Марсела Алказар Родригез се разболела и починала откако учествувала во ритуалот „Камбо“. Оваа 33-годишна актерка, всушност, починала откако консумирала отров од жаба во текот на сложениот ритуал на чистење во духовен центар во Мексико. Почнала да се чувствува лошо кога отровот, според обичајот, ѝ бил нанесен на раните на кожата.

Таа почнала да повраќа и добила тешка дијареја (пролив) набргу откако ја проголтала супстанцијата во саботата и итно била пренесена во болница, но лекарите не успеале да ја спасат. А бидејќи дијарејата и повраќањето се сметаат за дел од ритуалот на „лекување“ по чистењето на телото од трауми и болести, не е јасно колку време било потребно Родригез да се однесе во болница. Сведоци велат дека прво ѝ била ускратена помошта кога ѝ се слошило, пред на крајот да ѝ притекне напомош пријател, но за жал, безуспешно.

„Камбо“ е древен обред на „прочистување и исцелување“, кој потекнува од традициите на домородните народи на Амазонија, а особено е присутен кај племињата како што се Паитити, Катукина, Каксинава и други. Церемонијата се заснова на употреба на секрети кои се излачуваат од кожата на жаби од видот Phyllomedusa bicolor, познати како „камбо жаба“ или „моќна жаба“.

Полицијата сега започна потрага по наводен шаман кој води неименувано засолниште во Мајокојани, Дуранго, а канцеларијата на државниот јавен обвинител во државата Дуранго започна истрага. Шаманот наводно побегнал од засолништето откако ѝ рекол на Марсела Родригез дека не може да си оди.

Бидејќи се појавија извештаите за смртта на латинската актерка, нејзината продукциска куќа објави соопштение и изрази сочувство до семејството.

Марсела Алказар „Марш“ глумела во различни кратки филмови, серии и филмови снимени во Дуранго.

Некои локални медиуми сугерираат дека актерката присуствувала на настан промовиран како дел од нејзината диплома „Обука за исцелител“. Се верува дека таа го земала токсинот во раните утрински часови на 1 декември. Некои информации тврдат дека настанот се случил на 30 ноември. Џонатан Фернандо моментално е под истрага за убиство од небрежност.

The post АКТЕРКА ПОЧИНАЛА ПО БИЗАРЕН РИТУАЛ Земала отров и почнала да повраќа, ѝ немало спас appeared first on plusinfo.mk.