Првиот светски рекет Арина Сабаленка објасни зошто побарала физикална терапија за време на натпреварот со Кирстеа.

Таа го коментираше нејзиниот пораз во третото коло од Мастерсот 1000 во Рим со резултат 6:2, 3:6, 5:7.

Во решавачкиот сет, Белорусинката направи медицинска пауза поради проблеми со долниот дел од грбот.

– Мислам дека играв лошо од самиот почеток до самиот крај. Го започнав натпреварот добро, но потоа моето ниво нагло падна. Чувствував како моето тело да ме ограничува и да не ми дозволува да го играм мојот најдобар тенис. И таа го искористи тоа и играше неверојатно. Практично не ми даде никаква шанса. Тоа беше тежок пораз. Но, како што велат, никогаш не губиме – само учиме. Значи, сè е во ред – нагласи Сабаленка.

Што се однесува до подготовките за „Ролан Гарос“ белоруската тенисерка планира најпрво добро да се одмори.

– Мислам дека е проблем со долниот дел од грбот и е поврзан со колкот. Ми отежнува целосно да го ротирам телото кога шутирам. Засега ќе земам неколку дена одмор и ќе се фокусирам на закрепнувањето. Тоа е планот – додаде Сабаленка.

Грен слемот „Ролан Гарос“ ќе се игра во Париз од 18 мај до 7 јуни.

The post САБАЛЕНКА СЕ ПОЖАЛИ НА БОЛКИ ВО ГРБОТ По поразот во Рим ќе одмори неколку дена appeared first on plusinfo.mk.

Дино Прижмиќ направи сензација во Рим откако со пресврт го победи Новак Ѓоковиќ. Тенисерот од Сплит стана прв Хрват што го победил Србинот на земјена подлога.

По големата победа, 20-годишникот на камерата остави порака за својот идол.

„Новак, беше задоволство!“

Младиот Хрват не криеше колку му значи триумфот.

– Тешко е да се каже нешто. Многу го почитувам Новак, тој е мој идол.

Потоа додаде:

– Во првиот сет (Новак) беше неверојатен, а потоа сфатив дека морам нешто да сменам.

Прижмиќ моментно е 79-ти на АТП листата. Ова е негов најголем триумф во кариерата. Пред само две недели го победи и Бен Шелтон, што му беше прва победа против тенисер од топ 10.

Dino Prizmic hits an enormous backhand down the line against Novak Djokovic in Rome.

Producing stunning stuff against his biggest tennis hero.

pic.twitter.com/oC5EZ2p4EW

— The Tennis Letter (@TheTennisLetter) May 8, 2026

The post МЛАДИОТ ХРВАТ ГО УРНА ЃОКОВИЌ, ПА МУ НАПИША ПОРАКА „Ми беше задоволство!“ appeared first on plusinfo.mk.

„Италија е најважната нација во историјата на човештвото“.

Со овие зборови Новак Ѓоковиќ повторно ги воодушеви Италијанците пред стартот на Мастерсот во Рим. Српскиот тенисер на прес-конференцијата зборуваше на италијански и испрати низа пофалби за домаќините.

Тој ја пофали италијанската култура, музика, храна, автомобили и мода.

– Горд сум што зборувам италијански, што е еден од најубавите јазици – рече српскиот тенисер.

Ѓоковиќ додаде дека отсекогаш имал посебен однос со Италијанците и дека со години работи со луѓе од Италија во својот тим.

Српскиот тенисер се враќа на терените по пауза поради повреда на рамото.

Во второто коло во Рим ќе игра против подобриот од дуелот меѓу Дино Прижмиќ и Мартон Фучович.

Последниот турнир Ѓоковиќ го играше во март, кога беше елиминиран во Индијан Велс.

Novak Djokovic on Italy:

“Italy is the most important nation in the history of humanity. Loved for so many obvious things like history, culture, music, food, cars, fashion. I have had in my career a special relationship with Italians, I have worked and continue to work with… pic.twitter.com/XkbqQVWPcW

— Danny (@DjokovicFan_) May 5, 2026

The post ЃОКОВИЌ ЈА „КУПИ“ ИТАЛИЈА СО ЗБОРОВИ „Ова е најважната земја во историјата“ appeared first on plusinfo.mk.

Нори смечуваше во нозете на Ѓоковиќ откако Србинот му го сврте грбот, откажувајќи се од еден поен на вчерашниот меч.

Србинот го критикуваше Британецот за ваквиот потег, посочувајќи дека тоа не е фер-плеј, но Родик го оправдува потегот на Нори.

– Нори може да прави што сака, на Новак може тоа да му се допаѓа или не. Ги миеме рацете и продолжуваме понатаму… Новак победи и готово. Нема смисла после се да се лути – рече Родик.

– Камерон Нори не прекрши ниту едно правило, очигледно е дека се обиде да направи нешто за да го сврти натпреварот во своја полза, се обиде да ја промени динамиката и текот на мечот. Новак е премногу искусен за да биде вознемирен од сето ова, го видел ова многупати досега. Ќе го обвинувате момчето што се обидело? Не мора да ви се допаѓа, но тој барем се обидел – заклучил Родик.

That’s an expected outcome when you turn your back and stand in the middle of the court when your opponent is about to hit an overhead. pic.twitter.com/atFy7XSIj3

— Ben Rothenberg (@BenRothenberg) May 16, 2023

The post (ВИДЕО) ЃОКОВИЌ НЕМА ПРАВО ДА СЕ ЛУТИ! Родик застана на страната на Нори appeared first on plusinfo.mk.