The post ЛЕТОВО, СТРОГИ ЗАБРАНИ ЗА ТУРИСТИТЕ НА КАПРИ Локалните власти со мерки за заштита на локалните жители од масовниот туризам appeared first on plusinfo.mk.

Посетата на една од најпознатите туристички атракции во Рим, фонтаната Ди Треви, од февруари ќе се наплаќа. Туристите ќе треба да платат две евра за да ѝ се доближат, додека жителите на италијанската престолнина ќе имаат бесплатен пристап.

Одлуката ја соопшти градоначалникот на Рим, Роберто Гвалтиери, кој посочи дека мерката се воведува поради огромната гужва и зачестените кражби во околината на фонтаната. Според проценките на градските власти, новиот систем на контролиран пристап на градот ќе му донесе околу 6,5 милиони евра годишно.

Фонтаната Ди Треви дневно ја посетуваат околу 30.000 луѓе, што со години создава сериозен притисок врз просторот и безбедноста. Туристите кои нема да сакаат да платат две евра ќе можат да ја разгледуваат фонтаната од поголема оддалеченост, надвор од контролираниот дел.

И покрај воведувањето наплата, традицијата на фрлање паричка во фонтаната останува непроменета. Според верувањето, тоа носи среќа и повторно враќање во Рим, а собраните пари и понатаму ќе се донираат на хуманитарната организација „Каритас“.

Воведувањето наплата за туристички атракции не е изолиран случај. Италијанските власти во последните години преземаат слични мерки со цел заштита на културното наследство и контрола на масовниот туризам. Така, во 2023 година беше воведена наплата за влез во Пантеонот, додека Венеција лани почна да наплаќа туристичка такса за влез во централното градско подрачје во периодите со најголема посетеност.

The post САКАШ ДА СЕ ВРАТИШ ВО РИМ? ПРВО ПЛАТИ Фрлањето паричка во Ди Треви повеќе не е бесплатно appeared first on plusinfo.mk.

Холандското село Заансе Шанс, познато по своите живописни ветерници, планира од следната година на пролет да воведе влезници од 17,50 евра за туристите.

Причина за мерката која ја најавува локалниот совет е масовниот туризам кој влијае на приватноста на жителите на селото.

-Во 2017 година имавме 1,7 милиони посетители, а оваа година се движиме кон 2,8 милиони. Но, ова е мало место! Едноставно немаме простор за сите тие луѓе! – вели директорката на селскиот музеј, Марике Вервај.

Според неа посетителите често забораваат дека луѓето живеат во селото.

-Тие не знаат дека луѓето живеат тука, па влегуваат во нивните градини, влегуваат во нивните куќи, мочаат во нивните градини, тропаат на врати, фотографираат, користат селфи стапчиња за да ѕирнат во куќите. Значи, воопшто нема приватност – објаснува таа.

Според најавата, посетителите ќе треба да го резервираат влезот и да платат билети преку интернет.

За 17,50 евра, ќе добиете влез во музејот и во внатрешноста на ветерницата, две атракции за кои мораше да се плати посебно. Во музејот, меѓу другото, има и слика од локални ветерници насликани од Клод Моне во 1871 година, додека внатре во ветерниците можете да видите како Холанѓаните во 17 век мелеле жито, пигменти за бои или сечеле дрво.

Доколку само половина од сегашниот број туристи би продолжиле да доаѓаат, годишниот приход од билети би изнесувал околу 24,5 милиони евра.

Советот планира да ги инвестира тие пари во одржување на ветерниците и нова инфраструктура, како што се јавните тоалети.

Сепак, сопствениците на продавници и ресторани не се задоволни, бидејќи како што велат ќе им се намали прометот.

Наплатата на влезници во селата и градовите станува сè почеста практика во борбата против прекумерниот туризам. Венеција наплаќа 5 евра за еднодневни посети, Бутан има дневна такса за сите туристи, а слични мерки се воведени и од заедници како што се селото Кловели во Англија или Корено Плинио во Италија.

The post ТУРИСТИТЕ ИМ ЅИРКААТ ВО ДОМОВИТЕ, БЕЗ ДОЗВОЛА СЕ ШЕТААТ ВО НИВНИТЕ ГРАДИНИ Холандското село на ветерници поради наезда од посетители воведува влезници appeared first on plusinfo.mk.

Илјадници жители на шпанскиот град Малага излегоа на протест против масовниот туризам, кој според нив е причина за високите наеми и недостигот на станови, пренесе ДПА.

Многу од демонстрантите носеа плакати со натписи: „Малага не се продава“ и „Ова не е туризам, ова е инвазија“.

Според организаторите, на вчерашниот митинг учествувале околу 25.000 лица, иако шпанскиот весник Паис објави дека протестирачите биле околу 15.000.

Малага е само уште еден шпански град во кој се одржуваат вакви протести. Демонстрации против масовниот прилив на туристи имаше и во Мајорка, Барселона и на Канарските Острови.

Здружението на наемателите во Малага вели дека постојано растечкиот број на посетители кои изнајмуваат апартмани за одмор е причина за недостигот на станови во градот. – Градот страда, незадоволството е големо. Пред сè, проблемот со станбениот простор требаше да биде ставен на маса, изјави портпаролот на протестирачите за весникот „Паис“.

Во Малага има повеќе од 12.000 законски регистрирани станови за одмор и по овој показател, градот се наоѓа на трето место во Шпанија по Мадрид и Барселона. Освен тоа, многу приватни имоти во Малага и други градови примаат гости незаконски.

The post „ОВА НЕ Е ТУРИЗАМ, ОВА Е ИНВАЗИЈА“ Жителите на Малага на протест, тие се незадоволни од масовниот број на гости appeared first on plusinfo.mk.