Охрид полициски службеници од криминалистичката полиција при СВР Охрид вчера ги уапсија Б.Р.(30), Г.Ј.(32) и С.Н.(33), сите од Прилеп. Прво, на истиот ден во 01:20 часот наутро, во спортскиот центар „Биљанини извори”, за време на одржување на концерт, полициски службеници го лишија од слобода Б.Р. затоа што кај него биле пронајдени и одземени марихуана и бела прашкаста материја.

Подоцна, со судска наредба, бил извршен претрес во станот, кој тој го користел заедно со Г.Ј. и С.Н., при што биле пронајдени и одземени марихуана, повеќе таблети, грендери со остатоци од марихуана, стаклен предмет со печурки, како и други предмети за кои постои сомнение дека потекнуваат од кривично дело.

Тие се задржани во полициска станица и по целосно расчистување и документирање на настанот, против нив ќе бидат поднесени соодветни пријави, информира полицијата.

The post ОТИШЛЕ НА КОНЦЕРТ „СНАБДЕНИ“ СО МАРИХУАНА, ТАБЛЕТИ, ПЕЧУРКИ… Во Охрид уапсени тројца прилепчани appeared first on plusinfo.mk.

Во село Муртино, струмичко, полициски службеници од СВР Струмица завчера вечерта ги уапсија Ф.Р.(29), Е.И.(31) и С.Ш.(24), сите од село Банско, струмичко, информира МВР на својата Фејсбук-страница.

При преглед на патничко возило „пежо“ со струмички регистарски ознаки, во кое биле затекнати, биле пронајдени кокаин и марихуана. Лицата се задржани во Полициската станица Струмица и на 24.07.2026 врз основа на судска наредба е извршен претрес во домот на Е.И. во село Банско, при што била пронајдена мариахуана.

„Известен е јавен обвинител од Основното јавно обвинителство Струмица и по документирање на случајот ќе биде поднесена соодветна пријава“ – информира МВР.

The post ТРОЈЦА УАПСЕНИ ВО СТРУМИЧКО МУРТИНО Им биле најдени кокаин и марихуана appeared first on plusinfo.mk.

Полициски службеници од Единицата за недозволена трговија и Единицата за интервентна полиција при СВР Скопје денеска спроведоа претрес во дом и други простории во Скопје, при што беа пронајдени околу пет килограми марихуана.

Како што соопшти Министерството за внатрешни работи, претресот бил извршен по наредба на Основниот кривичен суд Скопје во домот на С.Љ. (51) од Скопје.

При претресот полицијата пронашла пет килограми наркотична дрога марихуана, како и дигитална вага со остатоци од марихуана.

Во рамки на акцијата, од слобода биле лишени С.Љ. (51) и неговиот син Б.Љ. (19).

По целосното документирање на случајот, против двајцата ќе биде поднесена кривична пријава по член 215 од Кривичниот законик, а постапката ќе се води по итна постапка.

The post ПЕТ КИЛОГРАМИ МАРИХУАНА ПРОНАЈДЕНИ ВО СКОПЈЕ Уапсени татко и син по полициски претрес appeared first on plusinfo.mk.

Косовски државјанин е лишен од слобода откако на граничниот премин Блаце, за време на царинска контрола, насилно се обидел да избега со автомобил во кој криумчарел дрога, при што го довел во опасност животот на царински службеник кој го запрел за детална проверка.

Против него е поднесена кривична пријава поради основано сомнение дека сторил кривични дела „неовластено производство и пуштање во промет на наркотични дроги, психотропни супстанции и прекурсори“ и „спречување службено лице во вршење службено дејствие“, двете казниви според Кривичниот законик.

„На 15 јули, во вечерните часови, царинските службеници на граничниот премин Блаце го запреа за царинска контрола сега приведениот Р.Е. Контролата ја извршуваа двајца царински службеници, при што лицето било повикано да го отвори багажниот простор на возилото за проверка. Во моментот кога осомничениот забележал дека еден од царинските службеници ја видел кесата под совозачкото седиште и се обидел да ја провери, влегол во возилото и насилно ја преминал граничната линија, повлекувајќи го царинскиот службеник кој се обидел да го запре“, соопшти Царинската управа.

Веднаш била повикана граничната полиција, која заедно со царинскиот службеник, по десетминутна потера, му го пресекла патот на осомничениот и го лишила од слобода. Тој бил предаден на Одделението за истраги при Секторот за контрола и истраги на Царинската управа, кое по спроведените истражни дејствија поднело кривична пријава до Основното јавно обвинителство Скопје.

За време на бегството, осомничениот ја фрлил кесата со дрога, која подоцна била пронајдена во близина на местото каде што бил приведен. По наредба на јавен обвинител, дрогата била испратена на вештачење, при што било утврдено дека станува збор за околу еден килограм марихуана. При претресот кај осомничениот било пронајдено и ладно оружје.

„Царинскиот службеник кој беше повлечен при обидот да го спречи бегството на осомничениот се здоби со лесни телесни повреди. Двајцата царински службеници кои учествуваа во интервенцијата на граничниот премин Блаце се пример за секојдневната храброст што вработените ја покажуваат во извршувањето на своите должности со цел заштита на државата“, соопштија од Царинската управа.

The post СО ВОЗИЛО ГО ВЛЕЧЕЛ ЦАРИНИКОТ НА БЛАЦЕ, ПОБЕГНАЛ СО КИЛОГРАМ МАРИХУАНА Поднесена кривична пријава против косовски државјанин appeared first on plusinfo.mk.

Македонскиот државјанин Б.Л. (54), кој се наоѓал во притвор во албанскиот приморски град Валона, починал по срцев удар. Според првичните информации, тој почувствувал здравствени тегоби, по што итно бил пренесен во Регионалната болница во Валона.

И покрај обидите за реанимација, лекарите не успеале да му го спасат животот. Албанските власти соопштија дека се преземаат дејствија за целосно расчистување на околностите околу смртта.

Според албанските медиуми, здравствените проблеми се појавиле додека бил сместен во притворскиот центар во градот.

Б.Л. беше уапсен на 25 април во Валона во акција на албанската полиција против трговија со дрога. Според тогашното соопштение на полицијата, македонскиот државјанин изнајмил стан во населбата „10 Јули“, кој наводно го користел за чување и подготовка на кокаин и марихуана за понатамошна продажба.

„Уапсен е македонскиот државјанин Б.Л. (53) кој изнајмил стан во населбата „10 јули“ каде ја чувал и подготвувал дрогата, кокаин и марихуана, во помали пакувања“, објави тогаш  полицијата.

При претресот биле пронајдени кокаин, марихуана, електронска вага и повеќе мобилни телефони.

Покрај македонскиот државјанин, во полициската акција биле уапсени и двајца албански државјани. Станува збор за А.И. (31) од Валона и К.А. (27) од Берат. Тие се осомничени за кривичното дело производство и продажба на наркотични дроги.

Албанските институции засега не соопштуваат дополнителни детали за смртта на Б.Л., а истрагата е во тек.

The post МАКЕДОНСКИ ДРЖАВЈАНИН ПОЧИНА ВО ПРИТВОР ВО АЛБАНИЈА Осомничениот за дрога добил срцев удар во затворот во Валона appeared first on plusinfo.mk.

24-годишен косовски државјанин е уапсен во Скопје откако избегал од царинска контрола на граничниот премин Блаце, оттурнувајќи и влечејќи царински службеник со возилото. При неговото приведување биле пронајдени марихуана и нож, а самиот признал дека за време на бегството фрлил кеса во која имало два пиштола.

Косовскиот државјанин Р.Е. (24) бил лишен од слобода синоќа околу 22 часот од полициски службеници од Единицата за интервентна полиција при СВР Скопје на улицата Јадранска магистрала во Визбегово.

Според информациите од Министерството за внатрешни работи, претходно на граничниот премин Блаце, додека царински службеник вршел контрола на неговото патничко возило „БМВ“ со косовски регистарски таблички, Р.Е. ненадејно го стартувал автомобилот, го оттурнал цариникот и го влечел неколку метри, по што побегнал во правец на Скопје.

Веднаш биле преземени мерки за негово пронаоѓање, а полициските службеници за кратко време го запреле возилото и го привеле осомничениот.

При преглед на теренот била пронајдена кеса со марихуана, додека во возилото полицијата пронашла и џебен нож.

Дополнително, приведениот изјавил дека за време на бегството фрлил уште една кеса во која, според неговите зборови, имало два пиштола.

Р.Е. е задржан во полициска станица, а по целосното расчистување и документирање на случајот, против него ќе биде поднесена соодветна кривична пријава.

The post ФИЛМСКА ПОТЕРА ОД БЛАЦЕ ДО СКОПЈЕ Косовец фатен со дрога и нож, признал дека фрлил два пиштола appeared first on plusinfo.mk.

Албански државјанец е лишен од слобода на граничниот премин „Деве Баир“, откако при претрес на товарно возило со кое управувал биле пронајдени 24 пакувања со марихуана.

Случајот се случил на 8 јули 2026 година околу 20:00 часот, на излез од државата, кога полициски службеници при гранична контрола и претрес на товарно возило „Волво“ со албански национални ознаки пронашле наркотична дрога.

Според информациите од полицијата, дрогата била скриена во кабината на влекачот, кој бил управуван од Ч.А. (40) од Република Албанија.

Полициските службеници ја одзеле пронајдената марихуана, а лицето било лишено од слобода.

За случајот бил известен јавен обвинител, а Ч.А. бил задржан во полициска станица за понатамошна постапка.

По целосно документирање на случајот, надлежните органи ќе преземат соодветни мерки.

The post ГО ФАТИЛЕ СО 24 ПАКУВАЊА МАРИХУАНА Албанец приведен на „Деве Баир“ appeared first on plusinfo.mk.

Во текот на изминатото деноноќие, полициските службеници во Скопје, Штип и Кавадарци лишија од слобода вкупно 10 лица, кај кои при преглед била пронајдена дрога, информираат од МВР.

На 28/29.06.2026 година во Скопје, на повеќе локации, полициски службеници од СВР Скопје ги лишија од слобода А.С. (25), Х.А. (18), Ј.И. (29) и М.Л. (21), сите од Скопје, потоа А.С. (32) од село Трубарево, Б.Д. (47) од село Инџиково, еден 17-годишник од скопско, како и С.А. (53) од кривопаланечко.

Кај нив биле пронајдени и одземени марихуана, бела грутчеста материја и дробилка.

Во Штип, на 29.06.2026 година во 00:30 часот на улицата Борис Кидрич, полициски службеници од СВР Штип го лишија од слобода А.Н. (36) од Сопиште, скопско, кај кого била пронајдена прашкаста материја.

Во Кавадарци, на 28.06.2026 година во 22:00 часот, полициски службеници од ОВР Кавадарци го приведоа Б.С. (47) од Кавадарци, кој бил затекнат при користење марихуана на јавно место.

По целосно документирање на случаите, против сите лица ќе бидат поднесени соодветни пријави.

The post РАЦИЈА ВО СКОПЈЕ, ШТИП И КАВАДАРЦИ Полицијата не штедеше никого, паднаа 10 лица со дрога appeared first on plusinfo.mk.

Скопската полиција во текот на 16 и 17 јуни спровела координирана акција на повеќе локации низ градот, при што се лишени од слобода 11 лица кај кои била пронајдена дрога, соопшти СВР Скопје.

Приведените се на возраст од 19 до 48 години и се од Скопје, скопските села Сопиште, Катланово и Челопек во тетовскиот регион. Кај нив биле пронајдени бела прашкаста материја, бела грутчеста материја и марихуана, кои биле веднаш одземени.

Од полицијата информираат дека приведувањата се извршени на различни локации во градот, во рамки на засилени контроли насочени кон сузбивање на уличната трговија со дрога.

По целосно документирање на случаите, против сите лица ќе бидат поднесени соодветни поднесоци до надлежното обвинителство.

The post ГОЛЕМА АКЦИЈА ВО СКОПЈЕ, ПРИВЕДЕНИ 11 ЛИЦА Полицијата ги расчистува скопските улици од дрога appeared first on plusinfo.mk.

Полициска акција кај Битола заврши со откриени 46 пакувања марихуана, откако непознато лице побегнало при обид да биде запрено од полициски службеници на патот меѓу селата Лажец и Граешница.

Настанот се случил на вчера година околу 18:45 часот, кога полициски службеници од СВР Битола, при извршување на службени дејствија, забележале лице кое не се придржувало на издадена наредба за запирање.

Според информациите, полицијата му дала усна команда да застане, но лицето не застанало. Во обид да биде запрено, еден од полициските службеници испукал три предупредувачки куршуми во воздух, по што лицето фрлило торба и побегнало од местото.

По извршено пребарување на теренот, полицијата пронашла три торби во кои имало вкупно 46 пакувања со марихуана.

Од СВР Битола информираат дека се преземаат мерки за целосно расчистување на случајот и за идентификација на лицето.

The post ПОЛИЦИЈАТА ПУКАШЕ ВО ВОЗДУХ КАЈ БИТОЛА Не застанал на предупредувањата, фрлил торби и побегнал appeared first on plusinfo.mk.