Двајца кумановчани денеска во СВР Куманово пријавиле дека додека делеле изборен материјал во населбата Средорек биле нападнати од две лица од друга политичка партија.

„Денеска во 11:40 часот во СВР Куманово, А.К.(32) и И.С.(33), двајцата од Куманово, пријавиле дека во населбата Средорек во Куманово, додека делеле изборен материјал за една партија, С.С. и Р.Ш. од друга политичка партија агресивно се однесувале кон нив и им упатувале закани, по што Р.Ш. физички ги нападнал“, соопшти МВР.

СВР Куманово соопшти дека презема мерки за расчистување на случајот и во координација со јавен обвинител и дека против нив ќе биде поднесена соодветна пријава.

The post ГИ НАПАДНАЛЕ ДВАЈЦА ОД ДРУГА ПАРТИЈА ДОДЕКА ДЕЛЕЛЕ ФЛАЕРИ Две лица во Куманово пријавиле физички напад appeared first on plusinfo.mk.

Црвениот тепих од скалите на зградата, каде што се одржува Канскиот филмски фестивал, се менуваше секој ден од 13 до 24 мај, сѐ додека траеше настанот, а сега се продава по цена од 1 евро за килограм.

Тон и пол црвен синтетички материјал, по кој годинава газеа бројни ѕвезди на светската кинематографија, добива нов живот во Марсеј – во рацете на стилисти, за потребите на театарски трупи или на модни ревии, пишува францускиот весник „ Фигаро“.

„Го продаваме како едноставен, фин црвен тепих, а не како „Кански тепих“, објасни Жан Ре, координаторка на здружението „Réserve des Arts“, кое рециклира отпад за креативни цели.

Не ја продаваме оваа ткаенина за маркетиншки цели, додаде таа, бидејќи и онака ќе се продава по иста цена, а целта е да им биде достапна на што е можно повеќе членови.

„Од теписите во Кан правиме класични чанти, но и торби за шишиња вино, шапки, футроли за очила – доста уникатни парчиња“, објасни Елса Рамуни-Јордикијан, од здружението „Réserve des Arts“ и секретар на здружението „Les Nippones“, која повеќе од 4 години користи делови од познатиот тепих за рециклирање.

The post ЦРВЕНИОТ ТЕПИХ ОД КАН ЌЕ СЕ КОРИСТИ ЗА ПРАВЕЊЕ ЧАНТИ И ШАПКИ Материјалот се продава за 1 евро по килограм appeared first on plusinfo.mk.

Бактериите кои се одгледуваат на Универзитетот во Бат во Англија би можеле да бидат решение за испуканиот бетон.

Иако е подложен на расипување, бетонот сè уште е најкористениот градежен материјал во светот. Нашата инфраструктура е клучна, од заштита од поплави до изградба на тунели, болници, мостови и брани.

Меѓутоа, како што се менува климата, градежниот сектор бара и потрајни материјали и иновативни решенија.

Идејата на британските научници е дека микробите би можеле да растат во пукнатините и да создадат минерално-кристална обвивка што би послужила како стабилен непропустлив слој.

– Токму тоа е она што го сакаме – вели микробиологот Сузан Гебхард, која работи со Кевин Пејн, професор на Универзитетот во Бат.

Нивната цел е да создадат мешавина која може да се „залечи“ што би заштедила пари во градежништвото, па дури и ќе го ограничи производството на нов бетон со зачувување на она што веќе го имаме.

Иако најмногу се користи бетонот, неговото производство придонесува и за загадување со јаглерод диоксид, со осум проценти.

Секоја земја троши огромни суми пари за поправка на веќе постоечки материјали, а тоа најмногу се однесува на бетонот.

Бактериите кои напредуваат во средини богати со варовник или калциум би можеле да бидат корисни во овој случај.

Како би функционирал „бетонот за самолекување“?

Како што објаснуваат експертите, бетонот би се правел по вообичаена процедура, но во смесата би се додавале капсули со бактерии. Тие треба да се активираат кога ќе се појави пукнатина.

Во видеото, Пејн покажа како бетонот може да се поправи со тоа што бактериите ги полнат оштетените делови.

– По оваа процедура останува само мала лузна – рече тој.

Материјалите кои сами се поправаат повеќе не се новина, тоа е технологија која е присутна и во другите сектори.

Австралиските истражувачи работат на соларни панели кои можат да ја поправат штетата предизвикана од апсорпција или трансформирање на сончевата енергија во електрична енергија.

Научниците измислиле бактерии кои можат да ги поправат пукнатините на бетонот со полнење со кристали

Сите овие проекти имаат иста цел – да се намали количината на загадување што придонесува за затоплување на нашата планета. Додека произведуваме, складираме и користиме енергија, за жал, се ослободуваат и големо количество штетни материи, објави „Cool Down“.

Веќе се користи самозаздравувачкиот бетон. Компанијата „ЕкоМеди“ покажа дека материјалот збогатен со бактерии се користел на холандски подвозник.

Професорот Пејн е оптимист.

– Мислам дека ќе се забавуваме кога ќе почнеме да ја користиме оваа технологија, можеби дури и за изградба на згради или градежни елементи – рече тој.

The post 📽️ НАУЧНИЦИ СМИСЛИЈА БЕТОН КОЈ САМ СЕ ПОПРАВА Изумот ќе заштеди пари, но и огромното време кое се троши за поправки appeared first on plusinfo.mk.

Ова го соопштил претседателот на Централната изборна комисија на Албанија, Илиријан Целибаши, на средба со претставниците на националните малцинства, поточно членовите на Комитетот за малцинства, каде претставник на македонското малцинство е Марјана Костофски.

„Во фокусот на средбата беше до сега сработеното во однос на информирањето на националните малцинства на нивниот јазик за изборниот процес, како и тоа што треба понатаму да се направи, со цел подобрување на информираноста и нивна едукација за претстојните избори. Го истакнав правото на секој да добива информации за изборите и пред сè преку сите средства за информирање“, објави на Фејсбук Целибаши.

The post ИЗБОРНИОТ МАТЕРИЈАЛ ВО АЛБАНИЈА ЌЕ БИДЕ ПРЕВЕДЕН НА МАКЕДОНСКИ ЈАЗИК Изборната комисија им подаде рака на малцинствата appeared first on plusinfo.mk.

Планирано е постепено да се намалува овој вид на отпад и тоа 5% до 2030 година и дополнителни 15% до 2040 година. Исто така, се предвидува до 2030 година целото пакување да биде направено од материјали кои можат да се рециклираат.

Дотогаш, забраната ќе важи за пластичните производи за еднократна употреба како чинии, чаши и кутии што ги користат рестораните за брза храна, пластична амбалажа за овошје и зеленчук во супермаркетите, облоги за багаж на аеродроми и слични стоки.

Во предлогот се наведува дека таканаречените „упорни хемикалии“ (PFAS) нема да можат да се користат во пакувањата што доаѓаат во контакт со храната.

Се претпоставува дека секој Европеец произведува речиси 190 килограми отпад од пакување годишно.

The post ДО 2030 ГОДИНА ПАКУВАЊЕТО ОД ПЛАСТИКА ТРЕБА ДА СЕ НАМАЛИ ЗА 5% Европската Унија носи нов закон за намалување на отпад од пакување appeared first on plusinfo.mk.

Министерот соопшти дека наредната недела ќе има состанок со директорката на Државниот испитен центар (ДИЦ) за уште еднаш, како што рече, „да ја известиме јавноста кои се материјалите и што е предвидено во нив“ и барањето на учениците да се разгледа заедно со Сојузот на средношколци со кој, како што рече, има секојдневна комуникација.

Шаќири истакна дека за него е важно тоа што од државната матура зависат многу други процеси – запишување на учениците што завршуваат средно образование во високообразовни установи во државава и во други земји.

– Државниот испитен центар (ДИЦ) во претходниот период имаше неколку состаноци со Сојузот на средношколци и, според информациите што ги имам од ДИЦ и од Секторот за средно образование во МОН, дел од материјалот што е доставен до средношколците е усогласен со тоа како е реализирано во претходните учебни години. Но, без разлика на тоа, по еден протест што имаше и за друг протест што е најавен, во наредниот период ќе реализирам уште еден состанок со ДИЦ како институција која ги подготвува сите фази на реализација на државната матура и да видиме начинот како да се реализира, изјави Шаќири одговарајќи на новинарско прашање по презентација на резултати од Европското општествено истражување (ЕОИ).

Организацијата за дијалог и афирмација на средношколците (ОДАС) вчера најави предупредувачки протест за в петок за да го актуализира барањето за олеснување на полагањето државна матура зашто сметаат дека се оштетена генерација, која, како што изјави претседателката на ОДАС, Анисија Угриновска, немале ни една цела непрекината учебна година поради два главни фактора – корона-кризата и дојавите за бомби. Оттаму соопштија дека барањето ќе го пратат во Собранието и во МОН.

Претседателот на Сојузот на средношколци, Лука Павиќевиќ, пак, вчера изјави дека нивното Генералното собрание за една до две недели ќе се произнесе по ова прашање и дека нивните младински амбасадори контактираат секој ден со средношколците од градовите каде што имаат ограноци, собираат предлози и идеи и ги анализираат.

– Не е прашање само што би сакала една група на средношколци, туку треба да се размислува за сите, бидејќи има повеќе интереси на учениците што се во конфликт – тие што сакаат да се запишат во странство, тие што сакаат да се запишат на студии тука, тие што, можеби, не ни сакаат да се запишат на факултет. Така што, проблемот околу државната матура е повеќеназначен и повеќе аспекти треба да се истражат, рече Павиќевиќ.

Според сегашното решение, матурантите полагаат два екстерни и два интерни предмета и проектна задача. Тестот по првиот екстерен испит – Мајчин јазик (македонски, албански или турски јазик) и литература е закажан за 27 мај, а на 10 јуни, според календарот на Државниот испитен центар, треба да го полагаат вториот екстерен испит – избор меѓу предметите математика, англиски јазик, француски, германски, руски јазик, филозофија или естетика

The post ТРЕБА ДА СЕ ПОГЛЕДНЕ ЗАКОНОТ Министерот Шаќири рече дека се разгледуваат опциите за олеснувањето на државна матура appeared first on plusinfo.mk.

Дебатата ја организираше Организација за дијалог и афирмација на средношколците и студентите (ОДАС).

Се дебатираше за предизвиците со кои средношколците се соочуваа последниве четири години и за тоа како тие предизвици ќе влијаат на полагањето на државната матура.

Според учесниците во дебатата изминатите четири учебни години поради ковид кризата и кризата со дојавите за бомби голем дел од материјалот не бил квалитетно предаден, а се губело и голем дел од часовите.

Главниот заклучок на учесниците на дебатата беше дека тие како генерација немаа ниту една целосна непрекината учебна година, а тоа се одразува на нивното образование. Во таа смисла дел од предлозите што произлегоа од дебатата беа намалување на обемот на материјалот предвиден за полагање на матура, изоставување на еден интерен предмет и слично.

Од ОДАС велат дека овие заклучоци ќе им бидат доставени на надлежните институции.

The post ПРЕМНОГУ ГУБЕВМЕ ЧАСОВИ Учениците бараат помал обем на материјалот за матура appeared first on plusinfo.mk.

Секоја сабота до крајот на декември да биде работна. Секој работен ден, наместо во просек по шест школски часови, да има двојно повеќе, но во скратена верзија. Да се скрати зимскиот распуст во јануари. Загубените часови да се одработуваат по зимскиот распуст.

Само овие четири механизми, според познавачите, им се на располагање на директорите на неколкуте скопски средни училишта откако Министерството за образование и наука (МОН) вчера им порача како знаат и умеат до Нова година да ги надоместат загубените часови поради лажните дојави за бомби, односно поради евакуациите.

Од МОН велат дека дојавите за поставени експлозиви се случуваат само во дел од средните училишта, оние што се на територија на главниот град, а не и во другите градови низ Македонија, па затоа тие како Министерство нема да дадат насоки како да се надоместат изгубените часови, туку тоа ќе го стори секое училиште посебно, во зависност од тоа колку часови изгубило.

Министерот за образование Јетон Шаќири е категоричен: Доколку не стигнат до крајот на ова полугодие, училиштата да ги одработат часовите по зимскиот распуст, во второто полугодие.

– Тоа што не е реализирано за време на првото полугодие мора да биде реализирано во второто полугодие. Ќе видиме како ќе течат работите – рече Шаќири.

Претседателката на Комисијата за образование на ВМРО-ДПМНЕ Весна Јаневска обвинува дека МОН не го сфаќа проблемот сериозно.

– Министерот за образование смета дека директорите на училиштата се должни да го направат тоа што самата Влада не е способна да го направи. Како прво и основно, најголемата одговорност лежи кај Министерството за внатрешни работи кое веќе месец ипол не може да се справи со лажните дојави на бомби. И второ, Министерството за образование и наука очигледно не го сфаќа овој проблем сериозно, па со лесностија дозволи децата да губат часови. Како што веќе започна и регионот со дополнителна онлајн настава за пропуштените часови, истото треба да го практикуваат и училиштата во нашата земја каде што имаше дојави за бомби или, пак, учениците да подготват семинарски работи за пропуштените часови – смета Јаневска.

Се обидовме да побараме став од директорите на неколку скопски средни училишта („Раде Јовчевски Корчагин“, „Здравко Цветковски“, „Владо Тасевски“, „Јосип Броз Тито“) за тоа како планираат да ги надоместат загубените часови до Нова година, но никој од нив не одговори на нашите повици.

Инаку, кога сме кај бомбите, и денешниот ден не помина без паника. Утрово на електронската пошта на најмалку 5 скопски основни училишта пристигнала заканувачка порака, односно известување дека во објектот е поставен експлозив. Полицијата е излезена на терен, а учениците ги напуштија училиштата.

The post ДЕЦА, БИРАЈТЕ: ПОКРАТОК ВИКЕНД ИЛИ ПОКРАТОК РАСПУСТ? Цехот од бомбите ќе го платат учениците appeared first on plusinfo.mk.

Малолетникот побарал пари од малолетничката, со која претходно бил во љубовна врска, за да не објави компромитирачки материјал за неа. Уцената била пријавена од родител на малолетничката, по што од полицијата веднаш се преземени соодветни мерки и активности.

На малолетничката ѝ се дадени крим технички обработени пари и во моментот кога таа му ги дала на малолетникот, тој е приведен од полициски службеници.

The post УЦЕНУВАЛ МАЛОЛЕТНИЧКА СО КОМПРОМИТИРАЧКИ МАТЕРИЈАЛ Момчето уапсено со бележани банкноти во џебот appeared first on plusinfo.mk.

Истражувачите од Технолошкиот институт во Масачусетс, попознат како МИТ, развија нов материјал за кој се вели дека е цврст како челик и лесен како пластика. Според нив тој може лесно да се произведува во големи количини и се користи за различни работи: од облоги за автомобили и телефони до градежни блокови за масивни структури како што се мостовите, рече Мајкл Страно, професор по хемиски инженеринг на МИТ и виш автор на нова студија.

– Обично не мислиме на пластиката како нешто што можеме да го искористиме за поддршка на зграда, но многу нови работи ќе бидат возможни со овој материјал. Има многу необични својства и ние сме многу возбудени поради тоа – изјави Страно.

Овој материјал е неколку пати појак од стаклото отпорно на куршуми, а количината на сила потребна за кршење е двојно поголема од силата потребна за кршење на челикот, и покрај тоа што неговата густина е шест пати помала од густината на челикот, објавија од МИТ, а пренесува „USA Today“.

Истражувачите од MИT сакаа да видат дали можат да создадат дводимензионална верзија на полимерот што може да остане рамен, со што ќе биде полесен. Тие се обидуваат да создадат таков материјал со децении, а новиот процес што го развија беше објавен во рецензираното списание „Nature“ во текот на минатата недела.

Полимерите во суштина се синџири на поединечни молекули, наречени мономери, поврзани заедно со хемиски врски. Обично, кога се формираат полимери, тие се прошируваат во тридимензионални предмети, како на пример како се пече колачот додека се пече во рерна. Предизвикот е што дури и ако еден мономер почне да ротира, полимерот станува тродимензионален.

На пример, замислете дека сакате да ги наредите децата и да спакувате еден куп од нив во аудиториумот со врзување на нивните раце. Меѓутоа, ако дури и едно од децата реши да биде непослушно и да се промени, би било невозможно да се одржи редот.

Клучот дојде од изградбата на процес кој може да им овозможи на мономерите да се врзат и да прераснат во полимерен синџир без да предизвика некој од мономерите да залута.

The post ПО ДЕЦЕНИИ РАБОТА, СОЗДАДЕН НОВ МАТЕРИЈАЛ Научниците велат дека е појак од челик и полесен од пластика! appeared first on plusinfo.mk.