Директорот на Фондот за здравствено осигурување Сашо Клековски вечерва откри дека со германска болница во Фленсбург каде порано биле испраќани случаи за трансплантација на матични клетки се водат 11 спорови пред германските судови.

– Судските спорови на Фондот се стари и врзани се една болница во Фленсбург во Германија, каде во подамнешно минато се испраќани најчесто хематолошки случаи за трансплантација на матички клетки. Бидејќи тоа било доста редовна пракса во тоа време, не се собирале меѓусебните сметки и во еден момент Фондот прекинува да испраќа на лекување во таа болница и настануваат разлики. Со таа болница се водат 11 судски спорови во германските судови, ние ги очекуваме исходите – рече Клековски во вечерашното интервју за емисијата „Вин-Вин“ на телевизија Телма.

Минатата година имало околу 290 случаи на лекување во странство за што биле издвоени седум милиони евра.

Според него, она што недостасува во лекувањата во странство е добивање на завршно мислење од конзилиумот што ги испратил пациентите, како фидбек како е направена интервенцијата.

Во однос на можните злоупотреби со дежурствата на што претходно укажаа и министерот за здравство Азир Алиу и премиерот Христијан Мицкоски информирајќи дека лекари во јавното здравство земале месечно и до 10.000 евра плата, Клековски рече дека одговорност мора да има.

– Не може еден доктор да биде во иста ноќ дежурен и во Скопје и во Битола. Одговорност мора да има. Не може сите вработени во една установа да имаат ист број на прекувремени часови за да се постигне некое посакувано ниво на плата. Не може цел ден ништо да не работите во сала, а да се нарекувате хирург – вели Клековски.

The post ФЗО СПОРИ СО ГЕРМАНСКА БОЛНИЦА ЗА СТАРИ СЛУЧАИ Фалат сметките за трансплантации во Фленсбург appeared first on plusinfo.mk.

Нова студија од истражувачи на Универзитетот во Цирих и Универзитетот во Јужна Калифорнија покажува дека инјекциите со матични клетки би можеле да го поправат оштетувањето на мозокот предизвикано од блокирани крвни садови. Оваа терапија во иднина би можела да им овозможи на пациентите со одредени видови мозочен удар да ги вратат изгубените способности.

Користејќи глувци со оштетување на мозокот предизвикано од мозочен удар, истражувачите откриле дека инјекциите со човечки матични клетки би можеле успешно да се развијат во млади мозочни клетки.

Резултатите биле извонредни – повеќето од имплантираните клетки останале на место, развивајќи ги својствата на целосно функционални неврони и комуницирајќи со околните клетки, објавува Science Alert.

– Откривме дека матичните клетки го преживеале целиот петнеделен период на анализа и дека повеќето од нив се трансформирале во неврони, кои дури комуницирале и со постојните мозочни клетки – вели неврологот Кристијан Такенберг од Универзитетот во Цирих.

Покрај тоа, истражувачите ја набљудувале регенерацијата на крвните садови, намалувањето на воспалението во мозокот и зајакнувањето на крвно-мозочната бариера. Глувците дури покажале знаци на подобрено движење и координација, што е клучно откритие бидејќи мозочниот удар може сериозно да ја наруши моторната контрола на телото.

Новата студија, објавена во списанието „Nature“, се темели на претходни истражувања од страна на дел од истиот тим што го испитуваше оптималното време на инјектирање на матични клетки по мозочен удар. Ова ќе биде важно за развојот на терапии во реалниот свет, бидејќи се чини дека мозокот треба да се стабилизира до одреден степен по мозочниот удар за трансплантацијата да биде ефикасна.

Иако претходните студии се занимаваа со слични теми, Такенберг и неговиот тим велат дека ниту една не навлегла до ова ниво на детали. Истражувачите биле заинтересирани не само за тоа дали имплантираните клетки преживеале, туку и за тоа дали можат да формираат невролошки врски.

– Нашата анализа оди далеку подалеку од опсегот на други студии, кои се фокусираа на непосредните ефекти веднаш по трансплантацијата – вели Такенберг.

Во моментов, оштетувањето на мозокот предизвикано од мозочен удар е неповратно. Внатрешното крварење или недостатокот на кислород предизвикан од мозочен удар трајно ги уништува мозочните клетки, што може значително да влијае на говорот и движењето.

Истражувачите се надеваат дека, со текот на времето, терапијата со матични клетки би можела да се користи за поправка на она што во моментов е непоправливо. Голем број иновации веќе се појавуваат во оваа област, вклучувајќи третмани за дијабетес и губење на видот.

Дали овој пристап би можел да функционира во човечкиот мозок, останува да се види и ќе треба да се тестира во многу подолг временски период.

Остануваат многу предизвици: секоја интервенција во мозокот носи ризик од погрешен тек.

На пример, истражувачите треба да најдат начин да спречат имплантираните матични клетки да одат подалеку од нивната првобитна намена.

– Клучно е да се истражат нови терапевтски пристапи за потенцијално регенерирање на мозокот по болест или несреќа. Нашите наоди покажуваат дека невронските матични клетки не само што формираат нови неврони, туку и активираат други процеси на регенерација – вели Такенберг.

The post СО МАТИЧНИ КЛЕТКИ ЌЕ МОЖАТ ДА СЕ ПОПРАВАТ ОШТЕТУВАЊАТА НА МОЗОКОТ ПОСЛЕ ШЛОГ Новата терапија ќе им овозможи на пациентите со мозочен удар да ги вратат изгубените способности appeared first on plusinfo.mk.

Научниците од Универзитетот во Цирих направиле значаен пробив во третманот на мозочен удар – со трансплантација на невронски матични клетки, тие успеале да ги регенерираат невроните, да ги обноват моторните функции, па дури и да ги поправат оштетените крвни садови во мозокот.

Ова откритие, објавува ScienceDaily, отвора врата за терапии што наскоро би можеле да се применат кај луѓето.

Еден од четири возрасни лица доживува мозочен удар во текот на својот живот, а половина остануваат со трајни последици – парализа, оштетување на говорот или на когнитивните функции. Досега не постоеше терапија што би можела да ги регенерира мртвите мозочни клетки. Сепак, тим предводен од д-р Кристијан Текенберг и истражувачката Ребека Вебер од Институтот за регенеративна медицина на Универзитетот во Цирих покажал дека закрепнувањето е сè уште можно.

Како функционира терапијата?

Студијата користела човечки невронски матични клетки добиени од индуцирани плурипотентни матични клетки, кои можат да се произведат од обични телесни клетки. Откако предизвикале мозочен удар кај глувци, истражувачите трансплантирале матични клетки во оштетениот дел од мозокот една недела подоцна. Анализите покажале дека клетките преживеале пет недели и се развиле во неврони, воспоставувајќи комуникација со постојните мозочни клетки.

Покрај тоа, се формирале нови крвни садови, се намалило воспалението и се зајакнала крвно-мозочната бариера. Најважно од сè, животните целосно ги обновиле своите моторни функции.

Чекор поблиску до примена кај луѓето

Студијата носи уште еден важен увид: терапијата е поефикасна кога се администрира со задоцнување од една недела, отколку веднаш по мозочниот удар. Ова би можело да го олесни подготвувањето на терапијата во клиничката пракса. Истражувачите веќе развиваат безбедносни механизми што би спречиле неконтролиран раст на клетките во мозокот, како и методи за инјектирање на матични клетки преку крвните садови, што би било многу помалку инвазивно од трансплантацијата во мозочното ткиво.

Првите клинички испитувања на индуцирани матични клетки кај луѓе веќе се во тек во Јапонија, каде што се тестира нивната ефикасност во лекувањето на Паркинсонова болест. Мозочниот удар би можел да биде следната голема пресвртница.

The post МОЗОЧЕН УДАР БЕЗ ТРАЈНИ ПОСЛЕДИЦИ? Научниците успеале да обноват мозок со помош на матични клетки appeared first on plusinfo.mk.

Млада пациентка од Кина била излечена од дијабетес тип 1 со помош на матични клетки, а ова е првпат во светот научниците да успеат да го променат текот на оваа автоимуна болест.

Терапијата со матични клетки успеала да го промени текот на дијабетес тип 1 кај 25-годишна жена.

Станува збор за болест која го спречува панкреасот да произведува инсулин.

Пациентката од Тијанџин, Кина е првата личност во светот со оваа болест која ја лекувале научници од University of Alberta во Канада со помош на клетки земени од нејзиното сопствено тело.

Жената е излечена од дијабетес тип 1 и покрај тоа што примала значителни количини на инсулин

Една млада жена со дијабетес тип 1 почнала да произведува инсулин помалку од три месеци откако примила терапија со матични клетки, регенеративен лек кој користи матични клетки за лекување или превенција на болести или повреди.

Повеќе за ова прочитајте ТУКА.

The post МЛАДА КИНЕЗИНКА ИЗЛЕЧЕНА ОД ДИЈАБЕТЕС ТИП 1 По терапија со матични клетки дијабетичарка од Кина почнала да произведува инсулин appeared first on plusinfo.mk.

Липтон предавал на Медицинскиот факултет на Универзитетот во Висконсин, а подоцна спровел револуционерно истражување за матични клетки на Медицинскиот факултет на Универзитетот Стенфорд. Неговото пионерско истражување на клонирани човечки матични клетки го навести денешното ново, револуционерно поле на епигенетиката.

Повеќе за ова прочитајте ТУКА.

The post АКО НЕКОЈ ВЕ УБЕДИ ДЕКА СТЕ БОЛНИ И ДЕКА ЌЕ УМРЕТЕ, ТОА НАВИСТИНА МОЖЕ ДА СЕ СЛУЧИ! Биолог го шокираше светот: Имаме природни лекови во нас, еве како да ги активираме appeared first on plusinfo.mk.

Министерот за здравство д-р Фатмир Меџити денеска ја посети донорката на матични клетки, млада девојка, воедно и докторка, на која ѝ се заблагодари на извонредната храброст и несебична посветеност да спаси туѓ живот.

– Нејзиниот чин на хуманост и солидарност е надеж, потсетувајќи нè на моќта на заедницата и љубезноста во моментите кога тоа е најпотребно. Им честитам и на колегите од Клиниката за хематологија кои ја практикуваат оваа современа метода во медицината со која еден човек има шанса за нов почеток – изјави министерот Меџити.

Директорката на клиниката за хематологија изјави дека станува збор за редок пример, донорот на матични клетки и пациентот кој треба да ги прими да не се во роднинска врска, ниту се познаваат, а нивните клетки да се совпаѓаат.

– Денешниот чин на докторката е уште еден чекор до задоволството да се биде лекар и да се спасуваат животите на луѓето. Младата докторка која е донор на матичните клетки, во Македонскиот регистар на доброволни дарители на коскена срцевина при Институтот за имунологија и хумана генетикиа, се пријавила уште кога била студент по медицина, а минатиот месец беше идентификувана како евентуален донор. Не се двоумеше ниту миг, веднаш се согласи да му даде шана за живот на пациент кој не го познава, а боледува од акутна леукемија – изјави д-р Ирина Пановска Ставридис.

The post МЛАДА ДОКТОРКА ДОНИРАШЕ КЛЕТКИ ЗА ПАЦИЕНТ СО ЛЕУКЕМИЈА Не се роднини, ниту се познаваат appeared first on plusinfo.mk.

Терапијата со матични клетки се користи за поддршка на природните процеси на телото во третманот на повредите, дегенеративните болести и хроничните заболувања на зглобовите. Оваа метода во „Аџибадем Систина“ ја воведува д-р Борислав Илиев, специјалист ортопед под менторство на проф. д-р Филип Шетле, меѓународно признат ортопедски хирург од Германија, специјалист за хирургија на колено и еден од водечките лекари во регенеративната медицина.

– Оваа метода се применува кај пациенти што страдаат од артроза на зглобовите, колената, колковите така што ја стимулира репарацијата на ‘рскавицата и најчесто со една апликација за долг временски период проблемот е решен – вели д-р Илиев.

Проф. д-р Шетле е пионер во областа на ортобиологијата и еден од првите лекари што користеле ортобиолошки производи од крвна плазма (PRP, ACP) за лекување спортски повреди од 2006 година. Според проф. д-р Шетле, кај некои повреди на коленото, како на пример во случај на скинат менискус кој претставува граничен случај за оперативен третман, тој може да започне со апликација на (PRP) автологна плазма под ехо, директно во лезијата на менискусот или, пак, со апликација на терапија со матични клетки директно во зглобот на коленото.

– Новиот метод за лекување ортопедски заболувања е најсовремен пристап во ортобиологијата.  Со апликација на мезенхималните матични клетки се стимулира природниот процес на зглобовите за обновување на ‘рскавицата, се спречува нејзино понатамошно оштетување и се овозможува побрз процес на закрепнување – вели д-р Борислав Илиев, специјалист по ортопедија.

За третман со матични клетки, прв чекор е правилната индикација за терапија со матични клетки, која се заснова врз детална анамнеза и прецизен преглед со проценка на РТГ-снимки од зглобовите, МРИ и КТ, а потоа се прави подготовка на регијата за аспирација на масното ткиво под анестезија. За оваа постапка се користат специјално дизајнирани сетови за правилно и безбедно собирање и администрирање на матични клетки. По пат на липоаспирација, се аспирира одредена количина масно ткиво од пациентот која понатаму се обработува. По обработката, потребната количина мезенхимални матични клетки се вбризгува најчесто под ултразвук во делови од телото каде што има индикација за нивна примена.

Терапијата со матични клетки во моментов претставува највисоко ниво на развој во регенеративната медицина и најчеста примена во ортопедијата има во третман на дегенеративни промени на големите зглобови. Оваа метода во 2016 година беше прогласена за најдобра нова технологија во спортската медицина од врвни медицински експерти од водечки институции во САД, а ја применуваат многу познати спортисти за третман на оштетени зглобови, како и по повреди.

The post ТРЕТМАН СО СОПСТВЕНИ МАТИЧНИ КЛЕТКИ ЗА ОРТОПЕДСКИ ЗАБОЛУВАЊА Нова метода во „Аџибадем Систина“ appeared first on plusinfo.mk.

Со цел зголемување на бројот на доброволни донори во Македонскиот дарителски регистер за коскена срцевина, за време на настанот, во рамките на кампањата „Биди срцевина, биди херој“, организирана од Универзитетската клиника за хематологија и Институтот за имунобиологија и хумана генетика, а поддржана од Министерството за здравство, ќе биде отворен пункт каде што сите граѓани на возраст од 18 до 50 години кои се во добра здравствена состојба ќе можат да станат дел од Националниот регистар (МДРКС), а со тоа да спасат и човечки живот.

Сите што сакаат да бидат дел од регистарот, треба да одвојат само 5 минути од своето време и да донираат 5 мл крв. Со зголемувањето на бројот на доброволни дарители во Дарителскиот регистар за коскена срцевина се зголемуваат и шансите за пронаоѓање соодветен дарител за пациентите за кои единствен спас е трансплантацијата на матични клетки. Заинтересираните граѓани истовремено ќе можат и подетално да се информираат за тоа како и кој може да стане дарител, како и за значењeто на трансплантациите како можност за лекување.

Пунктот ќе биде лоциран на стартот на трката, од 08:30 часот, на булеварот Илинден пред фонтаната „Лотос“.

The post ДОНИРАЈТЕ НЕКОЛКУ КАПКИ КРВ, СПАСЕТЕ ЖИВОТ! „Биди срцевина, биди херој“ в недела на трката „HalkEco Скопје трча“ appeared first on plusinfo.mk.

– Процедурата афереза на периферни матични клетки, во која донатор е дете, се изведува за прв пат кај нас на Клиниката за хематологија со помош на Клиниката за педијатрија. Сега пациентите нема да патуваат во странство, а и децата ќе може да спасуваат животи на членови на нивните семејства – напиша Филипче.

На Клиниката за хематологија, во период од 3 години се реализирани повеќе од 150 трансплантации, од кои 6 хаплоидентични трансплантации, 20 трансплантации од несроден донор, најсложени интервенции поради кои во минатото пациентите биле праќани за третман во странски центри.

– Резултатите од третманот со овие интервенции се идентични со оние од европските центри за трансплантација и се пријавуваат во базата на Европската група за трансплантација на матични клетки (ЕБМТ) во која членува и тимот за трансплантација на клиниката од 2003 година. За оваа заложба, посветеност и екпертиза им честитам на моите колеги – потенцира министерот.

Министерството за здравство соопшти дека на Универзитетската Клиника за хематологија, во соработка со Универзитетската Клиника за детски болести денеска се реализира и афереза на периферни матични клетки кај деветгодишно дете, ХЛА ДНК идентичен донор на матични клетки за сестра која боледува од акутна леукемија и на која ѝ е потребен третман со трансплантација на матични клетки.

Со оваа соработка, како што се посочува, се отвора можност и педијатриски пациенти и донори да бидат лекувани со овие најсофистицирани медицински интервенции.

– Во тек на оваа недела на ЈЗУ Универзитетска клиника за хематологија се реализираше меѓународна едукација за клеточна сепарација (афереза) и колекција на периферни матични хематопоетски клетки, донорски лимфоцити и плазмафереза, методи кои ќе се користат во третман на болните со малигни и немалигни хематолошки заболувања. Едукацијата ќе ја реализираат лекари специјалисти од Клиниката за хематологија и Клиниката за детски болести со помош на странски експерт. Ова е втора меѓународно акредитирана едукација која се спроведе на клиниката во изминатиот период со цел да се воведат нови тераписки методи кои претходно не се изведувале на клиниката. Екстракорпорална фотофереза, афереза на периферни матични клетки кај адултни и педијатриски болни и донори, колекција на донорски лимфоцити и плазмафереза се процедури кои се применуваат во трансплантационата хематологија за третман на малигните хематолошки заболувања или компликациите по трансплантација како што се акутен и хроничен тип на графт верзус домаќин болест – информираат од Министерството.

Клиниката за хематологија со воведување на новите тераписки процедури, како што се нагласува, ќе стане еминентен трансплантациски центар, по примерот на европските центри за трансплантација на хематопоетски матични клетки, во кој ќе се изведуваат сите процедури врзани за мобилизација, колекција, одредување на квалитетот на графтовите и бројот на ЦД34+ клетки, обработка и криопрезервација на алогените и автологни графтови на матични клетки и следење на имунолошкото опоравување по трансплантација преку одредување на лимфоцитни субпопулации со проточен цитометар.

– На Клиниката во период од три години се реализирани повеќе од 150 трансплантации, од кои шест хаплоидентични трансплантации, 20 трансплантации од несроден донор, најсложени интервенции поради кои во минатото пациентите беа праќани за третман во странски центри. Резултатите од третманот со овие интервенции се идентични со оние од европските центри за трансплантација и се пријавуваат во базата на Европската група за трансплантација на матични клетки (ЕБМТ) во која членува и тимот за трансплантација на клиниката од 2003 година. На 15 септември 2021 година Клиниката ќе го одбележи своето искуство од 21 година со трансплантација на хематопоетски матични клетки и реализирани 615 трансплантациони процедури – се додава во соопштението.

The post Деветгодишниот Никола е херој, донираше матични клетки за сестра си (ФОТО) appeared first on plusinfo.mk.

– Идејата е да се регенерира нервниот систем на Шумахер. Во последните 20 години науката направи сериозен исчекор во процесот на третман на матични клетки, но тоа сè уште не го менува фактот дека сè уште знаеме малку за тоа како и како тоа влијае на човечкиот мозок. дури не можеме да кажеме какви резултати ќе донесе – рече францускиот кардиолог Филип Менаш, кој исто така лекуваше Михаел минатата година и се наведува дека овој пат тој ќе биде на чело на тимот надлежен за лекување со матични клетки колку што е можно повеќе.

Шумахер претрпе тешка повреда на главата на 29 декември 2013 година, додека скијаше во Франција, а неговото здравје оттогаш е мистерија. Тој цело време беше во болница, мускулите му се атрофирани, страдаше од остеопороза, а повеќето од неговите витални функции беа значително ослабени, па единствено решение е третман со матични клетки. Нема официјални информации, но јасно е дека 51-годишниот Шуми сега е во сериозна состојба.

The post Шумахер оди на нова операција и третман со матични клетки appeared first on plusinfo.mk.