Директорот на американското Одделение за владината ефикасност, Илон Маск, објави видео во кое потсетува дека Русија и САД се многу блиски една до друга.

Маск објави видео на социјалната мрежа „Х“ во кое зборува за географската близина на Русија и забележува дека „не сите Американци знаат дека САД и Русија се всушност многу поблиску едни до други“.

Тој објасни дека Русија и САД ги делат само две милји, односно земјите ги дели Беринговиот теснец.

„Само две милји еден од друг и уште повеќе, понекогаш дури и се поврзани. Земјите ги дели Беринговиот теснец. Но, ако погледнеме внимателно, ќе видиме два мали острови кои се оддалечени 2,4 милји (3,8 километри) и ја делат територијата на САД и Руската федерација“, се наведува во описот на видеото.

pic.twitter.com/O0wKflXOyK

— Elon Musk (@elonmusk) April 7, 2025

The post 📽 САД И РУСИЈА СЕ МНОГУ БЛИСКУ Маск објави видео appeared first on plusinfo.mk.

Американскиот претседател Доналд Трамп изјави во вторникот дека ќе размисли дали извршниот директор на Тесла, Илон Маск, или претседателот на компанијата Оракл, Лери Елисон, би можеле да го купат Тик-ток.

– Би бил ако сака да го купи, да. Би сакал и Лери да го купи – одговори Трамп на новинарско прашање на средба со медиумите.

Сопственик на Тик-ток е кинеската компанија „Бајт денс“. Трамп предлага тој што ќе го купи Тик-ток да даде половина од својот капитал на САД во замена за лиценца за работа.

– Можеби ни треба согласност од Кина, но сигурен сум дека тие би ја дале – заклучи Доналд Трамп.

Американскиот претседател на својот прв работен ден во понеделникот ѝ нареди на својата влада да ја прекине примената на закон кој го донесе претходната администрацијата на Џо Бајден на 75 дена, за да се обиде да најде решение за проблемот.

Поради ова, социјалната мрежа беше недостапна неколку часа во текот на викендот.

Законот предвидува многу високи казни за давателите на интернет услуги и продавниците за апликации, до 5.000 долари по корисник. Овие санкции ќе ги воведе Министерството за правда, на кое Трамп му нареди да не интервенира два ипол месеци, време кое му е потребно за да се консултира со советниците.

Мерката беше доволна за да се смири Оракл, американската компанија која е домаќин на Тик-ток на своите компјутерски сервери, но не и Епл и Гугл, кои ја отстранија социјалната мрежа од нивните мобилни платформи за преземање апликации во неделата.

Затоа, 170 милиони американски корисници кои веќе имаат Тик-ток можат да продолжат да го користат, но повеќе не можат да ја ажурираат платформата редовно како и обично.

Трамп, кој за време на неговиот прв мандат сакаше да го забрани Тик-ток во име на националната безбедност, сега има поинаква перспектива.

– Има толку многу производи произведени во Кина, а единствениот на кој се жалат е Тик-ток, рече завчера Доналд Трамп, мислејќи на избраните функционери во Конгресот.

The post МАСК ИЛИ ЕЛИСОН БИ МОЖЕЛЕ ДА ГО КУПАТ ТИК-ТОК? Трамп е отворен за идејата, предлага 50% од капиталот да оди за државата appeared first on plusinfo.mk.

На средбата се разговарало и за теми поврзани со европската интеграција на С Македонија, како и за најновите регионални случувања.

– Пријателите и партнерите ги земаат предвид меѓусебните перспективи и интереси. Нашиот состанок беше длабинска размена за изгледите за следниот исчекор на Северна Македонија кон Европската унија. Привилегија е да се има Германија за пријател и поддржувач, кој искрено  помага да се реализираат овие наши стратешки цели како важна геостратешка инвестиција – истакнал министерот Османи, соопштија од МНР.

Министерот Мас на средбата истакнал дека е крајно време Европската унија да ја спроведе консензуалната одлука донесена во март 2020 година и да започне пристапни преговори со Северна Македонија и Албанија.

„Сакам да изразам целосна поддршка за словенечкото претседателство со Советот на ЕУ, кое вети дека ќе стави крај на сегашниот ќор-сокак. Самитот во Брдо мора да испрати недвосмислена порака за остварливоста за пристапување на Западен Балкан. Политиката за проширување ќе добие голем кредибилитет со напредок во досието на Северна Македонија наскоро. Сакам да подвлечам дека постои силен консензус меѓу политичките партии во германскиот Бундестаг во однос на нашата континуирана поддршка за пристапниот пат кон Западен Балкан во ЕУ. Нашиот ангажман ќе продолжи низ и надвор од тековната фаза на транзиција, и по формирање на новата влада“, рекол министерот Мас, се наведува во соопштението.

На средбата било разговарано и за севкупниот развој на билатералните односи, економската соработка, ситуацијата во врска со пандемијата на ковид-19, актуелните надворешно-политички прашања, како и соработката во бројни мултилатерални организации.

The post ОСМАНИ И МАС ЗА ЌОР-СОКАКОТ Крајно време е ЕУ да ја спроведе консензуалната одлука appeared first on plusinfo.mk.

„Мојот колега од Обединетото Кралство и јас се согласуваме околу речиси сè во меѓународните односи, но не и околу тоа кој ќе победи на „Вембли“, па, како би било малку да се обложиме“, напиша Мас на својот Твитер профил.

Британскиот министер го прифати предизвикот. „Come on England“ (Напред Англија), одговори Раб.

Мас и Раб се наоѓаат во италијанскиот град Матера на еднодневен самит на шефовите на дипломатиите на земјите од Г20.

Натпреварот заврши, Англија ја победи Германија со 2:0. Очигледно е дека Мас ќе дава гајба пиво на колегата Раб.

The post Мас ќе дава гајба пиво на колегата Раб, се обложиле пред натпреварот Германија – Англија appeared first on plusinfo.mk.

Шефот на германската дипломатија Хајко Мас не гледа причина во решавањето на спорот да се вклучуваат трети страни, но вели дека Берлин е секогаш подготвен да помогне и да го сподели своето искуство.

По состанокот со македонскиот колега Бујар Османи во Берлин, Мас уште еднаш ја истакна поддршката на Берлин за почеток на пристапните преговори на Македонија со ЕУ „што е можно побрзо“.

– Германија е сериозна за ЕУ перспективата на земјите од регионот и тоа особено важи за Македонија, која одамна ги исполни условите за почеток на преговорите. Затоа минатата година многу се заложивме за одржување на меѓувладината конференција, но тоа не беше можно. Сега го поддржуваме португалското претседателство да го стори тоа. Не само што тоа го сметаме за логично, туку и за неопходно, не само од аспект на довербата на граѓаните во Македонија, туку и поради интересот на ЕУ, колку е можно побрзо да ја одржиме меѓувладината конференција – рече Мас.

Германскиот министер го смета за добар сигнал „продолжувањето на реформите во Македонија“.

– Продолжувањето на реформската агенда, особено во делот на владеењето на правото, е добра вест. Се движиме кон заедничката цел и Германија останува на ваша страна – порача Мас.

Османи и Мас се согласни дека бугарската блокада не е причина да се разделат Македонија и Албанија од преговарачкиот процес.

– Ние веќе 11. пат добиваме препорака за почеток на преговорите. Емпириските податоци покажуваат дека кога две земји заедно се движат кон ЕУ, резултатите се подобри. Не гледаме причина да има разделување на двете земји, особено што Македонија ги исполнува сите критериуми – рече Османи.

Според Мас, иако такви дебати имало и порано, германската влада и порано и сега се залага двете земји да продолжат заедно на патот кон ЕУ.

Мас уште еднаш ги отфрли нон-пејперите кои кружат на и околу Западниот Балкан и повтори дека Германија ниту во минатото ниту во иднина ќе поддржи каква било промена на границите во регионот.

– Не треба да се троши време на тие нон пејпери. Германија не е вмешана во ниту еден од тие нон пејпери, и сите вести кои го тврдат спротивното се фејк њуз. Нашата политика за Западен Балкан е да не се чепкаат границите. Во минатото го отфрлавме тоа, и ќе го отфрламе и во иднина“, рече Мас.

Iзвор: Дв

The post Мас: Спорот со Бугарија нека го решаваат експертите, без притисок од надвор appeared first on plusinfo.mk.

– Се водат интензивни разговори за одржување на првата меѓувладина конференција за време на претседателството на Германија со ЕУ. Ние и натаму ќе работиме со вас како и во изминатите денови бидејќи тоа е нашата цел јавно прокламирана за време на нашето претседателство. Од март чекаме конечно да почнат формалните преговори и настојуваме да ја одржиме првата меѓувладина конференција до крајот на годинава – рече Мас.

Тој нагласи дека од тоа ќе зависи и кредибилитетот на ЕУ во регионот.

– Одлучувачко ќе биде во наредните денови да се најде решение за прашањата за кои се уште немаме одговори. Ние сме сериозни за тоа и сакаме конкретно да ги реализираме овие цели. Сериозни сме кога велиме дека Западниот Балкан припаѓа во ЕУ и сакаме да имаме успех во тоа. Ќе сториме се што е во наша моќ да ве поддржиме на тој пат – рече шефот на германската дипломатија Хајко Мас на доделувањето на наградата на премиерот Зоран Заев во Берлин.

The post Мас: Ќе сториме се што е во наша моќ за старт на преговорите до крајот на годинава appeared first on plusinfo.mk.

– Тоа е одлука што не можеме да ја сфатиме – рече министерот, додавајќи дека уникатниот споменик е место на светското културно наследство со „значење далеку поголемо од Турција“.

Одлуката за враќање на Света Софија во џамија нема да помогне во дијалогот меѓу ЕУ и Турција, рече Мас.

Тој посочи дека УНЕСКО сега ќе го разгледа статусот на споменикот како светското културно наследство.

– Но, се надевам дека во блиска иднина работите ќе се развиваат на таков начин што неговиот статус нема да биде загрозен – додаде Маас.

„Света Софија“ е изградена од византискиот император Јустинијан Први во 537 година како најголема црква во христијанскиот свет.

Таа била претворена во џамија по османлиското освојување на Цариград, денешен Истанбул, во 1453 година од страна на султанот Мехмет Втори, попознат како Освојувачот.

Статусот од џамија во музеј бил сменет со указот од 1934 година на Мустафа Кемал Ататурк, основачот на модерната турска република.

Илјадници муслимански верници денеска се собраа на првата молитва, откако музејот беше пренаменет во џамија со контроверзниот декрет на претседателот Реџеп Таип Ердоган, појасни ДПА.

The post Берлин ја критикува Анкара, значењето на „Аја Софија“ е далеку поголемо од Турција appeared first on plusinfo.mk.

– Jасно ми е дека морам да ги посетам Србија и Косово и да испратам силен сигнал дека Дијалогот за нас е приоритет – изјави Мас, претставувајќи ги приоритетите на германското претседавање со Советот на Европска Унија пред Надворешнополитичкиот одбор на Европскиот парламент во Брисел.

Tој додаде дека неодамна во Берлин се сретна со специјалниот претставник на ЕУ за Дијалогот Белград – Приштина, Мирослав Лајчак, при што истакнал дека Германија останува посветена на Дијалогот и најави ангажман на ЕУ во разговорите.

– Станува збор за земји кои сакаат европска иднина и не би требало да дозволиме да побегнат од нас, а знаме дека други имаат интерес да влијаат врз тој регион – предупреди Мас.

Tој додаде дека покрај „тешката и комплексна“ ситуација, регионот сега е погоден и од нов бран на пандемијата со ковид-19.

Мас истакна дека Германија ќе се труди до крајот на своето претседавање со ЕУ, до крајот на годината да ги отвори пристапните преговори со Северна Македонија, но изрази сомневање дека е истото можно и со Албанија.

The post Мас најави дека ќе ги посети Србија и Косово appeared first on plusinfo.mk.

– Лошо е за Советот за безбедност на ООН што сѐ уште не постигна единство околу оваа важна глобална тема – рече Мас.

Како што пренесуваат германските медиуми, тој смета дека не може Советот за безбедност да не се огласи кога цел свет се бори со таква пандемија.

Германија ќе го преземе претседателството со Советот за безбедност на ООН на 1 јули, на еден месец.

Резолуцијата за коронавирусот досега изостана поради спорот меѓу САД и Кина, кој  првенствено е за улогата на Светската здравствена организација.

The post Мас: Лошо е за Советот за безбедност на ОН што нема единство околу пандемијата appeared first on plusinfo.mk.