Администрацијата на американскиот претседател Доналд Трамп синоќа го потврди де факто распуштањето на Американската агенција за меѓународен развој (УСАИД) како дел од драстичното намалување на американската странска помош.

– Стејт департментот и УСАИД го известија Конгресот за нивната намера да преземат реорганизација, што ќе вклучи префрлање на одредени функции од УСАИД на Стејт департментот до 1 јули 2025 година и за елиминирањето на другите функции на УСАИД, кои не се усогласени со приоритетите на администрацијата – изјави државниот секретар Марко Рубио.

Според него УСАИД одамна се оддалечи од својата првична мисија. Тој побара преориентација на програмите за странска помош.

– Продолжуваме да спроведуваме критични програми за спасување животи и да правиме стратешки инвестиции кои ги зајакнуваат нашите партнери и нашата сопствена земја – нагласи Рубио.

Американскиот претседател Доналд Трамп веднаш по преземањето на функцијата на 20 јануари, потпиша извршна наредба со која се замрзнува американската странска помош на 90 дена. Голем број вработени во УСАИД веќе се отпуштени. Замрзнувањето на странската помош предизвика шок во УСАИД. Агенцијата е формирана со акт на Конгресот на САД во 1961 година. Годишниот буџет на УСАИД изнесуваше 42,8 милијарди американски долари, што е 42 отсто од хуманитарната помош обезбедена ширум светот.

The post РУБИО ПОТВРДИ ДЕКА УСАИД ДЕФИНИТВНО Е УКИНАТ Ќе помагаат низ светот на други начини appeared first on plusinfo.mk.

Германската канцеларка Ангела Меркел побара меѓународна помош за да се спречи економски колапс на Авганистан.

– Не може да биде цел на меѓународната заедница да гледа како 40 милиони луѓе се во хаос поради електрична енергија и во отсуство на финансиски систем – рече Меркел по специјалниот онлајн Самит на Г-20.

– Нема да добиеме ништо доколку се урне целиот монетарен систем или финансискиот систем во Авганистан, бидејќи тогаш ниту хуманитарна помош повеќе не може да се обезбеди, рече Меркел. Таа истакна дека Меѓународниот монетарен фонд и Светската банка имаат голема задача да спречат колапс на финансискиот систем на земјата.

Меркел потврди дека Германија ќе обезбеди 600 милиони евра помош, како што беше ветено на донаторската конференција во септември. Покрај хуманитарната помош, Меркел исто така рече дека е потребна брза кампања за вакцинација.

The post 40 МИЛИОНИ ЛУЃЕ СЕ ВО ХАОС ПОРАДИ ЕЛЕКТРИЧНА ЕНЕРГИЈА Меркел бара меѓународна помош appeared first on plusinfo.mk.