Повеќе стотици илјади луѓе продефилираа низ Франција, за „церемонијално“ и „борбено“ да го одбележат Денот на трудот, во духот на синдикалната борба против пензиската реформа, упатувајќи порака дека нема да се откажат. Имаше и вандализам, но изостана бран протести.

Според полицијата, во Стразбур се собрале 8.700 луѓе. Во Лил имало 7.300, во Марсеј 11.000, а во Тулуз 13.500. Синдикаите пријавуваат неколкукратно повисока посетеност. Се смета дека во цела Франција 1 Мај на „борбен“ начин го прославија од 500.000 до 650.000 луѓе, од кои 80.000 до 100.000 во Париз. Синдикатите, пак, тврдат дека во цела Франција се собрале до 1 милион луѓе..

Денот на трудот беше одбележан и со прекини во воздушниот сообраќај, со 25% до 33% откажани летови на најголемите аеродроми.

Првомајски собири имаше низ цела Европа, а голем број работници и активисти ширум светот го прославија Меѓународниот ден на трудот, со митинзи на кои бараа зголемување на платите, намалување на работното време и подобрување на условите за работа.

Годинешните собири за Меѓународниот ден на трудот беа поголеми од претходните години, бидејќи ограничувањата поврзани со Ковид-19 се драстично намалени.

Во Јужна Кореја, десетици илјади луѓе учествуваа на различни собири на најголемите првомајски собири од почетокот на пандемијата во 2020 година. Учесниците на митингот во Јужна Кореја ја обвинуваат конзервативната влада на претседателот Јун Сук Јеол за рестрикција на синдикатите.

Во јапонскиот главен град Токио, илјадници членови на синдикатот, пратеници од опозицијата и професори се собраа во паркот Јојоги, барајќи зголемување на платите за да се ублажи влијанието на зголемените трошоци додека се опоравуваат од штетата предизвикана од пандемијата.

На Тајван работници излегоа на улиците за да протестираат против, како што велат, несоодветната работничка политика, со што се врши притисок врз владејачката партија пред претседателските избори во 2024 година.

Во Северна Кореја, главниот весник објави долг уреднички текст во кој ги повикува работниците да му дадат поголема поддршка на лидерот Ким Џонг Ун.

На Филипините, илјадници работници денеска маршираа низ улиците на главниот град Манила, повторувајќи ги повиците до владата да ја зголеми минималната плата и да ги заштити бизнисите во земјата.

The post ГОЛЕМИ ПРВОМАЈСКИ СОБИРИ ШИРУМ СВЕТОТ Од Париз до Токио сите на нога appeared first on plusinfo.mk.

– Градот Струга, град на смртта каде живеат најголемите монструми на две нозе. Не сме сведочеле за град во кој во период од неполн месец се пролеа толку невина крв, нема улици во државава што биле масовни гробници за кучиња како улиците на Струга. Овој пат масакр се прави со отров. Десетици кучиња засега се најдени мртви од очигледно труење со добропознатиот ланате, отров кој во повеќе наврати се користи да се реши бездомната популација на животни во државава – реагираат од Асоцијацијата.

Оттаму додаваат дека градските власти останале доследни на ветувањата и дека денес во Струга се докрајчуваат кучињата што по некоја среќа успеаја да го избегнат претходниот масакр со пушка.

– Од првиот испукан куршум до денес јавноста имаше можност да види се освен желба од страна на институциите да се преземат мерки за сопирање на масовното убиство на бездомни животни во Струга. Огнот никогаш не сопре, единствено службите беа по ажурни според сведоштва на анонимни граѓани – кучиња се убивале и се собирале веднаш за да се скрие траг. Се прашуваме дали сепак овде не се работи за гнев на поединец туку организирана хајка против бездомните кучиња во Струга? Дали Општина Струга решила другите мерки за третман на бездомната популација да ги толкува како масовно уништување на бездомните кучиња? – прашуваат од „Бездомни животни без граници“.

Од Асоцијацијата упатија повик до надлежните институции непристрасно да постапуваат во своите постапки и да го запрат овој масакр, МВР во Струга не е општинска институција за да постапува единствено во полза на градскиот татко како заштитена бела мечка.

– Ги повикуваме Агенцијата за храна и ветеринарство да ја санкционираат Општина Струга за неспроведување на хуман третман врз бездомните кучиња на територијата на општината, нивната неажурност и незаинтересираноста на општините доведуваат до кулминација на состојбата – ова е историја што се повторува! Примитивизам не е одлика на земја која се стреми кон членство во Европската унија – се вели во реакцијата.

The post ГИ ТРУЈАТ ОНИЕ КОИ СЕ СПАСИЈА ОД ПУШКАТА! Масакр врз бездомни кучиња во Струга appeared first on plusinfo.mk.

По воведените рестриктивни мерки, бројот на нови случаи на ковид-19 се намалува. Во изминатите четири дена бројот на активни случаи е намален од 15.013 на 14.276 случаи.

Во истиот период, регистрирани се вкупно 1.117 новозаболени, а 1.843 оздравени. Вчера се регистрирани 105 новозаболени и 403 оздравени пациенти, откако на 1 мај имаше 214 новозаболени и 205 оздравени, на 30 април 365 новозаболени и 594 оздравени и на 29 април 433 новозаболени и 641 оздравени.

Ограничувањето на движењето продолжува од вчера од 21 часот до 5 часот следниот ден, откако православните верници го празнуваа Велигден втора година во услови на пандемија, но без полициски час и со почувањето на мерките за заштита-носење маска и држење дистанца.

Согласно одлуката на Владата од 27 април, полицискиот час ќе биде на сила до 15 мај, со исклучок за Рамазан Бајрам, односно нема да важи на 12 кон 13 мај.

Вкупно 200.000 кинески вакцини, најдоцна до утре треба да бидат дистрибуирани во салата „Борис Трајковски“ и во Куманово, Штип, Кавадарци, Тетово, Охрид и Битола, по што од вторник со нив ќе почне масовната вакцинација на населението. Здравствени власти најавуваат вакцинирање на бројка од меѓу 10 и 15 илјади граѓани на ден.

Со почетокот на масовната имунизација, здравствените власти очекуваат до почетокот на летото да имаме висок процент на вакцинирано население и целосно менување на епидемиолошката состојба.

The post Ќе се вакцинираат од 10.000 до 15.000 граѓани дневно, утре почнува масовната имунизација appeared first on plusinfo.mk.

Доктор р Фаучи тврди дека залихите ќе се зголемат, со што повеќе луѓе ќе можат да се имунизираат.

Пропорцијата на вакцинирани против ковид-19 значително ќе се зголеми во наредните месеци, изјави тој за американската телевизија Ен-Би-Си.

Фаучи ја базираше својата прогноза на претстојните испораки на двете вакцини одобрени од САД, можноста за одобрување на трета вакцина, и мерките преземени од администрацијата на Бајден за зголемување на капацитетот за снабдување со вакцини.

– Чисто логистички, ќе бидат потребни уште неколку месеци за да се имунизираат возрасните Американци – рече директорот на Националниот институт за алергии и заразни болести на САД. Тој предвидува дека таканаречениот колективен имунитет во САД може да се постигне до крајот на летото.

САД се најтешко погодени од пандемијата, и се на првото место во светот по бројот на заразени со новиот коронавирус (над 27 милиони и 200 илјади) и смртни случаи – речиси 472 илјади, покажуваат податоците на универзитетот Џонс Хопкинс.

The post Фаучи: Вакцините во САД масовно ќе бидат достапни во април appeared first on plusinfo.mk.

Масовното тестирање на новииот коронавирус во Словачка го намали бројот на новозаразенилица за 60 отсто во една недела, во комбинација со карантинот и другите рестриктивни мерки.

– На примерот на Словачка видовме силен доказ дека масовното тестирање во комбинација со карантинот доведе до драстично намалување на бројот на заболени со ковид-19 – изјави англискиот професор Стефан Флаш.

Словачка бесплатно го тесираше речиси целото население (околу пет милиони жители) во краток рок.

Инфицираните лица, заедно со цело семејство беа ставени во 10-дневна изолација, а вработените, иако во изолација зедоа цела плата. Додека на лицата со негативни тестови им беше дозволено да одат на работа, но не можеа да одат во домовите за стари лица,  а студентите не можеа да се вратат дома за празниците

The post Словачка со масовно тестирање за 60 проценти го намали бројот на заболени од Ковид-19 appeared first on plusinfo.mk.

Вакцинирањето ќе почне од следната недела.

Русите пред една недела најавија вакцинирање на повеќе од 400.000 војници и останат воен персонал, изјавил во петокот министерот за одбрана Сергеј, Шојгу.

Тој потсети дека до сега против ковид-19 се вакцнирани 2.500 припадници на воружените сили, а до крајот на година би требало тој број да се зголеми на 80.000.

The post Путин наредил масовно вакцинирање против ковид-19 во Русија appeared first on plusinfo.mk.

Според планот за тестирање, на 5 декември, ден пред истекот на мерката за „заклучувањё“, ќе започне тестирањето на наставниците, а потоа и на полицајците.

Првиот викенд од декември ќе бидат тестирани сите вработени во државните училишта, како и персоналот во градинките – околу 200.000 луѓе.

На 7. и 8 декември ќе се спроведе тестирање на сите околу 40.000 полицајци, а непосредно пред католичкиот Божик се планира пошироко тестирање на населението, на доброволна основа.

Во првите недели од декември ќе се спроведе бесплатно тестирање во општини со високо ниво на инфекција.

– На почетокот на следната година се планира ново масовно тестирање во целата земја – соопшти Владата.

Веќе се набавени седум милиони антиген брзи тестови, а се планираат и натамошни нарачки.

Трошоците за првите седум милиони тестови се околу 50 милиони евра.

Акцијата за масовно тестирање ќе ја спроведат Армијата и Министерството за здравство. Армијата веќе имаше искуство бидејќи и помагаше на Словачка во спроведувањето масовно тестирање таму.

Покрај овие мерки, се работи и на скрининг програма за заштита на домовите за стари лица.

Како што соопшти Владата, веќе се испорачани 315.000 тестови, а други три милиони се обезбедени.

Канцеларот Курц истакна дека тестирањето се врши на доброволна основа.

– Барам од населението да го поддржи овој проект и да учествува во него. Масовното тестирање е голема шанса за Австрија да најде начин за враќање во нормала до вакцинацијата, порача Курц.

The post По „заклучувањето“ во Австрија масовно тестирање на населението appeared first on plusinfo.mk.

Тоа е еден од најоптималните начини за ставање на епидемијата под контрола, бидејќи само така, без затворање на економијата, можат да се изолираат сите заразени и сите нови контакти, но и да се минимализира веројатноста за натамошно ширење на заразата, пишува „Јутарњи лист“.

Во последните 24 часа во Хрватска се регистрирани 3.056 новозаразени случаи, а дури 43 лица починале. Хоспитализирани се 1.620 пациенти, од кои 179 се на респиратори, но болничкиот систем и понатаму се полни.

The post Загреб се подготвува за масовно тестирање на ковид-19 appeared first on plusinfo.mk.

Масовното тестирање за коронавирус и програмата за карантин во Словачка во изминатите два викенда помогнаа за преполовување на бројот на заразени лица, соопшти премиерот Игор Матович.

Земјата со 5,5 милиони жители, тестираше 3,6 милиони луѓе, со исклучок на мали деца и некои постари лица, во првата недела од ноември, а на оние со позитивен резултат им беше дадено решение за карантин.

Изминатиот викенд беа тестирани уште околу два милиони луѓе, но само во најпогодените области. Бројот на заразени се покажа многу помал благодарение на карантинот наметнат порано. Програмата е внимателно следена од други земји, кои се борат со наглото зголемување на случаите.

– Земајќи ги предвид областите каде што беа извршени тестови за време на двата викенда, процентот на заразени падна од 1,47 отсто во првата недела на 0,62 отсто од испитаните во втората недела – рече Матович на прес-конференција.

По второто масовно тестирање, властите соопштија за 13.509 позитивни примероци, вклучително и по дополнителни тестови меѓу полицајци, домови за стари лица и компании.

– Ќе влеземе во тешка зима. Имаме исклучително ефикасна алатка како што е тестирање на антигени, што го намали процентот на заразени за 58 проценти – додаде Матович.

Тестирањето е бесплатно и доброволно, но владата воведува карантин, вклучително и забрана за одење на работа за оние кои одбиваат да бидат тестирани.

Луѓето мора да носат документи со кои се потврдува дека направиле тестови и дека се негативни.

Резултатите од тестовите за антигени се готови во рок од 15-30 минути, но не се точни како стандардните ПЦР тестови.

Во Словачка има 76.072 случаи и 366 смртни случаи. Овие случаи беа потврдени со ПЦР тестови. За време на масовното тестирање биле регистрирани 57.462 случаи. 

The post Преполовена стапката на инфицирани по масовното тестирање во Словачка appeared first on plusinfo.mk.

Линколн Ромаин, директор на Брикстон сајлс, тврди дека напливот на луѓе е толку голем што нивните резерви се потрошени.

– Искрено, кај нас доаѓаат разни клиенти. Оние кои и порано патувале со велосипед до работа, оние кои никогаш не го сториле тоа и немаат велосипед, а има и такви, чиј велосипед собирал прашина во складиште и потребна им е услуга – истакна Ромаин.

Велика Британија и другите земји ги охрабруваат луѓето да избегнуваат јавен превоз при враќање од  работа откако се олеснија мерките. Британскиот министер за транспорт, Грант Шапс истакна дека многумина го послушале советот.

– Милион луѓе, за време на кризата  го открија велосипедизмот, независно дали само за вежбање или како средство за безбеден превоз што овозможува физичко растојание – додаде Шапс.

Британската Влада објави дека ќе инвестира милиони фунти за проширување на постојните велосипедски патеки или за создавање нови.

Директорката на градската канцеларија за планирање, Џенет Санц изјави дека велосипедизмот стана тренд во Европа.

Во Барселона, употребата на велосипедски патеки е зголемена за 325 проценти. Затоа, Барселона ќе додаде 21 километар на постојните патеки за велосипеди. Берлин додава 22 километри, а Брисел 40. Во Франција, Париз, Ница, Руан, Лил и Нант веќе најавија нешто слично. Дури и Италија, земја со најмногу автомобили по глава на жител, се враќа на велосипедот.

Најмалку 150 километри велосипедски патеки ќе бидат изградени во Рим, град познат по својата непрактичност и опасност за велосипедистите.

– Ова значи дека барем еден економски сектор ќе излезе побогат од оваа криза. „Продажбата на велосипеди, особено електричните, нагло се зголеми по повторното отворање на продавниците“ – истакнаа од  австриската стопанска комора.

Француската компанија „Гоу Спорт“ во изминатите недели бележи 300 проценти поголема продажба на Интернет. Во Велика Британија, однапред беа продадени 20.000 велосипеди, соопшти здружението за трговија на АКТ.

The post По стивнувањето на пандемијата, во Европа масовно се купуваат велосипеди appeared first on plusinfo.mk.