Сообраќајот на државните патишта се одвива непречено по претежно влажни коловози. Поради појава на магла се бележи намалена видливост на планинскиот премин Плетвар до 100 метри, Крушево и Стража до 50 метри, Маврово до 40 метри, патен правец Штип – Неготино (кај Серта) до 50 метри и на патниот правец Тетово – село Лисец до 30 метри, соопшти вечерва АМСМ.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на постѕуавената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во сила е законската обврска за задолжително поседување на зимска опрема во возилата.

The post МАГЛА ГИ ПОКРИ ПЛЕТВАР, СТРАЖА, МАВРОВО Намалена видливоста кај Штип-Неготино, Тетово-Лисец и кај Крушево appeared first on plusinfo.mk.

Сообраќајниот метеж и блокадите што со години се повторуваат во зимските туристички центри Маврово и Попова Шапка, годинава треба да се спречат со засилени полициски мерки и поинаков режим на движење. Од СВР Тетово информираат дека и оваа сезона се применува кружен тек на сообраќај, со цел да се избегнат застои и целосно блокирање на патиштата.

Сепак, најголем проблем и понатаму се несовесните возачи кои не ги почитуваат правилата, како и возилата паркирани покрај коловозот. Токму таквото паркирање, велат од полицијата, го оневозможува чистењето на снегот и на одредени делници кон Маврово и целосно го укинува двонасочниот сообраќај.

Пред почетокот на зимската сезона, СВР Тетово одржала повеќе средби со сопственици и менаџери на хотели и угостителски објекти во Маврово и на Попова Шапка. На нив им било укажано да преземат мерки за безбедноста на гостите, но и да обезбедат доволен број паркинг места за посетителите, за да се избегне хаосот на патиштата.

Од полицијата потсетуваат дека во минатите години честопати биле принудени дополнително да ангажираат полициски службеници од други подрачја, кои рачно го регулирале сообраќајот и ги расчистувале блокадите. За да не се повтори тоа сценарио, граѓаните се повикуваат строго да ги почитуваат сообраќајните правила, да не паркираат на коловоз и да не тргнуваат кон планинските центри без задолжителна зимска опрема.

Во случај возилата да го попречуваат сообраќајот, ќе бидат ангажирани и пајак-службите од Тетово и Гостивар, а прекршителите ќе бидат санкционирани согласно законот.

Од СВР Тетово порачуваат дека само со одговорно однесување може да се обезбеди безбедно и непречено движење за сите посетители на зимските туристички центри.

The post 📽️ 📷 СТРОГ РЕЖИМ ВО МАВРОВО И НА ПОПОВА ШАПКА Кружен сообраќај и казни за несовесни возачи appeared first on plusinfo.mk.

Со снежните врнежи кои пристигнаа во нашата земја, започна ски сезоната скоро насекаде. Според најавите на Ски центарот Маврово, благодарение на снегот од денеска, 13 јануари, почнува ски сеозната и таму.

The post „СЕ ГЛЕДАМЕ НА СТАЗИТЕ“ Ски центарот Маврово од денеска достапен за скијачите appeared first on plusinfo.mk.

Товарните возила повторно може да се движат по регионалниот пат Маврово – Дебар, откако забраната воведена поради снег е укината денес точно во 12:40 часот.

„Забраната за движење на товарни моторни возила на регионалниот пат Маврово – Дебар е укината од 12:40 часот“, соопшти АМСМ.

The post УКИНАТА ЗАБРАНАТА ЗА ТОВАРНИ ВОЗИЛА КАЈ МАВРОВО-ДЕБАР Автомото сојузот ја следи ситуацијата на терен appeared first on plusinfo.mk.

Утрово на Попова Шапка е најстудено, – 4 степени и има најмногу снег, 26 сантиметри.

Како што информира УХМР, висината на снежната покривка е 16 сантиметри во Лазарополе, 12 во Маврови Анови, шест во Ѓуриште и три сантиметри во Дебар.

До 8:30 часот се измерени -2 степени во Маврови Анови и во Лазарополе, 0 во Крушево, 1 во Тетово, 2 во Крива Паланка, Прилеп, Виница и во Штип, 3 во Скопје-Петровец, Скопје-Зајчев Рид, Куманово, Велес, Битола, Претор, Кавадарци, Берово, 4 во Демир Капија и Струмица и 5 во Гевгелија.

Најмногу врнежи изминатите 24 часа до 8 часот имало во Струмица, 52 литри на метар квадратен, во Гевгелија 51, 50 во Демир Капија, 47 во Скопје-Петровец, 46 во Тетово, 45 во Пожар-Радовиш, 40 во Пожаране, 37 во Виница, 35 во Ѓуриште, 34 во Крива Паланка и Маврови Анови, 33 во Попова Шапка, 32 во Штип, 31 во Велес, 30 во Тополчани, 28 во Скопје-Зајчев Рид и Битола, 25 во Прилеп, 23 во Крушево и Берово, 22 во Претор и Куманово и 18 во Лазарополе.

Според УХМР, времето денеска ќе биде променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Максималната температура ќе биде во интервал од 3 до 11 степени.

Во Скопје, облачно и студено, претпладне со повремени врнежи од дожд, а на повисоките делови од котлината со повремен дожд и снег. Ќе дува засилен ветер од северен правец. Максималната температура ќе достигне до 7 степени.

The post 26 САНТИМЕТРИ СНЕГ НА ШАПКА, 12 НА МАВРОВО Вистинска зима на планините, но и во Крушево, Тетово, Прилеп… appeared first on plusinfo.mk.

Од 22:50 часот е воведена забраната на патниот правец Гостивар – Кичево преку планинскиот превој Стража во двата правци, а од 23 часот и на патниот правец Маврово – Дебар.

The post СНЕГ ЈА ЗАФАТИ ЗАПАДНА МАКЕДОНИЈА Забрана за камиони на Стража и на патот Маврово-Дебар appeared first on plusinfo.mk.

Се известуваат сите сопственици на возила на патниот правец скијачки центар Маврово – Бунец преку Никифорово и Леуново да ги отстранат возилата поради непречено работа на екипите на ЈП „Македонијапат“.

Од јавното претпријатие инфомираат дека забраната за сообраќај за тешки товарни возила на планинскиот премин Ѓавато се укинува во 10.30 часот, како и оти во 09.25 часот била укината забраната за сообраќај за тешки товарни возила преку планинскиот премин Пресека.

СО ЧАСОВИ СЕ ЗАГЛАВЕНИ НА СТУДОТ Колони возила не можат да се вратат од Маврово

The post ДА СЕ ТРГНАТ СИТЕ ВОЗИЛА НА ПАТОТ МАВРОВО-БУНЕЦ! Македонија пат ќе го чисти снегот appeared first on plusinfo.mk.

„Фотографииве се тазе, денешни, вечерашни, сакаш да се вратиш во викендичка, ама те пренасочуваат да се враќаш од кај Леуново и Никифорово, цел круг околу езерото, оти нормални услови за движење од другата страна нема. Колоната е километарска, во недоглед, стоиш во место и не знаеш зошто? Ова го нема никаде, само овде кај нас, оти за жал системот не функционира како што треба“, велат во објавите на социјалните мрежи.

Освен студот, стравуваат дека ќе останат без бензин затоа што ги пренасочуваат од кај селата Леуново и Никифорово, треба да направат цел круг околу езерото, бидејќи велат дека нема услови за движење од другата страна.

Доцна вечерва беше соопштено дека редиците колони започнале да се движат и дека набргу ќе се реши колапсот во сообраќајот.

The post СО ЧАСОВИ СЕ ЗАГЛАВЕНИ НА СТУДОТ Колони возила не можат да се вратат од Маврово appeared first on plusinfo.mk.

Револт и нервоза меѓу скијачите од Македонија и регионот кои решија денеска да го минат денот на ски терените на Бистра.

Редот за купување на ски билети е долг стотина метри и во него чекаат стотина луѓе, пренесува Експрес.мк

Очевидец кој веќе 40 минути е во редот и кому му требаат уште дваесетина минути да дојде до шалтерот за карти вели дека ваква лоша организација не видел никаде а ги има поминато речиси сите регионални балкански и голем број ски центри во Европа.

Катастрофалната организација на ски центарот е дополнета со фактот што денеска воопшто не е можно да се купат ски карти онлајн.

The post СЕ ЧЕКА ПО ЕДЕН ЧАС ДА СЕ КУПИ СКИ КАРТА Редици скијачи не можат да дојдат до терените на Бистра appeared first on plusinfo.mk.

Како што наведуваат во кусото соопштение, забраната за сообраќај на тешки товарни возила на патниот правец Гостивар – Кичево е укината во 21.05 часот, додека на патниот правец Маврово – Дебар во 20.40 часот.

• СНЕГОТ ГИ БЛОКИРАШЕ ПАТИШТАТА НИЗ МАКЕДОНИЈА Камиони заглавени на Стража, сообраќајка кај Буково, превртен автомобил кај Маврово

– Забраната за сообраќај за тешки товарни возила на патниот правец Гостивар – Кичево преку планинскиот превој Стража се укинува во 21.05; Забраната за сообраќај за тешки товарни возила на патниот правец крак Маврово – Дебар се укинува во 20.40 – стои во соопштенијата на ЈП „Македонија пат“.

Од Јавното претпријатие „Македонија пат“ информираат дека се воведува забрана за сообраќај за тешки товарни возила на патниот правец Крива Паланка – граничен премин Деве Баир.

Како што наведуваат во кусото соопштение, поради врнежите од снег од 19.45 часот се воведува забрана за сообраќај за тешки товарни возила.

– Од 19. 45 часот поради врнежи од снег се воведува забрана за сообраќај за тешки товарни возила на патниот правец Крива Паланка – граничен премин Деве Баир – соопштуваат од ЈП „Македонија пат“.

Сообраќајот на патниот правец Ресен – Охрид преку планинскиот превој Буково од 17:35 часот се одвива наизменично во една коловозна лента, информираат од АМСМ.

Поради сообраќајна незгода сообраќајот беше во прекин од 14:15 часот.

The post СЕ РАСЧИСТУВААТ ПАТИШТАТА НИЗ МАКЕДОНИЈА Укинати забраните за камиони на неколку превои поради снегот appeared first on plusinfo.mk.