Руското Министерство за надворешни работи денеска соопшти дека палежите на имоти поврзани со британскиот премиер Кир Стармер, извршени во мај минатата година, биле дело на украински државјани и дека нема потреба „раката на Кремљ“ да се бара зад секој инцидент.

Украински државјанин во понеделникот беше прогласен за виновен од британски суд за извршување на палежите по налог на мистериозна личност која ја познавал само под прекарот „Ел Мани“.

Според Би-Би-Си, зад нападите стои Русија.

Портпаролката на руското Министерство за надворешни работи, Марија Захарова, денеска на брифинг во Москва ги отфрли таквите обвинувања.

– Ги уапсивте ли украинските државјани кои ја запалија резиденцијата на Стармер? Наречете ги работите со вистинското име. Кажете дека биле Украинци. Нема потреба раката на Кремљ да се бара во сè – изјави Захарова.

Палежите што ја потресоа британската јавност се случија во периодот меѓу 8 и 12 мај 2025 година во северен Лондон. Првата цел бил автомобил „Тојота РАВ4“ што претходно му припаѓал на британскиот премиер Кир Стармер, а потоа биле запалени влезовите на два имота поврзани со него – една зграда во која порано живеел и куќата во Кентиш Таун што сè уште е во негова сопственост и која во тоа време била издадена под кирија. Во еден од објектите живеела и сестрата на неговата сопруга. Во нападите немало жртви, но британските власти оценија дека постоел сериозен ризик по човечки животи.

За нападите беше обвинет 22-годишниот украински државјанин Роман Лавринович, кој според обвинителството дејствувал заедно со Станислав Карпиук, романски државјанин роден во Украина. Британскиот суд оваа недела ги прогласи двајцата за виновни за заговор за извршување палежи, додека третиот обвинет, Петро Починок, беше ослободен од обвиненијата. Според доказите изнесени на судењето, Лавринович добивал инструкции преку апликацијата Телеграм од лице кое го познавал само под прекарот „Ел Мани“, а за извршувањето на нападите му биле ветени парични надоместоци во криптовалути.

Случајот доби и меѓународна димензија откако британски медиуми, меѓу кои и Би-Би-Си, објавија истражувања според кои мистериозниот „Ел Мани“ можеби бил поврзан со руска мрежа за саботажи и дезинформации. Британските безбедносни служби проверуваат дали нападите биле дел од поширока операција за дестабилизација, а дел од медиумите објавија дека трагите водат кон лица и групи блиски до Русија. Москва ги отфрла ваквите обвинувања како неосновани и тврди дека одговорноста е кај директните извршители, кои се украински државјани.

The post ПОЖАРИТЕ НА ИМОТИТЕ НА КИТ СТАРМЕР ГИ ПОДМЕТНУВАЛЕ УКРАИНЦИ Москва порача – не барајте руска рака во сѐ appeared first on plusinfo.mk.

Договорот меѓу САД и Иран нема да биде потпишан денеска, 14 jуни, соопшти Корпусот на Исламската револуционерна гарда, отфрлајќи ги претходните очекувања што ги изнесе американскиот претседател Доналд Трамп.

Според соопштението, инсистирањето договорот да биде потпишан токму на 14 јуни претставува дополнителен притисок врз иранскиот преговарачки тим.

Информацијата доаѓа откако вчера пакистанското Министерство за надворешни работи потврди дека за денеска е закажана виртуелна церемонија на потпишувањ на меморандум.

„Меморандумот не е завршен“

Револуционерната гарда преку својот канал на Телеграм соопшти дека иранските претставници веќе јасно ставиле до знаење оти документот сè уште не е финализиран.

„Иранските преговарачи експлицитно објавија дека меморандумот сè уште не е финализиран и дека потпишувањето во недела сигурно нема да се случи“, се наведува во соопштението.

Според нив, најавите од Вашингтон не соодветствуваат со реалната состојба на преговорите.

Роденден или дипломатија?

Во Техеран сметаат дека Трамп сакал евентуалното потпишување да се совпадне со неговиот роденден на 14 јуни.

Иранската револуционерна гарда оцени дека американскиот претседател се обидува процесот да го претвори во „спектакл за лична промоција“, наместо да се фокусира на содржината на договорот.

Трамп предупреди на „крајна алтернатива“

Трамп претходно изјави дека очекува договорот меѓу Вашингтон и Техеран да биде потпишан и нагласи дека неговата цел е да се спречи Иран да дојде до нуклеарно оружје.

Истовремено, американскиот претседател порача дека САД располагаат и со „крајна алтернатива“ доколку дипломатскиот процес пропадне.

Засега останува нејасно кога би можело да дојде до евентуално потпишување.

Синоќа Аксиос објави дека на 14 јуни, САД и Иран, со посредство на Пакистан и Катар, и со учество на Египет и Турција, ќе одржат виртуелен состанок и електронски ќе потпишат меморандум за разбирање.

Со меморандумот треба да се продолжи прекинот на огнот за 60 дена, повторно да се отвори Ормуската Теснина и да започнат нови преговори за иранската нуклеарна програма.

Меморандумот за разбирање треба да придонесе за прекин на конфликтите во регионот и потенцијално стабилизирање на глобалните енергетски пазари.

Според извештаите, ова е резултат на речиси тримесечни преговори меѓу Вашингтон и Техеран, кои беа посредувани од Пакистан, Катар, Египет и Турција.

БОМБА ОД БЕЛАТА КУЌА Трамп откри детали за договорот со Иран

The post ТРАМП САКАЛ ДОГОВОРОТ ДА БИДЕ ПОТПИШАН НА НЕГОВИОТ РОДЕНДЕН Правиш спектакл, му одговори Иран appeared first on plusinfo.mk.

Три месеци по заедничките американско-израелски напади врз Иран, односите меѓу Вашингтон и Тел Авив влегуваат во чувствителна фаза. Според анализа на Си-Ен-Ен, она што почнало како заедничка воена кампања сè повеќе се претвора во дипломатски процес во кој Израел има ограничено влијание.

Телевизијата наведува дека Нетанјаху зад затворени врати признал оти Израел нема голема моќ да влијае врз американско-иранските разговори за завршување на конфликтот.

Страв од „лош договор“

Според израелски функционер цитиран од Си-Ен-Ен, во Тел Авив постои загриженост дека Доналд Трамп би можел да прифати привремен договор кој нема да ги реши клучните прашања околу иранскиот збогатен ураниум, балистичките ракети и регионалните сојузници на Техеран.

– Постои вистински страв дека Трамп ќе се задоволи со лош привремен договор – изјавил функционерот.

Во анализата се наведува дека Израел посебно е загрижен поради можноста да се намали економскиот притисок врз Иран и да се отвори пат за закрепнување на режимот во Техеран.

„Така изгледа кога Трамп ве фрла под автобус“

Еден израелски извор уште подиректно ја опишал ситуацијата.

– Значи, така се чувствувате кога Трамп ве фрла под автобус – изјавил изворот за Си-Ен-Ен.

Според телевизијата, незадоволството во Израел е големо, но Нетанјаху избегнува отворен судир со Трамп бидејќи голем дел од својот политички капитал го вложил токму во односите со американскиот претседател.

Нема подобрување од војната во Газа?

Си-Ен-Ен потсетува дека Нетанјаху со децении се претставува како лидер кој најодлучно се спротивставува на нуклеарните амбиции на Иран. Затоа евентуален договор меѓу САД и Иран би можел да биде доживеан како тежок политички удар за него.

Анализата наведува и анкета според која 45 проценти од Израелците сметаат дека ситуацијата со Иран денес е полоша отколку пред нападот на Хамас на 7 октомври 2023 година, додека само 31 процент гледаат подобрување.

The post ДАЛИ ДОГОВОРОТ САД-ИРАН ЌЕ МУ ПРЕСУДИ НА НЕТАНЈАХУ? Си-Ен-Ен пишува за стравови во израелскиот врв appeared first on plusinfo.mk.

САД и Иран се поблиску до мировен договор, изјави претседателот на САД, Доналд Трамп. Тој рече дека Техеран се согласил ниту да развива, ниту да набавува нуклеарно оружје.

Во интервју за „Фокс њуз“, Трамп порача дека преговорите напредуваат, но предупреди дека воената опција останува на маса ако разговорите пропаднат.

– Би сакал да имаме договор, бидејќи можеме веднаш да го отвориме Ормускиот Теснец по потпишувањето. Единствената гаранција што ми треба е да нема нуклеарно оружје. Тие се согласија со тоа и тоа беше многу интересно – рече Трамп.

Тој додаде дека Иран прифатил да не дојде до нуклеарно оружје по ниту еден основ.

– Првично рекоа дека нема да развиваат нуклеарно оружје. Потоа прашав што ако го купат. Сега велат дека ниту ќе развиваат, ниту ќе купуваат оружје на каков било начин. Полека го добиваме тоа што го сакаме. Преговарачите се многу строги и потребно е време, но не брзам – изјави Трамп.

Воената опција останува на маса

Претседателот на САД рече дека очекува голем договор, но предупреди дека постои и друга можност.

– Ќе постигнеме голем договор. Во спротивно ќе се вратиме и ќе ги завршиме работите по воен пат – рече Трамп.

Сепак, тој нагласи дека повеќе би сакал дипломатско решение и избегнување на нова воена ескалација.

– Во суштина ја победивме нивната војска – додаде Трамп.

Трамп барал измени во договорот

Американскиот портал „Аксиос“, повикувајќи се на извори од администрацијата, објави дека Трамп побарал дополнителни измени во текстот на договорот што го подготвиле американските и иранските преговарачи.

Според информациите, една од забелешките се однесувала и на формулациите поврзани со отворањето на Ормускиот Теснец за меѓународниот бродски сообраќај.

The post „ПОЛЕКА ГО ДОБИВАМЕ ТОА ШТО ГО САКАМЕ“ Трамп најави договор, тврди дека Иран попушта appeared first on plusinfo.mk.

Американскиот претседател Доналд Трамп го пречека британското кралско семејство во Белата куќа, каде што во говорот ја нагласи „вековната врска“ меѓу САД и Велика Британија, но и сподели лична анегдота која го привлече вниманието на јавноста.

Обраќањето го започна со зборовите „Каков прекрасен британски ден“, осврнувајќи се на историските врски меѓу двете земји – од Магна Карта до Американската војна за независност.

– Пред да имаме нација или устав, имавме култура, карактер и вера. Тоа доаѓа од мало, но моќно кралство преку морето – рече Трамп, додавајќи дека Американците „немаат поблиски пријатели од Британците“.

The President and First Lady host a State Arrival Ceremony on the South Lawn of the White House, drawing upon a tradition that dates back to the 18th century. pic.twitter.com/kJCWRkT5XY

— The White House (@WhiteHouse) April 28, 2026

„Мајка ми беше вљубена во Чарлс“

Во поопуштен дел од говорот, Трамп зборуваше за Крал Чарлс III, пофалувајќи го неговиот акцент и нарекувајќи го „сладок“.

– Мојата мајка беше вљубена во Чарлс. Можете ли да верувате во тоа? Таа го обожаваше кралското семејство – рече Трамп, додавајќи дека како дете често ја слушал како со воодушевување ги следи на телевизија.

Тој се присети дека секогаш кога Кралица Елизабета II се појавувала во јавноста, неговата мајка стоела покрај телевизорот и со восхит коментирала.

A powerful and beautiful speech by President Trump

“Our ancestors would surely be filled with awe and pride that the Anglo-American revolution in human freedom was never, ever extinguished but carried forward across centuries, across oceans and across history until it… pic.twitter.com/insOxCAsLT

— Alex Armstrong (@Alexarmstrong) April 28, 2026

Почит за кралицата Елизабета II

Американскиот претседател ѝ оддаде почит и на покојната кралица Елизабета II, потсетувајќи на дрвото што таа го засадила во Белата куќа во 1991 година.

= Тоа беше мало дрво тогаш, а погледнете го денес. Како и САД – засадено од британски раце на американска почва – рече Трамп.

Средба зад затворени врати

По церемонијалниот дел, Трамп и кралот Чарлс заедно излегоа на балконот на Белата куќа, каде што го следеа воениот протокол и им мавтаа на присутните.

Подоцна, според најавите, двајцата лидери одржаа билатерална средба зад затворени врати, на која се очекуваше да разговараат за клучни прашања од заеднички интерес.

The post 📽️ „ПОГЛЕДНИ ГО КОЛКУ Е УБАВ!“ Трамп откри што му велела мајка му за Чарлс appeared first on plusinfo.mk.

Западните земји ги губат своите лидерски позиции и отстапуваат место на нови центри на раст. Вака изјавил рускиот претседател Владимир Путин во видеообраќање до форумот „Отворен дијалог“.

Според рускот лидер глобалниот поредок се менува.

Се рушат старите правила?

– Претходните пристапи и воспоставените норми постепено ја губат силата, вклучително и поради постапките на западните земји – изјави Путин.

Тој додаде дека промените се видливи во сите области.

– Сите елементи на глобалниот раст, од економијата до технологијата, се менуваат неповратно – рече Путин.

Мултиполарен свет, нова рамнотежа

Путин истакнал дека се формира нова, мултиполарна архитектура на глобалниот развој.

– Ниедна земја не може да се развива сама, на сметка на другите. Моделот ќе биде одржлив само ако се базира на еднаквост и меѓусебно почитување.

Форумот „Иднината на светот: Нова платформа за глобален раст“ се одржува од 27 до 29 април.

На него учествуваат претставници од повеќе од 120 земји.

The post ПОРЕДОКОТ СЕ УРИВА, СЛЕДУВА МУЛТИПОЛАРЕН СВЕТ Путин објави крај на доминацијата на Западот appeared first on plusinfo.mk.

„Зар некој може да верува дека говорот на првата дама на САД, пред таа да го каже во јавноста, оди на рецензија кај некој дипломатски претставник?“

Вака вели премиерот Христијан Мицкоски запрашан да ги коментира наводите во грчки медиуми дека грчки дипломати спречиле Меланија Трамп да ја именува нашата земја како Македонија, по што таа во говорот го употребила името „Северна Македонија“.

– Го читав тој напис во медиумите кај нашиот јужен сосед. Претпоставувам дека се дипломатски извори. Зар некој може да верува дека говорот на првата дама на САД, пред таа да го каже во јавноста, оди на рецензија кај некој дипломатски претставник? Јас не верувам во тоа. Односно, ако тоа се случило, тогаш САД имаат сериозен проблем во безбедносниот протокол – вели Мицкоски.

Според грчки ТВ Стар, Прототема и други грчки медиуми реакцијата дошла од грчкиот амбасадор во САД, Андонис Александридис кој „навреме реагирал да се користи терминот Северна Македонија“.

Мицкоски вели дека е невозможно дипломат да дојде до припремениот говор на првата дама.

– А тоа што, претпоставувам, некој од дипломатите на некоја амбасада сакаат да бидат интересни, можеби за медиумите, па тоа го претставуваат како дипломатски успех, тоа е друга тема. Но, верувајте, од моето искуство, многу е тешко, да не речам, невозможно, некој надворешен да дојде до говорот на првата дама на САД, пред таа да ѝ го соопшти на јавноста. Така што, тие што го смислиле ова, мислам дека направиле неуспешна играна серија – рече Мицкоски.

Веста прв ја објави грчки ТВ Стар со видеоприлог од обраќање на Меланија. Претходно, медиуми како Грик Рипортер објавија дека Меланија веќе го искористила името Македонија во говорот со што предизвикала чувствителни реакции кај грчката страна.

Глобалниот самит „Fostering the Future Together Global Coalition Samit“ беше организиран од Меланија и ги собра првите дами од многу држави во светот. Меѓу нив се најде и сопругата на македонскиот премиер, Рози Мицкоска.

МЕЛАНИЈА СО „МАКЕДОНИЈА“ ГИ РАЗЛУТИ ГРЦИТЕ? Еден збор во планираниот говор предизвика реакција на Атина

The post НE Е ВОЗМОЖНО ДИПЛОМАТ ДА ГО ВИДИ ГОВОРОТ НА МЕЛАНИЈА Мицкоски вели дека приказната на грчките медиуми не држи вода appeared first on plusinfo.mk.

Реакција од грчкиот амбасадор во САД Андонис Александридис спречила првата дама на САД да го користи името „Македонија“ именувајќи ја нашата земја. Повеќе грчки медиуми пишуваат дека амбасадорот бил информиран дека во говорот на Меланија Трамп на Глобалниот самит во Белата куќа и „навреме реагирал да се користи терминот Северна Македонија“.

„По неговата интервенција првата дама на САД се обрати на соседната земја под нејзиното уставно име  Северна Македонија,  со што се избегна какво било погрешно толкување или дипломатска тензија“, наведуваат грчки медиуми.

Веста прв ја објави грчки ТВ Стар со видеоприлог од обраќање на Меланија. Претходно, медиуми како Грик Рипортер објавија дека Меланија веќе го искористила името Македонија во говорот со што предизвикала чувствителни реакции кај грчката стрнаа.

Терминот, според грчката позиција, се врзува за историска и географска област во Грција и затоа неговата употреба за држава се смета за дипломатски спорна.

Грчката амбасада во Вашингтон стапла во контакт со релевантни институции со цел да се изврши корекција. Намерата била да се осигури дека официјалните записи и идните комуникации ја користат точната терминологија.

Според дипломатските извори, користењето на „Македонија“ создава конфузија и ја поткопува договорената рамка. Воедно, се нагласува дека тоа може да влијае врз перцепцијата за грчкиот културен идентитет.

Грччката страна исто така тврди дека според принципот ерга омнес од Преспанскиот договор потпишан во 2018 година, соседот мора да се нарекува „Северна Македонија“ во сите официјални и јавни контексти.

„Како одговор, грчките дипломати контактираа со надлежните институции за да се осигурат дека официјалните записи и идните комуникации ја користат точната терминологија“, пишува ГрикРипортер.

Глобалниот самит „Fostering the Future Together Global Coalition Samit“ беше организиран од Меланија и ги собра првите дами од многу држави во светот. Меѓу нив се најде и сопругата на македонскиот премиер, Рози Мицкоска која имаше свое обраќање на работна сесија, а оствари и разговор и размени мислења со Меланија.

Централен момент на самитот беше претставувањето на американски изработен хуманоиден робот, кој јавно се обрати и комуницираше со присутните, покажувајќи ги можностите на напредната роботика и вештачката интелигенција.

The post МЕЛАНИЈА СО „МАКЕДОНИЈА“ ГИ РАЗЛУТИ ГРЦИТЕ? Еден збор во планираниот говор предизвика реакција на Атина appeared first on plusinfo.mk.

„Земјите членки на НАТО не направија апсолутно ништо за да помогнат со лудиот Иран, кој сега е воено распарчен. На Соединетите Американски Држави не им е потребен НАТО, но ‘никогаш не заборавајте’ го овој многу важен момент“.

Вака напиша Трамп на својата мрежа „Truth Social“.

Трамп и претходно остро ги критикуваше своите сојузници во Европа затоа што не ја поддржуваат повеќе војната на Вашингтон и Израел против Техеран.

Земјите во Европа остануваат скептични за вклучување во војната. Од друга страна, Кралската морнарица на Обединетото Кралство објави ќе ја предводи „Коалицијата Ормуз“ за повторно отворање на клучниот проток испраќајќи бродови за чистење мини заедно со американската и француската морнарица.

Во подоцнежна објава Трамп ги нарече иранските преговарачи многу различни и чудни и рече дека тие треба да молат за договор. Тој, исто така, го повтори своето тврдење дека Иран е воено уништен и дека земјата нема шанси за закрепнување.

The post НАТО НЕ НАПРАВИ НИШТО ПРОТИВ ЛУДИОТ ИРАН Ќе ви го запомниме ова, вели Трамп appeared first on plusinfo.mk.

На вчерашната седница на Врховното народно собрание на Северна Кореја, Ким Џонг-ун повторно беше именуван за претседател на Комисијата за државни работи, објави денеска државната новинска агенција КЦНА.

Седницата, која е прва по деветтиот партиски конгрес на Работничката партија во февруари, се фокусираше на дебати за измени и дополнувања на Уставот, како и на петгодишниот економски план на земјата. Парламентот, кој ја одобрува државната политика, редовно ги формализира партиските одлуки во законски решенија.

Сепак, сè уште е неизвесно дали Пјонгјанг ќе го ревидира Уставот за да ја формализира политиката на „две непријателски држави“, што го редефинира односот со Јужна Кореја.

Одлуката дојде по извесно повлекување на Ким Јо-џонг од Комисијата за државни работи. Сестрата на Ким беше член на Комисијата од 2021 година, но оваа година не се најде на списокот на највисокото раководно тело.

– Повторното именување на Ким Џонг-ун ја потврдува континуираната стабилност во врвното раководство, но прашањата за економијата и меѓународните односи остануваат критични за следниот период – велат аналитичари за политиката на Северна Кореја.

The post СЕВЕРНА КОРЕЈА ГО ПОТВРДИ ЛИДЕРОТ Ким Џонг-ун останува на чело на државата appeared first on plusinfo.mk.