Полските државјани ќе треба внимателно да внимаваат што носат кога влегуваат во Македонија – 22-годишниот Х.О. од Полска вчера бил лишен од слобода на Граничниот премин Табановце, откако во неговото возило било пронајдено опојно средство – марихуана.

Како што информираат од Министерството за внатрешни работи, инцидентот се случил на 30 јули околу 09:30 часот, кога Х.О. со патничко возило Рено Меган со полски регистарски таблички се обидел да влезе во државата.

При дополнителната контрола извршена од страна на полициските службеници на ГП „Табановце“, во возилото била пронајдена пластична тегла со марихуана, како и една дробилка за подготовка на наркотични средства.

Пронајдените предмети се одземени со потврда, а лицето веднаш било приведено и предадено на полициските службеници од СВР Куманово, за понатамошна постапка по член 215 од Кривичниот законик, кој се однесува на неовластено производство и пуштање во промет на наркотични дроги.

The post УАПСЕН ПОЛЈАК СО ДРОГА НА „ТАБАНОВЦЕ“ Приведен странски државјанин со тегла марихуана appeared first on plusinfo.mk.