Основниот кривичен суд во Скопје денеска донесе нова пресуда во повторената постапка за случајот „Меѓународен сојуз“, со која беа изречени намалени казни за обвинетите во споредба со првостепената од 2022 година.

Во повторената постапка, обвинетиот Бојан Јовановски – Боки-13 е прогласен за виновен за „измама“ и „перење пари“, за што му е изречена единствена казна затвор во траење од пет години.

Јасна Ерцеговиќ е осудена на две години затвор за „перење пари“, при што во казната се засметува времето поминато во куќен притвор.

Христина Блажевска доби условна казна затвор од една година за „перење пари“, која нема да се изврши доколку во рок од 3 години не стори ново кривично дело.

Миле Јовановски е осуден на условна казна затвор од една година и шест месеци за „перење пари“, со ист услов за неизвршување.

Правното лице „Меѓународен сојуз“ е казнето со парична казна од еден милион денари.

Со првостепената пресуда за случајот „Меѓународен сојуз“ која беше донесена на 7 април 2022 година од Основниот кривичен суд беа изречени вкупно 14 години затвор за обвинетите. Бојан Јовановски доби казна од девет години за „измама“ и „перење пари“, Јасна Ерцеговиќ четири години за истите дела, Христина Блажевска една година за „перење пари“, а Миле Јовановски две години условна казна за „перење пари“ и „неовластено тргување со оружје“. Фросина Ташевска Ременски и Христина Блажевска беа ослободени од обвинението за „измама“, а правното лице „Меѓународен сојуз“ беше казнето со еден милион денари.

Во април 2024 година, првичната пресуда беше укината од Апелациониот суд Скопје кој уважи дел од жалбите на обвинетите и наложи повторување на постапката.

Апелациониот суд тогаш ја потврди ослободителната одлука за Фросина Ташевска Ременски и Христина Блажевска во делот за „измама“, а ја преиначи казната за Миле Јовановски, кој сега е осуден на една година затвор за „неовластено тргување со оружје“.

Предметот „Меѓународен сојуз“ се однесуваше на организирана криминална активност поврзана со измама и перење пари преку невладината организација „Меѓународен сојуз“, предводена од Бојан Јовановски. Обвинението се однесуваше за финансиски злоупотреби, при што се прибирале средства од физички и правни лица под изговор за изградба на старечки домови и социјални проекти.

The post НАМАЛЕНА КАЗНАТА ЗА БОКИ 13 ОД 9 НА 5 ГОДИНИ ЗАТВОР И другите обвинети добија помали казни appeared first on plusinfo.mk.

Апелација одлучи да ја потврди ослободителната пресуда за експратеничката и потпретседател на СДСМ, Фросина Ташевска-Ременски.

Ваквата одлука доаѓа поради суштествени повреди, а по жалбите кои беа поднесени од обвинетите, пренесе порталот Скопје1.

„Апелациониот суд Скопје во интерес на јавноста и медиумите информира дека постапувајќи по кривичниот предмет познат како ‘Меѓународен сојуз’, по одржана јавна седница и разгледување на списите во предметот, пресудата, изјавените жалби, предлогот на Вишото јавно обвинителство Скопје, како и усмените наводи изнесени на јавната седница, на 24.01.2024 година, а по извршено советување и гласање на ден 02.02.2024 година, донесе пресуда со којаделумно ги уважи жалбите на Основното јавно обвинителство за гонење организиран криминал и корупција Скопје и на обвинетиот М.J. на начин што пресудата на Основниот кривичен суд Скопје КОК.бр.49/20 од 07.04.2022 година:

– ја потврди во ослободителниот дел по однос на обвинетите Ф.Т.Р. и Х.Б. двете од С. за кривично дело Измама од член 247 став 4 в.в со став 1 и в.в. со член 24 од Кривичниот законик и

– ја преиначи во осудителниот дел – делот на одлуката за кривичната санкција по однос на обвинетиот М.Ј. од С., за кривично дело Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик со што обвинетиот М.Ј. од С. се осудува на казна затвор во траење од една година“, вели Апелација.

Претходно, Боки 13 пред Апелација укажа дека бара фер судење, а не милост.

The post АПЕЛАЦИЈА ЈА УКИНА ПРЕСУДАТА ЗА „МЕЃУНАРОДЕН СОЈУЗ“ Прифатена жалбата на Боки 13, Фросина Ременски ослободена appeared first on plusinfo.mk.

На претресот се појави и Јовановски, кој во моментот се брани од слобода, откако Основниот кривичен суд Скопје неодамна донесе одлука за прекин на издржувањето на казна затвор поради неговата лоша здравствена состојба. Пред Апелациониот суд во Скопје, тој денеска изјави дека му била констатирана „интенстинална метаплазија“ на желудник и дел од тенките црева.

– Со оваа здравствена состојба не сум во состојба да бидам во затворот каде ја издржував казната. Имам проблеми од органски карактер. Јас сум со траен инвалидитет, кој не е од физичка природа или со физички деформитет, туку станува збор за состојба која не може да се промени. Имам сериозна терапија која ја примам, сериозен и строг режим на исхрана кој морам да го практикувам секој ден – рече Јовановски.

Според адвокатот на одбраната Сашко Дуковски, и сѐ да е во ред со оваа пресуда, никој не може да гарантира дека судијата од првостепениот суд бил непристрасен.

– Не може да се занемари фактот дека судијата побарал да биде изземен од судењето во првостепениот суд, бидејќи учествувал во Судечкиот совет во случајот „Рекет“, кој исто така се однесува на обвинетиот Бојан Јовановски, но не бил изземан и продолжил да постапува по предметот – посочи Дуковски.

Дуковски, адвокатот Владимир Туфегџиќ и обвинетиот Бојан Јовановски, во своите излагања пред Судот, укажаа на повеќе повредени права во текот на првостепената пресуда и неправилно толкување на докази, поради кои, сметаат дека истата треба да се укине.

Ослободителна пресуда побара и бранителот на обвинетата Јасна Херцеговиќ, Стеван Павлевски, според кој нема елементи за кривично дело измама.

– Бидејќи нема елементи за измама, нема елементи ниту за перење пари – посочи Павлевски.

Јавниот обвинител Бурим Рустеми го коментираше аргументот на адвокатот Дуковски и посочи дека, според него, тоа не претставува повреда.

– Ова не е повреда бидејќи не станува збор за поврзан кривично-правен настан – рече обвинителот.

Според него, сосема јасно е дека оштетените се доведени во заблуда, и тоа, како што рече, воопшто не е спорно.

– Во овој кривично-правен настан има многу јасни кривични правни дејствија – посочи обвинителот.

Рустеми побара жалбите на обвинетите да се одбијат како неосновани, пресудата за обвинетата Фросина Ременски да се потврди, а жалбата на обвинетата Јасна Херцеговиќ да се уважи како основана во делот за кривичното дело измама.

Судењето за „Меѓународен сојуз“ заврши на 7 април 2022 година со пресуда од вкупно 14 години затвор за обвинетите, со парична казна од еден милион денари за правното лице „Меѓународен сојуз“, условна казна од 2 години за обвинетиот Миле Јовановски, а обвинетите Фросина Ташевска Ременски и Христина Блажевска беа ослободени од обвнението за „измама“.

Пресудата на Апелацискиот суд ќе биде дополнително објавена.

The post АПЕЛАЦИЈА РЕШАВА ЗА ПРЕСУДАТА ЗА „МЕЃУНАРОДЕН СОЈУЗ“ Одбраната тврди дека судијата требало да биде изземен appeared first on plusinfo.mk.

Судијата Зоран Димитриевски констатираше дека обвинетиот Бојан Јовановски е уредно поканет, но не е спроведен од КПУ Идризово, додека неговиот татко, обвинетиот Миле Јовановски не е присутен, но судот нема доказ за уредна покана.

На денешната седница во Апелација присутна беше само обвинетата Јасна Ерцеговиќ и адвокатите Стеван Павлески и Владимир Туфегчиќ, како и јавниот обвинител Бурим Рустеми.

– Имајќи го предвид наведеното. За денешната јавна седница нема доказ за уредна покана на обвинетиот Миле Јовановски. Советот оцени дека не се исполнети законските обврски за одржување и седницата се одлага за 15 декември – рече судијата Димитриевски.

На 30 октомври годинава Боки 13 доставил барање до Судот за одлагање на јавната седница, со образложение дека медицинскиот протоколи за неговата здравствена ситуација подразбира исклучиво строг третман во траење од десет дена, а тој завршува на 8 ноември. Од тие причини, а со оглед на барањето лично да присуствува на јавната седница за да ги елаборира жалбените наводи, Јовановски побарал од Судот да одреди нов термин за јавна седница, но барањето не му било прифатено.

Судењето за „Меѓународен сојуз“ заврши на 7 април 2022 година со пресуда за вкупно 14 години затвор за обвинетите, и тоа 9 години за првообвинетиот Бојан Јовановски, 4 години за Јасна Ерцеговиќ и една година за Христина Блажевска. На обвинетиот Миле Јовановски доби казна затвор од две години, условна на пет години. Правното лице „Меѓународен сојуз“ судот го осуди со парична казна од еден милион денари.

Според обвинителниот акт, „Меѓународен сојуз“, довел во заблуда две оштетени лица, лажно прикажувајќи дека ќе обезбеди државно неизградено земјиште за изградба на Европски центар за возрасни лица и мобилен сервис, како и субвенции од страна на државата. Оштетените вака доведени во заблуда му исплатиле на „Меѓународен сојуз“ преку Македонска авторска агенција износи од 719.905 евра, и 233.821 евра во денарска противвредност.

The post БОКИ 13 НЕ СЕ ПОЈАВИ НА РОЧИШТЕ ЗА „МЕЃУНАРОДЕН СОЈУЗ“ Морал да мирува после операција appeared first on plusinfo.mk.

Во соопштението се наведува дека Б.С. се уште е хоспитализиран и ја прима неопходната нега.

Јавната седница ќе се одржи на 5 јуни.

Боки 13 беше опериран во март во Градската болница во Скопје. При тоа му беа отстранети ткива со претканцерогени состојби. Сега тој практично е без желудник.

Неговата здравствена состојба и натаму е сложена, бидејќи бара специјален режим на постоперативно опоравување.

Како што е познато, тој бараше да му се прекине издржувањето на затворската казна и да биде упатен на лекување во домашни услови веднаш по завршувањето на хируршката интервенција.

Конзилиум лекари смета дека човек во ваква здравствена состојба не смее да живее во затворски услови.

The post БОКИ 13 И НАТАМУ ВО БОЛНИЦА Апелација ја одложи јавната седница за „Меѓународен сојуз“, судбината на осуденикот неизвесна appeared first on plusinfo.mk.

Давајќи образложение за најавената жалба, обвинителката Трајчева, истакна дека за неа како обвинител којшто го застапуваше овој предмет во текот на судската постапка навистина е нејасно како судот не утврдил кои се дејствијата на влијание од страна на Ременски.

– Самите оштетени посочија дека токму поради нејзината личност, функцијата која што ја извршувала во тој момент довела до потпишување на таквите договори. Кога ги имате овие два факти коишто судот и самиот ги прифатил, неспорно денеска тоа беше кажано, навистина не знам како на крајот судот донел заклучок дека Обвинителството во текот на постапката не докажа надвор од разумно сомневање дека го сторила делото кое што и се става на товар. Но, ние како странка во постапка имаме право на жалба и сметам дека тоа право секако ќе биде искористено – рече обвинителката Трајчева.

Воедно, што се однесува на осудителниот дел таа посочи дека се потврдила тезата на Обвинителството дека обвинетите ги сториле делата коишто им се ставаат на товар со предметниот обвинителен акт.

– Во однос на казните морам да кажам дека ќе мораме да ја почекаме писмената пресуда за да слушнеме точно кои околности како олеснувачки и отежнувачки биле ценети од страна на судот при одлучување и одредување на видот и висината на изречените казни бидејќи, како слушнав и денеска, самите тие околности не ги слушнавте. Оттука не можам да ви кажам дали би имало жалба во овој дел по однос на веќе изречените казни – рече Трајчева.

Правниот застапник на првообвинетиот Бојан Јовановски, адвокатот Сашо Дуковски, после изречената пресуда за „Меѓународен сојуз”, изјави дека оваа судска пресуда не се заснова ни еден милиметар на докази коишто беа изведени во текот на постапката, туку е несреќен компромис помеѓу политиката, а особено на личен анимузитет на судечкиот судија према неговите клиенти, особено кон обвинетиот Бојан Јовановски.

– Не влегувам воопшто во драконската казна дали е мала или голема, затоа што сметам дека во овој конкретен случај нема никакво кривично дело извршено од страна на обвинетиот Бојан Јовановски – изјави Дуковски и најави дека за ова пресуда ќе биде поднесена жалба.

Поранешната пратеничка од редовите на СДСМ, Фросина Ременски, по објавување на одлуката дека е ослободена од вина кратко наведе дека е задоволна од денешната одлука и побара разбирање по добивањето на пресудата да даде образложение за денешниот настан.

The post ЖАЛБИ ЗА ПРЕСУДИТЕ ВО „МЕЃУНАРОДЕН СОЈУЗ“ Незадоволна е и обвинителката за ослободувањето на Ременски appeared first on plusinfo.mk.

-Виновен е затоа што го сторил кривичното дело „измама“ и „перење пари“ – истакна судијката Софче Гавриловска.

Обвинетата Јасна Ерцеговиќ , пак, е осудена на казна затвор од 4 години, а Фросина Ременски се ослободува од обвинението.

-Јавниот обвинител не докажа дека обвинетата Ременски го сторила делото за кое се гонеше – истакна судијката.

Обвинетата Христина Блажевска пак е осудена на казна затвор од една година. Таа беше ослободена од вина за кривичното дело измама, но беше прогласена за виновна за помагање за извршување на делото „перење пари“. Таткото на Боки 13, Миле Јовановски, доби условна казна од две години.

Правното лице Меѓународен сојуз е осудено на 1 милион денари казна.

Судот пресуди и конфискација на имотна корист стекната или употребена за кривично дело.

Обвинетите се задолжени и солидарно да им ја надоместат штетата на фирмите на бизнисмените Силјан Мицески и Адријан Амзоски кои, според пресудата, биле доведени во заблуда и од имотот на своите компании на Јовановски преку Македонска авторска агенција му исплатиле износи кои надминуваат значителна вредност, и тоа 719.905 евра, односно 233.821 евра во денарска противвредност.

The post БОКИ 13 ДОБИ 9 ГОДИНИ ЗАТВОР ЗА „МЕЃУНАРОДЕН СОЈУЗ“ Ослободителна пресуда за Ременски appeared first on plusinfo.mk.

Јовановски изјави дека е горд на два потпишани договори, кои, според него, се општествено корисни и од капитално значење за државата.

– Поддршката од Владата, од Зоран Заев како премиер, ја имав од првиот ден на формирањето на „Меѓународен сојуз“. Дека Зоран Заев бил информиран и дека знаел за активностите и проектот е неспорен факт. Во судот беа спомнувани 719.350 илјади евра и други цифри, а никаде не видовме некаков доказ – истакна Јовановски.

Идејата за изградба на старечки дом, како што рече тој, ја добил во разговор со бизнисменот Силјан Мицевски.

– Во Скопје, Охрид и Гевгелија или Дорјан. Тие беа трите точки каде требаше да се изградат старечките домови. Проектот беше по мотив, волја, желба на бизнисменот Мицевски. И тоа на негово земјиште во Битола, за кое беа платени комуналии за зграда. Сакаше таму да гради – рече Јовановски.

Во завршните зборови Јовановски посочи дека од бизисменот Адријан Амзоски примил 350 илјади евра во готовина и дека за тоа не знаеле Фросина Ременски и Јасна Мандиќ – Ерцеговиќ, туку дека со тоа биле запознати Зоран Заев, Александар Кирацовски и Стефан Богоев.

Судијката Софче Гаврилова – Ефремова неколку пати го предупреди Јовановски да се придржува на завршните зборови кои се однесуваат на изнесените докази и, како што рече, ова е последен пат да го предупредува.

Јовановски возврати дека се надева оти овие прекорувања од судијката се уште само денеска и ја замоли „да го изржи уште денес“.

Првото рочиште за овој предмет се одржа на 1 јули 2020 година. Судењето за случајот го води судијката Софче Гаврилова – Ефремова, а застапник на денешното рочиште на Основното обвинителство за гонење на организиран криминал и корупција е јавниот обвинител Трајче Пеливанов.

Според обвинителниот акт, обвинетите ги измамиле бизнисмените Силјан Мицески и Адријан Амзоски дека ќе учествуваат во проект преку „Меѓународниот сојуз“ на Бојан Јовановски – Боки 13 и ги оштетиле со повеќе илјади евра.

Првообвинет во овој предмет е Бојан Јовановски – Боки 13, кој според обвинителниот акт е обвинет за кривичните дела „измама и перење пари”.

Обвинети во овој случај се и поранешната пратеничка од редовите на СДСМ Фросина Ременски, Миле Јовановски, таткото на првообвинетиот Бојан Јовановски, и Јасна Мандиќ – Ерцеговиќ. Обвинетата Ременски се товари за кривично дело „помагање во делото измама”, Мандиќ за „помагање во измамата и перењето пари”, а Миле Јовановски се товари за „помагање во перењето пари” и за „неовластено изработување, држење, посредување и тргување со оружје”. Како правно лице обвинета е и невладината организација „Меѓународен сојуз”.

The post ЗАЕВ БЕШЕ ИНФОРМИРАН ЗА АКТИВНОСТИТЕ НА МЕЃУНАРОДЕН СОЈУЗ Завршни зборови на Боки 13 во судницата appeared first on plusinfo.mk.

Тој посочи дека највисок орган во невладината „Меѓународен сојуз“, е претседателот на Собранието, а не обвинетиот Јовановски, како негов претседател, па според него, нелогични се тврдењата на сведокот Агапи Дика дека не знаела што потпишува.

– Не можам да му го утврдам статусот на Силјан Мицевски. Кој е Бојан, да го измами еден од најуспешните бизнисмени во државата. Треба да имате доказите дека некој влијаел врз него. Нека се обиде кој било од нас на Силјан Мицевски да му побара 70.000 илјади денари, а не 719.000 илјади евра, па да видиме дали ќе ги добие – наведе адвокатот Дуковски.

Освен за првообвинетиот, Дуковски завршни зборови денеска изнесе и за обвинетите Миле Јовановски и Христина Блажевска, при што му предложи на Судот да ги ослободи од вина со образложение дека обвиненијата за кои се товар се неосновани.

Првото рочиште за овој предмет се одржа на 1 јули 2020 година. Судењето за случајот го води судијката Софче Гаврилова – Ефремова, а застапник на денешното рочиште на Основното обвинителство за гонење на организиран криминал и корупција е јавниот обвинител Трајче Пеливанов.

Според обвинителниот акт, обвинетите ги измамиле бизнисмените Силјан Мицески и Адријан Амзоски дека ќе учествуваат во проект преку „Меѓународниот сојуз“ на Бојан Јовановски – Боки 13 и ги оштетиле со повеќе илјади евра.

Првообвинет во овој предмет е Бојан Јовановски – Боки 13, кој според обвинителниот акт е обвинет за кривичните дела „измама и перење пари”. Обвинети во овој случај се и поранешната пратеничка од редовите на СДСМ Фросина Ременски, Миле Јовановски, таткото на првообвинетиот Бојан Јовановски, и Јасна Мандиќ – Ерцеговиќ. Обвинетата Ременски се товари за кривично дело „помагање во делото измама”, Мандиќ за „помагање во измамата и перењето пари”, а Миле Јовановски се товари за „помагање во перењето пари” и за „неовластено изработување, држење, посредување и тргување со оружје”.

Како правно лице обвинета е и невладината организација „Меѓународен сојуз”.

The post КОЈ Е ПА БОЈАН ЗА ДА ГО ИЗМАМИ СИЛЈАН МИЦЕВСКИ? Завршни зборови на одбраната во случајот „Меѓународен сојуз“ appeared first on plusinfo.mk.

Истовремено, свои материјални докази предложи и првообвинетиот Бојан Јовановски, кој побара од судот да се изведат како докази Ватсап – комуникациите меѓу него и поранешниот премиер Зоран Заев, односно министрите Мила Царовска, Горан Сугаревски, и поранешни претставници од локалната власт.

Воедно, правниот застапник на правното лице Меѓународен сојуз, Иванка Јакимовска, пред новинарите после денешното рочиште истакна дека правниот субјект Меѓународен сојуз во своето дејствување нема никакви елементи на кривично дело, туку се работи за чист граѓанско-правен однос.

– Сметам за потребно да појаснам дека иако се работи за предмет кој е во фаза на доказна постапка јас како преставник на правното лице Меѓународен сојуз, стојам на становиште дека во неговите дејствија, односно во договорите и пред договорите кои што се направени во име и на сметка на правното лице не постои ниту еден доказ дека се работи за кривично дело – рече адвокатот Јакимовска.

На денешното рочиште за случајот „Меѓународен сојуз” според редоследот своја одбрана требаше да даде обвинетата Фросина Ременски, меѓутоа пред судот таа посочи дека во овој стадиум на судењето нема да го искористи ова право со образложение дека одбрана може да се дава во секоја фаза на постапката.

– Не бегам воопшто од испитување, напротив сметам дека не смее судот да дозволи во ова фаза инверзија на товарот на докажување. Товарот на докажување според закон е обврска на ЈО, преку главната расправа, преку изведените докази да докаже вина на обвинетите – наведе Ременски.

Според неа, во овој случај на неизведени материјални докази, на докази што одат во прилог на она што цело време го истакнува е дека постои сериозна злоупотреба во само јавно обвинителско постапување.

– Од главната расправа и се тоа што произлезе, произлегува дека преставници на локалната или извршната власт кои што имале конкретни овластувања непосредно, директно, усно комуницирале со Меѓународниот сојуз, тоа не сум јас во овој случај. Лице од законодавната власт не може да создава некаков субјективен впечаток, напротив тој впечаток веќе бил создаден ако го имал. Но, тоа воопшто не алудира на инкриминирачки дејствија кон ниту еден од посочените кој од локалната или извршната власт – рече Ременски.

Судењето за овој предмет го води судијката Софче Ефремова-Гаврилова.

Меѓу обвинетите во овој случај се и Миле Јовановски, (таткото на првообвинетиот) и Јасна Мандиќ Ерцеговиќ. Првобвинетиот Бојан Јовановски е обвинет за „измама и перење пари“, Ременски за „помагање во делото измама“, Мандиќ за „помагање во измамата и перењето пари“, а Миле Јовановски се товари за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.

The post ОБВИНИТЕЛСТВОТО ПОДНЕСЕ НОВИ ДОКАЗИ ПРОТИВ ОБВИНЕТИТЕ ВО „МЕЃУНАРОДЕН СОЈУЗ“ Ременски ја одложи својата одбрана appeared first on plusinfo.mk.