Таа вели дека на Петков и на неговите соработници им е јасно дека „Македонија е под југословенско влијание и дека на Бугарија тука се гледа како на туѓа држава, но вели дека неговата влада веднаш би паднала доколку тој се откаже од поставените бугарски позиции во преговорите“.

– Нив им е јасно дека Македонија во последните 70 години е под југословенско влијание и Бугарија стана туѓа за новата македонска држава. Секоја влада во Бугарија би паднала доколку отстапи од бугарската позиција. Значи, проблемите се исклучително сложени. Кирил Петков и Димитар Ковачевски беа многу пријателски расположени и оставија впечаток дека односите наеднаш ќе се променат и ќе се решат прашањата. Но, дури следниот ден македонските медиуми објавија други сигнали. Сметаат дека секое разбирање со Бугарија е речиси повлекување од бугарската позиција. За жал, таков став искажа и македонскиот претседател. На македонската Влада ќе и биде тешко исто како и на бугарската Влада. Интервенцијата на големите сили на Балканот секогаш ги попречувала односите меѓу балканските држави. Дури и сега, САД, Русија и ЕУ се подготвени да го поддржат брзиот почеток на преговорите за членство на Македонија во ЕУ. Бугарија останува сама, поддржана само од француското претседателство со ЕУ и францускиот претседател Емануел Макрон. Во својот говор на 19 јануари 2022 година во Брисел, Макрон рече дека ЕУ не е подготвена да прифати нови земји бидејќи одлуките на ЕУ беа исклучително тешки за повеќе земји и дека правилата на ЕУ мора да се променат. Како аналитичар, но само според мене, можам да кажам дека гледам одредена промена во односите меѓу Бугарија и Македонија. Според мене, проблемите треба да се решаваат на прагматична основа во разни комисии, како што предложи бугарскиот премиер. Историските и културните прашања бараат време, довербата тешко се враќа. Како професор по политички науки сум имала студенти Македонци и многу добро сум работела со нив – вели Пиргова.

The post МАКЕДОНИЈА ЦЕЛИ 70 ГОДИНИ Е ПОД ЈУГОСЛОВЕНСКО ВЛИЈАНИЕ Пиргова вели дека владата на Петков ќе падне доколку ги напушти позициите на Бугарија appeared first on plusinfo.mk.