Во продолжение на акцијата „Армагедон“, српската полиција приведе осум лица осомничени за кривични дела поврзани со незаконско прикажување, набавување и поседување недозволени содржини, како и за злоупотреба на малолетни лица преку интернет.

Уапсените се на возраст од 24 до 64 години, а меѓу нив има и еден странски државјанин. Според информациите, во подолг временски период тие преку интернет разменувале и чувале недозволени дигитални материјали.

Се наведува дека тројца од осомничените преку социјални мрежи и комуникациски апликации отвориле лажни профили, претставувајќи се како малолетни девојчиња, по што воспоставувале контакт со други малолетни лица, од кои барале и добивале недозволени фото и видеосодржини.

При претреси на станови и други простории кај сите осомничени, на електронските уреди биле пронајдени дигитални материјали кои, според надлежните, претставуваат доказ за сериозни злоупотреби на малолетни лица, се наведува во соопштението.

По приведувањето, осомничените со кривични пријави биле спроведени во надлежното обвинителство. Информациите ги објави Радио-телевизија Србија (РТС).

Акцијата „Армагедон“ е повеќегодишна специјализирана полициска операција насочена кон откривање и сузбивање на кривични дела поврзани со злоупотреба на деца и малолетници во онлајн-просторот.

Во рамки на акцијата, полицијата континуирано следи активности на интернет, социјални мрежи и комуникациски апликации, со цел идентификување лица кои користат лажни профили и вршат нелегални дејствија на штета на малолетници.

Според српското Министерство за внатрешни работи, последната фаза од акцијата била реализирана и како дел од поширока меѓународна операција за спречување на онлајн-злоупотреби и зајакнување на меѓународната соработка во оваа област.

The post ОСУММИНА УАПСЕНИ ЗА ДЕТСКА ПОРНОГРАФИЈА ВО СРБИЈА Со лажни профили намамувале деца преку социјалните мрежи appeared first on plusinfo.mk.

Тројца осомничени се уапсени денеска во Германија, а имот вреден повеќе од пет милиони евра е запленет во големата координирана полициска акција против т.н. Балкански картел, соопшти Европол.

Акцијата се спровела истовремено во Австрија, БиХ, Хрватска, Германија и Србија, по неколкумесечна заедничка истрага на европските полициски служби.

Од Европол велат дека истражителите успеале да пресечат криминална ќелија која имала клучна улога во транспортот на кокаин кон Европа.

„Групата е одговорна за повеќе пратки на кокаин со тежина од неколку тони, со потекло од Колумбија“, соопштија од Европол, додавајќи дека картелот користел „различни прикриени методи“ за пренос на дрогата до европските пристаништа.

Истата група, според истрагата, се занимавала и со перење пари. Осомничените користеле компании во неколку земји со цел да легализираат големи суми од криминално потекло.

„Перењето пари се изведувало преку компании и инвестиции во недвижности и во земји-членки и надвор од Европската Унија“, потврди Европол.

Заплената на имот вреден над пет милиони евра се смета за тежок удар врз финансиската структура на ќелијата, а истрагата продолжува со цел да се утврди дали има поврзаност со други криминални групи од регионот.

The post РАЗБИЕН БАЛКАНСКИ КАРТЕЛ Запленети имоти од 5 милиони евра и тони кокаин, уапсени тројца во Германија appeared first on plusinfo.mk.

Во голема меѓународна акција насочена против онлајн-ширењето на материјали за сексуална злоупотреба на деца, беше разбиена платформа позната како „Кидфликс“, а уапсени се десетици лица во повеќе држави. Според меѓународните истражители, акцијата резултирала со повеќе од 70 уапсени и идентификација на над 1.400 осомничени корисници ширум светот, пишува „Ројтерс“.

Во рамките на истата акција, хрватската полиција соопшти дека е уапсен 29-годишен маж од западниот дел на земјата кој, според сомнежите, ја предводел групата со над 250 членови. Како што објави „Индекс.хр“, осомничениот е товaрен за повеќекратна сексуална злоупотреба на дете, дистрибуција на материјали за сексуална злоупотреба на деца преку апликации со енкрипција „од почеток до крај“ и за повеќекратни дејства на сексуално вознемирување.

Полицијата соопшти дека постои основано сомнение оти осомничениот подолг временски период сексуално злоупотребувал малолетно женско дете, на кое претходно му овозможил пристап до материјали за сексуална злоупотреба. При претресите биле пронајдени големи количини дигитален материјал и докази што укажуваат на континуирана размена и дистрибуција преку повеќе платформи, вклучувајќи и делови од „дарк веб“.

Операцијата ја координирале германските криминалистички служби со поддршка од Европол и партнерски полиции од 35 земји. Заедно работеле на затворање на серверите и корисничките мрежи на платформата „Кидфликс“, која, според извори на „Би-Би-Си“, имала милиони регистрирани корисници и се смета за една од најголемите досега разбиени мрежи од ваков вид.

Хрватските власти наведуваат дека постапката против уапсениот е во тек, дека против него е поднесена кривична пријава и дека истрагата продолжува за да се идентификуваат и заштитат евентуални жртви, како и да се откријат други соучесници. Министерството за внатрешни работи апелира до јавноста да пријавува сомнителни онлајн-активности и потенцијални злоупотреби за да се спречат понатамошни злосторства и да се обезбеди помош за жртвите.

Аналитичари и организации за заштита на деца предупредуваат дека платформите и апликациите со силна енкрипција овозможуваат скриено споделување на материјали и отежнуваат истраги, но дека меѓународната соработка, особено преку Европол, се покажува како клучна во борбата против овие форми на криминал.

The post РАЗБИЕНА МЕЃУНАРОДНА МРЕЖА НА ПЕДОФИЛИ Уапсен Хрват кој ја водел групата со над 250 членови appeared first on plusinfo.mk.

Во контејнер со пратка од Латинска Америка, што пристигнала на пристаништето во Солун, грчката полиција открила 271 килограм и 150 грама кокаин, што се проценува дека е во вредност од над 5,5 милиони евра, а уапсени се 3 лица членови на криминална организација со меѓународен карактер, јави дописничката на МИА од Атина.

Од грчката полиција соопштија дека криминалната организација била разбиена по искористените информации добиени од Националната агенција за борба со криминал на Обединетото Кралство, „во врска со транспортот и увоз по морски пат на контејнер со голема количина кокаин од земја на солунското пристаниште,  од Латинска Америка“.

Во средата била спроведена голема операција и бил пронајден контејнерот во кој во специјален дел била скриена дрогата, а членовите на криминалната организација биле уапсени во саботата во атинско предградие.

Тројцата уапсени на возраст меѓу 32 и 47- годишна возраст имале посебни улоги во увозот и трговијата со дрогата.

„Нелегалната финансиска корист на членовите на организацијата од продажбата на запленетата количина кокаин се проценува на повеќе од 5,5 милиони евра“, соопштија од грчката полиција.

The post 📷 271 КИЛОГРАМ КОКАИН ЗАПЛЕНЕТ ВО СОЛУН Дрогата вредела над 5,5 милиони евра, тројца уапсени во меѓународна акција appeared first on plusinfo.mk.