Објавените документи за Џефри Епстин откриле мејлови што озлогласениот сексуален престапник ги разменувал со хрватскиот доктор и инвеститор и советник на Бил Гејтс, Борис Николиќ. Во нив се споменува познатата водителка Миа Ковачиќ и две хрватски модни агенции – Талија Модел и Мидикен Модел Менаџмент.

Станува збор за мејлови кои биле испратени до Епстин во јануари 2014 година, а во едeн од нив, насловен како „Пријателката на мојот брат“, тој му испратил линк до статија во Јутарњи Лист во која се споменува судскиот спор на тогашната манекенка Миа Ковачиќ.

Во мејлот пишувало: „Her name is Mia Kovacic – a model in Zagreb“ (Нејзиното име е Миа Ковачиќ – модел од Загреб).

Водителката негира каква било поврзаност со лицата вклучени во случајот.

Таа се огласи откако во медиумите се прошири веста дека е спомената во мејловите и негираше каква било поврзаност.

– Од медиумите дознав дека моето име е споменато во мејлови од случајот Џефри Епстин. Воопшто не ги познавам луѓето вклучени во тој случај, ниту пак знаев дека моето име се споделува или коментира во приватната преписка на други луѓе – вели таа, пренесува Дневник.хр.

Таа, исто така, потенцира дека ѝ е жал што медиумите не ја контактирале пред да го објават нејзиното име во контекст на комуникација меѓу трети страни со кои нема никаква врска.

– На овој нчин ми се нанесува штета, а ваквите објави не можат да се сметаат за известување во јавен интерес и дејствување во добра намера од страна на медиумите – заклучи таа.

Миа веќе две децении е едно од најпрепознатливите ТВ лица во Хрватска.

The post ВО ДОКУМЕНТИТЕ НА ЕПСТИН СЕ СПОМЕНУВА И ХРВАТСКА ВОДИТЕЛКА „Нејзиното име е Миа Ковачиќ – модел од Загреб“ appeared first on plusinfo.mk.

Во претходниот период, училиштата во државата веќе добија слично упатство од Министерството за внатрешни работи (МВР), но како што истакна министерката Весна Јаневска, новите мерки се неопходни поради брзите промени во методите на сајбер-напади.

Јаневска објасни дека училиштата се задолжуваат да користат исклучиво официјални е-адреси од МОН, бидејќи лажните закани во петокот биле испратени на приватни адреси и преку несоодветни провајдери.

– Ќе треба време, но ако училиштата се придржуваат до правилата, ваквите напади ќе станат значително отежнати, а ние полесно ќе се справуваме со нив – изјави Јаневска на прес-конференција.

Иако ќе се обрне внимание и на закани добиени на приватни мејлови, министерката нагласи дека државните е-адреси се многу подобро заштитени и затоа училиштата треба да ги користат исклучиво нив.

– Сајбер-нападите најчесто се случуваат преку незаштитени мејлови. Официјалните адреси на МОН имаат повисок степен на безбедност и затоа инсистираме на нивната употреба – додаде Јаневска.

Покрај ова, новото упатство ќе содржи препораки до општините за дополнителни безбедносни мерки, како поставување камери во училиштата и ангажирање обезбедување.

По серијата дојави за поставени експлозивни направи во училиштата низ државата, формиран е меѓуресорски кризен штаб за подобрување на кибер-безбедноста, кој, според министерката, ќе продолжи со својата работа во наредниот период.

– Даваме препораки за учениците да бидат безбедни, но ќе направиме и мониторинг за нивното спроведување – заклучи Јаневска.

The post НОВА СТРАТЕГИЈА ЗА ХИБРИДНИТЕ ЗАКАНИ Училиштата ќе добијат итни инструкции за заштита appeared first on plusinfo.mk.

Тој вечерва во интервју за 360 степени, напомена дека станува збор за хибридни закани кои се лажни, но сепак не се исклучува потребата Министерството за внатрешни работи да одговори со темелна проверка на наводите.

– Станува збор за хибридни закани коишто се покажа дека не само во петокот, туку и претходно кога сме ги имале, биле лажни. Факт е дека последниве закани коишто се упатени до училишта се од привремени мејлови коишто се отворени од одредени недобронамерници. И, според информациите што ги добив, мислам дека тие мејлови од коишто се испраќани заканувачките пораки се бришат за еден час. Така што, многу е тешко да се влезе во трага кој е испраќачот на заканувачките пораки – рече Тошковски.

Тој додаде дека оперативниот штаб формиран за дојавите за бомби донел заклучок да достави препораки до Министерството за образование и до сите образовни институции во однос на тоа како да се заштити периметарот на училиштата, за време на часовите кога нема ученици и препораки за чуварските служби да внимаваат на периметарот на училиштата.

– Ги зголемивме патролните служби коишто обиколуваат околу секое училиште. Гледаме максимално да покриваме на терен со нашите ресурси коишто ги имаме, дадовме препораки во однос на сите оние други работи коишто треба да се преземат од технички аспект во делот на Министерството за образование и конкретно до сите училишта. Во иднина, полицијата ќе одговори посоодветно, за разлика од начинот на кој се одговарало на ваков тип предизвици во минатото. Фактите велат дека сите дојави досега биле лажни, сепак не се исклучува потребата Министерството за внатрешни работи да одговори со темелна проверка на наводите – додаде Тошковски.

Во однос на случајот „Државна лотарија“, Тошковски вели дека не би шпекулирал дали МВР или Финансиската полиција поднела подобра кривичната пријава, важно е криминалците да бидат таму каде што им е местото.

– Јас не би шпекулирал кој за конкретна ситуација поднел подобра кривична пријава. Јас би бил презадоволен кога на крајот на денот криминалците ќе бидат таму каде што им е местото, а сите оние што се двоумат во иднина дали да сторат или да не сторат нешто на буџетот на државата, ќе ги земат за пример оние што се таму каде што им е местото – рече Тошковски.

Прашан дали освен казна за конкретниот полициски службеник, има друго сознание околу тоа како се случи Артан Груби да ја напушти земјава, Тошковски одговори дека Министерството за внатрешни работи изрече суспензија и поднесе кривична пријава за службеникот кој бил „фасциниран“ од предметното лице.

Тој посочи дека полицискиот службеник по етничка припадност е Македонец.

– Работи Јавното обвинителство и ние сме вклучени. Доставени се сите оние материјали коишто требаше да бидат доставени од наша страна. Се надевам дека за најкратко можно време ќе излезе со повеќе сознанија – рече Тошковски.

На прашање дали има сознанија за евентуално организиран случај, Тошковски одговори дека не може да даде таков заклучок од она коешто го имаа досега добиено како информација, потенцирајќи дека во моментов нема некакво ново сознание каде е Артан Груби.

The post МЕЈЛОВИТЕ СО ЛАЖНИ ДОЈАВИ ЗА БОМБИ СЕ БРИШАТ ЗА 1 ЧАС Тешко е да се откријат испраќачите appeared first on plusinfo.mk.

Според извештајот, измамниците испраќаат е-пошта за кои се тврди дека се во име на „Meta for Business“, деловната платформа на Фејсбук, тврдејќи дека страницата на примачот содржи забранета содржина.

Во е-поштата, од корисниците се бара да дадат објаснување за да им се одблокираат сметката и страницата. Од компанијата „Kaspersky“ истакнуваат дека целта на напаѓачите е да добијат пристап до деловните сметки на корисниците.

Анонимизираните податоци од компанијата „Kaspersky“ покажуваат дека ваквите мејлови почнале да пристигнуваат до корисниците на 14-ти декември, а поплаки доаѓаат од организации ширум светот, вклучително и Македонија. Гледајќи го полето „From“ во е-поштата, можете да видите дека доменот не припаѓа на Фејсбук. Според „Kaspersky“, мејловите користени во оваа кампања биле испратени од различни домени.

Врската во е-поштата ги пренасочува корисниците на „Facebook Messenger“. На „Messenger“, сметката што се претставува како тим за поддршка на Фејсбук изгледа легитимна, што создава лажно чувство на доверба. Има индикации дека се работи за фан-страница, но лесно е да се занемари ова во ситуација со висок стрес по обвинувањата за ширење нелегитимна содржина, се вели во соопштението на компанијата.

„Оваа измама се издвојува по својата софистицираност. За разлика од претходните измами кои ги обвинуваа корисниците за кршење на авторските права и ги упатуваа да одговорат преку е-пошта, овој пристап симулира внатрешна комуникација на самата платформа на Фејсбук“, додаваат тие.

За да се заштитите од такви напади, „Kaspersky“ препорачува:

– Секогаш користете двофакторна автентикација секогаш кога е можно;

– Обрнете внимание на известувањата за сомнителни обиди за најава;

– Проверете дали сите ваши лозинки се силни и уникатни;

– Внимателно проверете ги адресите на страниците кои бараат податоци за пристап;

– Доколку постои и најмало сомневање дека страницата е лажна, не ја внесувајте вашата лозинка;

The post НОВА ИЗМАМА НА ФЕЈСБУК, ТАРГЕТ СЕ КОМПАНИИ Експертите со предупредување до сите што користат „Meta for Business“ appeared first on plusinfo.mk.

На почетокот на оваа година, кинески хакери веќе извршија слични напади и ја урнаа платформата за е-пошта на Мајкрософт.

Овој пат, хакерите стигнаа до околу 60.000 електронски пораки и тие беа украдени од десет различни сметки на Стејт департментот. Овој случај дополнително предизвика тензии меѓу Кина и Соединетите Американски Држави, при што официјален Пекинг негираше дека има некаква врска со овие акции.

-Мораме да ја зајакнеме нашата одбрана од вакви и слични сајбер напади. Такво нешто не смее да се случи во иднина – изјави во оваа прилика сенаторот Ерик Шмит.

The post 60.000 ЕЛЕКТРОНСКИ ПОРАКИ НА СТЕЈТ ДЕПАРТМЕНТОТ ЗАВРШИЈА ВО КИНЕСКИ РАЦЕ Кина негира дека хакерите работеле за неа appeared first on plusinfo.mk.

Притоа, примачот на пораката се повикува да го контактира испраќачот со некакво објаснување за наводните дела.

МВР ги известува граѓаните дека станува збор за лажна порака која не е испратена од страна на МВР, ниту од било која институција за спроведување на законот.

„Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани“, велат од МВР.

Истовремено се појавија СМС-пораки со наводна содржина од УЈП кои се исто така лажни.

„Исто така, предупредуваме да не отварате линкови и датотеки кои се испратени во прилог на е-маил пораката која доаѓа од непознат испраќач, со цел заштита на вашиот компјутерски систем од малициозен софтвер“, велат од МВР.

„Воедно, информираме дека ваквите обиди за измама се со меѓународен предзнак, имајќи предвид дека електронски пораки со слична содржина во изминатиот период беа испраќани и на граѓани во земјите од регионот“, се додава во соопштението.

The post НЕКОЈ ПУШТА МЕЈЛОВИ И СЕ ПРЕТСТАВУВА КАКО ДИРЕКТОР НА БЈБ Од МВР апелираат дека се работи за меѓународна измама appeared first on plusinfo.mk.

„Македонците се соучесници во уништувањето на мојата земја“. Вака гласи првата реченица во заканувачките пораки што денеска пристигнаа во повеќе институции и во кои се вели дека во објектите се поставени експлозиви.

Над 20 дојави за поставени бомби пристигнаа на разни мејл адреси, овојпат во Скопје и во Битола. За првпат беше таргериран Меѓународниот аеродром Скопје, а истата заканувачка порака беше испратена во истиот мејл и до ФФМ, до фудбалските клубови Вардар и Работнички, на два мејла во Спортскиот центар „Борис Трајковски“, на два во хотелот Александар Палас и на еден мејл во Мериот како и во Галијата на кејот 13 ноември и повторно трговскиот Ист Гејт Мол.

„Македонците се соучесници во уништувањето на мојата земја. Затоа на денешниот ден се удруживме со нашите истомисленици и политички партии за да ги минираме следните локации во Скопје и тоа со 8 бомби на Меѓународен аеродром Скопје, 2 бомби во Арена Борис Трајковски, 3 бомби во Националната Арена Тоше Проески, 1 бомба во зградата на Фудбалска Федерација на Македонија, 1 бомба во Трговскиот шопинг центар East Gate Mall, 2 бомби во Мерриотт Хотел Скопје, 1 бомба во Хотел Сенигаллиа Скопје“, наведено е во заканувачкиот мејл.

Таму е наведено и дека бомбите се активираат со „сеизматичен покрет“.

„Можеме ова да го правиме секој ден, го сакате ли ова? Бидејќи крајот не изгледа добро по вас и вашите деца, граѓани, луѓе. Или можете да решите конечно да ја направите вистинската одлука. Суспендирајте ги санкциите, ебани гомна“, се вели во мејлот.

Прочитајте како изгледа денешниот меил од “бомбашите”.
За малку појасни да бидат работите… pic.twitter.com/rGWv2DpUHp

— Зналац (@thewhistle41) December 16, 2022

The post „ПОВЛЕЧЕТЕ ГИ САНКЦИИТЕ, Е*АНИ ГОМНА!“ Еве што точно пишуваше во заканувачките пораки за бомби appeared first on plusinfo.mk.

На шпанските разузнавачи им беа потребни цели два дена за да им влезат во траг на заканувачите и да откријат од каде се испратени бомба-писмата коишто минатата недела беа оставени во поштенските сандачиња на неколку амбасади во земјата, а едно такво писмо пристигна и во домот на шпанскиот премиер Педро Санчез.

Македонската полиција, пак, освен едно погрешно уапсено момче, потроши скоро два месеца само за да сфати дека заканувачите со бомби во скопските средни училишта ги испраќаат заканувачките мејлови само во среда, четврток и во петок, односно само тогаш кога одредена група ученици имала одредени часови на училиште.

И токму во моментот кога министерот за внатрешни работи Оливер Спасовски организираше прес-конференција за да се пофали и да го пласира „спектакуларното“ сознание во јавноста, се случи нов проблем: се појавија нови закани за бомби и во училишта од другите градови, но овојпат и во основни училишта.

„Што е многу, многу е“. Вака безбедносните експерти со коишто разговараше Плусинфо ја коментираат новонастанатата ситуација и велат дека дојдено е време кога треба навистина сериозно да му се пристапи на проблемот.

Ако не се реагира брзо и ако не се постигнат резултати во следните неколку дена, велат тие, тогаш не би требало да нѐ чуди ако заканувачите почнат да го менуваат курсот, па од основните и средните училишта да се префрлат на факултетите, трговските центри, концертните сали…

Поранешниот министер за внатрешни работи Павле Трајанов објаснува дека Македонија не може сама да го реши проблемот со дојавите за бомби и принудена е да бара помош од странските разузнавачки служби, но кога веќе гледаме дека операцијата долго трае и дека на странците очигледно не им е приоритет да ни помогнат, тогаш, посочува тој, треба да одиме чекор погоре и да ги активираме останатите институции.

Трајанов во разговор за Плусинфо вели дека сега e повеќе од потребно на сцената да настапи премиерот на државата, кој заедно со министерот за надворешни работи официјално ќе побара помош од другите држави.

– Мора да го кренеме нивото, оти, очигледно, вака ништо не правиме. Премногу долго трае целата операција со дојавите за бомби, па се создава слика дека странските разузнавачки служби не се премногу заинтересирани да ни помогнат. Комуникацијата мора да биде на највисоко ниво, бидејќи се работи за безбедносен, но и за политички проблем. Треба да се ангажираат сите служби на чело со Агенцијата за национална безбедност (АНБ), која има склучено соработка со најмоќните странски безбедносни служби како што се германската, француската, израелската, па дури и со ЦИА. Клучна е соработката со странските развиени разузнавачки служби. Врз основа на сите информации што ги добивам е дека станува збор за внатрешен непријател. Овде се подготвува целата операција и не случајно се избрани училиштата. Јас можам да кажам дека дури 85% е шансата заканувачот или заканувачите да бидат наши сограѓани, оти се гледа дека иницијативата и логистиката е домашна, а заканата може да испратена од било кој крај на светот. Траги не се оставаат, а дури и да се појави некаква трага, проблемот е што македонските служби не би можеле да ја откријат. Ние како држава немаме информатичка моќ за да ги следиме тие траги, па приморани сме да побараме експертска разузнавачка помош од странство. Затоа, ние треба да го сториме тоа што најдобро го знаеме – да собереме доволно информации за лицата коишто ја подготвуваат операцијата во Македонија. Штом насетиме кој и каде ги подготвува заканите, верувајте дека проблемот ќе биде решен за многу брзо време – објаснува Трајанов.

На прашањето дали е сега време министерот за внатрешни работи Оливер Спасовски да си поднесе оставка поради тоа што веќе повеќе од еден месец траат заканите со бомби, а полицијата не е ни блиску до решавање на проблемот, Трајанов вели дека не треба целата одговорност да му се припишува на министерот.

– И опозицијата и власта треба да бидеме крајно претпазливи во една ваква деликатна ситуација. Јас сум еден од најголемите критичари, ама во овој момент мора сите политички партии да бидат крајно претпазливи. Не е сега прашањето дали Спасовски треба да си поднесе оставка или не. Впрочем, целата одговорност не е негова. Тука е Агенцијата за национална безбедност која мора вредно да работи и да си ги постави приоритетите – рече Трајанов.

Стефан Буџаковски, професор од областа на безбедносните науки и кривичното право е убеден дека зад хибридните закани со дојави за бомби стои една или повеќе политички партии од земјава.

– Состојбата со заканите со бомби е доказ дека безбедносниот систем на Македонија е нефункционален и можам да кажам дека тие деструктивни елементи на дестабилизација се однесуваат токму на интересите на поединци. Сметам дека актуелната состојба со заканите со бомби е резултат на хибридните мерки коишто ги преземаат одредени политички партии за да постигнат одредени политички цели. И нема ништо друго, сѐ е кристално јасно. Оти, ако се работеше за нешто друго, досега ќе беа откриени заканувачите. Ние имаме меѓународна соработка со службите од Европа и од светот, па навистина е чудно никој да не открие кој стои зад заканувачките мејлови. Токму ваквиот сомнеж отвора друго прашање: која од политичките партии во Македонија е одговорна за заканите со бомби? Станува збор за класична политичка игра, односно за политички натпревар во кој нема правила и во кој се вклучени недозволени средства, а чија цена ќе ја платат граѓаните – вели Буџаковски.

Тој се обиде да направи споредба на состојбата со заканите во Македонија со оние во Шпанија, но како што вели, разликата е огромна.

– Прво, сите функционери во Шпанија не се поставени на предлог на политички партии, туку се поставени по принципот на способност и професионалност. Тие си ја бркаат работата и не дозволуваат народот да биде загрозен. Ако се појават закани, а одговорните не можат да ги фатат заканувачите, тогаш тие веднаш си поднесуваат оставка поради неспособноста да се снајдат со предизвикот. Ете, тоа е разликата помеѓу Македонија и Шпанија. Заканите со бомби кај нас траат веќе подолго од еден месец, а Шпанците за само два дена успеаја да откријат кој е испраќачот на бомба-писмата. Затоа, на нашиот министер за внатрешни работи му преостануваат само две работи: или да го реши случајот или да си поднесе оставка – објаснува Буџаковски.

Злате Димовски, професор на Факултетот за безбедност, не ја исклучува можноста идните закани со бомби да ги заобиколат училиштата и да се сконцентрираат на плоштадите, хотелите и на трговските центри.

– Заканите најпрво пристигнуваа во средните училишта, подоцна и во основните, а не треба да нѐ чуди ако следната цел на заканувачите им се градинките. Не е воопшто лесно да се идентификуваат заканувачите, бидејќи сајбер-просторот нуди безброј можности за сокривање на идентитетот. Мора да се изнајде модалитет како постепено да почнеме да стануваме имуни на ваквите појави, а тоа ќе биде на добробит и на институциите кои ќе имаат можност да ги следат процесите. Од тоа што официјално го добиваме како податок е дека нашите служби веќе имаат нешто дознаено и дека наводно има осомничени заканувачи. Меѓутоа, наскоро ќе треба да се преземат низа чекори од наша страна за да ги заштитиме институциите, особено училиштата, а јас лично не верувам дека тоа ќе кулминира со затишје, туку напротив, заканувачите ќе се свртат кон другите институции, кон хотели, трговски центри и плоштади. Ова сега е насочено кон вградување страв кај учениците за тие да ja сфатат за опасноста од хибридниот тероризам, а кај родителите уште повеќе да се зацврсти неверувањето во капацитетот на системот, кое, всушност, е целта на терористичките организации – објаснува Димовски.

Во поглед на предлогот на министерот Спасовски да се постават полицајци пред училиштата кои ќе ги контролираат влезовите и излезите, Димовски вели дека може да биде контрапродуктивно и застрашувачки за самите деца.

– Со кое право ќе ги проверуваат ранците и чантите на луѓето кои влегуваат во училиштата? Треба да има наредба за претрес. А што ако бомбата не е во ранецот, туку е скриена во долната облека? Како ќе ги претресуваат? Јас не велам дека предлогот е лош, но мора да ги согледаме сите аспекти. Дали тие деца нема дополнително да ги истрауматизираме ако тоа го примениме? Кај нив ќе се вгради страв и нема да сакаат да одат на училиште – вели Димовски.

Во меѓувреме, министерот Спасовски не престанува да се жали дека воопшто не им било лесно на полицајците да откријат кој стои зад заканувачките мејлови.

– Полицијата има проблеми, дојавите за бомби во средните и во основните училишта доаѓаат од странски IP адреси, па затоа не е лесно да се открие кој е виновникот. Полициските службеници не можат лесно да ги добијат податоците, па мораат да комуницираат со странски полициски служби, кои, пак, не даваат лесно информации. Станува збор за ВПН конекции и за тоа ќе треба меѓународна правна помош да се добијат тие информации и податоци – рече Спасовски во петокот.

Министерот вели среќна околност е тоа што дојавите се лажни, но и дека имале осомничени.

– Најавувам дека ќе има реализација, има осомничени, ако нема осомничени тогаш бадијала е реализацијата – порача Спасовски.

Дојави со бомби се регистрирани и утринава во 5 кавадаречки основни и средни училишта.

The post ЗАКАНИТЕ ДОАЃААТ ОД „ВНАТРЕШЕН НЕПРИЈАТЕЛ“? Нашите бомби тешко ќе дојдат на ред кај странските разузнавачки експерти appeared first on plusinfo.mk.

Тој објасни дека во тек е обемна истрага во врска со дојавите за поставени бомби во скопските училишта која се одвива во неколку правци и во која се вклучени АНБ, одделението за антитероризам како и странските партнери.

– Знаеме од каде доаѓаат мејловите. Министерството функционира во полн капацитет и ќе го надминеме овој проблем – дециден е министерот откако утрово првин во средните училишта „Јосип Броз Тито“ и СУГС „Владо Тасевски“, а потоа и во гимназијата „Никола Карев“ и во „Панче Арсовски“ пристигнаа нови дојави за поставени бомби.

Тоа што само го навести министерот Спасовски е дека еден од изворите на овие хибридни напади е Швајцарија, но тамошните институции, како што рече, се затворени и не може да се добијат поконкретни информации.

– Токму од Швајцарија доаѓаа и серијата закани кои пролетва и минатиот месец пристигнаа на разни адреси на институции, аеродроми и трговски центри во Белград и во Загреб – изјави Спасовски.

The post ДЕЛ ОД МЕЈЛОВИТЕ СО ЗАКАНИ ЗА БОМБИ СЕ ИСПРАТЕНИ ОД ШВАЈЦАРИЈА Спасовски тврди дека МВР работи со полна пареа appeared first on plusinfo.mk.

Извршниот директор на „Тесла“, Илон Маск, наводно ги замолил менаџерите кои не ги исполнуваат неговите наредби или не објаснат зошто тој не е во право, да дадат оставка веднаш.

До овие податоци дошол „Си-Ен-Би-Си“, по пат на „протечените“ мејлови од компанијата на Маск.

Маск испратил два мејлови до сите вработени во „Тесла“ во првата недела од октомври.

Во тој период, Tesla испорача рекордни 241.300 возила во текот на третиот квартал од годинава и „Full Self Driving Beta“ програмата, а подоцна беше ставен на чекање поради загриженоста за безбедноста.

Компанијата исто така го изгуби спорот поради тужби кои ги поднеле поранешни вработени, а кои изјавиле дека биле вознемирувани на работна основа додека работеле како агенциски службеници.

Тој напишал дека не му пречело вработените да слушаат музика преку слушалки се додека едното уво е слободно за да можат да слушаат безбедносни предупредувања во фабриката.

Маск додал дека се согласува да пушта музика на звучници доколку вработените успеат да се договорат што ќе се пушта. Тој на крајот ги поканил вработените да го контактираат со нивните предлози за тоа што би можело да им го поправи денот на работа бидејќи „се грижел да се радуваат што ќе дојдат на работа секој ден“.

Вториот мејл е напишан со поостар тон и им овозможува на вработените да знаат што се очекува од неговите менаџери кога ќе им испрати е-пошта со инструкции. Тој навел три опции.

Првата опција е да му објасните што точно греши, бидејќи како што вели понекогаш и тој едноставно греши. Друга опција е да побараат појаснување ако не им е јасно што бара од нив. Третата е да постапат точно како што им рекол.

„Доколку не направи ништо од горенаведеното, менаџерот ќе мора веднаш да поднесе оставка“, заклучил Маск.

The post ПРОТЕКОА МЕЈЛОВИТЕ Илон Маск до вработените: Ако не го направите ова, оставка! appeared first on plusinfo.mk.