Ако ја прашате познатата водителка и бизнисменка Марта Стјуарт, се чини дека постои поприродна и многу поприфатлива алтернатива на популарниот лек за слабеење. Имено, познатата икона на животниот стил откри во една епизода од нејзиниот подкаст дека нејзиниот кардиолог ѝ препорачал едноставен додаток во исхраната кој, како што вели таа, делува речиси како Оземпик, пишува Њујорк пост.

Станува збор за прав од цвекло, состојка која се споменува сè повеќе во контекст на здравјето на срцето, енергијата и слабеењето во последниве години.

Еликсир за здравје во чаша

Со него губите тежина. Исклучително е добар за здравјето на срцето – рекла Стјуарт, додавајќи дека го користи секојдневно во својот зелен сок што го подготвува од спанаќ, краставица, ѓумбир, кора од портокал, целер и магдонос.

– Сокот веќе беше добар, но цвеклото го прави уште подобар. Многу сум задоволна – вели таа.

Повеќе за ова прочитајте ТУКА.

The post ПРИРОДЕН ЛЕК ЗА СЛАБЕЕЊЕ? Кардиологот на Марта Стјуарт препорачува прав од цвекло appeared first on plusinfo.mk.

Познатата водителка, бизнисменка и гуру за животен стил, Марта Стјуарт (84), откри за време на неодамнешното појавување во подкастот „50+ & Unfiltered“ дека планира да биде компостирана по смртта.

За жена која е практично синоним за градинарска шапка и готвење од типот на „од фарма на трпеза“, тоа што нејзината последна желба ќе ја врати во почвата можеби не е изненадувачки, иако е и малку неконвенционално.

Со ова Марта докажува дека сака да биде градинарка до самиот крај.

За неа, традиционалното погребување не е опција, ѝ рекла таа на водителката на подкастот Шоун Килинџер. Кога ја прашала дали сака погреб или кремација, Марта одговорила:

– О, ќе бидам компостирана – рекла таа, објаснувајќи дека традиционалните погреби ги смета за „измама“.

 

View this post on Instagram

 

A post shared by Shawn Killinger QVC (@shawnkillingerqvc)

ТВ ѕвездата потоа објаснила дека веќе го користи својот простран имот во Њујорк како гробишта за животните за кои се грижи.

Кога еден од нејзините коњи ќе умре, го завиткуваат во чист бел ленен чаршаф, а потоа се погребува на поле на нејзиниот имот.

– Имам гробишта за домашни миленици. И јас сакам да одам таму – била јасна Марта, а Килинџер ја предупредила за можни правни проблеми.

– Нема да повреди никого, тоа е мој имот – бил одговорот на ѕвездата.

Таа, исто така, зборува и за тоа што сака за последната вечера: нејзиниот последен оброк веројатно ќе биде кајгана од јајца од нејзините кокошки, со путер.

– Тоа е највкусното нешто на светот – додава ѕвездата.

Стјуарт поседува имот од 153 хектари во Бедфорд, Њујорк, наречен „Cantitoe Corners“.

Имотот е дом на коњи, магариња, кокошки, гуски, пауни и многу кучиња и мачки. Со текот на годините, Марта детално ги документирала своите животни и со задоволство го споделува  тоа со јавноста.

Компостирање човечки тела

Човечкото компостирање е особено популарно меѓу еколошки свесните луѓе кои сакаат нивниот погреб да биде што е можно поеколошки. Идејата е дека по смртта, телото се враќа во природата и служи како хранлива материја за нови растенија, со што се завршува природниот циклус на животот.

Компостирањето човечки остатоци – официјално познато како природна органска редукција – стана легално во Њујорк во декември 2022 година. Гувернерката Кети Хочул го потпиша законот, со што Њујорк стана шестата американска држава што ја одобри еколошката алтернатива за погребувањето. Според странските медиуми, државата Вашингтон била првата што ја легализирала практиката уште во 2019 година, а 14 други држави, вклучувајќи ги Калифорнија, Њујорк и Орегон, го следеле примерот.

Процесот обично вклучува ставање на телото во сад што содржи струготини од дрво, луцерка и слама. Природно присутните микроби ги разградуваат остатоците во текот на неколку недели, создавајќи почва богата со хранливи материи што може да се користи за садење. Во 2019 година, Вашингтон стана првата држава што ја легализирала практиката.

The post МАРТА СТЈУАРТ ПО СМРТТА САКА ДА БИДЕ КОМПОСТИРАНА Славната бизнисменка и гуру за животен стил докажува дека сака да биде градинарка до самиот крај appeared first on plusinfo.mk.

Само еден ден по нејзиниот 84-ти роденден, Марта Стјуарт – најпозната како американски гуру за уредување на дом, готвење и животен стил – објави дека влегува во светот на нега на кожата со свој сопствен бренд: Elm Biosciences.

Новата линија, која ќе биде достапна од 17 септември, е резултат на пет години развој и истражување во соработка со њујоршкиот дерматолог д-р Дхавал Бханусали, познат и по формулацијата на линијата на Хејли Бибер – Rhode. Стјуарт се консултирала и со дури 350 дерматолози при создавањето на производите.

Првите два производи од линијата се серум кој чини 135 долари и орален суплемент од 50 долари. Серумот содржи патентиран A3O комплекс наменет за борба против знаците на стареење – од УВ оштетување до дехидратација и иритација – додека додатокот во исхраната е дизајниран да влијае на внатрешните причини за стареење како воспаление, оксидативен стрес и хормонален дисбаланс.

„Интересот за здрава кожа го имам уште од дете“, изјавила Стјуарт во интервју за Wall Street Journal. „Луѓето секогаш ја фалат мојата кожа, и тоа ме радува – затоа што вложувам многу во неа.“ Таа посочила дека пазарот на козметика за жени во нејзина возраст е „длабоко занемарен“, но и дека производите се наменети за широка публика. „Клетките умираат, кожата старее, и ние старееме од моментот кога ќе се родиме. Она што можеме е да го забавиме тој процес,“ објаснила Стјуарт.

Таа без задршка ја фали својата линија: „Ја користам религиозно веќе некое време и кожата ми е фантастична.“

Отворено зборува и за процедурите што ги прави: „Правам тоа што го нарекувам ‘дотерување’ – малку филери, малку колаген во образите, ботокс под брадата и околу вратот. Но никогаш не сум легнала под нож.“

Марта Стјуарт е една од највлијателните икони на американската поп-култура. Како водителка, бизнисменка, авторка и издавачка, таа изгради империја од сопствениот имиџ на „совршена домаќинка“. Но, во 2004 година нејзиниот углед беше сериозно нарушен кога беше осудена на пет месеци затвор за попречување на правдата и манипулација со берзански информации – случај што ја шокираше јавноста.

И покрај скандалот, по излегувањето од затвор, Стјуарт успеа да го обнови својот бренд и популарноста, а денес се смета за симбол на упорност, повторно градење и елегантно стареење.

Со лансирањето на Elm Biosciences, таа уште еднаш покажува дека возраста не е пречка за иновација – напротив, може да биде поттик.

Таа пред три години ја шокираше јавноста кога на 81 година позираше за насловната страница на списанието „Спортс илустрејтид“ во костим за капење

The post МАРТА СТЈУАРТ НА 84 ГОДИНИ ЛАНСИРА КОЗМЕТИЧКА ЛИНИЈА Американската совршена домаќинка се впушта во нов бизнис appeared first on plusinfo.mk.

Позната по своите рецепти и животни совети, но Марта овој пат се најде на мета на критики поради нејзиниот необичен начин на пиење на пијалакот.

Марта e на крстарење од Исланд до Гренланд со компанијата „Свон Хеленик круисес“ и се пофали како ја поминува вечерта, а притоа успеа да ја налути јавноста.

82-годишната Марта стана мета на критика откако искористи „мала санта мраз“ за да го разлади својот алкохолен пијалак на крстарењето од Исланд до Гренланд.

 

View this post on Instagram

 

A post shared by Martha Stewart (@marthastewart48)

На фотографиите таа покажа дека се послужила со парче мраз за да го разлади коктелот.

– Вечерва растопивме мало парче мраз за коктелите – објаснила таа, а набрзо почнале да се јавуваат фановите.

– Марта, глечерите се топат, не ги ставај во пијалак – гласи еден коментар.

– Тие работи треба да ги оставиме во океанот – и напишаа на социјалните мрежи.

Инаку, таа неодамна зборуваше за љубовните проблеми во третата животна доба, а многумина ги изненади со својата морбидна изјава кога рече дека чека да умрат нејзините пријателки за да биде со нивните сопрузи.

ФОТО: Инстаграм

The post (ФОТО) ЈА НАЛУТИ ЈАВНОСТА, ПА ЈА НАПАДНАА СО КОМЕНТАРИ Марта Стјуарт откина санта мраз за да си го разлади коктелот appeared first on plusinfo.mk.

Марта се фотографираше во костим за капење во Доминиканската Република.

„Да се ​​биде на насловната страница на мои години е предизвик, но мислам дека добро го направив тоа“, изјавила таа во емисијата „Денес“.

Ѕвездата од насловната страница повторно е во центарот на вниманието, а со децении ја интригира светската јавност.

„Не се изгладнував, но не јадев леб и тестенини неколку месеци“, рекла Марта Стјуарт завчера во емисијата „Денес“, а потоа продолжила: „Порано одев на пилатес секој втор ден и тоа беше одлично. Сè уште одам на пилатес секој втор ден, затоа што е одлично и јас едноставно живеам уреден живот, добра исхрана, вежбање, нега на кожата…“.

 

View this post on Instagram

 

A post shared by Glock Topickz backup (@_glocktopickz)

Марта се заблагодарила и на генетиката за одличниот изглед, посочувајќи дека нејзината мајка секогаш на плажа носела само бикини. Зборувајќи за својата рутина, таа открила дека секое утро пие сок од зелен зеленчук.

„Мислам дека сите треба да размислуваме за добар живот, за успешен живот, а не за стареење. Сè во врска со стареењето е толку здодевно, знаете на што мислам“, порачала Марта Стјуарт, која тврди дека не направила пластична операција.

 

View this post on Instagram

 

A post shared by PhilSTAR L!fe (@philstarlife)

Марта Стјуарт е американска бизнисменка, писателка, готвачка, телевизиска личност, поранешен модел и осуден криминалец.

Таа ја основаше „Martha Stewart Living Omnimedia“ и имаше успех во различни потфати, вклучувајќи издаваштво, емитување, малопродажба и е-трговија. Авторка е на неколку бестселери и издавач на списанието „Martha Stewart Living“.

Пред 19 години Марта беше осудена по обвиненијата поврзани со случајот со тргување со акции на фармацевтската компанија „ImClone Systems“. Се шпекулираше дека тоа ќе стави крај на нејзината медиумска империја, но во 2006 година таа ја врати профитабилноста на компанијата. Таа повторно се приклучи на одборот на директори на „Марта Стјуарт Ливинг Омнимедија“ во 2011 година и стана претседател на компанијата во 2012 година.

ФОТО: Инстаграм

The post (ФОТО) ИСПИША ИСТОРИЈА Марта Стјуарт на 81 година во костим за капење на насловната на „Спортс илустрејтед“ appeared first on plusinfo.mk.

За лупење и сечкање компири потребно е време, секако, во зависност од количината на компирите потребни за рецептот, но ако барате начин да си го заштедите времето во кујната, познатата Марта Стјуарт има омилена техника кога се компирите во прашање: излупете сурови компири, а потоа наполнете подлабок сад со вода и оставете ги во фрижидер за да не станат кафеави.

Значи, излупете ги компирите под млаз ладна вода, исечете ги во саканата форма, измијте ги од нечистотија. Ставете ги во сад и целосно покријте ги со ладна вода, а потоа чувајте ги во фрижидер. Кога ќе дојде времето да ги готвите, измијте ги повторно со ладна вода.

Кога ќе се поминат двапати низ млаз студена вода, тие ќе бидат совршено крцкави при печењето и пржењето. Покрај тоа, ќе биде отстранет и вишокот скроб.

Одлична идеја е да ги имате вака подготвени порано, а кога оваа техника на порано подготвени компири ќе ви стане рутина, никогаш нема да губите премногу време во текот на подготовката на оброците.

The post СОВЕТИ НА МАРТА СТЈУАРТ Еве зошто компирите треба да ги држите во ладна вода appeared first on plusinfo.mk.