Нова бура на социјалните мрежи предизвика видео од матурската прослава на ученици од СОЕУ „Јане Сандански“ од Битола, на кое се слушаат навредливи стихови упатени кон Скопје и кон државата.

За време на изведбата на песната „Дирлада“, матурантите пееле стихови со навредлива содржина, меѓу кои и „да го е*ам цело Скопје и вашата држава“, по што видеото брзо почна да се споделува на социјалните мрежи и предизвика бројни реакции.

Случајот дополнително ја разгоре долгогодишната нетрпеливост и ривалство меѓу дел од граѓаните на Скопје и на Битола, кое во последниот период повторно стана актуелно на интернет.

Песната „Дирлада“ неодамна беше тема на жестоки реакции и поради навредливи стихови насочени кон Каролина Гочева, по што на социјалните мрежи следуваа бројни препукувања меѓу корисници од двата града.

ВАРДАРЦИ СЛАВЕА ВУЛГАРНО, ЌЕ ОДГОВАРААТ ДИСЦИПЛИНСКИ Еве со што го навлекоа бесот на ФФМ, на министерот за спорт и на јавноста

The post 📽️ „ВОЈНА“ МЕЃУ СКОПЈЕ И БИТОЛА Битолчани возвратија за навредите упатени кон Каролина Гочева appeared first on plusinfo.mk.

15-годишната девојка била дислексичар со Аспергеров синдром, односно не била со заостанат развој, туку само имала тешкотии да научи да чита и тешкотии во комуникацијата со другите луѓе, а тоа било доволна причина за нејзините соученици да прават шеги на нејзина сметка и годините поминати во училиште да ѝ ги направат мизерни.

Затоа нејзината мајка стапила во акција.

– Ја исмејуваа толку многу што дури и размислуваше да изврши самоубиство минатата година, па јас навистина ja поддржав да има матурска која што нема да ја заборави – вели мајката на девојката, Кетрин Варбортон.

Кетрин го исконтактирала локалниот мото-клуб преку Фејсбук, објаснувајќи за што станува збор, со молба тие да ја испратат на матурската вечер. Таа се надевала дека ќе одговорат еден или двајца, но повикот го прифатиле стотици моторџии.

– Не можев веднаш да ја забележам Фелисити меѓу моторџиите! Тоа беше неверојатно. Се надевавме дека ќе дојдат десет моторџии, но имаше стотици. Бевме шокирани. Фелисити уживаше во секоја минута и беше неверојатно задоволна што ја почувствува поддршката од сите моторџии – рече нејзиниот очув, 45-годишниот Рич Морис.

Во понеделникот, на 6 септември, младата Варбертон имаше спектакуларен настап на матурската прославата на училиштето, а со својот чин, матурантката им покажа на малтретирачите дека има голем „грб“ позади себе и дека никој не треба ни да помисли да се шегува со неа, на тој начин таа ја доби почитта од поранешните соученици.

The post ЈА ИСПРАТИЛЕ 300 МОТОРИ НА МАТУРСКАТА ПРОСЛАВА Малтретирана девојка им покажала на соучениците дека има „грб“ appeared first on plusinfo.mk.

Славењето на матурата е посебно важна за секој матурант, за неговото семејство, за неговите најблиски. Од секогаш овој настан предизвикувал посебна возбуда кај матурантите и нивните најблиски. Важноста на настанот никој не ја оспорува. Она што загрижува е начинот на кој се прославуваат матурските вечери: се организираат автомобилски трки, се управува моторно возило без возачка дозвола, се управува моторно возило под дејство на алкохол, се беснее по улиците, се прават фотографии и видео записи и се постираат „луди Фејсбук статуси“ додека се управува со возилото. Ова, дефинитивно не е вистинскиот начин да се демонстрира матурата на дело.

Сообраќајната статистика и искуствата од минатите години покажуваат дека во деновите кога се организираат матурските прослави се зголемува бројот на сообраќајни незгоди. Голем дел од учесниците во незгодите се млади луѓе – матуранти, кои најчесто во незгодите завршуваат со тешки телесни повреди, а не ретко и го губат својот млад живот.

Неколку трагични настани од минатите години, сообраќајни незгоди со загинати и повредени матуранти ја потресоа цела држава. Дали конечно се извлечени поуки?

Одговорноста за девијантното однесување на дел од матурантите во сообраќајот е првенствено кај младите, но и кај нивните родители.

Со оглед на фактот дека овој викенд се организираат најголем број од матурските прослави во државата, РСБСП со апел, најпрвин до родителите: Постојат многу начини на кој може да им ја честитате матурата на вашите најмили. Отстапувањето на семејниот автомобил е најлошиот и најопасниот начин да им покажете на децата колку ви значи нивната матура. Не им дозволувајте на своите деца да одат на матурската прослава со семејниот автомобил, и не им дозволувајте да бидат возени од друг матурант. Грешките во сообраќајот може да бидат фатални и да се каете за сторената грешка целиот живот, но за жал тогаш ќе биде веќе премногу доцна и нема да може ништо да се промени.

Податоците на Светската здравствена организација покажуваат дека сообраќајните незгоди претставуваат една од водечките причини за смртност кај младите луѓе. Годишно, во светот, околу 400.000 млади луѓе го губат животот во сообраќајни незгоди. Тоа значи, секој ден околу 1.100 млади лица го губат животот во сообраќајни незгоди. Слични и загрижувачки се состојбите и во Република Северна Македонија.

РСБСП им ја честита матурата на сите матуранти и апелира на совесност и сериозност затоа што сообраќајот не е игра, затоа што последиците од сообраќајните незгоди се болни, трајни и не надоместливи. На матурска прослава заминете без автомобил, прославете весело, среќно и достоинствено. Среќна матура!

The post РСБСП: Родители, не им ги давајте автомобилите на матурантите! (ВИДЕО) appeared first on plusinfo.mk.