Испливуваат нови шокантни детали за масовното пукање во средното училиште во Тамблер Риџ, во канадската провинција Британска Колумбија, во кое според досега познатите информации загинаа 9 лица, а околу 25 се повредени, од кои неколку се во критична состојба.

Нападот се случи во вторникот околу 13:20 часот по локално време. Полицијата по добиената пријава издала итно предупредување и интервенирала во училиштето, каде што бил пронајден и осомничениот – 18-годишниот Џеси Ван Рутселар, поранешен ученик, кој починал од прострелна рана којашто самиот си ја нанел.

Според официјалните информации, напаѓачот бил роден како машко, а пред околу шест години започнал промена на полот и се идентификувал како жена. Училиштето го напуштил пред четири години.

Жртви во училиштето и во домот

Во училиштето биле пронајдени шест жртви – една 39-годишна наставничка и пет ученици на возраст од 12 и 13 години (три девојчиња на 12 години и две момчиња на 12 и 13 години). Едно тело било најдено на скалите, а останатите во училишната библиотека.

Претходно, во семејниот дом, напаѓачот ги убил својата 39-годишна мајка Џенифер Странг и својот 11-годишен полубрат. Телата биле откриени околу 14:45 часот, откако сосед ја повикал полицијата. Со тоа, вкупниот број жртви достигна девет лица, заедно со напаѓачот кој се самоубил.

Оружје без дозвола, познат на полицијата

Во училиштето полицијата пронашла долга пушка и модифициран пиштол. Оружјето не било регистрирано на име на Џеси Ван Рутселар, иако тој имал дозвола за поседување оружје, но таа истекла во 2024 година.

Полицијата претходно интервенирала во семејниот дом поради загриженост поврзана со менталното здравје на осомничениот. Во еден период било запленето огнено оружје од куќата, но законскиот сопственик подоцна поднел жалба и оружјето било вратено. Засега не е потврдено дали станува збор за истото оружје кое е употребено во нападот.

Надлежните соопштија дека мотивот сè уште не е утврден и дека не е пронајдена проштална порака или објаснување од напаѓачот.

Паника и забарикадирање

Ученици и наставници сведочеле дека се забарикадирале во училниците повеќе од два часа додека траела полициската акција. Првичното предупредување од властите го опишувало вооруженото лице како „жена во фустан“.

Тамблер Риџ е мало гратче со околу 2.400 жители, а средното училиште го посетуваат околу 160 ученици од седмо до дванаесетто одделение.

Премиерот на Британска Колумбија, Дејвид Еби, изјави дека властите ќе испитаат какви претходни интеракции имал системот на јавно здравје со осомничениот, имајќи предвид дека ѝ бил познат на полицијата. Истрагата продолжува, а властите најавија дополнителни информации во наредните денови.

The post ОБЈАВЕНИ ФОТОГРАФИИ И ДЕТАЛИ ЗА ТРАНСРОДОВИОТ УБИЕЦ Ги убил мајката, полубратот, наставничка и пет ученици од 12-13 години, па се самоубил appeared first on plusinfo.mk.

Граѓаните на Тамблер Риџ, во канадската провинција Британска Колумбија, каде што во пукање во средно училиште беа убиени најмалку 10 лица, го идентификувале напаѓачот како 18-годишно трансродово лице и поранешен ученик на училиштето, Џеси Стренг.

Полицијата соопшти дека вооруженото лице било пронајдено мртво на местото на настанот, со повреди што укажуваат дека си ги нанело самото, пренесе порталот „Вестерн Стандард“.

Според изјави на локални жители за медиумите, Стренг наводно пред да пристигне во училиштето ги убил мајката и помладиот брат, кои биле познати во заедницата. За овие информации засега нема официјална потврда.

Пукањето било пријавено во вторник околу 13:20 часот по локално време, по што полицијата издала итно предупредување и брзо интервенирала.

Според последните податоци, околу 27 лица се повредени, од кои две се во тешка состојба.

Полицијата претходно информираше дека во училиштето затекнала шест жртви и напаѓач со смртоносни повреди за кои се верува дека си ги нанел сам. Едно тешко повредено лице починало на пат кон болница, а две лица биле пронајдени без знаци на живот во куќа во близина на училиштето.

Надлежните најавија дека во наредните денови ќе објават дополнителни информации.

Во безбедносното предупредување испратено за време на нападот, осомниченото лице било опишано како „жена облечена во фустан со кафеава коса“.

Според медиумите, ова е трето најсмртоносно пукање во историјата на Канада, по масакрот на Политехничкото училиште во 1989 година и нападот во провинцијата Нова Шкотска во 2020 година.

Премиерот на Британска Колумбија, Дејвид Еби, порача дека владата ќе ја обезбеди сета потребна поддршка за заедницата, додека канадскиот премиер Марк Карни изрази сочувство до семејствата на жртвите и го откажа планираното патување во Германија.

МАСАКАР ВО УЧИЛИШТЕ ВО КАНАДА, 10 МРТВИ, 27 РАНЕТИ Првичната информација е дека пукала жена

The post 🎥 МАСАКРОТ ВО КАНАДСКОТО УЧИЛИШТЕ ГО ИЗВРШИЛО ТРАНСРОДОВО ЛИЦЕ Се открива идентитетот на напаѓачот кој уби најмалку 10 луѓе appeared first on plusinfo.mk.

Нови докази влегоа во судницата и ја сменија динамиката на случајот со момчето убиец од Србија Коста Кецмановиќ. Обвинителството пред судот во Белград ги постави пораките разменувани меѓу малолетниот убиец и неговата мајка како клучен материјал за понатамошниот тек на постапката.

Тие, според тврдењата, укажувале на несоодветен родителски одговор на проблемите и на потребите на детето.

Денеска, 29 јануари, почнува повторното судење за Владимир и Миљана Кецмановиќ.

Што побара обвинителството?

Вишото јавно обвинителство предложи пред судскиот совет да се прочитаат исказите на сведоците, вклучително и исказот на малолетникот, кој веќе бил испрашуван двапати. Намерата била постапката да се води брзо и ефикасно, без дополнителни одложувања.

Како дополнителен доказен материјал, обвинителството предложи и девет дискови со снимки поврзани со таткото Владимир Кецмановиќ, како и документација од Управата за градска полиција во Белград, меѓу која и податоци за причините поради кои тој не отслужил воена служба.

Фокус на родителската одговорност

Според извор запознаен со постапката, обвинителството користело докази кои претходно биле предложени, но не и презентирани, со цел да се прикаже какви личности се Владимир и Миљана Кецмановиќ и каква средина создале за детето кое на 13 години изврши масовно убиство во основното училиште Владислав Рибникар.

Родителите во својата одбрана тврделе дека не се виновни за делото на нивниот син и дека биле грижливи и посветени родители. Токму на таа теза, според обвинителството, директно ѝ противречеле новите пораки.

Повторно судење зад затворени врати

Судскиот совет, постапувајќи по барање на обвинителството, одлучи повторното судење да биде затворено за јавноста со цел заштита на интересите на малолетните жртви. На рочиштето присуствуваа родителите на убиените деца, двајца обвинители од Вишото јавно обвинителство и главниот обвинител Ненад Стефановиќ.

Предметот се врати на почеток откако Апелациониот суд во Белград ја поништи првостепената пресуда со која Владимир и Миљана Кецмановиќ беа осудени на вкупно 17 и пол години затвор и наложи ново судење.

ПОЧНУВА ПОВТОРЕНОТО СУДЕЊЕ НА РОДИТЕЛИТЕ НА МАСОВНИОТ УБИЕЦ КОСТА КЕЦМАНОВИЌ Обвинителството ќе инсистира на построги казни

The post ПОРАКИТЕ MEЃУ МОМЧЕТО УБИЕЦ И МАЈКАТА ЈА МЕНУВААТ ПРИКАЗНАТА Повторното судење отвора нови прашања appeared first on plusinfo.mk.

Нападот на плажата Бонди, најсмртоносниот масовен напад во Австралија во последните три децении, и натаму е во фокусот на светската јавност. Полицијата соопшти дека преживеаниот напаѓач, 24-годишниот Навид Акрам, се разбудил од кома и дека неговото испрашување веќе започнало – во болнички услови и под строго обезбедување.

Навид Акрам беше тешко ранет по размената на оган со полицијата, во која на лице место беше убиен неговиот татко и соучесник, 50-годишниот Саџид Акрам. Според полицијата на Нов Јужен Велс, младиот напаѓач бил извлечен жив и реанимиран со кардиопулмонална реанимација, откако бил погоден од неколку полициски куршуми. По денови во критична состојба, тој се разбудил од кома.

Апсењето следело по жестока вооружена пресметка на пешачки мост во близина на Бонди Бич, каде што полицијата интервенирала за да го спречи понатамошниот масакр.

Таткото и синот се осомничени за убиството на 15 лица кои ја прославувале Ханука на плажата во неделата навечер. Најмладата жртва имала само 10 години, а најстарата 87. Покрај загинатите, десетици лица се хоспитализирани со тешки повреди. Полицијата го опиша нападот како „пукање што се случува еднаш во животот“, нагласувајќи ја храброста на офицерите кои интервенирале во екстремно опасни услови.

Снимките од местото на нападот покажуваат полицаец кој се засолнува зад дрво пред да отвори оган кон Саџид Акрам, додека неговиот син бил погоден двапати пред да биде совладан. Саџид починал пред пристигнувањето на итната помош, додека Навид бил реанимиран на самото место.

Истражителите во меѓувреме пронашле видео-снимка во „Airbnb“ сместувањето што таткото и синот го изнајмиле непосредно пред нападот. На снимката, двајцата позираат со оружје и отворено разговараат за свои екстремистички убедувања.

Истрагата утврдила дека двајцата неодамна се вратиле во Австралија по едномесечен престој на Филипините – регион поврзуван со активни жаришта на исламистички екстремизам. По враќањето, резервирале краткорочен престој во Кемпси, на околу 19 километри од Бонди, а на своето семејство му рекле дека заминуваат на риболов.

Полицијата продолжува со реконструкција на движењето на напаѓачите во деновите пред масакрот, додека Навид Акрам останува под болнички надзор и полициско обезбедување.

The post СЕ РАЗБУДИ ОД КОМА ПО МАСАКРОТ НА БОНДИ Преживеаниот напаѓач веќе се испрашува во болница appeared first on plusinfo.mk.

Полицијата остана при своето тврдење дека не може да се согледа јасен мотив, и покрај тоа што шведскиот национален канал ТВ4 објави снимка направена од страна на ученик заклучен во паничен страв во тоалет, на која се слушаат пукотници и некој кој гласно извикува „… да ве нема од Европа“.

Два дена по нападот медиумите останаа без податоци и за националната припадност на убиените, со образложение дека Заводот за судска медицина вложува напори со максимална сигурност да го изврши процесот на идентификација, а за што е неопходно време. Но, во очекување на резултатот, медиумите веќе објавија дека според амбасадите на Сирија и Босна меѓу убиените има лица со потекло од овие земји. Извори од полициската истрага потоа изјавија дека има „повеќе националности“ меѓу застреланите.

Во услови на енормно интересирање, вознемиреност и очекување да се појават информации во најшироката јавност, шведската влада повика на смиреност, и, како што рече министерот за правосудство Гунар Стром, граѓаните би требало да бидат крајно внимателни и да се воздржат за да не бидат понесени во погрешна насока од морето шпекулации, нагаѓања и претпоставки кои ги преплавија социјалните мрежи. Но, доколку е веќе така, на министерот повеќе медиуми му забележаа зошто се чекаше со објавување на некои податоци кои лесно се проверуваат. Меѓу другото, повеќе од пет часови се чекаше за да се објави дека осомничениот сторителот имал дозвола за користење на ловечко оружје и за полуавтоматска пушка.

Речиси цел ден помина пред да се објави и идентитетот на 35-годишниот осомничен сторител, Рикард Андерсон, кој посетувал настава во истото училиште, и притоа беше опишан како осаменик, кој во последните години се повлекол од контактите со роднините и пријателите. Според полицијата, тој најверојатно дејствувал сам, иако не би можело да се исклучи дека и други биле замешани во нападот, и дека, според досегашните наоди во истрагата, нема ништо што укажува дека се раководел од некаков идеолошки, политички мотив.

Со свесно создавање информативен вакуум, полицијата, всушност, ги поттикна самите шпекулации за кои владата предупреди дека треба да се избегнуваат, потиснувајќи го набрзина на маргините на истрагата прашањето за мотивот на масовното убиство. А со тоа, всушност, самиот се следи вообичаениот модел на размислување и градење ставови во општеството, токму онака како што се посакува тие да бидат „моделирани“. Кога сторителот, како во овој случај, е бел, етнички Швеѓанец, обвинувањата веднаш се насочуваат кон општеството. Се констатира дека веројатно навреме не му била пружена соодветна грижа од страна на надлежните институции, потфрлило училиштето кое требало да му помогне, го оставиле осамен без активности во слободното време. Грижата на општеството покажала недостатоци.

Но колку е веројатно дека сторител со потемна кожа, роден во странство, би добил ист третман? На имигрант кој би извршил кривично дело од ваков карактер веднаш би му било „залепено“, без двоумење, дека бил идеолошки поттикнат, од омраза потоната во етнички, верски и политички предрасуди, и дека неговата движечка сила била – чисто зло. „Општеството“ и заштитната мрежа на институциите во таков случај не би биле споменувани со недостатоците и пропустите во нивната работа. Кога сторителот има имигрантско потекло, казната веднаш станува колективна. Јавната осуда тогаш би звучела вака: „Ве пуштивме во оваа земја, а еве што правите“.

Вината за проблемите во шведско општество во прва рака треба да се и припише на имиграцијата и нејзината неприспособливост, неспособноста на мигрантите да се интегрираат, сите вкупно, без оглед на нивната етничка и културна припадност, и без оглед од кои делови на светот доаѓаат. Таква стереотипија наоѓа голема поткрепа и свесно се потхранува од страна на шведската екстремна десница, партијата Шведски демократи, без чија поддршка функционирањето на шведската владина коалиција во последните години не би било можно. Антимигрантските струења и превирањата на политичката сцена на сличен начин се одвиваат и во Германија, каде што екстремната десница, АфД, трпеливо чека на своите „пет минути“, да добие можност за пресудно влијание врз владините политики. Крупен исчекор на екстремната десница се забележува на многу места во Европа.

Училишниот атентат во Оребро не е прв крвав терористички напад во Шведска. Пред десетина години загинаа четири лица во училиште со голема имигрантска популација во шведскиот град Тролхатан, вклучувајќи го и сторителот, 21-годишниот нацистички симпатизер Антон Ландин Петерсон. Во тој крвав пир со меч сите нападнати биле со темна кожа. Истрагата потоа покажа дека сторителот гледал видеа за нацистичка Германија, слушал говори на Адолф Хитлер, носел германски воен шлем од Втората светска војна за време на нападот и бил заинтересиран за современите десничарски екстремистички блогери и интернет профили. Модерен феномен на психички растроен поединец кој верува дека општеството сериозно потфрлило во решавањето на проблемите. Вреди да се потсети дека во 2011 година во Норвешка, масовниот убиец Андерс Беринг Брејвик успеа да „ликвидира“ 69 учесници на младинското летно школо на островот Утоја кај Осло, главно лица со имигрантско потекло. Полицијата го најде неговиот „политички манифест“, во кој, меѓу другото, ги образложил своите погледи за „штетната идеја на мултикултурализмот“.

Шведска е една од западните земји кои во последните години доживуваат голема поларизација, означена пред сè со повеќе или помалку неконтролирано градење на приказна дека клучниот проблем лежи во неконтролираната имиграција во земјата. Се разбира, тешко е да се рече со сигурност во колкава мера најновиот случај на грозоморното масовно убиство, за кое е осомничен Рикард Андерсон, бил под влијание на тоа како луѓето од власта зборуваат за оние кои се доселиле во земјата.

Пред некој ден, на пример, шведскиот премиер и лидер на Конзервативната партија, Улф Кристерсон, тврдеше дека тековниот бран на насилство на улични банди и гангстерските пресметки во Шведска е „значајно поврзан со имиграцијата“. Вселувањето на имигранти, според шведскиот премиер, мора драстично да се редуцира за да може да биде поуспешно справувањето со растечките бранови на насилство. Но на Кристерсон едновремено му беше забележано дека ниту со еден збор не сакал да признае дека „огромното мнозинство шведски криминалци се израснати во Шведска“, дека живееле во шведски станбени области и посетувале шведски училишта. Но, црно-белата слика „ние“ и „тие“ секогаш подобро поминува и лесно се голта во јавноста.

Многумина во Шведска се уверени, и тоа не само поради терористичкиот атентат кој се случи деновиве во училиштето во Оребро, дека нешто мора драстично да се смени кога е во прашање натамошниот развој во општеството. Во спротивно, со затскривање зад политика на ној, ќорсокакот во кој запаѓа Шведска се повеќе ќе се стеснува. И затемнува.

The post Мотив за масовно убиство appeared first on plusinfo.mk.

Во Вишиот суд во Смедерево настана целосен хаос, откако затворските чувари во судницата го доведоа Урош Блажиќ, масовниот убиец кој на 4 мај минатата година уби 9 лица, а повреди уште неколку во селата Мало Орашје и Дубона во Србија.

Освен Урош Блажиќ во судницата беше донесен и неговиот татко, кој исто така беше обвинет. Во судот настана хаос во моментот кога беа донесени, родителите на децата жртви во масакрот го нападнаа Блажиќ, јавува Нова.рс

Полицијата веднаш ги извади Блажиќ и неговиот татко од судницата.

По хаосот во Вишиот суд во Смедерево, кога родителите на убиените во Дубона и Мали Орашје вербално ги нападнаа Урош Блажиќ и неговиот татко, во моментот кога беа внесени во судница, адвокатот Небојша Перовиќ изјави дека се случило она што се очекувало.

– Се случи очекуваното, тоа беше прва средба на семејствата со криминалецот. Едноставно беше невозможно родителите, браќата и сестрите тивко да набљудуваат и да учествуваат во една исклучително тешка процедура. Знаете, не би сакал сега да се правдам, дали е правилно, правно, гледајќи вака можеби не е, но човечки е – рече адвокатот Небојша Перовиќ, кој е застапник на еден од повредените во масакрот.

Откако Блажиќ беше изнесен од судницата облечен во панцири и беше придружуван од голем број стражари, беше донесена одлука за прекин на судењето. Потоа беше одлучено постапката да продолжи во Специјалниот суд во Белград.

Некои родители биле згрижени од екипа на Брзата помош.

За потсетување, судењето требаше да започне во 10 часот, а на денешното рочиште обвинетиот Урош Блажиќ требаше да се изјасни за делото.

Инаку, на обвинетиот Урош Блажиќ за масакрот му се заканува казна затвор од 20 години бидејќи во времето на извршувањето на кривичните дела бил млад полнолетник, односно немал наполнето 21 година.

The post РОДИТЕЛИТЕ НА ЖРТВИТЕ ГО НАПАДНАА МАСОВНИОТ УБИЕЦ Хаос во судот во Смедерево, прекинато судењето на момчето кое уби 9 лица appeared first on plusinfo.mk.

The post ТАТКОТО НА КОСТА К. ОСТАНУВА ВО ПРИТВОР Одлуката на судот соопштена три дена пред годишнината од маскрот во белградското училиште appeared first on plusinfo.mk.

Шерифот на округот Сампсон, рече дека полицијата добила итен повик од некој што го познава сопственикот на куќата. Тој што се јавувал им рекол на инспекторите дека четворица мажи и една жена биле мртви во домот.

Кога пристигнала полицијата, нашле тела на луѓе на возраст од 30 до 80 години. Сите биле пронајдени во различни простории од куќата.

Инспекторите рекоа дека наводите потврдуваат дека жртвите биле целно застрелани, но не дадоа други детали за тоа што ги поврзува жртвите или што довело до пукањето.

Засега не се знае кој е убиен, и дали е во тек потрагата по напаѓачот или се работи за изолиран инцидент.

Бројни полициски екипи се на терен и вршат увид.

Ова е втор масовно убиство во САД во рок од три дена. Полицијата во сојузната држава Мејн сѐ уште трага по масовниот убиец кој во средата на 25 октомври уби најмалку 18 лица и рани од 50 до 60 лица во масовното пукање што се случи во градот Левистон.

The post 🎥 ПРОДОЛЖУВА ХОРОРОТ ВО САД Ново масовно убиство во Северна Каролина appeared first on plusinfo.mk.

На прес-конференцијата синоќа, комесарот за јавна безбедност на Мејн изјави дека полицијата не може да го потврди точниот број на жртви бидејќи ситуацијата сѐ уште „е во тек“, но полициски извор за Фокс њуз изјави дека дури 22 лица се загинати. Стотици полицајци го бараат напаѓачот кој е во бегство, пишува Би-Би-Си.

Ен-Би-Си Њуз, повикувајќи се и на полициски извори, јави дека има меѓу 50 и 60 ранети.

Полицијата во Лустон синоќа го идентификуваше Роберт Р. Кард(40) од Боудин, Мејн, како лице интересно за безбедносна. Според полицијата, Кард е инструктор за стрелање, пренесува Фокс Њуз. Други медиуми напишаа дека тој бил и резервист, член на Националната гарда.

Надлежните соопштија дека се работи за лице кое се сомничи дека е „вооружено и опасно“.

USA | #MassShooting : at least 22 dead and 50 injured in a mass shooting at 3 locations in #Lewinston (#Maine) including a #Walmart store & a bar, and involving the same suspect. Hundreds of police are searching for Robert Card, a firearms instructor and an Army reservist
1/2 pic.twitter.com/GelGDeCaiY

— Nanana365 (@nanana365media) October 26, 2023

At least 16 dead and 60 wounded in mass-shooting in Lewiston, Maine.

Here is a new, closer picture of the main suspect, former US Atmy instructor who is suffering mental health problems. Suspect is still at large. pic.twitter.com/CJiDq2iv5z

— Terror Alarm (@Terror_Alarm) October 26, 2023

Полициската управа во Левистон претходно објави три фотографии од осомничениот на кои се гледа нешто што изгледа како полуавтоматска пушка, заедно со фотографија од бел теренец и побара помош од јавноста за идентификување на осомничениот.

Канцеларијата на шерифот објави и слики од осомничениот, брадест маж во кошула со долги ракави и фармерки како држи пушка во позиција за пукање.

Кард, наводно, неодамна имал проблеми со менталното здравје, по што летово бил сместен во болница, дознава американската телевизија.

Од полицијата потврдија дека инцидентите се случиле на две локации, во ресторан и во куглана. Двата објекта се оддалечени околу 6,5 километри.

Во 20 часот, полицијата на Мејн на Фејсбук објави дека имало пукање во Левистон, град со 36.000 жители, околу 90 километри северно од Портланд, најголемиот град во американската сојузна држава.

Од локалната болница соопштија дека во тек е интервенција поради „голем број жртви во масовен напад“ и дека не можат да дадат информации за бројот на жртвите.

Гувернерката на Мејн Џенет Милс на платформата Х напиша дека била известена за инцидентот и ги повика жителите да ги следат полициските упатства.

188 УБИЕНИ ВО 35 МАСОВНИ УБИСТВА ВО САД Хронологија на престрелките што ги вџашија Американците оваа година

The post 📽 МАСАКР ВО САД, НАЈМАЛКУ 22 ЛИЦА ЗАГИНАТИ Инструктор за стрелање пукаше во ресторан и во куглана appeared first on plusinfo.mk.

Малолетниот убиец Коста К. после сведочењето пред судот наводно се обидел да избега од Психијатриската клиника во Белград во која се наоѓа откако на 3 мај годинава изврши масакр во ОУ „Владислав Рибникар“ во кој уби 9 ученици и чуварот на училиштето, но полицијата во последен момент го спречила во неговиот обид. Веста за наводното бекство на момчето убиец ја објавија дел од српските медиуми повикувајќи се на извори во клиниката.

Министерството за внатрешни работи на Република Србија денеска објави соопштение во кое ги демантира наводите на медиуми за обидот за бегство, со напомена дека малолетниот Коста К. е под 24-часовен полициски надзор и дека секоја можност за бегство е целосно невозможна.

„Министерството за внатрешни работи соопштува дека не се точни тврдењата на одредени медиуми дека К.К. (14) се обидел да избега од здравствената установа во која се наоѓа откако на 3 мај годинава во ОУ „Владислав Рибникар“ во Белград изврши кривично дело. Нагласуваме дека малолетниот К.К.е под 24-часовен полициски надзор, со што секаква можност за бегство е целосно невозможна“ – стои во соопштението од српското МВР.

The post ДАЛИ КОСТА К. СЕ ОБИДЕЛ ДА ИЗБЕГА? Српската полиција тврди дека бегството е невозможно appeared first on plusinfo.mk.