Компанијата КАМ освои две значајни признанија на изборот „Работодавач на годината“, што го организира порталот Vrabotuvanje.com.mk, потврдувајќи ја својата силна позиција како еден од најпосакуваните работодавачи во земјава. На годинашниот избор, КАМ го освои првото место во категоријата маркети, и тоа по трет пат, дополнително беше награден и со второ место во апсолутна категорија помеѓу сите компании.

Настанот ги обединува водечките компании, професионалците во секторот човечки ресурси и претставниците на бизнис-заедницата, со цел да се истакнат најдобрите практики и да се постават нови стандарди на пазарот на труд во Македонија. Гласањето е јавно и транспарентно, а интересот оваа година резултираше со над 27.000 гласови од повеќе од 9.000 гласачи, дополнително поткрепени и со реалните податоци за интересот на потенцијалните вработени при објавата на огласите на Vrabotuvanje.com.mk. Годинава изборот опфати 12 категории, со цел да се препознаат и издвојат најдобрите компании во различни индустрии и сектори.

– Особено значајно е признанието „Работодавач на годината“ во категоријата маркети, кое уште еднаш ја потврдува позицијата на КАМ како еден од најпосакуваните работодавачи во малопродажниот сектор. Фактот што оваа награда ја добиваме по трет пат претставува дополнителна потврда за доследноста во градењето организациска култура заснована на доверба, одговорност, развој и грижа за вработените. Второто место во апсолутната категорија помеѓу сите компании во земјата ја позиционира компанијата и пошироко – меѓу најценетите работодавачи во земјава – велат од КАМ.

КАМ го задржа и приматот на најголем работодавец меѓу трговските синџири во земјава, со повеќе од 1.500 вработени, како и репутацијата на работодавач што обезбедува највисока просечна плата меѓу малопродажните ланци, вложува во човечкиот капитал и со постојано зголемување на платите, подобрување на условите за работа и редовни обуки за професионален развој.

The post КАМ ПО ТРЕТ ПАТ ПРОГЛАСЕН ЗА РАБОТОДАВАЧ НА ГОДИНАТА Победи во категоријата маркети appeared first on plusinfo.mk.

Лидл официјално ја започна изградбата на својот најнов маркет во општина Аеродром, којшто ќе биде со модерна архитектура и одржливи технологии. Новиот малопродажен објект ќе се протега на површина од 3.438 квадратни метри, со продажен простор од 1.200 квадратни метри, а за дополнителна погодност на потрошувачите, локацијата ќе има и 57 паркинг места. Ова е уште еден клучен чекор во планот за проширување на компанијата и нејзината мисија да ги направи висококвалитетните производи подостапни за потрошувачите во Северна Македонија.

Официјалниот почеток на изградбата со поставување на камен-темелникот се одржа во присуство на претседателот на Владата на Република Северна Македонија, Христијан Мицкоски, заменик-претседателот на Владата и министер за транспорт, Александар Николоски, в.д. градоначалникот на Општина Аеродром, Дејан Митески и извршната претставничка на Лидл, Милена Драгијска-Денчева.

Премиерот Христијан Мицкоски го поздрави присуството на Лидл во Аеродром и изјави дека овој проект не е само почеток на изградба на еден обичен објект, туку почеток на едно ново поглавје во малопродажбата со нови стандарди, поголема конкуренција и со подобри услови за граѓаните. Тој нагласи дека особено е горд на фактот што компанијата прифатила да ја зголеми застапеноста на домашното производство и на македонските производи на полиците на Лидл.

– Тоа е од исклучителна важност, затоа што со тоа не само што се одржува локалната економија, туку се гради доверба кај потрошувачите дека македонското е најдобро. Дополнително, македонски производи се наоѓаат на полиците на Лидл во околните земји. Во 2024 година извозот беше околу 5 милиони евра, а очекуваме оваа година, во неформален разговор со претставниците на Лидл, таа бројка да достигне и до 10 милиони евра и со време да расте. Тоа треба да биде инспирација и мотив за македонските претприемачи да ги задоволат стандардите на Лидл и да произведуваат според стандардите на Лидл – рече Мицкоски.

Извршната претставничка на Лидл, Милена Драгијска-Денчева, изјави дека инвестицијата на Лидл низ целата земја е со долгорочен план за работа на македонскиот пазар и ја одразува посветеноста на компанијата кон раст и иновации. Нивните инвестиции на локално ниво претставуваат можност за нивен придонес и поврзување со локалните заедници.

– Кога градиме нови маркети, ги следиме меѓународните професионални стандарди, а воедно соработуваме со локални компании, директно придонесувајќи кон домашната економија. Наскоро ќе ги отвориме вратите за жителите на Аеродром и на целата земја. Искрено се надевам дека со нашата работа ќе ја заслужиме вашата доверба и дека македонските граѓани ќе го изберат Лидл како претпочитана дестинација за секојдневно пазарење – истакна Драгијска-Денчева.

Инвестицискиот план на Лидл во Северна Македонија вклучува изградба на регионален логистички центар во Речица, Куманово и маркети на повеќе локации низ целата земја.

Компанијата Лидл е дел од групацијата Шварц со седиште во Некарсулм, Германија, и е еден од водечките трговци со храна во Германија и во Европа. Лидл моментално управува со околу 12.600 маркети и повеќе од 230 дистрибутивни и логистички центри во 31 земја и вработува над 382.400 луѓе.

The post „ЛИДЛ“ НАСКОРО ЌЕ ГИ ОТВОРИ ВРАТИТЕ ЗА ПОТРОШУВАЧИТЕ Ќе се отворат маркети на повеќе локации низ целата земја appeared first on plusinfo.mk.

Дали овој концепт може да се имплементира во Германија?

Филијалата на „Aldi’s Shop & Go“ се наоѓа во Гринич, Обединетото Кралство, од 2022 година. На клиентите им е потребна апликација за да влезат во продавницата каде што купуваат без традиционална наплата.

Што ќе стои на влезната врата на „Алди“?

Вообичаено, вештачка интелигенција регистрира што земаат клиентите од полицата и што ставаат во количката. Кога ќе ја напуштитат продавницата, износот автоматски се повлекува од картичката, складирана во апликацијата.

Сега клиените ќе плаќаат и кога ќе влезат, а не само кога ќе излезат. Штом клиентите ја отворат апликацијата и ја држат до скенерот за да влезат во продавницата, износот од 10 фунти (приближно 12 евра) се дебитира или се зема од сметката.

Надоместокот за влез во филијалата функционира како депозит. 10 фунти ќе бидат одбиени од купувањето на крајот. Ако клиентите купиле нешто поевтино од 10 фунти, преостанатиот износ ќе ви биде вратен на сметката – барем во теорија.

Концептот сè уште е склон кон грешки

Системот очигледно сè уште е склон на грешки, велат медиумите. Очигледно понекогаш се потребни денови за да се врати преостанатиот износ на сметката. Дополнително, веројатно се почести случаите на двојни трошоци при влез.

Ако случајно ја допрете апликацијата, таа ќе ви наплати за влез дури и ако не сте во близина на филијалата. Ако апликацијата падне или случајно притиснете копче неколкупати, секој пат ќе ви се наплаќа по 10 фунти.

Многу клиенти очигледно не разбираат дека треба да платат за влезница. Кога клиентите ја скенираат апликацијата при влез, реченицата „Ќе овластиме мала сума за да ја потврдиме вашата картичка“ се појавува на мал екран веднаш до неа. Оваа сума ќе се компензира со вашата конечна исплата или ќе ви биде вратена“.

Според пишувањата на медиумите, реченицата исчезнува пред потрошувачите навистина да ја прочитаат и пред сѐ да ја разберат.

Ќе се примени ли новиот концепт во Германија?

Во оваа продавница, клиентите секогаш мораа да преземат апликација за да влезат во продавницата. Потребна е мала претплата (слично на Uber) за да се осигура дека банкарската сметка со која е поврзана корисничката сметка има достапни средства. Концептот моментално се однесува само на филијалата „Алди“ во Гринич.

Досега, продавниците на „Aldi’s Shop & Go“ се достапни само во Обединетото Кралство и во Холандија. Како одговор на медиумите, Алди Норд рече дека таков концепт сѐ уште не е планиран за Германија и дека технологијата генерално не се користи во дисконтите.

Ова значи дека не треба да се плаќа кога некој влегува во продавница на „Алди“ и дека сепак треба да поминеме покрај вработен во „Алди“ или шалтер за самопослужување за да платиме за избраните артикли.

The post ПАЗАРУВАЊЕ САМО СО ВЛЕЗНИЦА ОД 12 ЕВРА? Познат синџир супермаркети воведува контроверзен концепт appeared first on plusinfo.mk.

На социјалните мрежи веќе неколку дена се шири повик за бојкот на малопродажните синџири и шопинг во петок, 24 јануари 2025 година.

„24.01. Во Хрватска има бојкот против високите цени на храната. Од луѓето се бара да не купуваат ништо тој ден, ама баш ништо. Осигурете се за тој ден како да е недела. Во Обединетото Кралство истото се случи и со горивото, следниот ден цената падна за 15 фунти по литар, но ги покачија и платите за 100 фунти месечно. Знам дека Обединетото Кралство и Хрватска не се исти, така што нема потреба да коментирате за ова, ако сакате да направите нешто, ќе се направи. Ако на тоа гледате како на политички избори, ништо нема да постигнете. Само 10% од луѓето да го направат тоа е огромна загуба за малопродажните синџири, вие нема да изгубите апсолутно ништо тој ден, но тие ќе загубат. Поздрав на сите, ова го испраќам групно и ве молам вклучете што е можно повеќе луѓе во неа“, гласи еден од повиците на социјалните мрежи.

Повикот за бојкот исто така предизвика жестока дебата. И додека некои гласно го заговараат, верувајќи дека тоа е најдобриот начин да се покаже моќта на потрошувачите, има и такви кои мислат дека нема да се постигне ништо.

„Потрошувачи, да испратиме силна порака до сите што генерираат поскапувања над европскиот просек. Потрошувачите, заедно со малопродажните синџири – можеме да испратиме силна порака до сите производители, но и до дистрибутерите и увозниците на разни прехранбени и други производи кои се драстично поскапи од оние во другите земји на ЕУ или станаа ненормално поскапи во последните шест месеци“, велат од здруженијата.

„На овој начин не ја уништуваме државата, туку ги уништуваме алчните од врвот на пирамидата за поскапување и ги предупредуваме: сите вие ​​постоите поради потрошувачите, а не потрошувачите поради вас“, предупредуваат тие.

„Затоа ве прашуваме: Дали сте за трета фаза од бојкотот во Република Хрватска поради поскапување преку организиран бојкот на одделни трговски синџири во период од 10 до 15 дена? Ако е така, лајкнете, коментирајте, споделувајте… Хрватски потрошувачи, во ова мора да одиме до крај! На пат сме, нема враќање назад. И нема откажување додека нешто не се промени! Поддржете, споделете, бојкотирајте! Кажи: доста“, напишаа тие.

The post ЗАМИСЛИ СИ ДЕКА ВО ПЕТОК Е НЕДЕЛА Хрватите на интересен начин ќе бојкотираат поради скапотијата appeared first on plusinfo.mk.

Веро е најмодерниот маркет во земјава според оценката на потрошувачите, потврди најновото истражување „Преферирани ланци на маркети и најпознати брендови за 2024 година” што го спроведува агенцијата за истражување и консалтинг „Инсајдер ИД“.

Според добиените резултати, 31% од потрошувачите во земјава се изјасниле дека Веро е најмодерен маркет во конкуренција на сите домашни и интернационални синџири маркети. Односно, еден од три потрошувачи го дели овој став за Веро, што придонесува маркетот да се задржи на првата позиција во категоријата најмодерен маркет веќе трета година по ред.

Во резултатите од истражувањето се потенцира дека ваквата висока перцепција на потрошувачите бележи континуитет низ целиот период.

„Оваа позиција е од особена важност бидејќи и стратегијата на Веро е привлекување на потрошувачите преку понуда на широк асортиман и потрошувачко искуство. Секоја група на потрошувачи има сопствени специфики и очекувања која што треба да биде пресретната од домашните маркети, a континуитетот укажува на постојано пресретнување на тие очекувања“, пишува во заклучокот од истражувањето.

Од компанијата Веро велат дека уште од отворањето на првиот маркет во земјава во далечната 1997 година, Веро е синоним за пионер во модерната малопродажба и маркет кој постојано е во тек со светските трендови.

„Во изминатите децении, препознатлив знак на Веро се модерно уредените маркети дизајнирани за најудобно шопинг искуство, широкиот асортиман производи со специјализирана понуда на ексклузивни и свежи производи од домашни и странски добавувачи, најдобра грижа за потрошувачите и брза, прецизна и квалитетна услуга“, соопшти компанијата.

„Покрај тоа што е пионер во модерната малопродажба, Веро континуирано работи на унапредување на потрошувачкото искуство преку отворање нови современи маркети у модернизирање на постојните според најсовремените светски стандарди. Крајната цел е на своите потрошувачи да им овозможи врвно искуство при купувањето и максимално задоволување на нивните барања и потреби“, се додава во написот.

Од Веро велат дека „следејќи ја својата визија и зацртаните цели низ годините, Веро во своето портфолио денес има 14 најмодерни маркети во четири градови во земјава – Скопје, Тетово, Битола и Куманово“.

Компанијата најавува дека овој синџир маркети во следниот период ќе се прошири и во два нови градови, Струмица и Гевгелија, а планиранo е модернизирање на дел од постоечките маркети.

The post ПОТРОШУВАЧИТЕ ГО ДАДОА СВОЕТО МИСЛЕЊЕ Веро е најмодерниот маркет во Македонија appeared first on plusinfo.mk.

Маркетот е распространет на вкупна површина од 852m², со повеќе од 30 паркинг места.

– Дојдете и уживајте во брзо и лесно пазарување со прегледен распоред и богат асортиман на: свежи месни и млечни производи, топли и крцкави печива, печено пиле, богата понуда на овошје и зеленчук, широка палета на хемиски производи и пијалаци – велат од трговскиот синџир.

Сѐ што ви е потребно ќе пронајдете на едно место!

– Отворањето го одбележавме со специјални попусти и промоции, дегустација на нашите производи, како и тркало на среќата. Повелете, ве очекуваме во новиот КАМ маркет – повикуваат од маркетот.

The post ОТВОРЕН НОВ КАМ ВО „ЛЕПТОКАРИЈА“ Уживајте во прегледно пазарување и во богатиот асортиман appeared first on plusinfo.mk.

Од Агенцијата за храна и ветеринарство информираат дека во Струга е казнет маркет со 1.400 евра поради пласирање на небезбедни производи на пазарот. Уништена е храна во количина од 15 килограми, а казната е изречена за утврдените недоследности (немање декларации, нечитки декларации на производите, несоодветно означување на производите, продажба на храна со поминат рок и слично).

Во Струга е казнета и месарница со 500 евра во денарска противвредност поради пласирање небезбедни производи на пазарот. Уништени се 50 килограми храна од животинско потекло.

Во Охрид со 500 евра е казнета гостилница каде што инспекциските служби на АХВ, при спроведен вонреден надзор, утврдиле недоследности и уништиле 15 килограми небезбедна храна.

„Кај некои од операторите утврдени се незадоволителни хигиенски услови, вршење на активност која не е одобрена од АХВ, непоседување на санитарни книшки за вработените и друго. Покрај вонредните засилени контроли, постапувањето по поднесени претставки и предлози, инспекциските служби на АХВ ги спроведуваат редовните контроли согласно Годишниот план за вршење на инспекциски контроли“, велат од АХВ.

Оттаму додаваат дека во првите 6 месеци од годинава спроведени се 24.335 инспекциски контроли при што се изречени 2.433 инспекциски мерки. Уништени се 37,6 тони и 13.654 литри небезбедна храна.

The post УНИШТЕНИ СЕ 187 КИЛОГРАМИ НЕБЕЗБЕДНА ХРАНА ВО ОХРИД, СТРУГА И ВО КИЧЕВО Казнети се маркет, месарница и гостилница appeared first on plusinfo.mk.

Заради реновирање, дрогеријата на ДМ во VERO Центар во период од 12.5 до 26.6.2024 година ќе биде затворена, информираат од компанијата.

По тој повод, dm на своите купувачи им нуди –15% попуст на апсолутно сè! Овие попусти ќе траат од 9-ти до 11-ти мај. Дополнително, до 11.5.2024 со секоја сметка во оваа дрогерија ќе добиете ваучер со -15% попуст за вашето следно пазарување во дрогеријата во ГТЦ – Скопје.

„По речиси 11 години, со радост се присетуваме на отворањето на дрогеријата во Vero Центар кое помина во многу весела атмосфера, со дружба и убави попусти. Навистина сме среќни што цели единаесет години се дружиме со нашите купувачи на оваа локација, а уште посреќни сме што ќе им овозможиме од наредниот месец да пазаруваат во уште поубава дрогерија која е синоним за место на кое може да пронајдете сè што ви треба – производи за нега и убавина, органска храна и додатоци во исхрана, нега на бебиња, домаќинство“, изјавуваат од команијата и додаваат:

„Сега, на вашето омилено место за пазарување му дојде време за разубавување! Затоа, списоците во рака и упатете се во dm во VERO Центар на шопинг. Следното пазарување во оваа дрогерија ќе можете да го направите на 27 јуни!“

The post УШТЕ ПОУБАВА ДРОГЕРИЈА НА СТАРО МЕСТО Се реновира dm во VERO Центар appeared first on plusinfo.mk.

Маркетот бил ограбен откако автомобил влетал во влезната врата. Алармот се вклучил, а разбојниците го зеле сефот на маркетот и избегале со црвен автомобил од типот караван.

Додека е вклучен алармот, тие успеваат да го стават во багажник, тргнуваат, но сефот паѓа на патот во Црниче, па тие се враќаат повторно да го подгинат.

„На 01.04.2024 во 03.58 часот во СВР Скопје било   пријавено дека во маркет на подрачје на општина Кисела Вода во Скопје три лица извршиле тешка кражба, при што одзеле сеф. Увид бил извршен и се преземаат мерки за расчистување на случајот“, се вели во соопштението од полицијата.

Украден Рептил кој е на 200 метра до МВР.

Спие Панче Тошковски, спие МВРО – ВМРО pic.twitter.com/mjf6IWZIPf

— Пензионерот (@Penzionerot) April 2, 2024

ФИЛМСКИ ГРАБЕЖ ВО ЦРНИЧЕ Со автомобил влетале низ вратата во маркетот и го однеле сефот

The post 🎥 ИМ СЕ ЛИЗНА СЕФОТ ОД БАГАЖНИКОТ И ПАДНА СРЕДЕ УЛИЦА Се појави снимка од филмскиот грабеж во Црниче appeared first on plusinfo.mk.

Според првичните информации на Телма, маркетот е ограбен откако автомобил влетал во влезната врата. Алармот се вклучил, а разбојниците го зеле сефот и избегале со црвен автомобил од типот караван.

„На 01.04.2024 во 03.58 часот во СВР Скопје било пријавено дека во маркет на подрачје на Општина Кисела Вода во Скопје три лица извршиле тешка кражба, при што одзеле сеф. Увид бил извршен и се преземаат мерки за расчистување на случајот“, велат од МВР.

 

View this post on Instagram

 

A post shared by Тв Телма / TV Telma (@tvtelma)

The post 🎥 ФИЛМСКИ ГРАБЕЖ ВО ЦРНИЧЕ Со автомобил влетале низ вратата во маркетот и го однеле сефот appeared first on plusinfo.mk.