Двајцата реномирани и наградувани архитекти, Гугуловска Ѓорѓевиќ и Пановски, се косопственици на архитектонското биро „Радиус архитекти“. Тие се автори на „Гранд Скопје“ и во кратко видео интервју откриваат од каде, пред сè, ја црпеле инспирацијата за станбено-деловниот комплекс кој ќе стане новото обележје на Скопје.

Погледнете го разговорот со Јана и Мартин и дознајте од прва рака што сè овозможува комплексот на иднината…

The post ОД ПРВА РАКА СО ТВОРЦИТЕ НА „ГРАНД СКОПЈЕ“ Сакавме околината да биде присутна во секојдневното живеење (ВИДЕО) appeared first on plusinfo.mk.

Продажниот салон, или т.н. „Showroom“ се наоѓа во Градскиот трговски центар на првиот кат и веќе е достапен за сите заинтересирани граѓани секој работен ден од 10 до 18 часот.

Во присуство на медиумите и останати гости, инвеститорот детално го презентираше целиот комплекс „Гранд Скопје“, како и предностите за живеење во станбено-деловниот објект „Гранд Ривер“ кој е во моментов во градба и од каде всушност започнува и продажбата.

Леонид Антиќ: Се гради согласно највисоките архитектонски стандарди и нормативи за градење енергетски ефикасни објекти

– „Гранд Ривер“ претставува модерен станбено-деловен објект кој содржи три нивоа под земја, приземје и дваесет ката, а се гради согласно највисоките архитектонски стандарди и нормативи за градење енергетски ефикасни објекти – изјави Леонид Антиќ од МГ Фешн, додавајќи дека објектот е дизајниран да овозможи максимален комфор на идните корисници, како и целосно искористување на погледот и природната светлина, како кон реката Вардар, така и кон планината Водно.

Тој објасни дека објектот „Гранд Ривер“ како дел од комплексот „Гранд Скопје“ нуди атрактивни придобивки за неговите идни станари, поволност да имаат сѐ на дофат на рака, модерна шопинг галерија во централниот дел на комплексот, но и простор за одмор и релаксација во строгиот центар на градот, кој го обезбедува софистицираниот урбан парк кој ќе биде составен дел од „Гранд Скопје“.

Антиќ потсети дека инвеститорот МГ Фешн во рамки на комплексот предвидува и капитална инвестиција за уредување на јавната површина близу 7.500 м2 со разновидно парковско зеленило, налик на светските урбани паркови, и изрази подготвеност за соработка со Општина Центар за уредување на овој простор.

Продажниот салон ќе биде отворен секој работен ден од 10 до 18 часот

Зад архитектонското решение на „Гранд Скопје“ стојат реномираните архитекти Мартин Пановски и Јана Гугуловска Ѓорѓевиќ од „Радиус архитекти“. Пановски пред присутните истакна и дека создавањето луксузен комплекс во центар на град е голем предизвик и голем творечки поттик за секој архитект. Нивната цел, вели тој, била од простор на којшто досега имало едно мртво ништо, да создадат современ, жив и вибрирачки градски простор, полн со енергија својствена на центар на секоја метропола.

– Очекувано, реката сама по себе за нас архитектите секогаш претставува особена инспирација, што се забележува и во обликувањето на објектот „Гранд Ривер“. Но, за нас поголема инспирација беше Градскиот трговски центар, не како појавност туку како концепт – јавна пешачка улица над која се поставени станбено-деловни кули. Затоа креиравме комплекс кој се состои од јавна пешачка трговска улица низ која доаѓате до голем јавен простор (планираниот урбан парк), со продори кон кејот на Вардар и кули ориентирани кон Вардар и Водно – додаде Мартин Пановски, еден од авторите на проектот „Гранд Скопје“ во однос на инспирацијата за овој проект.

Мартин Пановски: Целта ни беше од простор на којшто досега имаше едно мртво ништо, да создадеме жив и вибрирачки градски простор

Од самиот почеток на градбата на комплексот „Гранд Скопје“, несебична поддршка даваат и жителите на Ново Маало, на чии имоти всушност се предвидува овој комплекс и чии претставници беа исто така присутни на денешниот настан.

Во отсуство на архитектот и генерациски скопјанец Владимир Пота, кој воедно е и сопственик на имот во Ново Маало, беше прочитан и извадок од негов текст, во кој тој комплексот го нарекува новиот Downtown на Скопје кој непоколебливо ќе биде создаден во 21. век во новото столетие на главниот град.

Пота вели дека овој нов „Downtown“ во својата комплетност ќе ги содржи сите атрибути кои му припаѓаат како современ, административно деловен, станбен центар, кој ќе го дефинира и конечно, артикулира просторот кој денес го нарекуваме „паркингот пред Холидеј Ин“ и супстандарното Ново Маало.

The post ПОЧНА ПРОДАЖБАТА НА СТАНОВИ ВО „ГРАНД СКОПЈЕ“ Нов „Downtown“ ќе никне врз супстандарното Ново Маало (ФОТО) appeared first on plusinfo.mk.

Од друга страна, наместо законската обврска за покривање на околу 2.500 метри квадрати под зеленило, ќе бидат зазеленети 6.250 квадрати. Но, во оваа квадратура не се смета т.н. вертилкално зеленило на објектите, кое дополнително ќе го облагороди просторот.

Дополнително, инвеститорот ѝ предлага на скопската општина Центар соседната парцела 1.4., на површина од 7.322 метри квадратни, која според ДУП е предвидена за плоштад, со сопствени средства да ја уреди во парк и зеленило.

Ова се клучните информации од денешната јавна онлајн-презентација на проектот „Гранд“, во кој инвеститорот, компанијата „МГ Фешн“, дел од „Фешн Груп“, ќе вложи околу 60 милиони евра. Како што истакна директорот на „МГ Фешн“, Илија Божиновски, во портфолиото на ова компанија има повеќе објекти, а најзначаен е „Скопје Сити Мол“, инвестиција вредна 100 милиони евра.

– На парцелата 1.1. ќе никне нов станбено-деловен комплекс, енергетски ефикасен објект, нов скопски даунтаун, со многу јавни површини и многу зеленило. Предвидуваме ова да биде нов урбан центар на градот – рече Божиновски, изразувајќи благодарност за поддршката од граѓаните на скопско Ново Маало.

Уште неколку битни детали за проектот „Гранд“ беа соопштени на јавната презентација. Две од трите кули ќе бидат наменети за домување, а една ќе биде деловен простор. Ќе бидат изградени 400 станови за 1.200 граѓани. Сегашниот паркинг спроти „Холидеј Ин“ ќе се пресели под земја, а подземниот паркинг ќе биде со капацитет од 1.000 возила.

Посебно внимание е посветено на сообраќајното решение, на продорноста и на пристапноста до комплексот, при што сегашната улица Мирче Ацев треба да стане булевар. Гласините дека влезовите на поздезмниот паркинг се спротивни на ДУП не се точни, бидејќи како што е предвидено, ќе има два влеза од улицата Мирче Ацев и од улицата 2, а еден од излезите ќе води и кон улицата 13 Ноември, што не е, како што беше нагласено, спротивно на ДУП.

Архитектот Мартин Пановски се потруди да ги расчисти недоумиците поврзани со овој проект, во време кога тој наиде на жестоки критики во дел од јавноста, а неколку невладини организации веќе покренаа иницијатива за суспензија на Деталниот урбанистички план.

Тој објасни дека посебна пешачка улица ќе го поврзува средиштето на објектот, кој е своевиден хибриден плоштад, со Градскиот трговски центар и со Кејот 13 Ноември. Во врска со најспорното прашање, зазеленувањето на овој простор, Пановски инсистира на фактот дека во предвидените 6.250 квадратни метри зелена површина не е пресметано т.н. вертикално зеленило, односно зелените тераси на станбениот објект за кој имаше реакции дека е плагијат и дека кај нас често се прават вакви слики, но потоа зеленилото во реалчноста го нема.

– Не станува збор за плагијат. Вертикалното зеленило е светски тренд. Ова ќе биде прв таков објект во Скопје. Ние имаме богато искуство со проектирање на зеленило на покривни површини – рече архитектот Пановски, посочувајќи на објектот на Прокредит банка, кој 80 отсто е под зеленило.

Во станбено-деловниот комплекс не е предвидено училишта, но може да се отвори детска градинка во деловниот простор.

Сопствениците на просторот кај „Холидеј ин” ce фирмата „МГ Фешн” и Македонската православна црква преку фирмата „Обновители”.

The post Обелоденет проектот „Гранд“: Три кули со три пати помала катност од предвиденото со ДУП, зеленило два ипол пати повеќе од законската обврска! appeared first on plusinfo.mk.