Американскиот претседател Доналд Трамп изјави дека израелскиот премиер Бенјамин Нетанјаху нема да биде уапсен за време на неговата посета на Соединетите Американски Држави. Со оваа изјава, Трамп реагираше на неодамнешните тврдења на градоначалникот на Њујорк, Зохран Мамдани.

На својата социјална мрежа „Трут социјал“, Трамп порача дека Нетанјаху „нема да биде уапсен, на никаков начин и во ниту една форма“ додека престојува во САД. Тој истакна дека израелскиот премиер се бори против Иран, притоа упатувајќи остри обвинувања кон иранските власти.

Изјавата на Трамп доаѓа откако Мамдани, во поткаст на „Њујорк тајмс“, изјави дека правниот сектор на неговата администрација ја разгледува можноста за апсење на Нетанјаху доколку тој присуствува на Генералното собрание на Обединетите нации во септември.

„Верувам дека Нетанјаху треба да биде во Хаг. Тој е обвинет пред Меѓународниот кривичен суд за воени злосторства“, рече Мамдани.

Во 2024 година, Меѓународниот кривичен суд издаде налози за апсење на Бенјамин Нетанјаху и поранешниот израелски министер за одбрана Јоав Галант, поради воени злосторства и злосторства против човештвото поврзани со војната во Газа.

МАМДАНИ МУ ПОДГОТВУВА АПСЕЊЕ НА НЕТАНЈАХУ ВО СЕПТЕМВРИ Њујоршкиот градоначалник се повикува на налогот за апсење на Судот во Хаг

The post ТРАМП НЕМА ДА ДОЗВОЛИ НЕТАНЈАХУ ДА БИДЕ УАПСЕН Одговор на заканите на Мамдани appeared first on plusinfo.mk.

Британски „Сандеј тајмс“ објави слики за кои тврди дека се од 13 руски офицери обвинети за масакрот во Буча во Украина. Меѓу нив е и „месарот“ Азатбек Омурбеков, командант на 64-та бригада, кого САД веќе го поврзуваат со убиства, силувања и мачења.

– Омурбеков бил главниот координатор на операциите во северна Буча и се смета за еден од најодговорните за масовните погубувања – изјави истражител за „Сандеј тајмс“.

Офицерите, заедно со уште 12 команданти, се именувани во британскиот истражувачки извештај со целосни фотографии, титули и наводни злосторства, пренесе Б92.

Истрагата, според „Сандеј Тајмс“ ја воделе независни правници и истражители користејќи отворени извори, сведоштва на преживеани и украински безбедносни извори. Офицерите се идентификувани по рангови, командни зони и врз основа на нивната директна или индиректна улога во теророт над цивилите.

В The Sunday Times вышла статья “Putin’s men unmasked”. В ней издание опубликовало ещё 13 имён русских офицеров, связанных с массовыми убийствами в Буче. О причастности пятерых ранее не было известно.

Новые имена в списке убийц:

Генерал-полковник Валерий Солодчук — командовал… pic.twitter.com/1fJAX1ST3x

— Denis Danilov (@DenisDanilovL) September 28, 2025

На листата се и генералот Валериј Солодчук, полковник Артем Городилов и други високи функционери на руската армија. Некои се веќе под санкции, а други се предмет на барања за апсење од меѓународни судови.

„Ова е прва објава. Следуваат нови имиња и барања за екстрадиција“, стои во извештајот.

Русија продолжува да тврди дека „Буча е исценирана“.

Мислењата за масакрот во Буча уште во април 2022 година ја поделија светската јавност, но и самите медиуми. Некои западни медиуми, меѓу кои и Би-Би-Си, дури го користеа зборот „геноцид“, опишувајќи ги сцените како едни од најморничавите по Втората светска војна.

Украинската страна обвини дека руските сили извршиле масовни егзекуции врз цивили, жени и деца, при повлекувањето од градот. Руската страна, пак, категорично го негираше тоа, нарекувајќи го „инсценирана измама“ со цел пропаганден удар.

Британските медиуми го третираа случајот како типичен пример за воени злосторства од најтешка категорија, организирани, систематски и со директна одговорност од највисоките командни структури.

The post 📷 ДАЛИ СЕ ОВА 13 ОФИЦEРИ ОДГОВОРНИ ЗА МАСАКРОТ ВО БУЧА? Меѓу нив е и „месарот“ Омурбеков, тврди „Сандеј Тајмс“ appeared first on plusinfo.mk.

Вооружени судири избувнаа во четвртокот меѓу Тајланд и Камбоџа во долгогодишно оспорувани гранични области, бргу ескалирајќи ги напнатостите што траат со месеци.

Во судирите имало истрели, гранатирање и ракетни напади, при што тајландските власти соопштија дека загинале најмалку 9 цивили и биле повредени уште 14 во 3 покраини. Тајланд одговорил со воздушни напади.

Ова е втора вооружена конфронтација од мај, кога камбоџански војник беше убиен од истрел, и претставува голема ескалација што се случи само неколку часа откако двете земји ги намалија дипломатските односи по експлозија на нагазна мина во која беа повредени тајландски војници.

• ИЗБИ КОНФЛИКТ МЕЃУ ТАЈЛАНД И КАМБОЏА, ИМА МРТВИ Двете земји се обвинуваат за тоа кој прв отворил оган

Судирите продолжуваат во најмалку 6 зони долж границата, соопшти Министерството за одбрана на Тајланд. Првиот судир во четвртокот наутро се случил во близина на древниот храм Та Муен Том, на границата меѓу тајландската провинција Сурин и камбоџанската провинција Оддар Менчеј.

Што треба да се знае за спорот меѓу двете југоисточноазиски земји?

Спорот се разгоре во мај, откако армиите на Тајланд и Камбоџа накратко пукаа една кон друга во релативно мала, оспорувана гранична зона, што двете држави ја сметаат за своја територија, анализира Асошиејтед прес.

Двете страни тврдеа дека дејствувале во самоодбрана. Еден камбоџански војник беше убиен.

Иако двете земји тогаш изјавија дека се согласиле да ја деескалираат ситуацијата, камбоџанските и тајландските власти продолжија да преземаат или да најавуваат мерки кои не вклучуваат директна воена сила, но ја одржуваа тензијата висока.

Тајланд воведе строги ограничувања на границата со Камбоџа, дозволувајќи преминување само за ученици, пациенти и за други со суштински потреби. Во четвртокот, властите најавија целосно затворање на границата.

Камбоџа, пак, забрани емитување тајландски филмови и серии, стопираше увоз на тајландски горива, овошје и зеленчук и ги бојкотираше некои интернет врски и снабдувањето со електрична енергија од својот сосед.

Судирите предизвикуваат политички превирања во Тајланд

Националистички чувства од двете страни ја разгоруваат ситуацијата.

Тајландската премиерка Паетонгтарн Шинаватра беше суспендирана на 1 јули за да се истражат можни етички прекршувања поради нејзиното постапување во спорот, откако беше објавен таен телефонски разговор со висок камбоџански лидер.

Во разговорот од јуни, Паетонгтарн го нарекува поранешниот премиер на Камбоџа, Хун Сен, „вујко“, и ја критикува тајландската воена команда – изјави кои критичарите ги оценија како непочитување на националниот суверенитет.

Хун Сен во 2023 година беше наследен од својот син Хун Манет, но останува влијателен како претседател на Сенатот. Тој бил долгогодишен пријател на нејзиниот татко, Таксин Шинаватра – популарен, но поларизирачки поранешен премиер – но нивното пријателство се расипало поради граничниот спор.

Протечениот разговор предизвика бес и масовни протести. Коалицијата на Паетонгтарн, предводена од партијата Пху Тај, ослабе кога нејзиниот втор најголем партнер, партијата Бумџаитај, ја повлече поддршката, наведувајќи дека таа била „преблага“ кон Камбоџа.

Паетонгтарн се извини и тврдеше дека нејзините изјави биле „преговарачка тактика“. Нејзиниот сојузник, поранешниот министер за одбрана Пумтам Вечајачај, беше назначен за вршител на должноста премиер.

Тензиите се засилиле откако Камбоџа го добила храмот Преах Вихеа

Граничните недоразбирања се долготраен проблем што предизвикува повремени тензии меѓу двете земји. Тајланд и Камбоџа имаат заедничка копнена граница од повеќе од 800 километри (500 милји).

Спорните тврдења произлегуваат главно од карта од 1907 година, изработена под француска колонијална управа, која го раздвојувала тогашниот Сијам (Тајланд) од Камбоџа. Камбоџа ја користи таа картата како основа за територијални барања, додека, пак, Тајланд тврди дека картата е неточна.

Најпознатиот и најкрвав конфликт се случи околу 1.000-годишниот храм Преах Вихеа.

Во 1962 година, Меѓународниот суд на правдата му ја додели сувереноста над областа на храмот на Камбоџа – одлука што стана траен извор на тензии.

Во 2011 година, Камбоџа повторно се обрати до судот по неколку судири со тајландската армија, при кои загинаа околу 20 луѓе и беа раселени илјадници. Судот ја потврди претходната пресуда во корист на Камбоџа во 2013 година.

Камбоџа повторно се обрати до меѓународниот суд за решавање на споровите, но Тајланд ја отфрли неговата надлежност.

ТАЈЛАНД ИМА ТРОЈНО ПОГОЛЕМА ВОЈСКА, КАМБОЏА ИМА СОВЕТСКИ ТЕНКОВИ Какви се силите на завојуваните страни?

The post НОВ ОГАН ОТВОРА СТАРИ РАНИ Зошто се напаѓаат Тајланд и Камбоџа? appeared first on plusinfo.mk.

Норвешкиот министер за надворешни работи Еспен Барт Ејде изјави дека Норвешка ќе мора да го уапси Нетанјаху доколку биде издадена потерница, пренесе Ал Џезира.

Обвинителот на Меѓународниот кривичен суд побара од судот да издаде налози за апсење на израелскиот премиер Нетанјаху, министерот за одбрана Јоав Галант, како и за тројца функционери на Хамас, меѓу кои и Јахја Синвар.

„Доколку тој или некој од лидерите на Хамас, кои исто така се обвинети, се појави во Норвешка, тогаш според меѓународното право ние сме должни да го сториме тоа. Истото важи и за сите земји во Европа со исклучок на Турција“, изјави Еиде за норвешката ТВ 2.

The post ЌЕ ГО УАПСИМЕ НЕТАНЈАХУ, АКО ИМА НАЛОГ ЗА ТОА Норвешка е прва земја која се изјасни по најавата за потерница appeared first on plusinfo.mk.

Компанијата ѝ даде рок на Владата да постапи по нивното барање за спојување на двете концесии до Нова
година, а ако тоа не се случи државата и инвеститорот ќе се соочат пред меѓународен суд. Неофицијално, сумата што би требало да ја исплатат граѓаните, доколку Македонија го загуби спорот, надминува една милијарда евра.

Оваа најава за арбитража следува откако Владата минатата година одлучи позитивно по барањето за спојување на концесиите, поткрепено со соодветно мислење од Министерството за економија, но по само неколку недели ја поништи веќе донесената позитивна одлука. Инвестицијата сега е повторно во статус-кво, иако и судските
пресуди наложуваа Владата да се произнесе по барањето на инвеститорот.

Минатото лето, министерот за економија Крешник Бектеши истакна дека последната владина одлука само ја изложува Македонија на потенцијална арбитражна постапка, која може македонските граѓани во иднина да ги чини милионски суми како отштета.

Според него, поништувањето на одлуката на Владата дополнително може да оди во полза на меѓународната арбитража на инвеститорот.

– После 5-6, 10 години, моите и вашите деца и на сите граѓани од денешните одлуки ожат да патат во иднина и да плаќаат милионски суми за административни – технички пропусти – изјави тогаш Бектеши.

Неодамна, адвокатот Габриел Лански, од адвокатската куќа Lansky, Ganzger, Goeth & Partner која е правен застапник на Еуромакс ресоурсес, истакна дека тие имаат целосно јасен предмет, којшто трае веќе десет години. Според него, земјава има, како што рече, смешен правен систем, па треба да се одлучи или да функционира
независниот судски систем или политичките тела кои имаат свои влијанија.

– Се сеќавам на денот кога одеднаш бевме сите многу среќни, на 27 јуни минатата година, кога имаше една одлука со која бевме многу задоволни. Јас бев задоволен што ќе го завршам предметот на којшто работев и нема да мора да ескалира, меѓутоа не многу подоцна дознаваме за повлекување на оваа одлука. Тоа не сум го видел во
мојата 40-годишна кариера како адвокат, вели Лански.

Тој, на прес-конференцијата во Скопје, истакна дека постојат одлуки на Вишиот управен суд во корист на компанијата, но Владата двапати ја игнорирала таа одлука, во 2020-тата година и денес.

– Имате и ситуација до којашто дојде поради други системски елементи. Тоа е еден круг на одлучување, којшто почнува со министри од Владата, па комисија, па Управен суд, па Виш управен суд и постојано се вртиме во круг на контрадикторни одлуки, со години. Постојано се движиме во еден круг, потенцира адвокатот.

Поради овие причини, „Еуромакс ресоурцес“ дал насоки да се подготви меѓународна арбитража, која, според Лански, би тежела значајна сума и за државата би била штетна.

– Се работи за обесштетување како последица на фактичка експропријација  – тоа е законската формулација. Се работи за сериозни анализи на вредноста на штетата што е претрпена на сметка на „Еуромакс“. Тоа ги вклучува и трошоците за сите постапки до денес, како и штети коишто се настанати поради прекршувањето на правото, како и отштета за изгубена добивка.

Тоа е еден сериозен процес во којшто ќе работиме заедно со нашите клиенти и проценители, коишто се лица специјализирани на полето на вакви многу прецизни пресметки. Износот којшто го споменав е долната граница за она за што се зборува и кога ќе поднесеме барање, арбитражниот суд за инвестиции, согласно нивните правила коишто јасно се дефинирани во процесот на меѓународната арбитража, тие ќе одлучат за износот, одговори Лански на новинарско прашање.

Тој додаде дека има долгогодишно искуство со вакви меѓународни предмети и не би се појавил на прес-конференција само за да кажа „лесно е ова за нас, ние ќе го добиеме предметот и готово“.

– Темелно истражувајќи го и анализирајќи го предметот, сметам дека е многу чист предмет и не можам да разберам зошто земјата не принудува да одиме по овој пат. Верувајте ми, Северна Македонија ќе го изгуби овој предмет, овој спор и луѓето од оваа земја ќе мора да исплатат значителен износ на средства – заклучи Лански.

The post ИЗГУБЕНАТА ДОБИВКА И ТРОШОЦИТЕ ЗА ПРЕСУДИ СЕ САМО ДЕЛ ОД ОТШТЕТАТА „Еуромакс Ресоурцес“ најави можна меѓународна арбитража за случајот со рудникот Иловица appeared first on plusinfo.mk.

Во поднесокот на Јужна Африка се тврди дека „израелските дејства по својата природа се геноцидни“, имајќи предвид дека тие биле преземени со намера „да се уништат Палестинците во Газа како дел од пошироката палестинска национална, расна и етничка група“.

Thank you South Africa for your moral clarity and for taking a stand against the US and Israel’s policy of endless death, destruction, and starvation of 2.3 million people.

Now finally, a State has come forward to compel the ICJ to render an opinion in this respect. pic.twitter.com/Z6KQPT9UDz

— Gaza Notifications (@gazanotice) December 29, 2023

Од Меѓународниот суд на правдата, со седиште во Хаг, Холандија, се бара да донесе времена мерка со која ќе му се наложи на Израел да ги запре своите воени операции во Газа.

Јужна Африка може да ја иницира оваа постапка врз основа на Конвенцијата за геноцид бидејќи и Израел и Јужна Африка се потписници на таа конвенција.

The post ЈУЖНА АФРИКА ГО ТУЖИ ИЗРАЕЛ ПРЕД МЕЃУНАРОДНИОТ СУД ВО ХАГ Израелските власти обвинети за геноцид врз Палестинците во Газа appeared first on plusinfo.mk.

„Владимир Владимирович Путин, претседател на Руската Федерација, наводно е одговорен за военото злосторство за незаконска депортација на население (деца) и за незаконско префрлање на население (деца) од окупираните области на Украина во Руската Федерација. Злосторствата наводно биле извршени на украинска окупирана територија од 24 февруари 2022 година. Постојат разумни основи да се верува дека г-дин Путин сноси индивидуална кривична одговорност за гореспоменатите злосторства, за извршување на делата директно, заедно со други и/или преку други, и за неговиот неуспех да изврши соодветна контрола врз цивилните и подредени лица во војната, кои ги извршиле дејствијата или дозволиле нивно извршување и кои биле под негово ефективна овластување и контрола, согласно супериорната одговорност“, се вели во соопштението на Меѓународниот кривичен суд.

Таму е наведено дека „Г-ѓа Марија Алексеевна Лвова-Белова, комесар за правата на децата во Канцеларијата на претседателот на Руската Федерација, наводно е одговорна за военото злосторство за незаконска депортација на население (деца) и за незаконско пренесување на населението (деца) од окупираните области на Украина до Руската Федерација. Злосторствата, наводно, биле извршени на украинска окупирана територија од 24 февруари 2022 година. Постојат разумни основи да се верува дека г-ѓа Лвова-Белова сноси индивидуална кривична одговорност за гореспоменатите злосторства, бидејќи ги извршила делата директно, заедно со други и/или преку други“.

Советот смета дека налозите се тајни со цел да се заштитат жртвите и сведоците, а исто така и да се заштити истрагата.

Портпаролот на Советот за национална безбедност Џон Кирби, во интервју со Гласот на Америка рече дека ова е вонредна вест и дека „ќе мораме да го разгледаме ова пред да можеме да дадеме каков било вид официјален коментар“.

– Посебно и различно од тоа, претседателот Бајден беше јасен, ние сакаме да се погрижиме Русија да одговара за злосторствата, за воените злосторства, за злосторствата против човештвото што ги прави внатре во Украина, против украинскиот народ. Ќе продолжиме да им помага на меѓународните тела додека собираат докази и почнуваат да ги анализираат тие докази – рече Кирби.

Портпаролката на руското Министерство за надворешни работи, Марија Захарова, изјави денеска дека одлуките на Меѓународниот кривичен суд немаат влијание врз Русија и дека секој нивни налог за апсење е ништовен.

„Одлуките на Меѓународниот кривичен суд немаат никакви последици за нашата земја, ниту од правен аспект“, објави Захарова на Телеграм.

Таа додаде дека Русија не е членка на Римскиот статут на Меѓународниот кривичен суд и нема никаква обврска кон тој суд.

„Русија не соработува со таа организација и сите потенцијални барања за апсење од страна на меѓународниот суд се ништовни“, напиша Захарова.

Меѓународниот кривичен суд издаде налог за апсење на рускиот претседател Путин, обвинувајќи го дека е одговорен за воени злосторства извршени во Украина.

The post ВОНРЕДНА ВЕСТ Меѓународниот кривичен суд издаде налог за апсење на Путин appeared first on plusinfo.mk.

– Ќе го растуриме целиот руски геноциден систем, од запчаниците до архитектите, и ќе ги изведеме пред лицето на правдата – рече Зеленски во своето видео обраќање по средбата со главниот обвинител на Меѓународниот кривичен суд (МКС), Карим Кан, во Киев.

Украинскиот претседател кажа дека „одговорот на руските злосторства во оваа агресија во смисла на владеење на правото и со моќта на меѓународниот суд е тоа што ќе послужи како една од гаранциите за долгорочната безбедност на Украинците и другите народи во иднината”.

– Руската инвазија врз Украина треба да има правни последици за сите оние кои ја планирале, одобриле и извршиле – рече Зеленски.

Тој нагласи дека не само оние кои ги извршиле плановите, туку дека треба да се истражи и „врвот на политичкото и военото раководство на терористичката држава “.

Кан веќе ја истражува ситуацијата во Украина. Истрагите опфаќаат воени злосторства, злосторства против човештвото и геноцид. Но, МКС не може да преземе мерки против руското раководство, вклучително и претседателот Владимир Путин, бидејќи, ниту Русија, ниту Украина, не се потписници на Римскиот статут, што е правна основа на судот.

Ова е една од причините зошто Зеленски во септември, на Генералното собрание на ОН,  побара формирање Специјален суд за злосторствата во Украина.

The post ЌЕ ГО УРНЕМЕ РУСКИОТ ГЕНОЦИДЕН СИСТЕМ Зеленски бара да се гонат сите вклучени во воените злосторства во Украина appeared first on plusinfo.mk.

Освен што за еден геноцид да биде потврден треба да му претходи долга меѓународна истрага, постојат и правни сопки за Путин директно да одговара за злосторства кои, наводно, ги извршила руската војска. Само по себе, тешко ќе биде за обвинителството да докаже дали Путин знаел за злосторствата, но и не можете да судите некого без тој да биде присутен во судницата. Од друга страна, полесно би било да се осуди еден човек за агресија, отколку државата Русија која не е земја-потписник во Меѓународниот кривичен суд, МКС.

Судењето може да биде и на други места, на пример, во Обединетите Нации, но тоа може да повлече руско вето, а некои предлагаат формирање посебен трибунал. Меѓу останатите проблеми е и фактот што во МКС, де факто не членуваат најголемите светски сили, а некои од нив, на пример САД, го оспоруваа судот кога требаше да се суди за евентуалните американски злосторства во Авганистан.

Проблем е и самото обвинение. Дали само за агресија или за помагање на геноцид? Еве како би течел еден таков процес.

Што се воени злосторства?

Меѓународниот кривичен суд (МКС), првиот постојан трибунал за воени злосторства во светот, ги дефинира воените злосторства како „тешки прекршувања“ на Женевските конвенции, збир на хуманитарни закони кои треба да се почитуваат во војна.

Џонатан Хафец, научник за меѓународно кривично право и национална безбедност на Правниот факултет на Универзитетот Сетон Хол, за Ројтерс изјави дека егзекуцијата на цивили, за кои постојат сомнежи во Буча, е „суштинско воено злосторство“. Од своја страна, Русија негираше и изјави дека „ниту еден цивил не се соочил со каква било насилна акција од страна на руската војска“.

Како може да се изгради случај кој укажува на воени злосторства?

Џејк Саливан, советникот за национална безбедност на САД, во понеделникот им рече на новинарите дека има четири главни извори на докази: информации собрани од САД и нивните сојузници, вклучително и од разузнавачки извори, сопствените напори на Украина на терен да го развие случајот и да ја документира форензиката од убиствата, материјал од меѓународни организации вклучувајќи ги Обединетите Нации и невладините организации и наодите на глобалните независни медиуми со фотографии, интервјуа и документација.

Но, дали тие докази ќе бидат доволни? Од шпекулации за тоа кога и како биле правени фотографии, до тоа кој е прикажан на сликите во Буча, постапката на докажување и изведување докази би била обемна.

Судењето би траело најмалку три години, тешко дека некој ќе биде осуден

Во постапката, обвинителството може да тврди дека Путин и неговиот близок круг извршиле воено злосторство со директно наредување нелегален напад или знаеле дека се вршат злосторства и не успеале да ги спречат. Овој случај можеби е тешко да се докаже изолирано, но ако одговара на пошироката шема низ Украина, станува попривлечна. САД ја обвинија Русија за воени злосторства уште пред Буча.

Филип Сендс, професор на Универзитетскиот колеџ во Лондон, за Асошиејтед прес изјави:

– Треба да докажете дека знаеле или можеле да знаат или требало да знаат. Постои реален ризик за три години неуспешно да заврши судењето на луѓе од средно ниво и на главните луѓе одговорни за овој ужас – Путин, Лавров, министерот за одбрана, разузнавачите, воените луѓе и финансиерите кои ова го поддржуваат – рече тој.

Судот обвинет за селективна правда

Меѓународниот кривичен суд(МКС) беше отворен пред 20 години за да ги гони сторителите на геноцид и злосторства против човештвото. Но, САД, Кина, Русија и Украина не се членови на судот, кој беше критикуван дека премногу се фокусира на Африка и применува „селективна правда“.

Главниот обвинител на МКС, Карим Кан, во февруари рече дека отворил истрага за воени злосторства како одговор на руската окупација на Украина. И покрај тоа што не е потписник, Украина претходно одобри истрага која датира од 2013 година, а која ја вклучува руската анексија на Крим.

Судот не може да суди некого во отсуство

МКС ќе издаде налози за апсење доколку обвинителите покажат „разумна основа“ да веруваат дека се извршени воени злосторства. Но, има мали шанси Русија да се придржува кон ова и МКС не може да суди некого во отсуство. Неподготвеноста на САД да се приклучат на судот е исто така дипломатски непријатна и веројатно ќе поттикне критики на западното лицемерие.

Доналд Трамп, порашениот американски претседатал, еднаш вака се изјасни на Генералното собрание на ОН:

– Што се однесува до Америка, МКС нема јурисдикција, нема легитимитет и нема авторитет.

САД нејќат да бидат судени за злосторствата во Авганистан?

Неговата администрација објави дека САД ќе воведат визни забрани за службениците на МКС вклучени во потенцијалната истрага на судот против Американците за наводни злосторства во Авганистан.

Но, Саливан во понеделникот рече:

– САД во минатото можеа да соработуваат со меѓународниот кривичен суд во други контексти и покрај тоа што не беа потписници. Но, постојат различни причини зошто некој може да размисли и за алтернативни места.

Освен МКС, може да се суди на друго место?

Освен Меѓународниот Кривичен Суд, Обединетите Нации би можеле да бидат почетна точка. Но, има еден проблем со поминувањето на предметот низ Советот за безбедност на ОН, а тоа е што Русија е постојана членка.

– Би било тешко да се замисли дека тие нема да се обидат да го искористат своето вето за да блокираат нешто – забележа Саливан.

Ќе треба да се формира посебен трибунал?

Според Филип Сандс, познат професор по меѓународно право на Универзитетскиот колеџ во Лондон, за случајот против Путин би морало да биде основан специјален трибунал слично како што за нацистите во Втората светска војна беше формиран Нирнбершкиот трибунал од страна на победниците во војната.

Трета опција би била да судат трибуналите кои ги судеја злосторствата во поранешна Југослација или геноцидот во Руанда во 1994 година. Друг таков суд е специјалниот суд за Сиера Леное поддржан од ОН, кој во 2002 година беше формиран да суди за граѓанската војна од 1996 година.

Полесно е да го судат Путин, отколку Русија

Би било многу полесно да се гони Путин, а не државата Русија за кривично дело од типот агресија, односно војна против друга земја. Ова е така затоа што судот МКС нема јурисдикција над Русија за кривично дело агресија бидејќи Русија не е земја-потписник или член на судот.

Минатиот месец десетици истакнати адвокати и политичари, вклучително и украинскиот министер за надворешни работи, Дмитро Кулеба и поранешниот британски премиер Гордон Браун, започнаа кампања за создавање специјален трибунал за судење на Русија за кривично дело за агресија во Украина.

Колку долго би траело гонењето?

Веројатно многу години. Меѓународниот кривичен трибунал за поранешна Југославија го обвини својот прв шеф на државата, тогашниот југословенски претседател, Слободан Милошевиќ, во 1999 година, а го одведе во притвор дури во 2001 година. Неговото судење започна во 2002 година и уште беше во тек кога тој се самоуби во Хаг во 2006 година.

Друг пример би бил Чарлс Тејлор, поранешниот претседател на Либерија, кој дури по четири години рочишта беше прогласен за виновен за помагање злосторства против човештвото за поддршка на бунтовниците во специјалниот суд за Сиера Леоне во Хаг.

The post МОЖЕ ЛИ ПУТИН ЛИЧНО ДА ОДГОВАРА ЗА ВОЕНИТЕ ЗЛОСТОРСТВА? Еве ја постапката за изведување пред меѓународен суд appeared first on plusinfo.mk.

Сите очи на меѓународната јавност во моментов се вперени во Болсонаро. Освен тужбата на австрискиот застапник за еколошка правда Олрајс во Хаг, против бразилскиот претседател има најмалку три други жалби од локални групи во Меѓународниот кривичен суд од 2016 година. Судот дури се обидува да го поврзе уништувањето на шумите со загубата на човечки животи кои се случија во Бразил.

За што се товари овој човек? Дека е одговорен за емисиите на јаглерод-диоксид во Амазонија, кои ги надминуваат заедничките емисии на Шпанија и Италија заедно и дека тоа го направил со помош на кампањи заедно со својата администрација. Штетата во Амазонија е толку голема што, „белите дробови на светот“, како што ја нарекуваат тропската шума, веќе не може да го апсорбира јаглерод-диоксидот кој го оддава. Со еден збор, нарушен е биоритамот.

А потоа, дојде пандемијата. Бразилскиот претседател со месеци ги отфрлаше повиците за воведување ограничувања, како што е карантинот, за да се спречи ширењето на вирусот. Јавните здравствени власти ја критикуваа неговата влада дека не успеала брзо да обезбеди вакцини против ковид-19.

Кога беше запрашан за бројот на смртни случаи тој беше опкружен со свои поддржувачи на една плажа во Сао Паоло.

– Во која земја не умреа? Кажете ми – одговори тој.

Следеа уште ригорозни прашања од новинарите.

– Слушајте, не дојдов тука за да ми додевате – им возврати.

Со месеци наназад илјадници Бразилци излегуваат на улиците барајќи оставка и смена на Болсонаро заради пандемијата и обвинувањата за корупција, но тој остана пркосен и продолжи да ги одбива мерките. Анкетите покажуваат дека поради слабиот одговор на пандемијата поддршката за Болсонаро континуирано опаѓа.

Адвокатот Најџел Повоас, кој ги гонеше некои од најозлогласените меѓународни криминалци, рече дека жалбата е поднесена против неколку лица во администрацијата на Болсонаро.

– Се фокусираме на највисоките одговорни актери – рече Повоас и обвинувањата за корупција, но тој остана пркосен и продолжи да ги одбива мерките.

The post БОЛСОНАРО ОБВИНЕТ ЗА ГОРЕЊЕТО НА АМАЗОНСКИТЕ ШУМИ Ќе одговара за „злосторство против човештвото“ appeared first on plusinfo.mk.