Седуммина основци математичари од Македонија се вратија со 12 медали од финалето на Меѓународниот натпревар „Математика без граници“ што се одржа во училиштето „Љубен Каравелов“ во Несебар, Бугарија на почетокот на месецов.

Тие освоија по 5 сребрени и бронзени медали и еден бронзен куп и 1 ѕвезда.

На финалето на натпреварот „Математика без граници“ учествуваа 1.200 ученици од 13 држави – Македонија, Азербејџан, Бугарија, Естонија, Казахстан, Киргистан, Малта, Романија, Србија, Турција, Узбекистан, Украина и од Филипините.

Македонски претставници на натпреварот беа: Ања Поповска од тетовското ОУ „Лирија“, Анамарија Дафчева, Михаил Лалевски и Андреа Кулевска од ОУ „Тихомир Милошевски“ од Скопје, Јана Спасова, ОУ „Мирче Ацев“ од Скопје, Македон Димитровски од Nova International School од Тетово и Тодор Тодоров од ОУ „Владо Кантарџиев“ од Гевгелија.

Натпреварот „Математика без граници“ се состои од 3 круга – есенски, зимски и пролетен, а натпреварувачите се рангираат според успехот што го покажуваат во трите круга.

Речиси сите македонски натпреварувачи се носители на повеќе признанија на различни натпревари кои се организираат во земјата и на меѓународно ниво.

Ања Поповска освои бронзен медал за индивидуално учество на турнирот „Лудовико Ферари“, бронзен медал на индивидуалниот натпревар „Математика без граници“ и сертификат во тимскиот натпревар, но таа има освоени и низа други медали на општински и републички натпревари.

– Ања во есенскиот круг освои бронзен медал, во зимскиот круг освои златен медал и на пролетниот круг сребрен медал. На натпреварот „Математика без граници“ досега вкупно има освоено 4 златни медали, 1 сребрен медал и 3 бронзени медали. Ања и последователно освојува многу златни медали и останати награди на разни натпревари по математика – на финалето од натпреварот „Кенгур“ има освоено 3 златни медали, на Олимпијада по Кенгур има освоено 1 златен и 1 бронзен медал. На општински и регионални натпревари има освоени 1, 2 и 3 место – вели нејзиниот татко Ѓорѓи Поповски.

Македонската екипа е оформена по овдешниот натпревар кој го организираше Анкица Спасова наставничка од скопското основно училиште „Тихомир Милошевски“. Таа е и неофицијален македонски координатор на овој натпревар.

– Овој меѓународен натпревар се организира веќе 12 години и Македонија редовно учествува на него, освен во 2020 година кога беше корона кризата. Порано на натпреварот учествуваа и математичари од средно образование, но со текот на годините, некако избледе желбата и се сведовме само на основци. Тоа е резултат на фактот што само наставниците по математика се ангажираат да се поттикнат и поддржат талентираните математичари, па се чини дека огромниот напор што треба да се направи за да се однесат учениците на натпреварот ги обесхрабри наставниците и сега учествуваат само ученици од основно образование – вели Спасова.

Таа е задоволна што секое учество на македонските математичари е означено со награди, но вели дека и заедницата, општините, па и државата треба да посветат поголемо внимание на овие деца.

– Организирањето на екипата, патувањето, сместувањето, сето тоа чини. Јас ги поднесувам сите трошоци околу организацијата, но родителите ги поднесуваат трошоците за патувањето и за сместувањето. Некои општини веќе пројавија интерес да покријат дел од трошоците, но тие пари не покриваат сѐ, па ако не се обезбедат спонзори некои деца нема да можат да присуствуваат на натпреварот. Значи сѐ е сведено на умешноста на родителите и желбата на наставниците да има дадат поддршка на децата што ја сакаат математиката. Очекувам поголем интерес од општеството за овие деца во иднина – вели таа.

Спасова додава дека Македонија нема назначено координатор за овој натпревар, па таа ги реализира сите активности поврзани со него.

– Потребно е да се назначи координатор. Секоја земја учесничка на натпреварот, според правилата, има свој координатор, но ние немаме. Јас сега ги извршувам овие работи, но обврската носи голема одговорност и не сум подготвена на вакво нешто и не знам колку ќе трае тоа. Сепак, мојата желба да ги промовирам нашите математичари ме поттикнува да се ангажирам, но не знам колку ќе издржам, бидејќи го работам тоа без никаков надоместок, а има големи трошоци – вели Спасова.

Таа жали што земјава веќе не испраќа натпреварувачи од средно.

The post 12 МЕДАЛИ ЗА МАКЕДОНСКИТЕ МАТЕМАТИЧАРИ НА МЕЃУНАРОДЕН НАТПРЕВАР ВО БУГАРИЈА Ентузијазмот на наставничката Анкица Спасова 12 години е поттик за основците appeared first on plusinfo.mk.

– Посебна чест ни е да застанеме зад една успешна ваква организација и да помогнеме во уште поголем развој на овој спорт – рече Механџиски.

Во последните четири години компанијата „Зегин“ вложи многу во пинг-понгот. Од мал локален пинг-понг клуб ППК „Зегин“ стана респектабилен клуб во Македонија и пошироко. Со почетоците на пинг-понгот во Берово почнаа и успесите и сега веќе клубот има неколку младински репрезентативци.

Наградниот фонд на Меѓународниот турнир кој е во организација на компанијата „Зегин“, Пингпонгарската федерација и истоимениот пинг понгарски клуб ППК „Зегин“ изнесуваше 5000 евра, а организаторите за следната година најавија поголем фонд на награди.

Првото место на завршниот ден од турнирот во машка конкуренција му припадна на Милан Миленковиќ од Србија, додека најдобра кај жените беше Дамла Хасанова од Бугарија. За победникот Милан Миленковиќ, Зегин опен 2022 е најдобриот турнир на кој учествувал.

– Ова беше феноменален турнир, прв пат сум овде, многу силни играчи дојдоа. Противникот со кој играв во финалето е доста перспективен, но добро се борев и го освоив првото место. Секоја чест за клубот од Берово кој со поддршка на својот спонзор ова го овозможија – рече победникот Миленковиќ.

Првопласираната во женска конкуренција Дамла Хасанова од Бугарија која настапува за ППК „Зегин“ исто така изрази задоволство од одличната организација на турнирот.

– Многу сум задоволна бидејќи победив и во јуниорска и во сениорска конкуренција. Од оваа година настапувам за клубот од Берово и се надевам на успешна сезона – рече Хасанова.

Останати победници на турнирот се:

Сениори: Милош Миленковиќ- Србија, Фатих Карабаџаку- Косово, Кристијан Станојковски- Македонија и Ѓорѓе Петровиќ- Србија

Сениорки: Хасанова Дамла- Бугарија, Драганова Кристина- Бугарија, Николов Уце Амелија- Македонија и Радак Сара- Србија

Јуниори: Фатих Карабаџаку- Косово, Теодор Волканоски -Македонија, Александар Јакимовски- Македонијаи Ѓорѓе Петровиќ- Србија

Јуниорки: Хасанова Дамла – Бугарија, Радак Сара- Србија, Стојановска Ана- Македонија и Деспина Ампа- Грција.

The post ЗАВРШИ ПРВИОТ МЕЃУНАРОДЕН ТУРНИР ВО ПИНГ-ПОНГ „Зегин опен“ се спрема и за идната година appeared first on plusinfo.mk.