Полицијата вчера затвори два перона на главната станица во Хамбург, додека екипите за итни случаи во целосна заштитна опрема евакуираа воз од Франкфурт, откако двајца патници, 26-годишен студент по медицина и неговата партнерка контактирале со лекарите бидејќи биле загрижени дека се заразиле со тропски болести во Руанда.

Источноафриканската земја моменно минува низ епидемија на смртоносниот и многу заразен вирус Марбург. Според Министерството за здравство на земјата, до недела имало 26 потврдени случаи, додека осум лица починале од вирусот.

Во соопштението за печатот на Одделот за социјални работи во Хамбург, се наведува дека лице кое работело во болница во Руанда било негативно за вирусот Марбург и дека наодот е потврден со ПЦР тест.

Претходните извештаи сугерираа дека двојката развила симптоми слични на грип во возот. Пожарникарите во Хамбург вчера кренаа паника поради тоа што соопштија дека едно лице повраќа.

Студентот по медицина ќе продолжи да се следи до крајот на периодот на инкубација до 21 ден, се наведува во соопштението. „Во ниту еден момент немаше опасност за сопатниците во возот или авионот“.

Вирусот Марбург предизвикува треска со симптоми како што се грчеви, крваво повраќање и дијареа и стапка на смртност до 88 отсто, покажуваат податоците на Светската здравствена организација (СЗО). Марбург вирусот се пренесува преку изложување на овошни лилјаци, но може да се пренесе и од човек на човек преку телесни течности, крв и преку незаштитен секс.

The post НЕГАТИВНИ СЕ НА СМРТОНОСНИОТ ВИРУС МАРБУРГ Пристигнаа тестовите за брачната двојка од Хамбург appeared first on plusinfo.mk.

Паниката што настана на железничката станица во Хамбург, Германија, предизвика вистински хаос, откако властите реагираа на потенцијалната закана од ширење на смртоносниот вирус Марбург. Жителите и патниците беа евакуирани, додека станицата се испразни заради претпазливост. Приведувањето на неколку патници кои покажале симптоми на болеста, како што се висока температура и слабост, само го зголеми стравот во градот.

• СМРТОНОСЕН ВИРУС СОЗДАДЕ ПАНИКА ВО ХАМБУРГ Се празнела железничката станица, се приведувале патници

Иако властите првично се сомневале дека овие лица можеби се заразени со вирусот, подоцна било потврдено дека не станува збор за Марбург, пишува Политико.

Како и да е, инцидентот ги потсети граѓаните на сериозноста на овој вирус и ризикот од ширење преку глобалните транспортни мрежи.

Што е вирусот Марбург?

Вирусот Марбург, кој предизвикува сериозна и честопати фатална хеморагична треска, првпат е идентификуван во 1967 година, кога истовремено избувнале епидемии во Марбург и во Франкфурт, Германија, како и во Белград, бивша Југославија. Вирусот е сличен на вирусот Ебола и еден од најопасните познати патогени, со стапка на смртност од 23 до 90%, во зависност од квалитетот на медицинската грижа и други фактори поврзани со здравствените коморбидитети на самите заболени.

Ширење и симптоми на вирусот

Вирусот Марбург се пренесува преку директен контакт со телесни течности на заразено лице или на животно, најчесто преку лилјаци. Симптомите почнуваат со треска, главоболка, мускулна болка, а потоа ескалираат до тежок замор, повраќање и до крвава дијареја. Овие симптоми бргу можат да преминат во хеморагична треска, што доведува до крварења од очите, устата и од другите отвори на телото.

Систематската поделба на симптомите на Марбург е во две фази, пишува Кливленд клиник.

Првата фаза на симптомите трае 5 до 7 дена и вклучува:

• Треска
• Тешка главоболка
• Кашлица
• Болка во мускулите или зглобовите
• Болки во грлото
• Осип

Можеби заболениот ќе стане малку подобро за ден или два, а потоа ќе почнат дополнителни симптоми. Втората фаза симптоми може да вклучува:

• Абдоминална болка или болка во градите.
• Повраќање
• Дијареа
• Вртоглавица
• Несакано губење на тежината
• Крвав измет или повраќање
• Крварење од носот, устата, очите или од вагината
• Конфузија

Постојат ли вакцина и лек?

И покрај напорите на научниците, сè уште не постои одобрена вакцина за вирусот Марбург. Тековните истражувања се фокусираат на развивање лекови кои би можеле да го контролираат вирусот и да го намалат степенот на смртност. Единствено достапно е лекување на симптомите, што значи дека раната детекција и брзата реакција се клучни за преживување.

Заштита и препораки

Луѓето кои патуваат во или од региони каде што постои ризик од вирусот Марбург, треба да преземат мерки за претпазливост. Тоа вклучува избегнување на директен контакт со болни лица или животни и одржување хигиенски навики. Доколку се забележат симптоми по патување во ризичен регион, важно е веднаш да се побара медицинска помош.

Закана од глобално ширење

Иако вирусот Марбург моментално не е присутен во Европа, глобализацијата и брзото патување овозможуваат вирусите да се пренесуваат многу брзо. Светската здравствена организација предупредува дека Марбург може да се појави на нови локации без претходно да се детектира бидејќи многу луѓе патуваат на различни континенти.

Периодични епидемии во Африка

Марбург е најприсутен во Централна и во Западна Африка каде што периодично се појавуваат епидемии. Случаите кои предизвикаа најголема загриженост во последните години беа во Уганда и во Демократската Република Конго. Во овие региони, недостигот на здравствени ресурси и лошата инфраструктура придонесуваат за зголемена смртност.

СЗО и локалните власти постојано преземаат мерки

Светската здравствена организација редовно издава предупредувања и препораки за намалување на ризикот од ширење на вирусот. Во Европа, властите поставија строги контроли на патници кои доаѓаат од ризични региони, а болничките капацитети се во состојба на готовност.

Пандемиите во модерното време

Инциденти како овој во Хамбург потсетуваат колку светот е подготвен, но истовремено и ранлив, на глобални закани од болести. Пандемиите како Ковид-19 го зголемија фокусот на глобалното здравје и поттикнаа дополнителни истражувања во полето на заразните болести.

Ризик и подготвеност

Вирусот Марбург е смртоносен, но не претставува неизбежна закана доколку се преземат соодветни мерки на претпазливост. Инцидентите како тој во Хамбург покажуваат колку е важно навременото реагирање и координација меѓу локалните власти, медицинските лица и медиумите.

The post КРВАВЕЊЕ ОД УСТА, ОЧИ И ОД ДРУГИ ДЕЛОВИ НА ТЕЛОТО Кои се симптомите на смртоносниот вирус Марбург и како да се заштитите? appeared first on plusinfo.mk.

Вирусот Марбург е многу заразна и смртоносна болест слична на ебола, со симптоми на треска, замор, како и повраќање и крвава дијареја. Вирусната болест Марбург може да има стапка на смртност до 88 отсто. За болеста нема вакцина и одобрени антивирусни третмани.

Во Екваторијална Гвинеја повеќе од 200 луѓе се во карантин и ограничено е движењето во провинцијата Ки-Нтем по откривањето на вирусот Марбург. И соседната земја, Камерун, исто така, го ограничи движењето долж својата граница поради загриженоста за ширењето на заразата.

За денеска е предвидена и средба на претставници на СЗО и на конзорциумот Марвак, на кој ќе се промовира меѓународната соработка за развој на вакцини против вирусот Марбург.

The post ПАНИКА ВО СЗО Смртоносниот вирус „марбург“ ни чука на врата – вакцина не постои, лек не е одобрен appeared first on plusinfo.mk.

Во централноафриканска земја повеќе од 200 луѓе се во карантин и ограничено е движењето во провинцијата Ки-Нтем по откривањето на непозната хеморагична треска. И соседната земја, Камерун, исто така, го ограничи движењето долж својата граница поради загриженоста за ширењето на заразата.

СЗО соопшти дека во Екваторијална Гвинеја покрај деветте смртни случаи, пријавени се 16 случаи на сомнителен вирусот Марбург, кои вклучуваат симптоми на треска, замор, како и повраќање и крвава дијареја.

Вирусната болест Марбург може да има стапка на смртност до 88 отсто. За болеста нема вакцина и одобрени антивирусни третмани.

Локалните здравствени власти првично пријавија случај на непозната болест која предизвикува хеморагична треска, а примерокот на 6 февруари беше испратен во лабораторија во Сенегал, што беше позитивен на вирусот Марбург.

The post ТРЕСКА, ЗАМОР, ПОВРАЌАЊЕ, КРВАВА ДИЈАРЕАЈА Се шири смртоносниот вирус „марбург“, засега е сѐ уште далеку од Македонија appeared first on plusinfo.mk.