Но, фирмата не им била отворена, ниту, пак, им ги вратил парите, по што сфатиле дека се измамени, информира полицијата.

Од СВР Тетово апелираат на внимателност.

– Апелираме граѓаните особено да внимаваат кога стапуваат во контакт со непознати лица кои им нудат разни услуги или производи и доколку се посомневаат дека се жртви на измамници, да пријават на бесплатниот број 192 или во најблиската полициска станица – нагласува портпаролот на СВР Тетово, Марјан Јосифоски.

Годинава на тетовско-гостиварското подрачје се евидентирани околу 15 измами, од кои повеќето се целосно расветлени, а сторителите се откриени.

Последниот пријавен случај се расчистува и се документира.

The post ВЕТИЛ ДЕКА ЌЕ ИМ ОТВОРИ ФИРМА ВО ДУБАИ, АМА ГИ ИЗМАМИЛ Албанец зел 11.000 евра од двајца тетовци appeared first on plusinfo.mk.

– Ноќеска околу 1 часот и 25 минути, полициски службеници на СВР Тетово го лишиле од слобода 26-годишниот тетовец К.В., кој претходно физички го нападнал неговиот 47-годишен татко Л.В. Во нападот, според пријавеното, тој употребил и остар предмет. К.В. задржан е во Полициската станица Тетово. Се расчистува и документира случајот и ќе му биде изготвен соодветен поднесок – информира Марјан  Јосифоски, портпарол на СВР Тетово.

Во 2020 година СВР Тетово бележи 74 кривични дела кои се однесувале на семејно насилство, при што најбројни се  оние со употреба на физичка сила и нанесување на телесни повреди како и загрозување на сигурноста

The post Син нападнал татко во Тетово, полицијата го приведе ноќеска appeared first on plusinfo.mk.

Двајца браќа биле приведени ноќеска во тетовската полиција откако претходно агресивно се однесувале во клиничката болница и кон полицајци кои дошле за да интервенираат. Браќата дошле во болницата за да му се укаже помош на помладиот од нив.

 – Околу 2.25 часот, полициски службеници на СВР Тетово го лишиле од слобода Н.А.(47) од Тетово, кој се однесувал агресивно и се обидел со остар предмет да ги нападне полицајците. Потоа удрил и еден од нив, откако дошол во тетовската клиничка болница, каде на Хируршкото одделение му се укажувала помош на неговиот брат Ј.А.(42). Н.А. е задржан во Полициската станица Тетово за натамошна постапка. Нешто подоцна, околу 3,.50 часот, полициски службеници на СВР Тетово го привеле и Ј.А.(42), кој се однесувал агресивно, а претходно скршил и стакло од врата во тетовската болница – информираше Марјан Јосифоски, портпарол на СВР Тетово.

Исто така, вчера околу 21 часот полицајци лишиле од слобода и три лица поради пријавено разбојништво во текот на денот.

– Полициски службеници на СВР Тетово ги лишиле од слобода Г.Е.(18) од Палатица, А.Ј.(24) и Ј.З.(23) од Тетово, поради сомнение дека околу 16.30 часот на улица „Благоја Тоска“ во Тетово, извршиле разбојништо над 19-годишниот тетовец Л.Р. Тие физички го нападнале Л.Р. и му одзеле и пари – рече Јосифоски. 

Тројцата се задржани во Полициската станица Тетово и по целосното расчистување и документирање на случајот против нив ќе следува соодветен поднесок.

The post Двајца браќа направиле ‘ршум во тетовската болница, а нападнале и полицајци appeared first on plusinfo.mk.

Полицијата во полошко започна со засилени контроли кои се однесуваат на почитувањето на мерките за заштита во автобусите и комбињата кои превезуваат патници. Со контроли ќе бидат опфатени и местата на кои се собираат младите, кои според досегашните анализи, еден дел од нив не се придржуваат кон безбедносните протоколи.

По објавувањето на зголемениот број на заразени на тетовското и гостиварското подрачје, од СВР Тетово упатуваат апел до граѓаните за доследно почитување на уредбата за носење на заштитни маски во затворен простор, автомобил, автобус и избегнување на собирање во групи со повеќе лица.

– Контролите кои се спроведуваат во овој период имаат превентивна улога во заштита од вирусот. Заради порастот на заразени со ковид- 19 на подрачјето, ги потсетуваме граѓаните задолжително да се придржуваат кон препораките во соодветната владината уредба за носење на заштитни маски и други средства. На тој начин освен што ќе го заштитат сопственото здравје, ќе ги избегнат и санкциите кои се предвидени за непочитување на мерките – вели Марјан Јосифоски портпарол на СВР Тетово.

Од полицијата, особено апелираат до младите да водат поголема сметка и да не се групираат во угостителските објекти или на отворено, како во паркови и дворови.

Јосифоски информира дека изминатиов период во полошко од стапувањето на сила на уредбата, со санкции се соочиле над пет илјади граѓани. Секојдневно се изготвуваат по околу сто платни налози согласно на член 6 од соодветната владина Уредба.

Во текот на изминатото деноноќие, според статистиката на СВР Тетово за периодот 9 и 10 јули,,  изготвени се прекршочни платни налози за неносење заштитни маски на вкупно 86 лица.

Од полицијата информираат дека во овој период на 83 лица (ТЕ-66 и ГВ-17) изготвени им се нови решенија за изолација од Државниот санитарен и здравствен инспекторат.

Контроли биле извршени над 703 лица во Тетовско и 142 во Гостиварско и како што наведува Јосифоски не биле констатирани неправилности околу почитувањето на решенијата.

The post Тетовска полиција: Носете маски и не се групирајте, ќе има казни appeared first on plusinfo.mk.