Штедењето е системска неопходност и важен фактор за одржлив економски раст и за финансиска стабилност”, порача гувернерот на Народната банка Трајко Славески, на настанот по повод Светскиот ден на штедењето, којшто се одржа во организација на Македонската банкарска асоцијација, во присуство на министерката за финансии, Гордана Димитриеска-Кочоска, директорот на Фондот за осигурување депозити, Бехар Емини, претседателката на МБА, Маја Стевкова-Штериева и претставници од банкарскиот сектор.

Во своето обраќање, гувернерот нагласи дека во време на светска неизвесност и последователни кризи, штедењето претставува темел на отпорноста на економијата и на стабилноста на финансискиот систем.

-Отпорноста не е реакција, туку прашање на претходна подготвеност – градење простор за справување со кризите пред да се случат – рече Славески.

Тој посочи дека и покрај бројните шокови во последните години, кај граѓаните е задржана склоноста кон штедење и довербата во банкарскиот систем.

Според податоците, во септември 2025 година, депозитите на домаќинствата достигнале 427 милијарди денари, што претставува раст од над 50% од почетокот на пандемијата. Зголемен е и уделот на денарските и на долгорочните депозити, што придонесува за стабилност и ја зајакнува отпорноста на економијата.

Гувернерот нагласи дека поттикнувањето на штедењето е од суштинско значење за зголемување на потенцијалот за раст и за намалување на зависноста од надворешни извори на финансирање, особено во контекст на светски економски промени, геополитички тензии и структурни предизвици.

Според него, економиите во регионот мора повеќе да се потпираат на сопствените заштеди како двигател на инвестициите и долгорочната стабилност.

– Во свет полн со неизвесност, претпазливоста е најкредибилната константа, а штедењето е системска неопходност – истакна Славески.

Тој додаде дека негувањето на културата на штедење и финансиска одговорност во рамки на семејствата, институциите и општеството е вложување не само во личната сигурност, туку и во економската сила на државата.

The post ЕКОНОМИЈАТА ТРЕБА ДА СЕ ПОТПИРА НА СОПСТВЕНИТЕ ЗАШТЕДИ Славески оцени дека граѓаните и во криза не се откажуваат од штедењето appeared first on plusinfo.mk.

Во услови на светска неизвесност и постојани економски предизвици, воспоставувањето стабилен, добро капитализиран и одговорен банкарски сектор претставува суштинска потпора за граѓаните и за развојот на домашната економија.

Ова беше една од централните пораки на средбата меѓу гувернерот на Народната банка Трајко Славески и раководството на Македонската банкарска асоцијација (МБА), претседателката Маја Стевкова Штериева и заменик-претседателот Бојан Стојаноски, соопшти Народна банка.

Гувернерот Славески истакнал дека банкарскиот сектор кај нас е добро капитализиран, со стапка на адекватност на капиталот од 19%, што овозможува отпорност и во услови на евентуални шокови.

-Народната банка преку добро поставените политики обезбедува стабилна и предвидлива средина. Тоа е предуслов за банките да ги исполнат очекувањата на граѓаните и компаниите – со сигурни, достапни и со квалитетни услуги –  рече гувернерот.

На средбата, како што се наведува во соопштението, посебен акцент бил ставен на потребата од натамошно унапредување на конкуренцијата во платниот промет, особено преку финтек-иновации и нови технологии.

Во таа смисла било отворено и прашањето за напредокот во пристапувањето на банките кон Единствената област за плаќања во евра (СЕПА).

Притоа било  нагласено дека крајниот рок за поднесување на барањата е 5 октомври оваа година и дека се очекува од банките да ги засилат активностите за навремено исполнување на оваа важна стратегиска цел, со која ќе се подобри интеграцијата и ефикасноста на прекуграничните плаќања.

Во однос на монетарната политика, гувернерот истакнал дека Народната банка внимателно ги следи движењата на внатрешните и надворешните фактори на ризик.

Секоја идна одлука за основната каматна стапка ќе биде донесена врз основа на детални макроекономски анализи, со цел да се зачува ценовната стабилност и да се поддржи економската активност. 

The post ПРВА СРЕДБА НА ГУВЕРНЕРОТ СО БАНКАРИТЕ Славески бил информиран и за подготвеноста на банките за пристапување во СЕПА appeared first on plusinfo.mk.

Македонската банкарска асоцијација ја основаше фондацијата „Заедно за едно“ за помош и поддршка на семејствата на загинатите и на повредените во пожарот во Кочани што се случи на 16 март.

Од МБА информираат дека целта на основањето на Фондацијата е континуирана помош, а средствата ќе бидат наменети исклучиво за помош и поддршка во рехабилитацијата и медицинските третмани поврзани со последиците од пожарот, поддршка на менталното здравје на настраданите и на нивните семејства, како и поддршка во образованието и професионалната реинтеграција на настраданите.

– Нема зборови што можат да ја утешат тагата на оние што загубија свој најмил, нема доволно дела што можат да ја ублажат болката. Но, она што можеме да направиме е да помогнеме и да покажеме дека не се сами, и сега и во иднина – изјави Маја Стевкова Штериева, претседателка на Македонската банкарска асоцијација.

Парите ќе се обезбедуваат преку донации од банките, штедилниците, другите финансиски институции и донатори од редот на нефинансиски правни лица.

The post БАНКАРИТЕ ЌЕ ДОНИРААТ ЗА СЕМЕЈСТВАТА НА НАСТРАДАНИТЕ ВО ТРАГЕДИЈАТА ВО КОЧАНИ Формираа фондација „Заедно за едно“ appeared first on plusinfo.mk.

– Стојаноски е истакнат банкарски професионалец со повеќе од 25 години искуство во банкарскиот сектор, од кои 15 години на раководни позиции. Тој е долгогодишен и активен член на Македонската банкарска асоцијација уште од нејзиното основање, при што се истакна со својот значаен придонес како претседавач на Комисијата за реструктурирање корпоративен долг – велат од банкарската асоцијација.

Стојаноски е генерален директор за управување со ризици и член на Управниот одбор на Стопанска банка АД – Скопје, функција што ја извршува од март 2020 година. Неговото професионално портфолио вклучува и високи раководни позиции во Халк Банка АД – Скопје. Дополнително, тој бил член на Управниот одбор и втор генерален директор на КБ Прво пензиско друштво АД – Скопје.

Македонската банкарска асоцијација смета дека неговото искуство, стручност и посветеност ќе донесат голем придонес во остварувањето на нејзините цели.

The post БОЈАН СТОЈАНОСКИ Е ИЗБРАН ЗА ВТОР ЧОВЕК НА АСОЦИЈАЦИЈАТА НА БАНКАРИ Тој е искусен банкарски професионалец appeared first on plusinfo.mk.

Од асоцијацијата ингормираат дека според  она што го пријавуваат клиентите, до нив стигнува СМС порака на македонски јазик од SMSinfo во врска со „погрешна адреса” на пратка заедно со линк кој води до лажна веб страница наменета за нелегално преземање на податоци за картички и други лични податоци.

Оттаму објаснуваат на што да се внимава при плаќањето преку интернет:

При користење на платежните картички на интернет постојат неколку задолжителни проверки кои мора да бидат направени:

• Веб страницата треба да биде безбедна (да има иконка катанец пред името)
• Проверка на називот на веб страницата (посебно делот после точката дали е логичен или намерно направен да ве измами)
• Користете сигурна интернет конекција (по можност приватна)
• Доколку се сомневате во веродостојноста на понудата не внесувајте детали од картичката (на пр. телефонски уред за 1 денар, сместување за неверојатно ниски цени, бесплатен авионски билет и сл.)
• Проверувајте ја состојбата на вашите платежни сметки поврзани со картичките редовно и поставете си лимити за користење на картичките преку интернет

Од банкарската асоцијација препорачуваат сите можни злоупотреби веднаш да се пријават во банката која ја издала картичката и во надлежните институции.

The post ШТО ТРЕБА ДА ПРОВЕРИТЕ КОГА ПЛАЌАТЕ НА ИНТЕРНЕТ? Банкарската асоцијација предупреди дека постојат лажни веб страници од кои се крадат податоци appeared first on plusinfo.mk.

Насоките ја утврдуваат содржината, обликот и начинот на објавување на податоците за најрепрезентативните кредитни и депозитни производи на банките и штедилниците за физички лица.

Предвидено е условите да се објавуваат на видно назначено место на веб-страниците на банките и штедилниците, како и централизирано на веб-страницата на Народната банка и да се ажурираат редовно од страна на банките и штедилниците, а најмалку еднаш во тримесечјето.

Објавата ќе ги опфати најрепрезентативните видови потрошувачки и станбени кредити за населението, како и најрепрезентативните видови депозити за населението кај банките и штедилниците.

Примената на Насоките е од  почетокот на август.

Насоките ги потпишаа гувернерката на Народната банка, Анита Ангеловска-Бежоска и претседателката на Македонска банкарска асоцијација (МБА), Маја Стевкова-Штериева.

– Преку спроведувањето на Насоките, коишто ги потпишавме со МБА, банките и штедилниците ќе почнат да ги објавуваат податоците за одделните банкарски производи во една стандардизирана форма, којашто ќе обезбеди поголема прегледност, споредливост на производите и воедно, поголема информираност на граѓаните. На овој начин, дејствуваме кон поголема заштита на потрошувачите, како и нивна едукација за одделни видови кредитни и депозитни производи, што ќе придонесе кон издржани одлуки за избор на производи коишто најдобро им одговараат на потребите на физичките лица – изјави гувернерката Ангеловска-Бежоска.

Претседателката на Македонска банкарска асоцијација Стевкова-Штериева рче дека банките и штедилниците коишто се членки на Македонската банкарска асоцијација се транспарентни економски субјекти коишто редовно објавуваат податоци за своето работење.

– Со воспоставувањето стандардизиран пристап при објавувањето информации за депозитните и кредитните производи за населението, во согласност со Насоките коишто ги потпишавме, ќе се придонесе за уште поголема транспарентност и најважно, полесна споредливост на банкарските производи – истакна Стевкова-Штериева.

The post И скриените трошоците за кредитите ќе бидат достапни на веб страните на банките и штедилниците appeared first on plusinfo.mk.

– Поаѓајќи од значењето што го има банкарскиот сектор за секоја економија, а и за општеството во целина, тој преставува најрегулираниот дел од економското живеење. Поради ваквата поставеност и значење на банкарскиот сектор во нашата економија, во трите децении независност, овој сектор ја игра водечката улога во одржувањето на вкупната макроекономска стабилност во земјата, стекнувајќи притоа доверба од нашите граѓани и компании. Како и во годините досега, така и денес, банкарскиот сектор го преставува најздравиот дел на македонската економија и со тоа претставува јавно добро од интерес за целото наше општество – се вели во соопштението.

Оттаму додаваат дека новите технологии и интернетот даваат многу можности, кои за жал во голема мера се користат и за ширење лаги и дезинформации, а тоа ги вознемируваат граѓаните и имаат потенцијал да нанесат економски штети, а со овие предизвици се соочува и нашето општество.

– Затоа, Народната банка и Македонската банкарска асоцијација (МБА) уште еднаш сакаат да укажат на потребата од високо ниво на внимателност кога се работи за информации коишто се однесуваат на банките и штедилниците. Тука нема место за шпекулации и тенденциозни дезинформации. За таа цел, ги повикуваме медиумите секогаш, пред да објават каква било информација поврзана со банките, штедилниците и банкарскиот сектор, да ја проверат од релевантни извори, за да можат да им ја пренесат вистинската слика на граѓаните и на економските субјекти. Исто така, апелираме до граѓаните и економските субјекти мошне внимателно да ги проверуваат информациите коишто излегуваат во јавноста поврзани со банките и штедилниците, бидејќи не е во прилог на јавниот интерес создавање какви било избрзани реакции коишто покрај тоа што го одземаат времето, создаваат и дополнителни трошоци – се вели во заедничкото соопштение на НБРСМ и МБА.

Посочуваат дека злонамерни појави на ширење шпекулации и неточни информации имало и ќе има, а вообичаено се пласирани од личности кои покрај тоа што не водат сметка за својата одговорност, пред сѐ поради кратковидоста на своите лични интереси, не ги земаат предвид далекусежните влијанија на тие невистини врз јавноста и врз општеството во целина.

– Затоа сакаме да апелираме до граѓаните и компаниите коишто имаат какви било прашања отворено да ѝ ги поставуваат на својата банка, на МБА или на Народната банка. Исто така, бидејќи банките се транспаренти економски субјекти, тие се обврзани и редовно објавуваат повеќе податоци за своето работење, коишто може и треба да се следат од сите заинтересирани граѓани и компании. Само на тој начин може да се заштитиме од пласираните невистини и да донесеме основана одлука за банката со која соработуваме – се вели во соопштението.

The post НБ-МБА: Граѓаните и економските оператори да ги проверуваат информациите appeared first on plusinfo.mk.

Бесими рече дека преку банкарскиот сектор ќе се реализираат дел од  марките предвидени со четвртиот пакет економски мерки.

– Планираме за почеток да префрлиме 10 милиони евра во Развојната банка кои ќе се реализираат преку комерцијалните банки. А преку вас банките ќе се реализираат и парите од Европската унија и грантовите кои се реаизираат преку Развојната банка. Исто така и платежните картички ќе се реализираат преку банките со кои веќе имаме искуство – рече Бесими.

Бесими во своето обраќање рече дека македонската економија е сериозно погодена од пандемијата со ковид-19, според Бесими, а најдобар показател се БДП и јавниот долг, чии проекции се полоши во однос на финансиската криза.

– Она што е добро во целата приказна е тоа што финансискиот систем е стабилен. Тоа е една голема предност во справувањето со Ковид кризата. Во овој период кога останатите бројки се со негативен предзнак, добро е тоа што во финансискиот сектор динамиката се уште е со позитивен предзнак, рече Бесими.

Од банкарската асоцијација информира за активностите кои  ги имале банките во периодот на пандемијата.

– Одложувањето на исплатата на кредитите, 70 отсто од физичките и 30 отсто од компаниите ја користеа оваа мерка на почеток. Во вториот процес на одложување од 1 октомви им е понудено на посериозно загрозените физички лица и компании. Засега нема точни оподатоци колку физички лица и компании пројавиле интерес за одложување на исплаќање на кредитите  – рече претседателката на МБА Маја Стевкова Штериева

Од Македонската банкарска асоцијација каде членуваат сите поголеми банки, беше посочено дека банкарскиот сектор е стабилен, со високо ниво на капитализираност и ликвидност и оти сите работат со добивка. Најавија дека ќе продолжат да соработуваат со сите засегнати страни со цел да се излезе од актуелната криза.

The post Бесими: Македонската економија е сериозно погодена од пандемијата со ковид-19 appeared first on plusinfo.mk.

„Стабилниот банкарски сектор е клучен за финансиската стабилност и е еден од носечките столбови на македонската економија на којшто со целосна доверба можe да се потпре секој граѓанин и секоја компанија. Во таа насока, членките на Македонската банкарска асоцијација ја продолжуваат традиционално добрата соработка со Народната банка и сите други релевантни институции, за зачувување и унапредување на стабилноста и ефикасноста на банкарскиот систем, стабилниот курс на денарот, задоволување на потребите на стопанството и населението за банкарски услуги и справување со предизвиците предизвикани од корона-кризата и во периодот кој следи“, наведуваат во соопштение од МБА.

Македонската банкарска асоцијација ја поздравува одлуката на Европската централна банка (ЕЦБ) за пристап на Народната банка до девизна ликвидност во евра преку репо-линија, во износ до 400 милиони евра, доколку има потреба од тоа. 

„Ова големо постигнување за нашата земја, коешто се темели и на оценките на ЕЦБ за работењето на Народната банка и добрите перформанси на банкарскиот сектор, претставува конкретен чекор со многу позитивни ефекти во натамошното интегрирање на нашиот монетарен и финансиски систем во тековите на Европскиот монетарен систем како и големо признание од страна на ЕЦБ  за успешното спроведување на политиките во монетарната и финансиската сфера во нашата земја“ се додадва во соопштението.

The post Банкарска асоцијација: Стабилноста на банкарскиот систем потврдена од Стандард и Пурс appeared first on plusinfo.mk.

Согласно заклучоците, Македонската банкарска асоцијација треба да достави информација за деловните банки кои имаат склучено договор со Македонска пошта, дали овие договори се применливи за исплата на паричните права од социјална заштита, заштита на децата и згрижувачките семејства, како и да информираат кои банки планираат да склучат договор со Македонска пошта за вршење исплата на овие корисници, преку пошта со достава на средствата до нивниот дом

The post Банкарската асоцијација ќе изготви полномоштво за отворање сметка за лицата кои не можат физички да дојдат во банките appeared first on plusinfo.mk.