Приговорот од ЕСМ е доказ дека обвинителката Катерина Коларевиќ постапила непрофесионално, а Ислам Абази ја потврдил оваа контроверзна одлука за скандалот „Мазут“, којшто е тежок 167 милиони евра набавки на мазут за ТЕЦ Неготино, изјави денеска Антонио Милошоски, пратеник на ВМРО-ДПМНЕ.

– Ова потврдува дека истрагата којашто ја водела обвинителката Коларевиќ била претежно паушална и дел од доказите за кривичната одговорност неосновано иземала како изговор за прекинување на постапката – вели тој.

Според него, приговорот на ЕСМ до Вишото јавно обвинителство дава правна можност за преиспитување на решението за скандалот „Мазут“ и за корекција на контроверзното решение за прекин на истрагата од Коларевиќ и Абази.

– Приговорот на ЕСМ е нова околност според којашто прекинатата истрага за мазут може да продолжи, бидејќи ЕСМ е оштетено правно лице коешто ги побива изјавите на Коларевиќ и Абази како обвинителски тандем којшто им дал повластена улога и им поклонил поголема верба на исказите на Капушевски, Јахоски, Адријан Муча, Ерџан Сулкоски, а воопшто го немале ниту достапен Васко Ковачевски. И затоа сметаме дека е време самото обвинителство да си ги искористи своите средства, своите институции за да ја коригира ваквата контроверзна и лукративна одлука на обвинителскиот тандем Коларевиќ и Абази – рече Милошоски.

Тој порача дека е време Обвинителството да нема свои повластени бизнис или политички партнери и сите оние за коишто постои основан и сериозен сомнеж за незаконито дејствување при набавката на мазутот 167 милиони евра да одговараат како и секој друг осомничен и да имаат можност своите докази да ги изнесат пред судските органи.

The post ПРИГОВОРОТ НА ЕСМ Е ДОКАЗ ДЕКА КОЛАРЕВИЌ И АБАЗИ НЕ ПОСТАПИЛЕ ПРОФЕСИОНАЛНО Милошоски со нови моменти за случајот „Мазут“ appeared first on plusinfo.mk.

Катерина Коларевиќ, обвинителката која ја стопираше истрагата за случајот „Мазут“ тежок 167 милиони евра, според ВМРО-ДПМНЕ е дел од мрежа на блиски релации меѓу СДСМ, ДУИ и обвинителско-судскиот систем.

Дали Коларевиќ по насока на шефот на ОЈО ГОКК Ислам Абази и насока на Венко Филипче, Зоран Заев и Али Ахмети ја стопирала постапката, прашува ВМРО-ДПМНЕ.

Партијата обвинува дека таткото на Коларевиќ е еден од „семејните кадри“ унапредени во времето на СДСМ и ДУИ и дека унапредувањето е типична политичка номинација, а не професионален развој.

„Павле Марков, во 1998 година од тогашната влада на СДСМ е избран за државен правобранител, додека, пак, мајка ѝ Вера Маркова, во 2004 од коалицијата СДСМ и ДУИ е избрана за уставен судија“.

Понатаму во текстот се спомнува блискоста на Ислам Абази со шефот на ДУИ, Али Ахмети, како комшии во Зајас.

„За блискоста на Ислам Абази со Ахмети како комшија од Зајас, на кого според јавно достапни фотографии може да се види како на глава му седи неговиот брат Фекри Ахмети, сите знаат“.

ВМРО-ПМНЕ обвинува дека обвинителката Коларевиќ, блиска до СДСМ и ДУИ, добро знае дека во економскиот криминал или штета на државниот буџет, како што е случајот со ТЕЦ Неготино, се утврдува со економско вештачење, а не со изјави дадени од некомпетентни и неовластени лица вработени во ЕСМ.

„И од ЕСМ јасно потенцираа дека испитаните лица во постапката, не биле ниту одговорни, ниту компетентни лица да проценат штета и да утврдат економски криминал со набавката на мазутот.

Но, со скандалозната одлука за стопирање на истрагата за овој случај тежок 167 милиони евра за кој постојат силни индиции и сомнежи за перење пари и тендерски криминал, станува јасно дека решението на Абази и Коларевиќ не е поткрепено со правно-обвинителски аргументи, туку веројатно е добро подмачкано со прескапиот мазут“, соопшти ВМРО-ДПМНЕ.

Понатаму, ВМРО-ДПМНЕ прашува:

„Од овие прости причини се јавува потребата да се постави прашањето, дали поради тоа обвинителката Коларевиќ во случајот со мазутот тежок 167 милиони евра, не постапувала со главен мотив да ја открие вистината, туку за да го заташка, како што ја стопираше постапката, за од кривична одговорност да ги спаси Васко Ковачевски, Адријан Муча, Асмир Јахоски и другите блиски до Ахмети, Заев и Филипче“.

Оттука ВМРО-ДПМНЕ го тврди следното:

„Или подиректно, дали Коларевиќ како обвинителка поради свои интереси и по насоки од блискиот до ДУИ, Ислам Абази, кои доаѓаат директно од врхушката на СДСМ и ДУИ, односно од Ахмети, Заев и Филипче, ја сопре постапката за овој случај вреден 167 милиони евра?

Очекуваме одговори, затоа што јавноста има право и заслужува да ја знае целата вистина, додека Советот на јавни обвинители има обврска да го истражи работењето и постапувањето и на Абази и на Коларевиќ.

За да се воспостави правна држава и да се врати довербата на граѓаните во правосудството, која сега е минорни 2%, потребно е и обвинителите да подлежат на професионална, дисциплинска и кривична одговорност, доколку се докаже нивно противправно делување.

Македонија заслужува правда и одговорност“,

The post ИСПЛИВА „СЕМЕЈНАТА“ ВРСКА НА СДСМ И КОЛАРЕВИЌ Дали „Мазут“ е стопиран по налог на Абази, СДСМ и на ДУИ? appeared first on plusinfo.mk.

За донесување на скандалозната одлука за запирање на истрагата за мазутот вреден 167 милиони евра, функционирал тандем обвинители Абази-Коларевиќ, коишто се нешто како коалиција ДУИ-СДСМ, но не во собраниските клупи, туку во обвинителството за криминал и корупција – обвини денеска на прес-конференција Антонио Милошоски, пратеник и член на Извршниот комитет на ВМРО-ДПМНЕ.

– Дури и во прибирањето на докази можевме да забележиме дека овие обвинители биле селективни. Со вчерашниот демант на ЕСМ станува јасно дека обвинителите Абази и Коларевиќ повеќе се занимавале со земање на изјави од некомпетентни лица наместо да истражуваат сериозно и да обезбедат докази за оваа набавка на мазут скапа 167 милиони евра – рече Милошоски.

Тој додаде дека може да се заклучи дека обвинителите биле селективни и воопшто не ги прочитале извештаите на релевантните органи како што се Државниот завод за ревизија и слични на нив.

– Државниот завод за ревизија во 2024 година утврдил дека при оваа милионска набавка се испорачувал мазут од различен добавувач од оној којшто бил утврден во договорот на ЕСМ, ТЕЦ Неготино и добавувачот и второ, стручни лица од ЕСМ утврдиле дека мазутот бил со голем број на нечистотии коишто предизвикувале дефекти во мазутната станица на ТЕЦ Неготино.

И покрај ваквата утврдена лоша состојба и квалитет на мазутот, сепак ТЕЦ Неготино склучил анекс за да може овој скап договор да ја достигне сумата од 167 милиони евра. Но очигледно е дека ваквите извештаи на Државниот завод за ревизија не биле забележани од Абази и Коларевиќ коишто поголемо внимание посветувале на изјави коишто им одговараат од некомпетентни лица наместо да ги земат во предвид релевантните извештаи коишто даваат сериозни индиции дека овој скандал вреден 167 милиони евра е поврзан и со направена штета во ТЕЦ Неготино, но исто така и со перење на пари и стекнување на противправна имотна корист.

За Абази и Коларевиќ сметаме дека не се достојни на функцијата да бидат во Јавното обвинителство за гонење на криминал и корупција, затоа што и двајцата имаат свои лични, семејни или политички долгови за нивниот кариерен напредок, а истите се поврзани со политичките партии ДУИ и СДСМ. Овој јавнообвинителски тандем Абази и Коларевиќ повеќе е приврзан за нивните ментори Заев, Ахмети и Венко Филипче отколку што е посветен на владеењето на правото и гонењето на организиран криминал и корупција. Со вакви обвинители осомничените како Васко Ковачевски, Јахоски, Сулкоски, Капушевски, Адријан Муча и други секогаш ќе бидат слободни луѓе, наместо да бидат изведени при лицето на правдата – рече Милошоски.

Тој уште еднаш го повика Советот на јавни обвинители да се позанимава со овој случај, да го истражи постапувањето на Абази и на Коларевиќ и да утврди кои намерни или ненамерни пропусти се направени, при носењето на одлуката да биде прекината истрагата за случајот „мазут за ТЕЦ Неготино“.

– Истовремено сакаме да им порачаме дека нивната лукративна одлука или политички инспирирано решение да ја запрат истрагата нема да ја сокрие вистината и сите факти поврзани со овој скандалозен тендер ќе излезат на виделина. Сакале тоа да го направат или не сакале Абази и Коларевиќ. Сепак, мислиме дека јавноста ја заслужува вистината, а секој којшто бил инволвиран и има сомнежи за висок криминал и корупција заслужува да биде процесуиран и неговата невиност или вина да биде докажувана пред суд – рече Антонио Милошоски.

The post АБАЗИ И КОЛАРЕВИЌ НАМЕРНО ГИ ИСПУШТИЛЕ РЕВИЗОРСКИТЕ ИЗВЕШТАИ ЗА СЛУЧАЈОТ „МАЗУТ” Во нив е утврдена штетноста на мазутот набавен за „ТЕЦ Неготино“ appeared first on plusinfo.mk.

АД ЕСМ најостро и во целост ги отфрла наводите изнесени во денешното соопштение на политичката партија Левица. Станува збор за крајно невистинити, лажни и тенденциозни конструкции кои немаат допирна точка со реалноста, туку служат исклучиво за евтин политички маркетинг и манипулација со јавноста, реагира ЕСМ во соопштение.

„Најмногу зачудува фактот што Левица, во својата желба за собирање политички поени, си зема за право веќе да го затвори случајот кој сè уште е во тек. АД ЕСМ веднаш по објавувањето во медиумите на исходот од постапката во ОЈО ГОКК, формираше стручен правен тим кој интензивно работи на подготовка на Приговор до Вишо јавно обвинителство Скопје и барање за Контрола до Републичкото јавно обвинителство“ – се вели во соопштението на ЕСМ.

Претходно Левица во соопштение обвини дека во запирањето на постапката за криминал при набавните на мазут во ТЕЦ Неготино од страна на Обвинителството за гонење организиран криминал и корупција, клучниот елемент било токму ЕСМ кое не доставило доказ дека компанијата не претрпела никаква штета.

Според Левица, претставници на АД ЕСМ (овластени од директорот Лазо Узунчев) и претставници на ТЕЦ ‘Неготино’ (овластени од директорот Александар Галапчев) на записник во обвинителството изјавиле дека „постапките се спроведувале согласно правилата, дека немало проблеми во динамиката на испорака и дека договорите биле целосно испочитувани.”

Со ова, според Левица, претставниците на ЕСМ под раководство на Узунчев не само што не пријавиле штета врз државното претпријатие, туку директно сведочеле во корист на спорните договори и набавки.

ЕСМ категорично ги негира овие тврдења во своето соопштение:

„Компанијата тврди, и истото ќе го потенцира во Приговорот – дека постапувачката обвинителка паушално го спровела вештачењето на доказите од кривичната пријава и неосновано ги искривила исказите на инженерите пратени на барање на Обвинителството за да ги образложат од технички аспект механизмите на спроведување на спорната набавка, како изговор за прекин на постапката. Во овој контекст, јасно укажуваме дека лицата повикани во предистражната постапка не биле ниту овластени, ниту компетентни, а најмалку одговорни да даваат коментари за евентуална финансиска штета. Нивната улога согласно барањето на Обвинителката – била единствено да ги образложат техничките процеси при набавката на мазутот и реализацијата на планот за производство на електрична енергија во ТЕЦ Неготино.

Видно од наредбата за запирање на истражната постапка, на овластените технички лица од АД ЕСМ, иако некомпететни во економската област – не им било предочено ниту биле запознаени со вештиот наод и мислење во економската област, иако истиот бил составен пред распитот. На вкрстени прашања од правните застапници на осомничените за време на распитот, техничките лица на АД ЕСМ само констатирале дека вкупните количини на произведена електрична енергија, заклучно со април 2023 година, одговарала на потрошената количина мазут во ТЕЦ Неготино и во тој поглед техничките лица само констатирале дека не била нанесена штета врз планот за производство, без да се елаборира дали потрошената количина била согласно тендерските услови и договорот.

Токму тие технички искази сега се злоупотребуваат за спинување и правдање на Обвинителката дека наводно, Наредбата за запирање на постапката била резултат на изјавата од АД ЕСМ, дека немало настаната материјална штета.

Со тоа всушност, Обвинителството го потврдува вештиот наод и мислење од економско-финансиска област, поклонувајќи верба на искази на некомпетентни лица во областа, наместо вештиот наод и мислење да го достави до АД ЕСМ како оштетена страна за да може Компанијата преку своите компетентни лица во областа – да се произнесе по истиот.

АД ЕСМ, како директно оштетена страна, во ниту еден момент не беше повикана од ОЈО ГОКК официјално да се произнесе врз основа на своите прецизни финансиски анализи, за реалната штета поради која и беше почната постапката.

Напротив, направена е суштествена повредена на постапката бидејќи вештите наоди и мислења никогаш во текот на постапката не биле доставени до АД ЕСМ од страна на Обвинителството, туку биле доставени дури по запирање на постапката.

Од тука, срамен е обидот на Левица да гради политичка конструкција врз основа на паушални аргументи искористени како правдање од Обвинителството за стопираната постапка, да пласира дновно-популистички напади и обвинување кон раководството на Компанијата. Апелираме до сите политички субјекти да се воздржат од коментари и заклучоци, за предмет кој сè уште не е правно завршен. АД ЕСМ останува на линија на законот и со сите можни законски алатки ќе се бори за правда и надомест за претрпена финасиска штета.

Очекуваме праведна разрешница на предметот, во најкраток можен рок по прифаќањето на нашиот Приговор.“

ИЗЈАВАТА ДЕКА ЕСМ НЕ Е ОШТЕТЕНО ВО СЛУЧАЈОТ „ТЕЦ НЕГОТИНО“ НЕ ЈА ДАЛ ГЕНЕРАЛНИОТ ДИРЕКТОР!? Наместо него изјави дале помошник директор и советник

The post ЕСМ НИКОГАШ НЕ РЕКЛО ДЕКА НЕМАЛО ШТЕТА ОД СПОРНАТА НАБАВКА НА МАЗУТ ЗА ТЕЦ НЕГОТИНО Обвинителката ги искривила техничките објаснувања од инженерите appeared first on plusinfo.mk.

ДКСК не е надлежна да се меша во работата на Обвинителството, рече денеска претседателот на Државната комисија за спречување на корупцијата (ДКСК), Адем Чучуљ, во врска со одлуката на Јавното обвинителство за запирање на истрагата околу набавките на мазут за ТЕЦ Неготино.

Чучуљ укажа на потребата од поголема соработка меѓу двете институции, ДКСК и Обвинителството.

– Не би ја коментирал одлуката на Јавното обвинителство за случајот со мазутот, имајќи предвид дека Државната комисија не е надлежна да се меша во работата на Обвнителството. Ние сме на став дека треба да има поголема соработка на ваквите тела, како Комисијата со Обвинителството, особено и во фазата на подготвување на иницијативите, за тие да бидат поиздржани – истакна Чучуљ, одговорајќи на новинарско прашање, дали е изненаден од ваквата одлука на Обвинителството.

И во врска со иницијативата на ДКСК за случајот со мазутот која беше отфрлена, Чучуљ потенцира дека таква е одлуката на Обвинителството.

– Тоа е одлука на Обвинителството, а и иницијативата беше од претходниот состав на ДКСК. Не би се впуштал да ја коментирам одлуката на Обвинителството – нагласи претседателот на Државната комисија за спречување на корупцијата.

The post ЧУЧУЉ НЕ ЈА КОМЕНТИРА ОДЛУКАТА НА ЈО ЗА ТЕЦ НЕГОТИНО Антикорупциска побара подобра координација со Обвинителството appeared first on plusinfo.mk.

Досега, во македонското правосудство и обвинителство, не е забележан случај на ваков тежок милионски сомнеж за криминал, којшто се наоѓал во ЈО ГОКК, и е од висок јавен интерес да биде затворен, пред да биде доставен во судот, рече Антонио Милошоски, член на Извршниот комитет на ВМРО-ДПМНЕ и пратеник.

Ислам Абази тврди дека не вршел никакво влијание врз никој обвинител да се донесе ваква одлука за запирање на гонењето на овој сомнеж за криминал од 167 милиони евра.

– Ислам Абази лаже, затоа што како шеф на ЈО ГОКК, надлежен е еднаш неделно да добива брифинг од подредениот обвинител, за ваквите крупни случаи, а исто така овластен е доколку некој понизок обвинител реши дека не сака, или смета, дека нема основ ваков случај да се води, Ислам Абази може да одлучи, случајот да продолжи да се гони, или да го предаде во надлежност на друг обвинител. Наместо да го направи тоа, Ислам Абази, дал согласност овој тежок 167 милиони евра случај да се затвори, и наместо да биде обвинител којшто ќе гони организиран криминал и корупција, Ислам Абази си ја препишал улогата на судија, да го затвори случајот, пред истиот да влезе во судските процедури – рече Милошоски.

Според него, секогаш обвинителството одлучувало доказите што ги има да ги презентира во обвинителен акт, а потоа на судските органи да им овозможи да ја донесат конечната одлука, а на обвинетите да им овозможи да докажуваат дали се невини или на обвинителството да докаже дали се виновни.

– Затоа сметаме, дека овој пат Ислам Абази, многу очигледно е дека одлуката за затворање на овој случај Мазут, ја донел врз основа на лукративно политички основи, а не на правни или обвинителски аргументи. Зошто Ислам Абази е противречен? Затоа што пред една година, обвинителството коешто го води тој, побара притвор за четири лица осомничени во овој случај, и сметаше дека овие четири притворени лица можат да се дадат во бегство или да извршат влијание врз сведоци. Во исто време, Васко Ковачевски, веќе беше во бегство. Како може истото обвинителство кое што барало притвор за четири лица од случајот Мазут, тежок 167 милиони евра, денес да тврди дека нема основ за да се продолжи овој предмет. Со вакво постапување, обвинителот Ислам Абази, ќе го претвори ЈО ГОКК во обвинителство за извинување на осомничените за тежок криминал, и за плаќање на обесштетување за тоа што биле во притвор. Но на крајот, обесштетувањето кое што ќе треба да им се плати на Асмир Јахоски, на Ардијан Муча, на Ерџан Сулкоски и на Ратко Капушевски, нема да го плати ниту Ислам Абази, ниту неговите ментори Ахмети, Заев и Филипче, туку ќе го плати државниот буџет – рече Милошоски.

Тој повторно побара оставка од Абази од шеф на ОЈО ГОКК, бидејќи како што рече, Абази ги прогласил за невини сите, без да почне судскиот процес, каде што може и обвинетите и обвинителството да се докажуваат.

The post АБАЗИ ГИ ПРОГЛАСИ ЗА НЕВИНИ ЈАХОСКИ, КАПУШЕВСКИ И КОВАЧЕВСКИ Милошоски вели дека обештетувањето за притворот ќе треба да им го плати државата appeared first on plusinfo.mk.

Над 50 илјади евра досега се потрошени за истражната постапка за набавките на мазут за ТЕЦ Неготино, информираше обвинителката Катерина Коларевиќ на денешен брифинг.

Шефот на Основното јавно обвинителство за гонење организиран криминал и корупција, Ислам Абази, изјави дека ниту како јавен обвинител, ниту како раководител, не вршел притисок или влијание врз обвинителите во предметите по кои постапуваат.

– Јас ни како обвинител, ни како виш, на ниеден обвинител не сум му сугерирал, ниту пак сум ја загрозил неговата самостојност. На ниеден јавен обвинител не сум вршел притисок или влијание да донесе каква било одлука – изјави Абази на брифинг со новинари, одговарајќи на обвинувањата што претходно ги упати ВМРО-ДПМНЕ.

Обвинувањата од Милошоски

Реакцијата на Абази следува по прес-конференцијата на Антонио Милошоски, кој обвини дека раководителот на ОЈО ГОКК донел, како што рече, „контроверзна наредба“ за запирање на постапката за набавките на мазут за ТЕЦ Неготино, вредна 167 милиони евра.

Милошоски тврдеше дека Абази постапувал под политичко влијание и дека со одлуката од одговорност биле ослободени лица блиски до партии од поранешната власт.

Според него, без обвинение останале поранешниот директор на ЕСМ, Васко Ковачевски, кој е во бегство, како и бизнисмените Асмир Јахоски и Ратко Капушевски.

Тој ја доведе во прашање и одлуката обвинителството да не го третира бегството на Ковачевски како дополнителна индиција во предметот, оценувајќи дека со тоа била нарушена довербата во правосудството.

Обвинителството ја запре истрагата

Во меѓувреме, Основно јавно обвинителство за гонење организиран криминал и корупција официјално соопшти дека по едногодишна истражна постапка е донесена наредба за запирање на истрагата за набавките на мазут за ТЕЦ Неготино.

Од обвинителството наведуваат дека од прибраните докази не било утврдено дека осомничените ги сториле кривичните дела што им се ставале на товар, ниту дека постои друго кривично дело што се гони по службена должност.

– Од прибраните докази не се утврди дека осомничените ги сториле кривичните дела што им се ставаа на товар, ниту е утврдено постоење друго кривично дело што се гони по службена должност – се наведува во соопштението.

Што покажала истрагата

Според ОЈО ГОКК, во текот на постапката биле анализирани обемна документација, финансиски и договорни документи, вештачења и искази на сведоци од АД ЕСМ, ТЕЦ Неготино и економски оператори со лиценца за трговија со мазут.

Обвинителството оценило дека набавките биле спроведувани во услови на прогласена енергетска криза и согласно законските исклучоци од Законот за јавни набавки, со цел да се обезбеди непречено производство на електрична енергија.

– Истрагата утврди дека постапките биле спроведувани транспарентно. ЕСМ имало цел да ги вклучи сите оператори што поседувале лиценци за трговија со мазут, во интерес на побрза испорака – наведуваат од обвинителството.

Од таму додаваат дека дел од компаниите не учествувале во постапките поради деловни и економски проценки, високите количини, потребните банкарски гаранции и ризиците на тогашниот енергетски пазар.

Нема утврдена штета

Во образложението се наведува дека мазутот бил навремено и континуирано испорачуван и дека во критичниот период немало рестрикции во снабдувањето со електрична енергија.

Обвинителството тврди дека не е утврдена штета ниту за АД ЕСМ, ниту за државниот буџет.

– Напротив, од доказите произлезе дека измените на годишниот план за јавни набавки и склучувањето на анексите биле спроведени со одлуки на надлежните органи на АД ЕСМ, со цел обезбедување доволни количини мазут за непречено функционирање на ТЕЦ Неготино – посочуваат од ОЈО ГОКК.

Во однос на сомнежите за перење пари, обвинителството заклучува дека исплатените средства не претставуваат противправно стекната имотна корист и дека трансакциите не можат да се третираат како перење пари или прикривање незаконски стекнати средства.

Осомничените остануваат на слобода

Со запирањето на истрагата, без обвинение останаа Јахоски, сопственик на Пуцко Петрол, и Капушевски, сопственик на РКМ, кои беа меѓу главните осомничени во предметот вреден 167 милиони евра.

Јахоски во текот на постапката беше во притвор, а подоцна се бранеше од слобода со гаранција од над два милиони евра, додека Капушевски цело време се бранеше од слобода.

Истрагата опфати вкупно 13 лица, меѓу кои и Ковачевски, како и повеќе поранешни функционери и службени лица од енергетскиот сектор.

По донесената наредба за запирање на постапката, сите осомничени остануваат на слобода, а оштетеното правно лице има право на приговор до Вишото јавно обвинителство во Скопје во рок од осум дена.

The post НЕ СУМ ВЛИЈАЕЛ НА НИТУ ЕДЕН НАЧИН ВРЗ СЛУЧАЈОТ „МАЗУТ ЗА ТЕЦ НЕГОТИНО“ Абази ги отфрла обвинувањата од Милошоски appeared first on plusinfo.mk.

По спроведена едногодишна истражна постапка, предметниот јавен обвинител од Основното јавно обвинителство за гонење организиран криминал и корупција донесе наредба за запирање на истрагата во предметот поврзан со набавките на мазут за потребите на ТЕЦ Неготино.

Јавното обвинителство соопшти дека од прибраните докази не се утврдило дека осомничените ги сториле кривичните дела што им се ставаа на товар, ниту е утврдено постоење на друго кривично дело што се гони по службена должност.

„Предмет на истрагата беше постоење на основано сомнение дека во постапките за набавка на мазут за потребите на ТЕЦ Неготино, спроведени во услови на енергетска криза, биле сторени злоупотреби при јавните повици, незаконито склучување договори и анекси, како и перење пари и други приноси од казниво дело.

Во текот на постапката е анализирана обемна материјална документација, финансиски и договорни документи, вешт наод и мислење, како и искази од повеќе сведоци, претставници на АД ЕСМ, ТЕЦ Неготино, како и претставници на економските оператори кои во критичниот период имале лиценца за трговија со течни горива-мазут. Од доказите произлезе дека предметните постапки за набавка на мазут се спроведувани во услови на прогласена енергетска криза од страна на Владата на РСМ и согласно законските исклучоци предвидени во член 23 од Законот за јавни набавки, со цел обезбедување непречено производство на електрична енергија.

Истрагата утврди дека постапките биле спроведувани транспарентно. ЕСМ имало за цел да ги вклучи сите оператори што имале лиценци за трговија со мазут во интерес на побрзо испорачување на мазутот, при што биле контактирани сите економски оператори кои поседувале лиценца и тоа во дел од јавните повици со известување биле повикани да учествуваат, а во дел јавните повици биле објавени и во дневни весници. Од исказите на претставници на економски оператори произлезе дека дел од компаниите не учествувале во постапките поради деловни и економски проценки, односно поради високите количини, потребните банкарски гаранции и ризиците поврзани со тогашната состојба на енергетските пазари.

Во однос на динамиката на испорака на мазутот, од прибраните докази, документацијата и исказите на претставници на АД ЕСМ и ТЕЦ Неготино произлезе дека мазутот бил континуирано и навремено испорачуван согласно потребите на термоелектраната, при што во ниту еден момент не бил доведен во прашање процесот на производство на електрична енергија. Согласно доказите, во критичниот период не постоеле рестрикции во снабдувањето со електрична енергија, а производството во ТЕЦ Неготино овозможило обезбедување електрична енергија по значително пониски цени од цените на слободниот пазар.

Во постапката не е утврдено ниту дека со склучените договори и анекси била предизвикана штета на АД ЕСМ или на Буџетот на државата. Напротив, од доказите произлезе дека измените на годишниот план за јавни набавки и склучувањето на анексите се спроведени со одлуки на надлежните органи на АД ЕСМ, со одлуки на Управен одбор, а потврдени со одлуки на Надзорниот одбор на ЕСМ, со цел обезбедување доволни количини мазут за непречено функционирање на ТЕЦ Неготино.

Во однос на сомневањата за перење пари, истрагата утврди дека средствата исплатени по основ на реализираните договори не претставуваат противправно стекната имотна корист, односно не се приноси од кривично дело. Оттука, финансиските трансакции, исплатите, купувањето имот и префрлањето средства меѓу сметки не можат да се сметаат за дејствија на перење пари или прикривање незаконски стекнати средства.

Со оглед дека од сите прибрани докази не произлегува основано сомнение дека осомничените сториле кривични дела кои се гонат по службена должност, донесена е Наредба за запирање на истражната постапка. Против ваквата одлука на обвинителството оштетеното правно лице има право на приговор до Вишото јавно обвинителство Скопје во рок 8 дена од денот на приемот на наредбата за запирање на истражната постапка – се вели во соопштението на Јавното обвинителство.

Јавното обвинителство за организиран криминал и корупција во март 2025 година, по предистражна постапка иницирана од Антикорупциската комисија, започна истрага против 13 физички лица и едно правно лице поврзани со набавките на мазут за ТЕЦ Неготино.

Истрагата опфаќаше период од 2021 до 2023 година, кога двајца осомничени, основачи и управители на правно лице, заедно со вработени во АД Електрани на Северна Македонија, наводно спровеле незаконски набавки на мазут за ТЕЦ Неготино, при што наводно предизвикале штета од 167.549.985 евра.

Со истрагата беа опфатени компанијата „РМК“, нејзините сопственици Ратко Капушевски и Ерџан Сулкоски, како и Асмир Јахоски од „Пуцко Петрол“ (син на пратеникот на ДУИ Исмаил Јахоски), поранешниот директор на ЕСМ Васко Ковачевски и други функционери.

ОБВИНИТЕЛСТВОТО ТВРДИ ДЕКА ДРЖАВАТА НЕМАЛА ШТЕТА ОД НАБАВКИТЕ НА МАЗУТ ЗА ТЕЦ НЕГОТИНО, ТУКУ КОРИСТ За истрагата потроши 50.000 евра и не најде докази за злоупотреби

The post ЈАХОСКИ, КАПУШЕВСКИ И КОВАЧЕВСКИ НЕМА ДА ОДГОВАРААТ ЗА НАБАВКИТЕ НА МАЗУТ Обвинителството ја запре постапката appeared first on plusinfo.mk.

Македонија има апсолутно доволно гориво и не размислува да ја ограничи продажбата, иако и луѓе од соседството точат бензин на нашите пумпи, рече денеска премиерот Христијан Мицкоски. Подмирени се и потребите за струја, но, сепак е можно повлекување мазут од државните резерви.

Како што напомена Мицкоски одговорајќи на новинарски прашања по тркалезната маса во Уставниот суд, за околу 10 отсто вкупно е зголемен конзумот на гориво во земјава. Нафтоводот е во целосна функција, што претставува дополнителна сигурност, складовите се полни согласно закон, а државните резерви се околу шеесетина дена.

Премиерот додаде и дека, според негова информација, дека дел од околните аеродроми се снабдуваат со керозин од кај нас.

Од земја што коленичеше и молеше, Македонија, потенцира Мицкоски, станува држава што генерира стабилност во регионот.

– Имаме апсолутно доволно количини гориво за потребите на граѓаните и бизнисот. Зголемен е конзумот во одредени погранични области, со Албанија, Косово, Србија и Грција, вкупниот конзум е зголемен за околу 10 отсто. Граѓани од соседите тука точат гориво, зашто кај нас цената е во некои случаи и до половина евроценти за литар поевтина. За разлика од минатото кога, како земја коленичевме и молевме за помош, сега сме ние тие коишто генерираат стабилност и даваат помош. Сакам да кажам дека и нафтоводот е во целосна функција, односно цевката е полна, што претставува дополнителна сигурност, складовите се полни согласно закон, државните резерви се околу шеесетина дена, така што во овој момент, апсолутно нема никаква потреба од таква мерка. И не само со дизел горивата и со бензините безоловни со 95 и 98 октани, информиран сум дека и дел од околните аеродроми се снабдуваат со керозин од ОКТА, односно од кај нас. Така што од земја која, ќе повторам, коленичеше и молеше, стануваме земја што генерира стабилност во регионот, се разбира предизвици има и ќе има. И тие предизвици ние ќе ги решаваме. Но она коешто е најважно и ни е приоритет, а тоа е дека како држава имаме најниска цена за горивата за нашите граѓани и најниска цена за горивата за бизнисот – истакна премиерот.

На прашањето дали се размислува да се одврзат резервите на мазут за производство на струја, тој одговори потврдно.

– Во овој момент размислуваме, но добивме и информација дека оние количини што требаше да се повлечат на крајот од минатата година, кога беше прогласена кризна состојба, околу 3.000 тони, не се целосно повлечени. Така што, можеби ќе ја оживееме таа одлука, да се повлечат тие количини, па потоа евентуално би оделе со нова одлука. Денеска сум информиран од директорот на АД ЕСМ дека не само што ги задоволуваат потребите на граѓаните и конзумот, туку и продаваат навечер, со што имаме дополнителни приходи од страна на потрошувачите – потенцира Мицкоски.

The post ИМАМЕ ДОВОЛНО ГОРИВО И СТРУЈА, ОКОЛНИ АЕРОДРОМИ КУПУВААТ КЕРОЗИН КАЈ НАС Мицкоски најави повлекување мазут од државните резерви appeared first on plusinfo.mk.

Владата донесе две клучни мерки за ублажување на ценовниот притисок врз граѓаните и компаниите – намалување на ДДВ за нафтените деривати и ослободување на количини на мазут од државните резерви, информира премиерот Христијан Мицкоски на прес-конференција по владината седница.

Со цел ефикасно спроведување на мерките, Владата прогласи кризна состојба на целата територија.

– Со намалувањето на ДДВ-то од 18 на 10 отсто, почнувајќи од понеделник на полноќ, цената на горивата ќе се намали за 6 до 7 денари по литар, нагласи Мицкоски.

Премиерот посочи дека без интервенција на Владата, Регулаторната комисија веќе во понеделник би донела одлука за ново поскапување на дизелот за 10,5 денари и на безоловните горива за 6 денари по литар.

– Мерките се директен одговор на реалните потреби на граѓаните и компаниите. Намалувањето на даноците веднаш ќе донесе пониски цени на горивата и ќе ја прекине ланецот на поскапувања низ целата економија – истакна Мицкоски.

Премиерот додаде дека Владата ќе продолжи со засилени контроли на пазарот и нема да дозволи злоупотреби, вештачко зголемување на цените или брза заработка на грбот на граѓаните.

– Македонија не е исклучок од глобалната криза. Ценовните шокови кај горивата се глобален феномен, но државата има едни од најниските цени на дериватите во регионот – потенцира Мицкоски.

The post ДДВ ЗА ГОРИВАТА ОД 18% НА 10% Од понеделник на полноќ цените во рикверц за 6 до 7 денари? appeared first on plusinfo.mk.