Најмалку седум лица загинаа, а повеќемина се повредени во тешка авионска несреќа во американската сојузна држава Кентаки, кога товарен авион на компанијата „UPS“ се урна во индустриска зона на периферијата на градот Луисвил.

Гувернерот на Кентаки, Енди Бешир, соопшти дека бројот на жртви може дополнително да се зголеми, бидејќи двајца работници сè уште се водат како исчезнати, а пожарникарските екипи продолжуваат со пребарување низ урнатините.

– Ситуацијата е сериозна. Тимовите за итни интервенции се на терен и прават сè што можат за да го ограничат пожарот и да ги пронајдат исчезнатите – изјави гувернерот Бешир.

NEW: Large explosions after UPS Flight 2976 crashes near Louisville International Airport in Kentucky pic.twitter.com/qQ2bSug3tz

— BNO News (@BNONews) November 4, 2025

Според Федералната управа за авијација (ФАА), авионот „McDonnell Douglas MD-11“ полетал од аеродромот „Мухамед Али“ во Луисвил околу 17:15 часот (22:15 по Гринич), но само неколку минути подоцна се урнал и избувнал голем пожар. Снимки од местото на несреќата покажуваат ѕид од пламен и густ чад кој се издигнува над индустриската зона во која се наоѓале фабрики за рециклирање и производство на автомобилски делови.

WATCH: Dash cam video shows UPS plane crash in Louisville, Kentucky pic.twitter.com/dZdpus1fxu

— BNO News Live (@BNODesk) November 5, 2025

Компанијата „UPS“ потврди дека во авионот имало тројца членови на екипажот и дека поради трагедијата се прекинуваат ноќните операции за сортирање пратки во нивниот најголем логистички центар „Ворлдпорт“.

Авионот бил на пат кон Хонолулу, Хаваи, а причините за падот сè уште не се познати. Дел од областа е ставена под наредба за засолнување, а аеродромот во Луисвил е затворен, со сите летови кон и од градот привремено суспендирани.

The post 📽️ СЕ ПОЈАВИ ВИДЕО ОД ХОРОРОТ ВО КЕНТАКИ Камера сними како карго-авионот паѓа и се претвора во оган appeared first on plusinfo.mk.