Познатиот јадрански делфин Оливер повторно ги израдува капачите откако се појави во близина на плажа во далматинскиот град Новиград, Хрватска.

Според сведоштвата на локалните жители, делфинот во вторникот попладне поминал речиси два часа во друштво на капачите, пливајќи околу нив и играјќи во близина на брегот.

Оливер особено го привлекол вниманието на најмладите. Освен што си играл со топка во водата, тој следел и даска за веслање (SUP) на која имало деца. Целата сцена била снимена од една посетителка на плажата.

Ова не е првпат Оливер да се појави меѓу луѓето. Само еден ден претходно, во понеделникот, тој ги воодушевил и капачите во Масленица.

 

View this post on Instagram

 

A post shared by Plusinfo.mk (@plusinfo.mk)

Многумина од локалното население велат дека станува збор за добро познат делфин кој често се приближува до луѓето и дека веќе со години го забележуваат во овој дел од Јадранот.

Средбите со делфинот Оливер редовно предизвикуваат големо внимание кај посетителите, кои ги споделуваат снимките од неговите игри во морето.

The post 📽️ ОЛИВЕР ПОВТОРНО СИ ИГРАШЕ СО КАПАЧИТЕ Омилениот делфин од Јадранот ги воодушеви сите appeared first on plusinfo.mk.

Делфинот Оливер деновиве стана вистинска мала ѕвезда меѓу капачите во околината на Масленица. Овој симпатичен морски жител го привлече вниманието на луѓето откако на социјалните мрежи почнаа да се шират снимки од неговото дружење и игра со капачите во Новиградското Море.

Многумина не можеа да го сокријат воодушевувањето од глетката на делфинот, кој без страв им приоѓа на луѓето и плива во нивна близина. Фотографиите и видеата брзо ја освоија јавноста, а Оливер преку ноќ стана еден од најпознатите „гости“ на овој дел од хрватскиот брег.

Сепак, експертите предупредуваат дека на ваквите средби треба да им се восхитуваме од безбедна оддалеченост. Капењето, играњето и приближувањето до делфините може да ги вознемири, да го наруши нивното природно однесување, но и да претставува здравствен ризик и за делфините и за луѓето.

The post 📽️ ДЕЛФИН БЕЗ СТРАВ ПЛИВАШЕ СО КАПАЧИТЕ Магична средба во Јадранот, Оливер стана атракција appeared first on plusinfo.mk.