Италија се соочи со широко распространети прекини во железничкиот сообраќај на првиот ден од Зимските олимписки игри, при што министерот за транспорт изјави дека станува збор за напад врз државата.

Кабли биле пресечени во близина на Болоња, клучниот железнички јазол на северот од земјата, што предизвика доцнења на возоците на брзите, меѓуградските и на регионалните железнички линии. Властите соопштија дека истражуваат случај на саботажа, можеби поврзан со анархистички групи.

Прекините се особено значајни имајќи предвид дека Франција доживеа слични нарушувања за време на Олимписките игри во Париз.

Министерството за транспорт во соопштение наведе дека станува збор за дела „со невидена сериозност“, споредувајќи ги настаните во Франција.

Министерот за транспорт и инфраструктура Матео Салвини го нарече инцидентот напад врз Италија, пренесе новинската агенција Анса.

Зимските олимписки игри се одржуваат на околу 300 километри од местото на инцидентот, во Милано и скијачкиот центар Кортина д’Ампецо, во североисточна Италија.

Нарушувањата се случуваат во услови на растечки внатрешни тензии, поврзани со проширувањето на полициските овластувања и вклучувањето на агенти на американската Служба за имиграција и царина во обезбедувањето на Олимписките игри, како и поради загриженост од можни кибернапади врз критичната инфраструктура за време на Игрите.

The post ПРЕСЕЧЕНИ КАБЛИ КАЈ БОЛОЊА, ИТАЛИЈА ОБВИНУВА ЗА САБОТАЖА Железнички хаос на стартот на Зимските олимписки игри appeared first on plusinfo.mk.

Италијанскиот Сенат гласаше за укинување на парламентарниот имунитет на лидерот на екстремно десничарската партија Лига, Матео Салвини, со што се отвора патот за судска постапка поради случај на блокада на мигранти на море, додека тој беше член на владата.

Судот во Палермо го обвини Салвини дека ги чувал мигрантите блокирани на брод во август 2019 година во својство на министер за внатрешни работи, бидејќи одбил да дозволи брод со повеќе од 80 мигранти да влезат во сицилијанското пристаниште.

Салвини (47) се соочува со затворска казна до 15 години, доколку биде прогласен за виновен на суд.

– Горд сум што ја бранев Италија и повторно ќе го сторија тоа. Оние што мислат дека ќе ме исплашат со судење што е политичко, се лажат, рече Салвини.

The post Укинат парламентарниот имунитет на Матео Салвини appeared first on plusinfo.mk.

Најголемиот број сезонски работници на фармите во Италија се странски државјани кои доаѓаат од земји на ЕУ (како Романија, Бугарија), многумина и илегално, без документи. Таквите работници често работат без договор, со ниски плати и без никакви права.

Како што пренесуваат италијанските медиуми, годинава границите се затворени, строго се контролираат, сообраќајот меѓу државите и градовите е сведен на минимум, така што работниците кои претходно доаѓаа да работат на фармите сега не можат да стигнат.

Лидерот на партијата Лига, Матео Салвини повика 200.000 Италијани кои добиваат финансиска помош од државата да се пријават и да заработат пари за себе, но и, како што рече, да и се оддолжат на државата што им помага.

На социјалните мрежи им се порачува на оние Италијани кои немаат работа, а претходно ги обвинуваа партиите и мигрантите дека им ги земаат работните места, дека сега е нивна шанса да работат тоа што во нормални услови, без епидемија, Италијаните не сакаат да го работат.

The post Во Италија недостигаат околу 60.000 сезонски работници appeared first on plusinfo.mk.

– На Европската Унија ѝ се потребни дополнителни 15 дена за да одлучи што ќе прави и како ќе им помага на земјите кои најмногу настрадаа од пандемијата. Луѓето денеска можеби умираат од Ковид-19, но утре ќе умираат од сиромаштија – изјавил Салвини за италијанскиот портал „Ansa.it“.

Тој дури се заканил и дека неговата земја ќе ја напушти Унијата откако ќе се справи со пандемијата.

– Тоа не е Унија, туку легло на змии. Најпрво ќе го победиме вирусот, а дури потоа ќе размислуваме за Европа. Ако биде потребно, тогаш ќе се збогуваме од Унијата – рекол Салвини.

The post Поранешниот италијански вицепремиер удри по ЕУ: Тоа не е Унија, туку легло на змии! appeared first on plusinfo.mk.