На астронаутите од Меѓународната вселенска станица денеска им беше наредено да се засолнат во своите летала и да се подготват за евентуална евакуација додека рускиот екипаж се обидува да го санира истекувањето на возухот од орбиталната лабораторија, објави американската вселенска агенција НАСА.

По кратко време на астронаутите им беше дозволено да излезат од засолништето.

Истекувањето на воздухот во изминатите месеци беше релативно мало, но се зголеми во понеделникот.

Руската агенција за вселенската програма и вселенски истражувања (Роскосмос) соопшти дека двете истекувања на воздух биле откриени за време на притисокот во преодната комора на модулот Звезда. Руските астронаути успеале брзо да запечатат едно место на истекување, а второто можно место на истекување е во конусниот дел од преодната комора.

Според Роскосмос нема закана за безбедноста на екипажот или за системите на МВС.

Меѓународната вселенска станица орбитира околу Земјата веќе 25 години и е најсложениот меѓународен инженерски проект. Има руски и американски компоненти, како и модули од европските и јапонските вселенски агенции.

Станицата е широка 108 метри и долга 74 метри. Се движи со брзина од околу 27.400 до 28.200 километри на час и ја обиколува Земјата приближно на секои 90 минути.

Покрај спроведувањето експерименти и самоте астронаути се дел од тестирањата. Ним им се мерат пааметри пред, за време и по нивните вселенски летови, за да се разбере подобро како луѓето можат да преживеат долги мисии во вселената.

Повеќето екипажи остануваат на станицата околу 6 месеци.

The post ИСТЕКУВА ВОЗДУХ ОД МЕЃУНАРОДНАТА ВСЕЛЕНСКА СТАНИЦА Драма во вселената, астронаутите подготвени за евакуација appeared first on plusinfo.mk.

Астронаутот од Обединетите Арапски Емирати, Султан Ал-Нејади, го демонстрира процесот на јадење сендвич со мед во микрогравитација на Меѓународната вселенска станица. ⁠

Видеото ги прикажува предизвиците при ракување со храна без гравитација, бидејќи трошките и течностите можат да лебдат и да станат опасност.

 

View this post on Instagram

 

A post shared by History Photographed (@historyphotographed)

The post 🎥 НИМ МЕДОТ НЕ ИМ ТЕЧЕ Како јадат астронаутите во Меѓународната вселенска станица? appeared first on plusinfo.mk.

Американското вселенско летало „Crew Dragon“ се одвои од Меѓународната вселенска станица и слета во океанот во близина на брегот на Калифорнија.

Екипажот го сочинуваа космонаутот на Роскосмос, Олег Платонов, астронаутите на НАСА, Зена Кардман и Мајк Финке, како и астронаутот на JAXA, Кимија Јуи, кои поминаа 165 дена во орбиталната лабораторија.

Враќањето беше предвремено реализирано поради здравствени проблеми кај еден член на екипажот. НАСА не го откри идентитетот на астронаутот ниту соопшти дијагноза, но наведе дека состојбата на лицето е стабилна.

A U.S. Crew Dragon spacecraft undocked from the International Space Station and splashed down off the California coast.

The crew included Roscosmos cosmonaut Oleg Platonov, NASA astronauts Zena Cardman and Mike Fincke, and JAXA astronaut Kimiya Yui, who spent 165 days aboard… pic.twitter.com/uN1HY1NHp5

— News.Az (@news_az) January 15, 2026

ЌЕ СЕ ЕВАКУИРААТ ЧЕТВОРИЦА АСТРОНАУТИ ОД ВСЕЛЕНСКАТА СТАНИЦА Од НАСА не откриваат од што е болен еден член на екипажот

The post 🎥 СЛЕТАА ЕВАКУИРАНИТЕ АСТРОНАУТИ Ќе ги открие ли НАСА деталите за болеста на членот на екипажот? appeared first on plusinfo.mk.

Екипаж од четворица астронаути, од Индија, Унгарија и од Полска, предводени од ветеранката на НАСА, Американката Пеги Витсон, ја напуштија Меѓународната вселенска станица вчера наутро и го почнаа своето враќање и пристигнување на Земјата, што се очекува денеска, соопшти компанијата „Аксиом Спејс“ со седиште во американската сојузна држава Тексас.

Капсулата „Кру драгон“, управувана од „Спејс-Икс“, се одвои од МВС додека Станицата беше 418 километри над источниот брег на Индија. Со ова е заклучена последната посета на МВС, организирана од „Аксиом Спејс“, во соработка со калифорниската компанија на Елон Маск, „Спејс-Икс“. Видео преносот во живо ги покажа членовите на екипажот во препознатливи црно-бели вселенски костими врзани во капсулата непосредно пред одвојувањето од станицата. Капсулата безбедно го напушти просторот на МВС со помош на неколку кратки палења на ракетните мотори, пренесе „Еуроњуз“.

Мисијата „Аксиом-4“ беше лансирана на 25 јуни од вселенскиот центар „Кенеди“ на НАСА во Флорида. Мисијата е составена од Пеги Витсон (65) од САД, Индиецот Шубаншу Шукла (39), Полјакот Славош Узнански-Вишњевски (41) и Тибор Капу (33) од Унгарија. Тие минаа 18 дена на МВС, спроведувајќи голем број научни експерименти во услови на микрогравитација. За Индија, Полска и Унгарија, ова беше првата мисија со екипаж по повеќе од 40 години.

Доколку сè оди според планот, капсулата треба да влезе во атмосферата на Земјата по 22-часовно патување и да слета со падобран во Тихиот Океан, кај брегот на Калифорнија.

„Аксиом“ е сооснована пред девет години од поранешен менаџер на програмата на МВС на НАСА и е една од неколкуте приватни компании што развиваат комерцијална вселенска станица што ќе ја замени МВС, за којашто се очекува да престане со работа околу 2030 година.

The post 🎥 ЧЕТВОРИЦА АСТРОНАУТИ СЕ ВРАЌААТ НА ЗЕМЈАТА Поминаа 18 дена во вселенската станица правејќи научни експерименти appeared first on plusinfo.mk.

Руско-американски вселенски екипаж се врати на Земјата денеска со вселенскиот брод „Сојуз МС-26“, објави руската вселенска агенција Роскосмос.

По повеќе од 7 месеци поминати на Меѓународната вселенска станица, астронаутите на Роскосмос Алексеј Овчинин и Иван Вагнер и астронаутот на НАСА, Доналд Петит се вратија на Земјата.

Тројцата работеа во вселената од 11 септември минатата година.

„Излезот од орбитата и спуштањето кон Земјата се одвиваше нормално“, соопшти Роскосмос.

Слетувањето се случило во Казахстан, во близина на градот Жезказган.

На 8 април вселенскиот брод „Сојуз МС-27“ беше лансиран во орбитата со Американецот Џони Ким и Русите Сергеј Рижиков и Алексеј Зубрицки.

Тие им се придружија на екипажот на Меѓународната вселенска станица – Американците Петит, Ен Меклејн и Никол Ајерс, на Русите Овчинин, Вагнер и Кирил Песков и на Јапонецот Такуја Ониши.

The post ПО 7 МЕСЕЦИ НА МЕЃУНАРОДНАТА ВСЕЛЕНСКА СТАНИЦА Руско-американски вселенски екипаж се врати на Земјата appeared first on plusinfo.mk.

„Спејс-Икс“ во последен миг го откажа лансирањето на ракетата за замена на посадата на Меѓународната вселенска станица, што требаше да го почне и долгоочекуваното враќање на американските астронаути Буч Вилмор и Сани Вилијамс.

Вилмор и Вилијамс се заглавени на Вселенската станица девет месеци по пристигнувањето со нефункционалниот „Боинг Старлајнер“. Воздухопловно-вселенската компанија „Спејс-Икс“ вчера го откажа летот поради технички дефект и проблеми со лансирната рампа на ракетата, соопштија официјалните лица за време на директниот пренос од одбројувањето пред лансирањето.

Ракетата на „Спејс-Икс“ требаше да полета од Вселенскиот центар „Кенеди“ во Кејп Канаверал вчера приквечер, со екипаж од двајца астронаути од САД и по еден од Јапонија и од Русија. Времето на следната прилика за лансирање не е објавено.

The post ВО ПОСЛЕДЕН МИГ ОТКАЖАН ЛЕТОТ СО КОЈ ТРЕБАШЕ ДА СЕ ВРАТАТ ЗАГЛАВЕНИТЕ АСТРОНАУТИ Имало проблем со лансираната рампа на ракетата на „Спејс-Икс“ appeared first on plusinfo.mk.

Американскиот претседател Доналд Трамп побара од Илон Маск и неговата компанија Спејс икс да одат по двајца астронаути кои беа „напуштени во вселената од администрацијата на Бајден“.

Астронаутите на НАСА, Бери Вилмор и Сунита Вилијамс пристигнаа на Меѓународната вселенска станица на 6 јуни минатата година. Нивната мисија требаше да трае една недела, но речиси 8 месеци подоцна, Вилмор и Вилијамс сè уште се во вселената поради проблеми со капсулата Старлајнер на Боинг.

По лансирањето од вселенскиот центар Кејп Канаверал во Флорида, леталото успеа да се приклучи на Вселенската станица при вториот обид, поради проблеми со моторот. Покрај тоа, леталото претрпе истекување на хелиум. „Старлајнер“ се врати на Земјата без екипаж на почетокот на септември, слетувајќи во пустината во Ново Мексико.

НАСА првично најави дека двајцата астронаути треба да се вратат на Земјата во февруари оваа година, но неодамна дојде до одложување на план.

Претседателот Трамп се огласи на својата социјална мрежа „Трут соушл“.

„Само што ги замолив Илон Маск и Спејс Икс да одат по двајца храбри астронаути кои администрацијата на Бајден практично ги напушти во вселената. Тие чекаа со месеци. Илон наскоро ќе замине. Се надеваме дека сè ќе биде безбедно. Среќно Илон!!!“ напиша Трамп.

Сопственикот на Спејс икс, Маск, го сподели постот на Трамп на неговата социјална мрежа Икс со емотикон кој означува салутирање.

The post ТРАМП ГО ПРАЌА МАСК ДА ГИ ВРАТИ „ЗАБОРАВЕНИТЕ“ АСТРОНАУТИ Наместо 2 недели, Вилмор и Вилијамс останаа 8 месеци на Меѓународната вселенска станица appeared first on plusinfo.mk.

Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).

Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.

Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.

Околу 45 минути подоцна, серија падобрани беа активирани за да го забават спуштањето и сет од воздушни перничиња се надуваа неколку моменти пред Старлајнер да се спушти во вселенското пристаниште Вајт Сендс во пустината во Ново Мексико.

Пет од 28-те погони за маневар на Старлајнер откажаа со Вилмор и со Вилијамс во кабината за време на нивното приближување до МВС во јуни, додека истиот погонски систем предизвика неколку протекувања на хелиум, кој се користи за притисок на погоните.

Тоа доведе до истрага, предводена од Боинг и НАСА, која чинеше 125 милиони долари.

Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.

The post СТАРЛАЈНЕР СЕ ВРАТИ БЕЗ ЕКИПАЖ Двајцата астронаути непланирано ќе останат во веселната до февруари appeared first on plusinfo.mk.

На аудиото се слуша женски глас кој бара од членовите на екипажот „да го вратат командантот во костим“, да му го проверат пулсот и да го снабдат со кислород. Подоцна вели дека командантот има мали шанси да преживее.

По тоа корисниците на социјалните мрежи почнаа да шират вести за кризата на Меѓународната вселенска станица.

There is no emergency situation going on aboard the International Space Station. At approximately 5:28 p.m. CDT, audio was aired on the NASA livestream from a simulation audio channel on the ground indicating a crew member was experiencing effects related to decompression…

— International Space Station (@Space_Station) June 13, 2024

„Ова аудио, поради ненамерна грешка, беше пренасочен од тековната симулација, во која членовите на екипажот и копнените тимови тренираат за разни сценарија во вселената. Тој не е поврзан со вистински итен случај“, објави Меѓународната вселенска станица додавајќи дека нема итни ситуации.

Болеста на декомпресија, која се јавува кога меурчиња од азот или друг гас се формираат во крвта поради промена на атмосферскиот притисок, може да влијае на централниот нервен систем и е потенцијално фатална.

Членовите на екипажот спиеле во моментот на емитување на симулацијата, според објавата на Меѓународната вселенска станица.

The post 🎧 „ДАЈТЕ МУ КИСЛОРОД НА КОМАНДАНТОТ“ Аудио на НАСА поттикна шпекулации appeared first on plusinfo.mk.

„Апсолутно нереално“, твитна астронаутот на НАСА Џош Касада на 28 февруари заедно со прекрасната фотографија од зелените поларни зрачења кои се вртат околу северните географски широчини на Земјата. Касада ја снимил сликата од Меѓународната вселенска станица, која орбитира на околу 400 километри над Земјата.

Додека етерично зелениот сјај на феноменот Аурора Бореалис може да му изгледа познато на секој кој ја видел поларната светлина на фотографии или во живо, уникатната гледна точка на астронаутот Касада открива колку тоа може да биде неверојатен феноменот, кој се протега на стотици и илјадници километри околу половите на планетата.

Absolutely unreal. pic.twitter.com/pah5PSC0bl

— Josh Cassada (@astro_josh) February 28, 2023

Wow, awesome view! I caught @Space_Station passing overhead (24 sec in) while making a timelapse of our auroral action pic.twitter.com/pN0GZMdSnO

— Joel Weatherly (@JK_Weatherly) February 28, 2023

The post АУРОРА КАКВА ШТО НЕ СТЕ ВИДЕЛЕ ДОСЕГА Астронаутот на НАСА има посебна перспектива (ВИДЕО) appeared first on plusinfo.mk.