насе Насев (70) и актуелниот претседател на Македонската Таекводно федерација и селектор на националниот тим Борче Костовски.

– Иако сме мала нација како број, можеме да бидеме горди на нашите врвни спортисти, кои во индивидуалните и колективните спортови остваруваа и остваруваат врвни резултати. Претходно веќе имав можност на дел од нашите освојувачи на највредни олимписки медали да им доделам највисоки државни признанија. Денес, уште пет наши спортисти, спортски работници, тренери и селектори, кои стојат зад успесите на спортистите, ќе добијат „Медал за заслуги“, рече Пендаровски во своето обраќање.

Осврнувајќи се на придонесите на секој од петмината македонски спортски великани поединечно, Пендаровски истакна дека Лечиќ е едно од најзначајните имиња за развојот на македонската кошарка.

– Со својата енергија и знаење за кошарката, а особено со својата препознатлива харизма, Лечиќ остави траен белег во македонскиот спорт, рече шефот на државата.

За поранешниот кошаркар на Работнички и македонски селектор Благоја Георгиевски – Буштур кој беше вонсериски талент, Пендаровски потсети дека ги достигна најголемите спортски височини, освојувајќи медали на најголемите натпреварувања.

Навраќајќи се на големите успеси во минатото на македонската одбојка, претседателот Пендаровски истакна дека како нација сме среќни што имаме играч од светска класа и успешен тренер во името на Владимир Богоевски.

– Нашиот најуспешен спорт е борењето во слободен стил, рече Пендаровски, додавајќи дека „зад најголемите успеси, вклучувајќи го и првиот олимписки медал на македонски спортист, стои легендарниот селектор Насе Насев.

Потсетувајќи на успехот на таеквондистот Дејан Георгиевски на Олимписките игри во Токио, македонскиот претседател ја нагласи улогата на селекторот Борче Костовски.

– Среброто на Георгиевски во Токио ја сплоти нацијата и ги израдува граѓаните, а најзаслужен за овој успех е тренерот Костовски, посочи македонскиот претседател Пендаровски на свечената церемонија на доделувањето „Медал за заслуги“ на македонските спортски великани.

The post МЕДАЛ ЗА ЗАСЛУГИ ЗА ПЕТМИНА СПОРТСКИ ДОАЈЕНИ Претседателот Стево Пендаровски ги додели највисоките признанија appeared first on plusinfo.mk.

Во пресрет на 11 Октомври – Денот на народното востание претседателот Стево Пендаровски денеска на свечена церемонија ќе ги одликува Анка Гиева и Виолета Томовска, и постхумно Пеце Атанасовски, Никола Бадев, Мирвет Беловска, Ајри Демировски, Васка Илиева, Вања Лазарова, Кирил Манчевски, Тале Огненовски, Кочо Петровски, Александар Сариевски и Јонче Христовски со Медал за заслуги за Република Северна Македонија.

Како што соопштуваат од Кабинетот на претседателот Пендаровски, одликувањето се доделува за нивниот најголем придонес во негувањето, популаризацијата и во зачувувањето на македонската народна и изворна песна, како и за промоција и за афирмација на македонското музичко творештво и на културата во интернационални рамки.

The post МЕДАЛ ЗА ЈОНЧЕ, ЗА ВАЊА, ЗА САРИЕВСКИ… Пендаровски ќе одликува 13 истакнати дејци од областа на македонската народна музика appeared first on plusinfo.mk.