Во март 2026 година просечната месечна исплатена нето-плата изнесувала 48.433 денари, додека просекот бруто плати изнесуваше изнесуваше 72.818 денари, соопшти Државниот завод за статистика.

Споредбата март 2026 – март 2025 година покажува годишен раст од 8,2% на нето-платата.

Три сектори се заслужни за овој годишен раст на просечната нето-плата при што највисок раст има во секторот „транспорт и складирање“ од  15,6%. Следат „дејности во врска со недвижен имот“ од 12,2% и во секторот „информации и комуникации“ каде што растот изнесува 11,6%.

Податоците на статистика покажуваат дека и во март овие три сектори имале висок месечен раст на нето -платите. Во секторот „транспорт и складирање“ тој изнесувал 10,9%, во „дејности во врска со недвижен имот“ од 9,1% и во секторот „информации и комуникации“ од 8,5%.

The post ПРОСЕЧНАТА НЕТО-ПЛАТА ВО МАРТ ПОРАСНА ЗА 8,2% Најзаслужни за растот се три сектори appeared first on plusinfo.mk.

Инфлацијата мерена преку индексот на трошоците на животот во март 2026 година, во однос на март 2025 година, бележи зголемување од 4,9%, а индексот на цените на мало бележи зголемување од 3,4%, објави државниот завод за статистика.

Според овие податоци, инфлацијата во март се зголемила за 0,7% споредено со февруари, а цените на мало се зголемиле за 0,9%.

На годишна основа најголемо зголемувањето на трошоците на живот е забележано кај групоте: храна и безалкохолни пијалаци за 7,5%, алкохол,тутун и наркотици за 8,8% и рекреација,спорт и култура за 6,1% и полиѓнинаа и опрема за домаќинство за 5,9%. Најниско зголемување на трошоците има кај транспортот.

Во однос на цените на мало најголемо зголемување на годишна основа има кај цените на индустриско-прехранбените производи од 6,9%, прехранбените производи од 6,8% кко и кај земјодлеските производи од 6,4%

За еден  месец февруати-март  зголемување на трошоците на животот е забележано кај транспорт за 3,4%, aлкохолни пијалаци, тутун и наркотици за 3,2%, покуќнина, опрема за домаќинствата и редовно одржување на домаќинствата за 0,6%, рекреација, спорт и култура за 0,5, храна и безалкохолни пијалаци за 0,4%, Облека и обувки за 0,3%,…

The post ИНФЛАЦИЈАТА ВО МАРТ ИЗНЕСУВА 4,9% Цените на мало се зголемиле за 3,4% appeared first on plusinfo.mk.

The post СИНДИКАЛНАТА КОШНИЧКА ЗА МАРТ ИЗНЕСУВА 1.100 ЕВРА За еден месец поскапела за 436 денари appeared first on plusinfo.mk.

Во март 2025 година се издадени 334 одобренија за градење, што е за 4% повеќе во однос на истиот месец од претходната година.

Според издадените одобренија за градење, предвидената вредност на објектите изнесува  20, 2 милијарди денари, што е за  244,2 % повеќе во однос на истиот месец лани, соопшти Државниот завод за статистика.

Зголемената предвидена вредност се должи на фактот дека во референтниот период е издадено одобрение за изградба на станица за пречистување отпадни води за Град Скопје, кое е со голема вредност.

Од вкупниот број издадени одобренија за градење, 185 (55,4 %) се наменети за објекти од високоградба, 64 (19,2 %) за објекти од нискоградба и 85 (25,4 %) за објекти за реконструкција.

Од вкупно 334 објекти, на 149 (44,6 %) како инвеститори се јавуваат физички лица, а на 185 (55,4 %) објекти инвеститори се деловни субјекти.

Во извештајниот период е предвидена изградба на 685 станови, со вкупна корисна површина од 57.039 квадратни метри. Од нив најмногу  230 станови ќе се градат во Скопје, 184 во Југозападниот регион, додека 92 стана ќе се градат во Југоисточниот регион. Најмногу од становите ќе бидат двособни и трособни.

The post ВО МАРТ СЕ ИЗДАДЕНИ 334 ОДОБРЕНИЈА ЗА ГРАДЕЊЕ Највреден објект што ќе се гради е пречистителна станица во Скопје appeared first on plusinfo.mk.

Бројот на работниците во индустријата во март годинава во однос на март лани е намален за 4,3%, а во првиот квартал годинава во однос на истиот квартал лани за 3,9 %, објави денеска Државниот завод за статистика.

Во март 2025 година, во однос на март 2024 година има намалување за 4,5% на бројот на работниците во секторот „преработувачка индустрија“, од 2,1% во „рударство и вадење на камен“ и за 1,8% во „снабдување со електрична енергија, гас, пареа и климатизација“.

Најголем пад на бројот на работници од 14,7% има во кожарската индустрија. По неа е текстилната индустрија со пад од 11,2%.

Според главните индустриски групи, бројот на работниците во индустријата во март 2025 година, во однос на март 2024 година, се намалил кај Енергија за 2,8%, кај  Капитални производи за  7,3%, Интермедијарни производи, освен енергија за 0,5% и Нетрајни производи за широка потрошувачка за 6,1%, а се зголемил за 13,4% кај Tрајни производи за широка потрошувачка.

The post ГОДИШЕН ПАД ОД 4,3% НА РАБОТНИЦИТЕ ВО ИНДУСТРИЈАТА Најкритично е во кожарската и во текстилната индустрија appeared first on plusinfo.mk.

Индустриското производство во март годинава е зголемено за 5,2% во однос на март минатата година, а во првиот квартал годинава во однос на истиот квартал лани година за 2%, објави денеска Државниот завод за статистика (ДЗС).

Во март годинава во однос на март лани статистиката регистрира пад на индустриското производство од 1,5% во секторот „рударство и вадење на камен“, а пораст од 4,8% во „преработувачка индустрија“ и од 12,9% во секторот „снабдување со електрична енергија, гас, пареа и климатизација“.

ДЗС објаснува дека зголемувањето во секторот Преработувачка индустрија е резултат, пред сѐ, на зголеменото производство во одделите: Производство на тутунски производи,  Производство на хартија и производи од хартија, Печатење и продукција на снимени медиуми (записи),  Производство на хемикалии и хемиски производи, Производство на производи од гума и производи од пластични маси, Производство на други неметални минерални производи, Производство на метали, Производство на електрична опрема и Производство на моторни возила, приколки и полуприколки.

Кај Производство на машини и уреди, неспоменати на друго место има раст од 15,1%, а кај Производство на моторни возила, приколки и полуприколки од 7,1%.

Според главните индустриски групи, производството во март 2025 година, во однос на март 2024 година, бележи пораст кај Енергија за 13,8%, Интермедијарни производи, освен енергија за  24,3%, додека опаѓање бележи кај Капитални производи за 8,4%, Трајни производи за широка потрошувачка за 8,6% и Нетрајни производи за широка потрошувачка за 3%.

The post ИНДУСТРИСКОТО ПРОИЗВОДСТВО ПОРАСНА ЗА 5,2% Кои гранки беа најуспешни во март? appeared first on plusinfo.mk.

Трендот на намалување на каматните стапки на кредитите  продолжува и во март, покажуваат податоците на Народна банка.

Просечната каматна стапка на вкупните кредити во март  бележи годишен пад од 0,35 п.п. и изнесува 5,15%.

Просечната каматна стапка на новоодобрените кредити во март, изнесува 4,26% и оствари месечен и годишен пад од 0,37 п.п. односно 0,72 п.п..

Овој месец, просечната каматна стапка на вкупните кредити на корпоративниот сектор изнесува 4,77% и е пониска за 0,05 п.п. на месечно ниво, додека кај домаќинствата таа изнесува 5,51% и оствари месечно намалување од 0,02 п.п.

Кај депозитите во март е забележан  годишен раст на просечната каматна стапка на вкупните депозити од 0,38 п.п., при што во март таа изнесува 2,18%.

Овој месец, каматната стапка на вкупните депозити на домаќинствата е непроменета во однос на претходниот месец и изнесува 2,12%, но кај корпоративниот сектор  каматната стапка на вкупните депозити е намалена за 0,06 п.п. и изнесува 2,65%.

The post ПАЃААТ КАМАТИТЕ НА КРЕДИТИТЕ Еве за колку се намалија во март appeared first on plusinfo.mk.

Девизните резерви на крајот на март 2025 година изнесувале 4,788 милијарди евра што е намалување за 73 милиони евра во однос на февруари, покажуваат податоците на Народната банка.

Најголем дел од девизните резерви се пласирани во хартии од вредност (77,0%), по што следуваат монетарното злато (13,4%) и валутите и депозитите (9,6%).

Споредбата со февруари и јануари годинава покажува дека централната банка во последните два месеца го променила пласманот на резервите. Повеќе пласирала во хартии од вредност и монетарно злато, а помалку во депозити и во валути.

Така во февруари во хартии од вредност во февруари беа пласирани (76,2%) по што следуваат монетарното злато (12,5%) и валутите и депозитите (11,3%).

Во јануари во хартии од вредност беа пласирани 56,4% , во валути и во депозити 33,9% и во монетарното злато 9,6%.

Девизните резерви на крајот на февруари изнесуваа 4,861 милијарди евра и беа повисоки за 524 милиони евра во однос на јануари кога тие изнесуваа 4,337 милијарди евра.

Девизните резерви се средства веднаш достапни и расположливи за монетарната власт, во чија надлежност е и контролата врз нив. Служат за финансирање на платниот биланс преку интервенција на девизниот пазар. Пред сѐ, за да се влијае врз девизниот курс, како и за други цели. Во суштина, основната функција им е да ја заштитат економијата од негативни надворешни шокови, за редовно сервисирање на надворешниот јавен долг и интервенции на девизниот пазар.

The post ДЕВИЗНИТЕ РЕЗЕРВИ ВО МАРТ ИЗНЕСУВАА 4,788 МИЛИЈАРДИ ЕВРА Повеќе од 13% се чуваат во злато appeared first on plusinfo.mk.

Трошоците на животот во март 2025 година, во однос на март лани, бележат зголемување од 2,7%, а цените на мало раст од 2,2 %, соопшти Државниот завод за статистика.

Инфлацијата, пак, мерена преку индексот на трошоците на животот во март 2025 година, во однос на февруари 2025 година, е помала за 1,3 %.

Намалувањето на инфлацијата во март 2025 година, во однос на февруари 2025 година, е резултат на намалувањето на трошоците на животот во следните групи: Храна и безалкохолни пијалаци за 3,0 %, Транспорт за 1,8 %, Мебел, покуќнина и одржување на домаќинствата за 0,6 %, Алкохолни пијалаци, тутун и наркотици за 0,5 % и Разновидни стоки и услуги за 0,3 %.

Во март 2025 година, во однос на февруари 2025 година, зголемување на трошоците на животот е забележано во следните групи: Домување, вода, електрика, гас и други горива и Облека и обувки за 0,4 %, Ресторани и хотели за 0,3 %, Комуникации и Здравје за 0,2 % и Рекреација и култура за 0,1 %.

Трошоците на животот во групата Образование остануваат на исто ниво како и во претходниот месец.

Цените на мало во март во однос на февруари годинава се пониски за 0,9 %.

The post ПРВ ПАД НА ИНФЛАЦИЈАТА ГОДИНАВА Во минус се и цените на мало appeared first on plusinfo.mk.

Средномесечната температура се движеше од 3,9°Ц во Лазарополе до 11,3°Ц во Гевгелија. Споредено со просечните мартовски средномесечни температури, за триесетгодишен период (1991-2020), годинашната беше 2,4°Ц над просечната на ниво на држава.

Највисоката максимална температура е измерена на 15 март во Битола и изнесуваше 28,8 степени. Најниската минимална температура во текот на месецот е регистрирана во Лазарополе, на 19 март и изнесуваше -12,7 степени.

Во март годинава, месечната сума на врнежи во државата изнесуваше од 36мм во Битола до 132мм во Маврово.

Врнежите беа од дожд, град и снег на планините. Максимално дневно количество на врнежи од дожд, 41мм беше регистрирано во Гевгелија на 30 март. Во последните шест дена од месецот на повеќе локации во државата, имаше циклонален продор со континуирани ефективни и еднодневни, краткотрајни поројни врнежи пропратени со град и грмежи.

На Попова Шапка на 1 март е измерена највисока снежна покривка од 26см. Снежната покривка беше застапена само во првата декада од месецот. Забележана е и појава на мраз во периодот 18 до 21 март.

Споредено со мартовската просечна вредност за многугодишен период (1991-2020), измерената месечна сума на врнежи беше 38% над просечната на ниво на држава.

The post РЕКОРДНИ ВРНЕЖИ И ВИСОКИ ТЕМПЕРАТУРИ ВО МАРТ Температура била 2,4 степени повисока од просекот appeared first on plusinfo.mk.