Руското Министерство за надворешни работи денеска соопшти дека палежите на имоти поврзани со британскиот премиер Кир Стармер, извршени во мај минатата година, биле дело на украински државјани и дека нема потреба „раката на Кремљ“ да се бара зад секој инцидент.

Украински државјанин во понеделникот беше прогласен за виновен од британски суд за извршување на палежите по налог на мистериозна личност која ја познавал само под прекарот „Ел Мани“.

Според Би-Би-Си, зад нападите стои Русија.

Портпаролката на руското Министерство за надворешни работи, Марија Захарова, денеска на брифинг во Москва ги отфрли таквите обвинувања.

– Ги уапсивте ли украинските државјани кои ја запалија резиденцијата на Стармер? Наречете ги работите со вистинското име. Кажете дека биле Украинци. Нема потреба раката на Кремљ да се бара во сè – изјави Захарова.

Палежите што ја потресоа британската јавност се случија во периодот меѓу 8 и 12 мај 2025 година во северен Лондон. Првата цел бил автомобил „Тојота РАВ4“ што претходно му припаѓал на британскиот премиер Кир Стармер, а потоа биле запалени влезовите на два имота поврзани со него – една зграда во која порано живеел и куќата во Кентиш Таун што сè уште е во негова сопственост и која во тоа време била издадена под кирија. Во еден од објектите живеела и сестрата на неговата сопруга. Во нападите немало жртви, но британските власти оценија дека постоел сериозен ризик по човечки животи.

За нападите беше обвинет 22-годишниот украински државјанин Роман Лавринович, кој според обвинителството дејствувал заедно со Станислав Карпиук, романски државјанин роден во Украина. Британскиот суд оваа недела ги прогласи двајцата за виновни за заговор за извршување палежи, додека третиот обвинет, Петро Починок, беше ослободен од обвиненијата. Според доказите изнесени на судењето, Лавринович добивал инструкции преку апликацијата Телеграм од лице кое го познавал само под прекарот „Ел Мани“, а за извршувањето на нападите му биле ветени парични надоместоци во криптовалути.

Случајот доби и меѓународна димензија откако британски медиуми, меѓу кои и Би-Би-Си, објавија истражувања според кои мистериозниот „Ел Мани“ можеби бил поврзан со руска мрежа за саботажи и дезинформации. Британските безбедносни служби проверуваат дали нападите биле дел од поширока операција за дестабилизација, а дел од медиумите објавија дека трагите водат кон лица и групи блиски до Русија. Москва ги отфрла ваквите обвинувања како неосновани и тврди дека одговорноста е кај директните извршители, кои се украински државјани.

The post ПОЖАРИТЕ НА ИМОТИТЕ НА КИТ СТАРМЕР ГИ ПОДМЕТНУВАЛЕ УКРАИНЦИ Москва порача – не барајте руска рака во сѐ appeared first on plusinfo.mk.

Русија денес категорично ги отфрли обвинувањата дека нејзините сили го погодиле Киевско-печерскиот манастир, едно од најзначајните православни светилишта во Украина. Наместо тоа, Москва тврди дека штетата била предизвикана од украинска противвоздушна ракета.

Според руското Министерство за одбрана, за оштетувањето на 1.000-годишниот манастирски комплекс биле одговорни ракети од системот „Патриот“, кои ги користи украинската армија.

„Очигледна лага“

Портпаролката на руското Министерство за надворешни работи, Марија Захарова, ги нарече обвинувањата против Москва „очигледна лага“.

„Се подготвува уште еден фалсификат“, соопшти Захарова, обвинувајќи ги Украина и западните земји дека ја искривуваат вистината за настанот.

Таа оцени дека руското Министерство за одбрана веќе дало точно објаснување за причините за оштетувањето на манастирот.

A Russian missile struck the Kyiv Pechersk Lavra

Following the overnight attack on Kyiv, the roof of the Dormition Cathedral caught fire. The cathedral is the main church of the monastery, founded nearly a thousand years ago and regarded as one of the most revered sites in… pic.twitter.com/DlODF1Eg2Q

— NEXTA (@nexta_tv) June 15, 2026

Москва возврати и кон Макрон

Во истото соопштение, Захарова го обвини францускиот претседател Емануел Макрон и други европски лидери дека пребрзо ја осудиле Русија.

Според неа, истите политичари не реагирале на украинските напади врз објекти на Крим, каде што, според руските тврдења, бил оштетен студентски дом и уништено вредно уметничко дело во музеј.

Украинската страна претходно соопшти дека манастирскиот комплекс бил оштетен за време на руските напади врз Киев. Независна потврда за причините за оштетувањето засега не е објавена.

Киевско-печерската лавра повеќе од девет века претставува едно од најсветите места на православието. Манастирот, основан во 11 век, преживеал војни, опсади, револуции и политички превирања, оставајќи длабока трага во историјата на Украина и на целиот словенски православен свет.

Комплексот е под заштита на УНЕСКО и се смета за еден од највредните историски и духовни споменици во Европа.

The post 📽️ КОЈ ГО ПОГОДИ МАНАСТИРОТ СТАР 1.000 ГОДИНИ ВО КИЕВ? Москва впери прст кон ракетите „Патриот“ appeared first on plusinfo.mk.

Единици на украинската војска го нападнаа и го оштетија рускиот танкер „Вест Хоризонт“ (West Horizon) во Црното Море, соопшти Генералштабот на армијата на Украина.

Како што се прецизира во военото соопштение, погодено е пловило кое и припаѓа на руската „флота во сенка“ и кое се користело за транспорт на нафта и нафтени деривати со цел да се заобиколат меѓународните санкции. Според тврдењата на украинската војска, потврдено е сериозно оштетување на пропелерно-кормиларниот систем на рускиот брод.

Во соопштението објавено на официјалната страница на Фејсбук, Генералштабот на Вооружените сили на Украина додава дека во текот на изминатата ноќ украинските сили погодиле и низа други важни објекти од воено-индустрискиот и енергетскиот комплекс на Руската Федерација.

Освен ударот врз рускиот танкер, украинската војска тврди дека успешно била погодена и фабриката за производство на навигациски системи за ракети и беспилотни летала „ВНИИР-Прогрес“ во градот Чебоксари, како и рафинеријата за нафта „Кујбишевски“ лоцирана во градот Самара.

Русија веднаш реагираше на инцидентот. Портпаролката на руското Министерство за надворешни работи Марија Захарова рече дека Русија е подготвена да ги искористи „сите расположливи средства“ за да ја заштити поморската безбедност и легитимните интереси на сопствениците на бродови и бродарите во Средоземното Море.

На редовна прес-конференција, Захарова нагласи дека целата одговорност за евентуалните инциденти целосно ќе падне на високата претставничка на Европската Унија за надворешна политика и безбедност, Каја Калас, која ја означи како директен иницијатор на ескалацијата.

– Одговорноста за сите потенцијални инциденти и ескалација на тензиите во Средоземното Море во целост ќе падне на иницијаторите на ескалацијата, кои ги претставува Каја Калас и целата нејзина банда сплеткари – изјави Захарова, коментирајќи ја најновата одлука на ЕУ со која им се дозволува на воените бродови да ги пресретнуваат и задржуваат танкерите во Средоземното Море, за кои Брисел ќе процени дека ѝ припаѓаат на таканаречената руска „флота во сенка“.

Захарова потенцираше дека ангажирањето на бродовите на Европската Унија во рамките на нејзината поморска мисија „Ирини“ во Медитеранот, со цел проверка или заплена на нафтени танкери, би претставувало грубо кршење на меѓународното право. Таа додаде дека Брисел, преку проширувањето на санкциите против Русија, нема да успее да влијае врз суверената политика на Москва.

– Русија најостро ги осудува сите нелегитимни еднострани принудни мерки. Сè поголем број земји го делат и го поддржуваат ваквиот пристап. Секако, ќе преземеме ефикасни и остри чекори како одговор на најновиот пакет санкции на ЕУ – порача портпаролката.

Претходно, високата претставничка Каја Калас изјави дека ЕУ ги засилува мерките против руската „флота во сенка“, поради што европските бродови во рамките на мисијата „Ирини“ отсега ќе можат не само да ги контролираат танкерите, туку и законски да ги запленуваат.

The post ДАЛИ УКРАИНСКАТА ВОЈНА ЌЕ СЕ ПРОШИРИ И НА МЕДИТЕРАНОТ? Украинците погодија руски танкер во Средоземното Море, Русија најавува жесток одговор appeared first on plusinfo.mk.

Портпаролката на руското Министерство за надворешни работи, Марија Захарова остро реагираше на одлуката на Романија за затворање на рускиот генерален конзулат во Констанца и протерување на конзулот, најавувајќи „соодветни мерки“ од Москва.

Захарова изрази „огорченост“ поради потегот на романските власти и порача дека реакцијата од руската страна нема да доцни.

– Соодветните мерки во врска со прогласувањето на рускиот генерален конзул за персона нон грата и затворањето на Генералниот конзулат нема долго да чекаат – изјави Захарова, пренесуваат руските медиуми.

Таа претходно ги отфрли обвинувањата за наводни руски беспилотни летала што летаат над Европа, оценувајќи ги како неосновани и недокажани.

Одлуката за затворање на конзулатот ја соопшти романскиот претседател Никушор Дан по седница на Советот за национална безбедност.

Тој изјави дека генералниот конзул на Русија во Констанца е прогласен за персона нон грата, а конзулатот ќе биде затворен, по инцидентот во градот Галаци, каде што, според романските власти, руски дрон удрил во станбена зграда и предизвикал експлозија и пожар.

– Синоќа се случи сериозен инцидент во кој беа повредени двајца граѓани, а целата одговорност за тоа е на Русија – изјави Дан, додавајќи дека безбедносните служби биле веднаш ангажирани.

Тој информираше и дека разговарал со генералниот секретар на НАТО, Марк Руте, при што инцидентот бил оценет како еден од најсериозните безбедносни случаи во Романија од почетокот на војната во Украина.

Романските власти нагласуваат дека остануваат во координација со НАТО и дека безбедносните мерки се засилени по последниот инцидент.

The post ЗАХАРОВА СО ОСТРА ЗАКАНА ДО РОМАНИЈА „Соодветни мерки“ по протерувањето на рускиот дипломат appeared first on plusinfo.mk.

Русија денеска ги повика САД и Иран да не го обновуваат вооружениот конфликт, предупредувајќи дека секоја нова ескалација може да доведе до сериозна хуманитарна криза.

Портпаролката на руското Министерство за надворешни работи, Марија Захарова, на прес-конференција изјави дека обновување на конфликтот меѓу двете земји би имало негативни последици за целиот свет, пренесуваат руските медиуми.

Таа потсети дека прашањето за иранскиот збогатен ураниум е една од клучните теми во актуелниот индиректен дијалог меѓу Вашингтон и Техеран.

Во меѓувреме, иранскиот претставник за национална безбедност и надворешна политика, Ебрахим Азизи, изјави дека Иран нема да се откаже од своите „црвени линии“, меѓу кои ги наведе правото на збогатување ураниум, контролата врз Ормускиот Теснец и укинување на санкциите.

Висок функционер на американската администрација за Си-Ен-Ен изјави дека нацрт-договорот предвидува рок од 60 дена за постигнување конечен договор меѓу страните.

Според него, потенцијалниот договор треба да гарантира дека Иран нема да може да развие нуклеарно оружје, како и да го обврзе да се откаже од високо збогатениот ураниум.

Американскиот претседател Доналд Трамп изјави дека збогатениот ураниум што го поседува Иран мора да биде уништен, без разлика дали тоа ќе се случи во САД, во Иран или на друга прифатлива локација.

The post СВЕТОТ Е ПРЕД НОВА ВОЈНА, ПРЕДУПРЕДУВА РУСИЈА Иран и САД под притисок да избегнат ескалација appeared first on plusinfo.mk.

Русија денеска и се закани на Ерменија дека ќе го суспендира договорот за евтини енергенси ако Ереван го продолжи процесот за членство во Европска Унија.

– Амбасадата на Русија официјално испрати писмо во кое се наведува дека, доколку процесот на пристапување кон ЕУ продолжи, руската страна ќе го суспендира или еднострано ќе го раскине Договорот за соработка во снабдувањето со природен гас, нафтени производи и необработени дијаманти – изјави портпаролката на руското Министерство за надворешни работи, Марија Захарова.

Предупредувањето од Москва е пред парламентарните избори во Ерменија, што се закажани на 7 јуни, а според анкетите фаворит е прозападната партија Граѓански договор на актуелниот премиер Никол Пашинијан, додека поголемиот број од опозициски партии важат за проруски.

Ерменија, поранешна советска република, нема излез на море и во голема мера зависи од увозот на руски енергенси. Ереван минатата година увезол 2,7 милијарди кубни метри гас, од кои 82 проценти пристигнале од Русија.

Ерменија во 2015 година се приклучи на Евроазиската економска унија, доминирана од Русија. Но, Ерменија веќе две години покажува недоверба кон Москва, која е историски сојузник и снабдувач на оружје на Ереван. Русија сè уште има воена база на ерменска територија.

Ереван го обвинува Кремљ дека не ѝ даде доволна поддршка на Ерменија за време на вооружените конфликти во Нагорно-Карабах во 2020 и во 2023 година.

Ерменскиот парламент минатата година донесе закон што овозможува почеток на преговори за пристапување во ЕУ.

Шефот на ерменската дипломатија Арарат Мирзојан и американскиот државен секретар Марко Рубио вчера во Ереван потпишаа договор за стратешко партнерство помеѓу двете земји. Тие потпишаа и рамковен договор за критични минерали и договор за соработка за предложен транзитен коридор од 43 километри што би поминувал низ јужна Ерменија и Азербејџан за да обезбеди директен пристап до нејзината енклава Нахчиван, а со тоа и до Турција, близок сојузник на Баку.

Кремљ вчера, пред посетата на Рубио, соопшти дека Ерменија би можела да ја изгуби „многу привлечната“ цена што ја плаќа за рускиот гас ако се откаже од интеграцијата со Русија.

The post РУСИЈА Ѝ СЕ ЗАКАНИ НА ЕРМЕНИЈА Москва најави прекин на евтините енергенси ако Ереван тргне кон ЕУ appeared first on plusinfo.mk.

Украинскиот претседател Володимир Зеленски денеска порача дека Русија продолжува со нападите врз Украина и покрај предлогот на Киев за примирје.

Тој ја критикуваше Москва за барањето краток прекин на огнот околу 9 мај.

– Треба да воспоставиме мир, а не да одиме по светските престолнини и да молиме за пауза на 9 мај. Ни треба мир – изјави Зеленски.

Украинскиот лидер предупреди дека Киев ќе продолжи со нападите со долг дострел доколку Русија не ги запре своите напади.

Зеленски тврди дека руските сили денеска извршиле напади со беспилотни летала, ракети и гранати.

Украинската армија соопшти дека соборила 92 од 102 руски дронови.

Портпаролката на руското Министерство за надворешни работи, Марија Захарова, вчера изјави дека Русија ги предупредила дипломатските мисии да го напуштат Киев во случај на можен масовен напад од страна на Москва како одговор на украинските обиди да го попречат Денот на победата.

– Овие јавни закани за напад се дел од неодговорните тактики на ескалација на Русија – изјави Анвар Ел-Ануни, портпарол на канцеларијата за надворешна политика на Европската унија.

Европската унија „нема да ја промени својата позиција или своето присуство“ во Киев, потврди портпаролот денеска, и покрај заканите од Русија.

Од Европската Унија возвратија дека нема да го менуваат своето присуство во украинскиот главен град.

The post НИ ТРЕБА МИР, А НЕ ДА МОЛИМЕ ЗА ПРИМИРЈЕ Зеленски се жали, кој ќе го попречи мирот на 9 мај? appeared first on plusinfo.mk.

Рускиот конзулат во иранскиот град Исфахан е оштетен во гранатирањето пред неколку дена, изјави портпаролката на руското Министерство за надворешни работи, Марија Захарова.

Нападот врз дипломатска мисија е „грубо кршење“ на меѓународните конвенции и секоја земја е должна да ја почитува неповредливоста на дипломатските објекти, рече таа.

„На 8 март, во иранскиот град Исфахан, за време на нападот врз губернијата на истоимената покраина, која се наоѓа веднаш до него, рускиот конзулат е оштетен“, објави изјави Захарова на веб-страницата на руското МНР.

Прозорците во деловната зграда и во станбените станови поврзани со неа се скршени, а неколку вработени беа исфрлени од експлозивниот бран, додаде таа.

„За среќа, немаше жртви или сериозни повреди“, обави Захарова.

Вчера рускиот претседател Владимир Путин разговараше за конфликтот со својот ирански колега Масуд Пезешкијан и повика на прекин на непријателствата, објави Кремљ.

The post ОШТЕТЕН РУСКИОТ КОНЗУЛАТ ПРИ БОМБАРДИРАЊЕТО НА ИСФАХАН ВО ИРАН Захарова повика да се почитува неповредливоста на дипломатските објекти appeared first on plusinfo.mk.

Портпаролката на руското Министерство за надворешни работи, Марија Захарова, денеска ги обвини Украина и Европската Унија дека се залагаат за продолжување на војната наместо за дијалог.

На прес-конференција во Москва, Захарова изјави дека Киев „прави сè за да го спречи постигнувањето праведен мир“ и дека ги интензивира нападите во период кога се одржуваат меѓународни состаноци поврзани со конфликтот.

Таа ја обвини украинската страна дека изведува ракетни и беспилотни напади врз цивилни цели во Русија и го поврза тоа со, како што рече, обид за попречување на преговарачкиот процес. Захарова го спомена и наводниот неуспешен обид за атентат врз рускиот генерал Владимир Алексеев како доказ за, според неа, намерата на Киев да ја ескалира ситуацијата.

Руската дипломатка упати критики и кон Европската Унија, тврдејќи дека Брисел не ѝ дозволува на Украина да прифати компромис и дека со тоа ја попречува можноста за прекин на конфликтот.

Според Захарова, сè додека ЕУ не ја прифати руската позиција за „коренските причини“ на кризата, не може да има конструктивна улога во мировниот процес.

Таа ја обвини и Франција дека се обидува да ги саботира руско-американските контакти, додавајќи дека Москва никогаш не одбила дијалог со Париз. Изјавата на францускиот претседател Емануел Макрон за можен телефонски разговор со Владимир Путин, според неа, останала без реализација.

Изјавите доаѓаат во време на зголемени дипломатски активности поврзани со војната во Украина и меѓусебни обвинувања меѓу Москва, Киев и западните земји.

The post ЕУ НЕ Ѝ ДОЗВОЛУВА НА УКРАИНА КОМПРОМИС Захарова тврди дека Брисел ја попречува можноста за мир appeared first on plusinfo.mk.

Портпаролката на руското Министерство за надворешни работи Марија Захарова денеска изјави дека секоја армија од Коалицијата на подготвените испратена во Украина ќе се смета за легитимна воена цел.

– Во овој поглед, руското Министерство за надворешни работи предупредува дека распоредувањето воени формации, воени објекти, магацини и друга инфраструктура на западните земји на територијата на Украина ќе се смета за странска интервенција, создавајќи директна закана за безбедноста не само на Русија, туку и на други земји во Европа, истакна Захарова.

Таа додаде дека „овие предупредувања се дадени повеќе од еднаш од највисоко ниво и остануваат релевантни“.

– Новите милитаристички декларации на таканаречената Коалиција на подготвените и властите во Киев формираат во себе вистинска оска на војната. Плановите на нејзините учесници стануваат сè поопасни и подеструктивни за иднината на европскиот континент и неговите жители, кои западните политичари исто така ги принудуваат да плаќаат за такви аспирации од свои џебови – посочи Захарова.

The post ЕВРОПСКИ ВОЈНИЦИ ВО УКРАИНА БИ БИЛЕ ЛЕГИТИМНА ЦЕЛ Москва со заканувачка реакција до Коалицијата на подготвените appeared first on plusinfo.mk.