Европската Унија го поздрави потпишувањето на Договорот за подготовка, изградба и оперативност на меѓуграничниот железнички тунел на Коридор 8 меѓу Македонија и Бугарија, што се случи вчера на Железничката станица Ѓуешево.

Претседателот на Европскиот совет, Антонио Кошта на мрежата Икс напиша дека изградбата на железницата е поттик во регионалниот развој, соопштија од Министерството за транспорт.

„Го поздравувам потпишувањето на договорот за прекуграничниот тунел на Коридорот 8 меѓу Бугарија и Северна Македонија – голем чекор напред во соработката меѓу двете земји и промоција на добрососедските односи. Освен што развива билатерални врски, новата железница ќе го поттикне регионалниот просперитет и ќе ја зајакне нашата заедничка безбедност“, објави претседателот на Европскиот совет.

И еврокомесарката Марта Кос го поздрави потпишувањето на Договорот.

„Бугарија и Северна Македонија се согласија да ја продолжат работата на Коридорот 8. Клучен проект што ги поврзува Јадранското Море и Црното Море преку пат и железница. Ова е важен чекор за градење доверба преку регионална поврзаност, заеднички просперитет и комуникацијата меѓу луѓето“, напиша еврокомесарката Кос.

Договорот за изградба и оперативност на железничкиот тунел на Коридор 8, вчера во Ѓуешево го потпишаа заменик претседателот на Владата и министер за транспорт Александар Николоски и заменик претседателот на Владата и министер за транспорт и врски на Република Бугарија, Гроздан Караџов.

„Пругата на Коридорот 8 покрај економското значење за Македонија, за регионот и за Европа, има и безбедносно значење од аспект на НАТО“, велат од Министерството за транспорт.

Валентина Суперти, директорка на Директоратот за Западен Балкан на ЕК, вчера на церемонијата во Ѓуешево порача дека двете соседни држави може да сметаат на поддршката од Европската комисија.

– Од заедничкото работење на прекуграничните проекти не губат добрососедските односи коишто се од суштинско значење, особено кога станува збор за членството во ЕУ – укажа Суперти.

Тој посочи дека ЕК е мошне е задоволна што обврските коишто беа преземени на 16 јули во Брисел се исполнуваат и резултираат со потпишувањето на овој договор.

ЕУ, посочи тој, го поддржува зацврстувањето на соработката меѓу вашите земји и заедно со партнерите ЕУ обезбедува значителна финансиска помош за овој проект.

– Сметаме на вашето лидерство, а она на  што сведочиме денес ни е потребно за договорот да биде навремено спроведен – рече Суперти.

Изградбата на тунелот на Коридорот 8 како дел од трансевропската мрежа, како што оцени таа, е иницијатива за отворање пат којшто ќе донесе социјална и економска полза во регионот, со подобрени транспортни услуги и подобар пристап до ЕУ и глобалните пазари.

– Тоа е одржлив транспортен систем со којшто ќе се поткрепи конкурентноста за целиот регион. Коридорот 8 е механизам за посилна регионална соработка и го покрива инфраструктурниот јаз на балканскиот регион. Од стратешка важност е за безбедноста и тоа е всушност нашата заедничка безбедност. ЕУ е целосно посветена на поддржување на спроведувањето на овие важни проекти и затоа сум тука денес – рече претставничката на Европската комисија.

Проценките на институците се дека со изградбата на пругата Скопје-Софија ќе се зголеми товарниот превоз за над 30 проценти, а патничкиот сообраќај за 20–25 проценти.

Македонија и Бугарија, по повеќемесечен застој на крајот на јуни на министерско ниво постигнаа договор за придвижување на работите за железничкото поврзување. Следуваше состанокот на делегации на двете држави на 16 јули во Брисел на кој беа идентификувани приоритетите меѓу кои и повторно објавување на тендерот за работите на железничкиот дел помеѓу Крива Паланка и влезот на прекуграничниот тунел до крајот на годинава од страна на Македонија.

The post ГОЛЕМ ЧЕКОР ВО СОРАБОТКАТА МЕЃУ МАКЕДОНИЈА И БУГАРИЈА Кошта и Кос го поздравија договорот за железничкот тунел appeared first on plusinfo.mk.

„Трите клучни аргументи на министерот Николоски беа прифатени. Мора да има заеднички проект за тунелот, со цел да не се гради тунел кој не води никаде, понатаму Бугарија да го заврши својот дел од пругата и трето, да се ревидира цената која е превисока како и ревидирање на самиот проект. По проценката на ризиците, изградбата на тунелот за железничко поврзување меѓу Македонија и Бугарија е поефикасно да биде од еден изведувач“, соопшти Министерството за транспорт.

На состанокот, од македонската страна било истакнато дека Македонија не отстапува од железничкото поврзување и на овој проект се гледа како регионален проект со кој се потенцира развојот на европските транспортни мрежи.

„Од двете страни беше прифатено целиот проект во делот фаза 3 (делница Крива Паланка – Деве Баир), да биде преиспитан од причина што сегашната цена е превисока и неразумна. Целта е цената да се намали. Двете делегации, исто така, се согласија да се користи одлуката за технички проект за тунелот поднесен од ЈП Железници инфраструктура. Беше договорено двете земји да формираат работни групи, со цел да се подготви потребната документација за тунело“, информира Министерството за транспорт.

За време на состанокот, се додава во соопштението, страните размениле информации, временска рамка за изградба, а споделиле и искуства за процедурите за идното функционирање на прекуграничниот тунел „Деве Баир“.

Постигнатите договори ќе бидат презентираат пред одговорните финансиски институции на ЕУ.

Извори од Владата денеска информираа дека за две недели во Скопје се очекува да бидат официјализирани заклучоците за пругата што вчера беа договорени во Софија. На дијалогот на високо ниво се прифатени се аргументите на Македонија и е заклучено  третата секција од Крива Паланка до граница да се измени. Бугарската страна ќе треба да го изгради делот од три километри од нивна страна, а тунелот ќе биде заеднички проектиран и тендериран. Од албанска страна до Драч сè уште нема проект.

Според извори од Владата, со тоа ќе се добие целина од Бургас до Куманово и Скопје. За нас е важно да се вкрстат коридорите 8 и 10 кај нас и тоа ќе се случи.

Има доцнење при изградбата на пругата која е поделена во три дела Куманово-Бељаковце, Бељаковце-Крива Паланка и Крива Паланка-граница. Ако втората секција не се заврши, не може да се пристапи на реализација на третиот дел.

На втората делница досега се реализирани околу 20 отсто од работите. Една од причините за доцнењето е основата за сомневање за ангажираните подизведувачи, кои, како што посочуваат извори од Владата, не случајно се избрани.

Втората делница треба да се заврши на крајот на 2026 година, но претпоставките се дека тоа ќе се случи многу подоцна. За доцнењето се плаќаат пенали, така што проектот ќе достигне цена до 200 милиони евра.

Извори од Владата денеска иформираа и дека се бара партнер за модернизирање на пругата долж Вардарската долина, која би се користела за превоз на стока од пристаништата во Грција до Централна Европа.

Модернизирањето на пругата би било со финансирање со долг грејс период без обврска да се плаќаат камати во тој период, за што би се потпишал заем, но тоа нема да биде од Кина, Русија или Унгарија.

Истовремено, според истите извори, се преговара и со друга компанија од Централна Европа за зголемување на бројот на композиции на возови.

The post МЕЃУГРАНИЧНИОТ ЖЕЛЕЗНИЧКИ ТУНЕЛ ДЕВЕ БАИР ЌЕ ГО ГРАДИ ЕДНА ФИРМА Прифатени трите клучни аргументи на Николоски за пругата кон Бугарија appeared first on plusinfo.mk.